Dagur - 20.10.1992, Síða 13
Þriðjudagur 20. október 1992 - DAGUR - 13
Frá undirritun samninga um styrki stórfyrirtækjanna við Iþróttir fyrir alla, frá vinstri: Bjarni Snæbjörn Jónsson,
markaðsstjóri Skeljungs, Einar Sveinsson, forstjóri Sjóvá-Almennra, Sverrir Hermannsson, bankastjóri Lands-
bankans og Sigrún Stefánsdóttir, formaður íþrótta fyrir alla.
Göngudagurinn um land allt 22. október:
Myndarlegur fjárstuðningur
stórfyrirtækja á göngudegi
Olíufélagið Skeljungur,
Landsbankinn og Sjóvá-
Almennar hafa ákveðið að
styðja með myndarlegum hætti
við bakið á samtökunum
íþróttir fyrir alla og göngu-
átaki sem hefst formlega 22.
október nk. um land allt.
Samningar þessa efnis voru
undirritaðir í Reykjavík fyrir
skömmu.
Sigrún Stefánsdóttir er for-
maður samtakanna íþróttir fyrir
alla. Hún .sagði undirhúning
vegna göngudagsins vera allvel á
veg kominn og að allt benti til að
mikill fjöldi manna legði land
undir fót 22. október nk. Sam-
tökunum væri ætlað að starfa á
landsvísu og stefna á að þau yrðu
fljótlega stærsta einingin innan
ÍSÍ með um 30.000 iðkendur.
Fjárframlög fyrirtækjanna gerðu
samtökunum í raun kleift að
starfa og þakkaði hún framlögin
fyrir hönd stjórnar ÍFA.
Sverrir Hermannsson, banka-
stjóri Landsbankans, sagði við
þetta tækifæri að bankinn hefði
ávallt stutt við bakið á íþrótta-
hreyfingunni enda væri bankinn
bakhjarl allra landsmanna, einnig
íþróttamanna. Bankinn hefði trú
á að samtökin íþróttir fyrir alla
ætti eftir að verða fjöldahreyfing.
Einar Sveinsson, forstjóri
Sjóvá-Almennra, tók í sama
streng. Hann ræddi um forvarn-
arstarf samtakanna og sagði það
upphefð fyrir hans fyrirtæki að fá
að styðja við bakið á svo góðu
málefni. Þar yrði bæði um fjár-
hagslegan stuðning að ræða og
afslátt af tryggingariðgjöldum.
Bjarni Snæbjörn Jónsson,
markaðsstjóri Skeljungs, skrifaði
undir styrktarsamning fyrir hönd
fyrirtækisins. Hann sagði það
stefnu fyrirtækisins að draga úr
minni styrkjum til félagasamtaka
en hafa þá hins vegar myndar-
legri í hvert skipti. Samningurinn
við íþróttir fyrir alla væri fyrsta
skrefið í þá átt.
Göngudagurinn 22. október
markar í raun upphafið á starfi
IFA. Þegar hafa starfsmanna-
félög margra fyrirtækja skráð sig
til þátttöku en af hálfu skóla,
íþróttafélaga, sveitarfélaga og
fjölmargra einstaklinga er verið
að undirbúa daginn í öllum lands-
hornum.
Stuðningur fyrirtækjanna
þriggja við íþróttir fyrir alla gerir
samtökunum kleift að skipuleggja
söfnun félaga og starfa áfram
af þrótti um land allt. Ætlun-
in er að bjóða upp á ráðgjöf og
þjónustu í fyrirtækjum, standa
reglulega fyrir fjöldasamkomum
eins og almenningshlaupum og
göngudögum, efna til fræðslu-
námskeiða um næringarfræði og
mikilvægi þess að stunda holla
hreyfingu, gefa út fræðsluefni og
bjóða upp á afslætti til félags-
manna hjá sportvörubúðum og
íþróttamiðstöðvum svo eitthvað
sé nefnt. (Fréttatilkynning)
Bridgefélag Vestur-Húnvetninga á Hvammstanga:
Vetrarstarfið hafið af fullum krafti
Vetrarstarf Bridgefélags Vest-
ur-Húnvetninga á Hvamms-
tanga er hafið af fullum krafti
og fjögur spilakvöld þegar að
baki. Á fyrsta spilakvöldinu
fór fram sveitakeppni og voru
pörin dregin saman. Þá sigraði
sveit Sigurðar Þorvaldssonar
sveit Halldórs Sigfússonar.
Síðustu þrjú spilakvöld hefur
verið spilaður Howell-tví-
menningur. Sex pör mættu til
leiks á fyrsta kvöldið og þá sigr-
uðu Eggert Ó. Levý og Unnar
Atli Guðmundsson með 46 stig.
Karl Sigurðsson og Einar Jóns-
son höfnuðu í öðru sæti með 44
stig og Guðmundur H. Sigurðs-
son og Sigurður Þorvaldsson í
því þriðja með 44 stig. Meðal-
skor var 40 stig.
Eggert og Unnar Atli fögnuðu
einnig sigri á öðru tvímennings-
kvöldinu en þá mættu 8 pör til
leiks. Þeir félagar hlutu 92 stig en
Halldór Sigfússon og Pálmi Sig-
urðsson höfnuðu í öðru sæti með
78 stig og þeir Guðmundur H.
Sigurðsson og Sigurður Þorvalds-
son í því þriðja með 67 stig.
Meðalskor var 63 stig.
í síðustu viku voru það svo
þeir Guðmundur H. og Sigurður
sem sigruðu með 129 stig. Eggert
og Unnar Atli höfnuðu í öðru
sæti með 118 stig og þeir Hall-
mundur Guðmundsson og Konráð
Einarsson í því þriðja með 115
stig. í fjórða sæti urðu síðan þeir
Þórður Jónsson og Einar M. Sig-
mundsson með 113 stig. Alls
mættu 9 pör til leiks og var
meðalskor 108 stig. -KK
Samviimuferðir semja við Ásgeir
Hinn kunni knattspyrnumaður Ásgeir Sigurvinsson hefur tekið
að sér að skipuleggja íþróttaferðir á vegum Samvinnuferða-
Landsýnar.
Samvinnuferðir-Landsýn hafa um langt árabil átt mikil sam-
skipti við íþróttahreyfinguna í landinu og séð um skipulag ferða-
laga innanlands og utan fyrir íþróttahópa. Hefur hér bæði verið
um að ræða keppnisferðir og æfingaferðir fyrir félagslið og svo
auðvitað ferðir fyrir smærri hópa og einstaklinga.
Ásgeir Sigurvinsson mun sjá um val á margvíslegri aðstöðu
erlendis fyrir íþróttaiðkun og æfingar, leggja mat á þá þjónustu
sem í boði er og gera tillögur um nýja staði.
Auglýsing
frá skattstofu Norðurlandsumdæmis eystra
SkattstQfa Norðurlandsumdæmis eystra verður
lokuð föstudaginn 23. október vegna flutnings.
Opnað verður 26. október í nýju húsnæði sem er á
fimmtu hæð Hafnarstrætis 95 (einni hæð ofar en nú
er).
Afgreiðslutími breytist frá og með 26. október. Skatt-
stofan verður opin frá 9.30 til 15.00 alla virka daga.
Einnig verða tekin í notkun ný símanúmer frá og
með 26. október.
Skiptiborð 12400
Virðisaukaskattsdeild 12410
Símfax 27447
Skattstjórinn í Norðurlandsumdæmi eystra
L --------- J
Til neytenda
og forráðamanna
matvælafyrirtækja
Slátrun búfjár skal eingöngu fara fram í löggiltum
sláturhúsum ef selja á afurðirnar. Heimilt er að slátra
hæfilegum fjölda búfjár til eigin neyslu á lögbýlum
utan kaupstaða og kauptúna, en ekki er heimilt að
dreifa þessum afurðum frá lögbýlinu, hvort heldur er
til einkaaðila eða fyrirtækja.
Við heimaslátrun fer heilbrigðisskoðun ekki fram og
því er hætta á að afurðirnar séu mengaðar og óhæf-
ar til neyslu. Heimaslátruðu kjöti sem finnst í dreif-
ingu skal því fargað vegna sýkingarhættu.
Af þessum sökum er stranglega bannað að taka
óskoðað kjöt inn í matvörufyrirtæki, kjötvinnslur eða
veitingastaði. Heilbrigðisfulltrúar og héraðsdýra-
læknar fylgjast með að settum reglum sé fylgt og
munu þeir leita aðstoðar lögreglu ef nauðsyn krefur.
Hollustuvernd ríkisins. Yfirdýralæknir.
í von um að þið lesið þessar línur,
allir mínir elskulegu vinir,
sem á ógleymanlegan hátt glödduð mig
á 80 ára afmæli mínu,
sendi ég ykkur hjartans þakkir.
Vinsemd ykkar á þessum tímamótum
gladdi mig og konu mína mjög.
Cuð blessi ykkur öll.
SIGURÐUR V. DEMETZ
Eiginmaður minn og faðir okkar,
ÞÓRARINN LOFTSSON,
bókbindari,
Nýbýlavegi 102, Kópavogi
áður til heimilis að Hólabraut 19, Akureyri, lést 15. október.
Valný Eyjólfsdóttir,
Ragna Þórarinsdóttir,
Steinþór Þórarinsson.
Þökkum auðsýnda samúð og hlýhug við andlát og útför móður
okkar, tengdamóður, ömmu og langömmu,
INGIBJARGAR TRYGGVADÓTTUR,
frá Garðsvík,
Dvalarheimilinu Hlíð.
Sérstakar þakkir sendum við starfsfólki Dvalarheimilisins Hllð-
ar fyrir frábæra umönnun.
Guðrún Jónsdóttir, Halldór Þ. Ólafsson,
Margrét Rörtveit, Leif Rörtveit,
Tryggvi Jónsson,
Þórey Jónsdóttir,
Bjarni Jónsson, Bryndís Gunnarsdóttir,
Friður Jónsdóttir, Svanberg Gunnlaugsson,
barnabörn og barnabarnabörn.