Dagur - 20.10.1992, Side 11

Þriðjudagur 20. október 1992 - DAGUR - 11
HÉR & ÞAR
Hópur glaðbeittra nemenda frá menntaskólanum í Nuuk. Krakkarnir voru ánægðir með dvölina á Akureyri og
töldu slíkar kynnisferðir bráðnauðsynlegar, ekki síst væri mikilvægt að efla samskipti íslands og Grænlands.
Myndir: Robyn
Hópur menntskælinga frá Nuuk á Grænlandi heimsótti Akureyri:
Ótrúlega margir bflar á íslandi
Saniskipti íslands og Græn-
lands hafa í gegnum tíðina ver-
ið ótrúlega lítil. Þó má á síðari
árum greina aukinn áhuga í
báðum löndum á samskiptum,
ekki síst á menningarsviðinu.
Fyrr í þessum mánuði var hóp-
ur menntskælinga frá höfuð-
staðnum Nuuk á Grænlandi á
Akureyri og kynnti sér meðal
annars nám í Menntaskólanum
á Akureyri.
Einnig fóru menntskælingarnir
í stuttar ferðir út fyrir Akureyri.
Blaðamaður hitti hópinn að máli
skömmu áður en hann flaug aftur
til Nuuk og spjallaði við þrjá
nemendur, Spren Holmelund
(Dani - hefur búið í 15 ár á
Grænlandi og hefur bæði græn-
lensku og dönsku á valdi sínu),
Arnarissoq Jakobsen (innfæddur
Grænlendingur), Pál Cristian
Eiden (Norðmaður - hefur búið
til skamms tíma á Grænlandi) og
Estrid Janussen, kennara.
„Ég get nú ekki sagt að ég hafi
vitað mikið um ísland,“ var svar
Sörens þegar spurt var um hversu
mikið Grænlendingar vissu um
ísland. „Ég hafði auðvitað lesið
um eldvirkni hér og svo þekkti ég
nafnið á höfuðborginni og forset-
anum ykkar,“ hélt hann áfram.
„Ég leyfi mér að fullyrða að
við kennararnir og nemendurnir
höfum haft mikið gagn og gaman
af þessari ferð og við viljum
koma á framfæri sérstöku þakk-
læti til kennara við Menntaskól-
ann á Akureyri og annarra sem
Estríd Janussen: Höfum haft mikið
gagn og gaman af þessarí ferð.
Arnarissoq Jakobsen: Að sumu
leyti er náttúran á íslandi ekki
ósvipuð og á Grænlandi.
aðstoðuðu okkur við þessa ferð,“
sagði Estrid. Krakkarnir kinkuðu
kolli og voru sammála um að
heimsóknin til Akureyrar hafi
verið mjög áhugaverð og íslensk
náttúra og margt í íslenskri
menningu hafi heillað þau. Þá
nefndu þau að Sundlaug Akur-
eyrar hafi verið óspart notuð,
enda stórkostlegt að geta slappað
af í heitum pottum, slík þægindi
væru óþekkt á Grænlandi. „Það
hefur komið okkur dálítið á óvart
hversu marga bíla íslendingar
Pál Christian Eiden: Mér virðist
íslcnska hljóma eins og forn-norska.
Soren Holmelund: Eg ge'. nú ekki
sagt að ég hafi vitað r.ikið um ís-
land.
eiga. Þeir eru mun fáséðari
heima í Nuuk. „En að sumu leyti
er náttúran hér ekki ósvipuð og á
Grænlandi," sagði Arnarissoq. „í
mínum eyrum hljómar íslenskan
eins og forn-norska,“ sagði Pál
Christian og hló og bætti við að
sér virtist íslendingar skilja tölu-
vert í dönsku þó svo að þeir vildu
helst ekki hafa frumkvæði að því
að tala hana.
Auk menntaskólans í Nuuk
eru tveir samsvarandi skólar á
Grænlandi. í skólanum í Nuuk
fer kennslan fram á dönsku.
Krakkarnir sögðu að ekki væru
allir innfæddir Grænlendingar
sáttir við það. Nám í mennta-
skóla á Grænlandi er að mörgu
leyti mjög frábrugðið því sem
þekkist t.d. í Menntaskólanum á
Akureyri. Þar velja nemendur
ákveðnar brautir, en krakkarnir
frá Nuuk sögðu að þeir ættu
meira val um einstakar náms-
greinar. „Algengt er að Græn-
lendingar sæki framhaldsnám til
Danmerkur. Ég býst við að
tungumálið sé helsta ástæðan fyr-
ir því hversu fáir sækja háskóla-
nám til íslands. Stúdentar frá
Grænlandi þyrftu að byrja á að
læra tungumálið og það tekur
auðvitað sinn tíma. Dönskuna
hafa þeir hins vegar á valdi sínu
og því liggur beint við að fara til
Danmerkur,“ sagði Spren Holme-
lund. óþh
Ódýrar gallabuxur
kr. 1.695.
Sendum í póstkröfu
★
Reyrhúsgögn - Stakir stólar.
Úrval af gjafavöru og bastkörfum.
BíeiM féiiinn
Kaupangi v/Mýrarveg.
Sími 12025.
VISA
Laxveiðiá
til leigu
Óskað er eftir tilboðum í Sunnudalsá í
Vopnafirði.
Áskilinn réttur til að taka hvaða tilboði sem er eða
hafna öllum.
Uppl. í síma 97-31466 Bragi, 97-31463 Péturog 97-
31508 Haraldur.
Stjórn Veiðifélags Hofsár og Sunnudalsár.
HEILSUGÆSLUSTÖÐIN A akureyri
Inflúensu-
bólusetning
Eins og á undanförnum árum verður almenningi
gefinn kostur á bólusetningu gegn inflúensu við
Heilsugæslustöðina á Akureyri, nú fyrri hluta
vetrar.
Þeir einstaklingar sem voru bólusettir á síðastliðnu
ári og óska eftir bólusetningu nú, þurfa ekki að láta
skrá sig, heldur verður haft samband við þá.
Þeir sem voru bólusettir á síðastliðnu ári, en vilja
það ekki í ár, eru beðnir að tilkynna það á Heilsu-
gæslustöðina, það sama gildir um þá sem ekki voru
bólusettir á síðastliðnu ári, en óska þess nú.
Heilsugæslustöðin á Akureyri.
0ÁSCO SF
VÉLSMIÐJA
Laufásgata 3, sími 11092.
Ðifreiðaeigendur, vinnuvélaeig-
endur, bændur, trillusjómenn
Viö erum sérhæföir í
rafmagnsviðgerðum og höfum
fullkomin tæki og gott varahlutaúrval.
Það tryggir fljóta og
markvissa þjónustu.
Við gerum föst verðtilboð, sé þess
óskað, jafnvel í smæstu verk.
Geríð svo vel að hafa samband.
Ef rafkerfið er í ólagi höfum við lausnina.
Við kappkostum að veita fljóta og góða þjónustu.
Mikið úrval varahluta, alternatora,
startara o.fl. o.fl.