Dagur - 20.10.1992, Page 3

Þriðjudagur 20. október 1992 - DAGUR - 3
Fréttir
Rjúpnaveiðin:
Fyrstu dagarnir með rólegra móti
„Við fórum þrír um helgina og
höfðum fjórar, sex og átta
rjúpur. Við sáum mest fimm
saman í hóp þannig að þetta er
róiegt,“ sagði Asgrímur
Agústsson, skotveiðimaður á
Akureyri, aðspurður um
rjúpnaveiðina fyrstu dagana.
Miðað við fyrstu fregnir af
rjúpnaveiði er ljóst að fyrstu dag-
ana hefur „mesta“ veiðin verið
það sem af er. Veiðitölur eru
Viðræður við talsmenn Rostock
Fischfanger Rederei:
Annar fundur verður
á íslandi í desember
- málið verður skoðað frekar, sagði
Gunnar Ragnars
Gunnar Ragnars, framkvæmda-
stjóri Útgerðarfélags Akureyr-
inga hf., segir að ekki hafi
fengist niðurstaða í viðræðum
hans, Brynjólfs Bjarnasonar,
forstjóra Granda hf. og Friðriks
Pálssonar, forstjóra Sölumið-
stöðvar hraðfrystihúsanna, við
talsmenn þýska útgerðarfyrir-
tækisins Rostock Fischfanger
Rederei í Danmörku í síðustu
viku um hugsanleg kaup
íslenskra aðila á hlut í þýska
fyrirtækinu.
„Menn fóru yfir málið og rök-
ræddu sín sjónarmið. Málið er
ekki komið niður í kjölinn og því
var ákveðið að skoða þetta frekar
og sjá þá til hvernig staðan
verður. Við munum hittast aftur í
desember hér á íslandi, ef til vill
á Akureyri, og þangað til ætla
menn að skiptast á nótum,“ sagði
Gunnar. óþh
Beina flugið til Dublinar og Edinborgar:
Innkaupin eru innan
skynsamlegra marka
segir ívar Reimarsson, tollvörður
Samtals hafa verið farnar sex
ferðir til Dublinar og Edinborgar
og þrjár ferðir eru eftir. Næsta
brottför verður 29. október nk.
til Edinborgar. óþh
„Þetta hefur gengið Ijómandi
vel, fólk kaupir inn innan
skynsamlega marka,“ segir
Ivar Reimarsson, tollvörður
hjá Tollgæslunni á Akureyri,
um tollskoðun á Akureyrar-
flugvelli vegna beina flugsins
til Dublinar og Edinborgar.
ívar segir að vegna aðstöðu-
leysis á Akureyrarflugvelli taki
ívið lengri tíma að tollskoða vél-
arnar en á Keflavíkurflugvelli.
„En þetta hefur gengið ágætlega,
við erum yfirleitt sex við toll-
skoðunina," segir ívar. „Mér
finnst fólk versla innan skynsam-
legra marka. Við tökum prufur
og fólk kaupir greinilega fyrst og
fremst fatnað og leikföng."
ekki háar og það undirstrikar að
stofninn er í lágmarki.
Hæstu tölur sem Dagur hefur
fregnir af eru hjá Kolbeini Kjart-
anssyni í Hraunkoti I í Aðaldal
en hann fékk 32 rjúpur fyrsta
veiðidaginn á Þeistareykjasvæð-
inu og hann bætti við 10 daginn
eftir. Félagar hans tveir fengu
samtals 45 þessa tvo daga á sömu
slóðum.
Ásgrímur Ágústsson sagði að
svo virtist sem ungfugl sé hátt
hlutfall veiðinnar og það þykja
veiðimönnum góðar fréttar, ekki
síst út frá þeirri umræðu að ungar
hafi drepist í stórum stíl í Jóns-
messuhretinu og þar af leiðandi
sé gengið hart að stofninum með
veiðum í haust þar sem fyrst og
fremst sé veiddur fullorðinn fugl.
JOH
Kolbcinn Kjartansson frá Hraunkoti í Aðaldal var fengsæll fyrsta veiðidag-
inn. Hann fékk 32 rjúpur á Þeistareykjasvæðinu og bætti 10 við daginn eftir.
Mynd: KK
Málþing Læknafélags Akureyrar um endurhæfmgu:
Mótmælir fyrirhuguðum niðurskurði
íjárveitinga til Kristnesspítala
Sl. laugardag hélt Læknafélag
Akureyrar málþing um endur-
hæfíngu. Þingiö sóttu yfír 50
manns, læknar, sjúkraþjálfar-
ar, iöjuþjálfar og hjúkrunar-
fræðingar. Fjölmörg erindi
voru flutt og í lok þings var
eftirfarandi ályktun samþykkt
samhljóða.
„Málþing Læknafélags Akur-
eyrar um endurhæfingu, haldið
17. október 1992, ályktar:
Læknafélag Akureyrar hefur á
undanförnum árum beitt sér fyrir
endurhæfingarmálum í umdæm-
inu, meðal annars með úttekt á
þörf fyrir endurhæfingarstofnun.
Það hefur verið óviðunandi
fyrir Norðlendinga að þurfa að
sækja slíka endurhæfingu á
höfuðborgarsvæðið, fjarri heimili
og nánustu ættingjum, oft um
lengri tíma. Löng bið er eftir
slíkri þjónustu og margir fara á
mis við nauðsynlega endurhæf-
ingu. Þetta hefur leitt af sér aukið
álag á bráðadeildir, heilsugæslu,
sjúklinga og aðstandendur
þeirra.
Á síðustu misserum hefur farið
fram vaxandi endurhæfingar-
starfsemi á Kristnesspítala og
hefur starfsemin hlotið stuðning
allra fagaðila. Er þar komið til
móts við mjög brýna þörf. Þó er
ljóst að starfseminni er enn
mjög þröngur stakkur sniðinn.
Fundurinn mótmælir harðlega
fyrirhuguðum niðurskurði fjár-
veitinga til Kristnesspítala og
krefst þess að heilbrigðisyfirvöld
standi við fyrri áætlanir og sam-
þykktir um uppbyggingu endur-
hæfingar þar.“ ój
Bandalagsráðstefna BSRB haldin í gær:
Atvinnuleysi kallar á aukið atvinnuleysi
- og beinir samfélögunum inn í vítahring líkt og verðbólgan, sagði Ögmundur
Jónasson, formaður BSRB m.a. í framsöguræðu sinni
Ögmundur Jónasson, formað-
ur Bandalags starfsmanna ríkis
og bæja, flutti framsöguerindi
á Bandalagsráðstefnu BSRB
sem haldin var í gær. Ögmund-
ur sagði m.a. að nú færi fram
Blönduós:
Fundað með hafnamálastofnun
- um fyrirhugaðan brimvarnargarð
Fulltrúar Hafnamálastofnun-
ar ríkisins áttu fund með
bæjarstjórn Blönduóss sl.
fimmtudagskvöld vegna forvals
á verktökum við fyrirhugaða
byggingu á brimvarnargarði.
Að sögn Ófeigs Gestssonar
bæjarstjóra verður málið tekið
fyrir á bæjarstjórnarfundi í dag
og er þá að vænta ákvörðunar í
málinu.
Fyrirhugað er að byggja brim-
varnargarð norðan við bryggjuna
á Blönduósi og í því skyni fór
fram forval á verktökum og áttu
þeir sem þátt tóku að skila inn
forvalsgögnum 30. sept. sl. Á
fundinum kom fram að Hafna-
málastofnun leggur til fyrir sitt
leyti að sjö aðilar fái útboðsgögn
og verður frá því gengið á bæjar-
stjórnarfundi í dag, þriðjudag,
hvort þessir aðilar verða sam-
þykktir eða hvort málið fær aðra
meðferð. sþ
Frá þessari vík verður brimvarnargarðurinn nýi byggður
Myndin er tekin frá bryggjunni.
sveig norður.
Mynd: SÞ
mikil umræða í þjóðfélaginu
um fyrirsjáanlegan vanda
þjóðarbúsins og þá umfram
allt vaxandi atvinnuleysi. í því
sambandi og vegna skulda-
byrði ríkissjóðs hefur verið
rætt um leiðir til að draga úr
kostnaði velferðarkerfísins og
umsvifum ríkisins almennt.
„Rætt er um einkavæðingu
opinberra fyrirtækja að sögn til
að afla ríkissjóði tekna og þá hef-
ur í svokallaðri atvinnumála-
nefnd verið fjallað um skattkerf-
isbreytingar sem hafa það að
markmiði að draga úr skatt-
heimtu á atvinnufyrirtæki. í því
sambandi hefur verið skírskotað
til efnahagsráðstafana í Svíþjóð
undanfarnar vikur. Gerum
eitthvað svipað segja menn. Oft
er þörf en nú er nauðsyn.
Atvinnuleysi fer vaxandi og
skuldir þjóðarbúsins hrannast
upp.“
Ogmundur sagði að alvarleg-
asta vandamálið sem við nú
stöndum frammi fyrir sé vaxandi
atvinnuleysi. „Á eftirstríðsárun-
um að undanteknum síðustu
árum sjöunda áratugarins hefur
atvinnuleysi verið lítið á íslandi
eða að jafnaði í kringum eitt
prósent og var fyrst og fremst
staðbundið og tímabundið. Nú er
atvinnuleysi hins vegar komið
upp í 3% - sums staðar á landinu
miklu meira - og hætt er við að
það fari vaxandi. Atvinnuleysi er
þjóðfélagsmein sem verður að
uppræta. Það hefur sýnt sig hjá
öðrum þjóðum að nái atvinnu-
leysi að grafa um sig er erfitt að
losna við það. Atvinnuleysi kall-
ar á aukið atvinnuleysi, það bein-
ir samfélögunum inn í vítahring
líkt og verðbólgan. Með atvinnu-
leysi leggst hin dauða hönd
stöðnunar og misréttis yfir sam-
félögin.“
Ögmundur segir að það sé
blekking að tala um stöðugleika í
íslensku þjóðfélagi. Hér ríki ekki
stöðugleiki heldur jafnvægisleysi.
„Vandinn í íslensku þjóðfélagi er
vaxandi ójafnvægi og misskipt-
ing. Sá vandi verður ekki leystur
með því að gengisfella óbreytta
þjóðfélagsmynd. Sá vandi verður
aðeins leystur með því að breyta
innra samhengi í samfélaginu."
Ögmundur bendir á að það
verði gert með því að efla vel-
ferðarkerfið í stað þess að veikja
það, með því að auka kaupmátt
lágs kauptaxta, ekki skerða hann
hvort sem það er með kauplækk-
un eða skattahækkun. Með því
að ná inn í samneysluna fjármun-
um sem skotið er undan, með því
að skattleggja þá sem eru aflögu-
færir hvort sem það eru hátekju-
menn eða fjármagnseigendur og
nota þá fjármuni til kjarajöfnun-
ar og atvinnusköpunar og með
því að færa niður fjármagns-
kostnað sem sennilega er einn
alvarlegasti orsakavaldur þess
misréttis sem við nú búum við í
landinu. -KK