Dagur - 20.10.1992, Qupperneq 14

14 - DAGUR - Þriðjudagur 20. október 1992
GLERÁRGÖTU 36
Sími11500
■ Eyrarlandsvegur: Einbýlis-
hús á tveimur hæðum ásamt
kjallara samtals um 270 fm. Til
greina kemur að taka minni eign
í skiptum. Áhvílandi húsn.lán um
5.3 millj.
■ Lerkilundur: Einbýlishús á
einni hæð ásamt bílskúr samtals
um 172 fm. Áhvílandi húsn.lán
um 2.3 millj. Laust eftir sam-
komulagi.
■ Dalsgerði: Mjög gott raðhús
á tveimur hæðum 5-6 herb.
samtals um 152 fm. Áhvílandi
húsn.lán um 5.3 millj.
■ Sólvellir: Parhús - suður-
endi - 4-5 herb. um 128.0 fm.
Laust eftir samkomulagi.
■ Heiðarlundur: Raðhús á
tveimur hæðum ásamt bilskúr
samtals um 174 fm. Skipti á rað-
húsi á tveimur hæðum án bíl-
skúrs hugsanleg.
■ Vantar: Góða húseign með
tveimur fbúðum t.d. 2ja herb. og
4-5 herb. Skipti á góðri hæð
ásamt bílskúr við Norðurgötu
koma til greina.
MSTBGNA& (J
SKMMUSS
NMMIMANDS 11
Glerárgötu 36, sími 11500
Opið virka daga kl. 13-17 og á
morgnana eftir samkomulagi.
Sölustjóri:
Pétur Jósefsson
Lögmaður:
Benedikt Ólafsson hdl.
VINNINGAR FJÖLDI VINNINGSHAFA upphæðAhvern VINNINGSHAFA
1. 5af5 0 2.421.187.-
4aí5^i W 1 420.697,-
3. 4al5 123 5.900,-
4. 3al5 3.894 434,-
Heildarvinningsupphæð þessa viku: 5.257.580.-
g
uppLÝstNGAR: sImsvari 91 -681511 lukkulIna991002
Mmnum
hvert annað á -
Spennum beltin!
ÚUMFERÐAR
RÁÐ
Minning
Síðbúin kveðja:
cjri Jón Ingimar Kristjánsson
^ Fæddur 8. nóvember 1919 - Dáinn 21. mars 1992
Jón Ingimar fæddist 8. nóvember
1919 á Brautarhóli í Glerár-
hverfi, Akureyri. Faðir hans var
Kristján Jóhann, sonur Jóns
Gunnlaugssonar og Þórunnar
Sigurjónsdóttur, sem lengi bjuggu
í Asi í Glerárhverfi. Móðir Jóns
og kona Kristjáns hét Anna Jóns-
dóttir frá Vatnsleysu í Glæsibæj-
arhreppi. Foreldrar hennar voru
Jón Agústsson og Margrét Hall-
dórsdóttir.
Jón Ingimar var fyrsta barn
foreldra sinna en eignaðist fjórar
systur, sem hlutu nöfnin Alda,
Laufey, Þorgerður og Antonía
Júlía. Öll hafa systkinin búið í
Glerárhverfi. Systurnar gifst og
eiga niðja, en Jón ekki kvænst og
barnlaus.
Fátt er mér kunnugt um upp-
vöxt Jóns. Hann gekk í barna-
skóla Glerárhverfis og sóttist
námið bærilega. Mikils ástríkis
naut hann í æsku, einkum var
sambandið innilegt milli móður
og sonar og hélst það á meðan
bæði lifðu. Föður sinn missti Jón
1960, en móðir hans lést 1974. Til
þess var tekið, hve Jón lét sér
annt um móður sína, eftir að
heilsu hennar hrakaði. Reyndi
hann að gleðja hana með ýmsu
móti, t.d. fór hann oft með hana
í bílferðir.
Stuttu eftir fermingu fór Jón að
vinna í klæðaverksmiðjunni
Gefjun. Þar vann hann á annan
áratug. Þá strax fékk hann hól
fyrir hve hann hugsaði vel um
starf sitt.
Þegar Jón hætti hjá Gefjun réð
hann sig hjá Krossanesverk-
smiðjunni og vann þar slitalaust
fram til að verksmiðjan brann á
níunda tugnum. Var hann lengst
af kyndari. í almæli var hve hann
lét sér annt um þetta ábyrgðar-
starfi sitt. Aldrei vantaði hann,
nema veikindi ættu sér stað og
það kom sjaldan fyrir. Og ekki
var kvartað, þó að meira þyrfti
að vinna en skyldan bauð. Um-
hyggja hans og samviskusemi var
svo frábær að allir, sem kynntust,
undruðust.
En svona var Jón. Hann lagði
sig fram um að inna af höndum
hvert verk, sem hann tók að sér,
svo vel sem kostur var. Hann var
ekki í rónni, nema hlutirnir væru
í faglegu og traustu ástandi.
Þegar Jón byrjaði að vinna í
Krossanesi var ekki unnið þar
nema hluta úr árinu, þá að sumr-
inu. Jón tók því að leggja stund á
húsbyggingar þann tíma, sem
verksmiðjan í Krossanesi var
lokuð. Hann hafði ekki lært neitt
til bygginga, en hann var svo lag-
virkur og verkhagur að allt lét í
höndum hans og varð auðvelt.
Hann vann mikið hjá Gísla
Kristjánssyni frænda sínum við
hinar miklu byggingar, sem hann
lét reisa í Hlíðartúni í Mosfells-
sveit. Víða annars staðar var
hann hjálpsamur, enda átti hann
bágt með að neita nokkrum
bónar. Hjá mér var hann við
múrverk og þiljun, þegar íbúðar-
húsið var í byggingu. Kom það
sér vel, því að erfitt var að ná í
menn. Þannig var Jón bjargvætt-
ur margra skyldra og óskyldra og
ekki seldi hann vinnu sína dýrt.
Gott var að hafa Jón í svona
vinnu, sem annarri. Hann skipti
varla skapi og alltaf var rólegt í
kringum hann og hlýlegt. Góð-
mennska hans átt' sér lítil
takmörk. Honum var mest í mun
að verða öðrum að liði, þannig
kom lífsfylling.
Á árinu 1990 veiktist Jón og
kom ekki til heilsu aftur. Lá hann
fyrst á sjúkrahúsinu á Akureyri
og síðar á Kristnesspítala og þar
andaðist hann 21. mars 1992.
Hann var jarðsunginn frá Glerár-
kirkju, en jarðsettur í Lögmanns-
hlíðarkirkjugarði 30. mars.
Hér er horfinn sannur drengur,
sem ekki vildi vamm sitt vita. Ég
bið honum blessunar í nýjum
heimi.
Helgi Símonarson.
4' Kristján Guðmundsson
Fæddur 23. mars 1931 - Dáinn 11. október 1992
Ég get ekki látið hjá líða að setj-
ast niður og minnast Gósa frænda
míns eins og hann var alltaf kall-
aður, eða ætti ég frekar að segja
þakkargrein.
Mig langar að þakka Gósa fyrir
það sem hann gerði fyrir okkur
systurnar, þegar við misstum
pabba okkar aðeins fimm og sjö
ára gamlar. Þá var gott að eiga
góðan og hlýjan föðurbróður og
ekki skemmdi það að stutt var að
hlaupa í Ránargötu 4, þar sem
Gósi bjó þá ásamt afa, ömmu og
Alla, og þar áttum við okkar
hlýja föðurfaðm sem gott var að
flýja í. Fyrir það vil ég þakka í
dag fyrir hönd okkar systranna.
Vegna starfs míns var ég mikið
hjá Gósa síðustu dagana hans
hérna hjá okkur. Friðurinn í stof-
unni hans, er ég sat hjá honum
síðasta kvöldið, var svo mikill að
ég gat ekki annað en fundið það
og skynjað. Þar var fólkið hans
allt saman, sem honum þótti svo
mikið vænt um, hjá honum og
það fann hann svo vel.
Elsku Ásta mín, Sella, Odda,
Óli og fjölskyldur, elsku Jói og
Alli, ég votta ykkur mína dýpstu
samúð, megi góður guð umvefja
ykkur á þessum sorgarstundum.
Elsku Gósi minn.
Farðu í friði.
Friðurguðs þig blessi.
Hafðu þökk fyrir allt og allt.
Þín frænka Hafdís.
Kvikmyndarýni
Ár byssunnar
Borgarbíó sýnir: Ar byssunnar
(Year of the Gun).
Leikstjóri:John Frankenheimer.
AOalhlutverk: Andrew McCarthy, Valeria
Colino og Sharon Stone.
J. and M. Entertainment 1991.
Illt umtal er betra en ekkert umtal,
segir einhvers staðar og víst er um
það að í skemmtanabransanum er
ekki hægt að finna öllu sannari
staðhæfmgu; nema ef væri; illt
umtal er betra en gott. Kvik-
myndin Ár byssunnar virðist ætla
að verða ágætis dæmi um þetta.
Hér er á ferðinni frábært kvik-
myndaverk, svo gott að mér ligg-
ur við að segja að það ætti að vera
skylduverkefni nemenda í fram-
haldsskólum að sjá það og skrifa
um stutta ritgerð. En kvikmyndin
hefur liðið fyrir þögnina. Engum
hefur dottið í hug að skammast
yfir ofbeldinu í henni eða klám-
inu. Hryðjuverkamenn nútímans
eiga sér engin samtök sem geta
blásið til mótmæla vegna þeirrar
útreiðar er starfsbræður þeirra fá
hjá leikstjóranum John Franken-
heimer. Byltingarsinnar eru svo
kviðdregnir um þessar mundir að
þeir segja ekki múkk þó að veist
sé að þeim á opinberum vettvangi.
Enginn hneykslast og engin for-
vitni er vakin með okkur leik-
mönnum. Fyrir vikið verða það
örlög kvikmyndar eins og Árs
byssunnar að gleymast - eða
hvað?
Þó að ég hafi sagt hér að fram-
an að framhaldsskólanemendur
ættu að sjá umrædda kvikmynd þá
er það engan veginn vegna þess
að ég álíti hana hæfa þeirra aldri
betur en okkar sem erum byrjuð
að grána í vöngum og týna niður
millifótafiðringnum. Ár byssunnar
á erindi til okkar allra. Hún segir
sögu af mannlegu eðli; efnið er
kaldranalegt en úrvinnslan er
blessunarlega laus við vélræna
lausn hins sígilda reyfara frá
Hollywood.
Ár byssunnar er ofin í kringum
þann atburð þegar Rauðu her-
deildimar rændu hinum ítalska
Aldo Moro. Samfélagið er í upp-
lausn og byltingarsinnar kynda
ófriðarbál. Bandarískur blaðamað-
ur, sem Andrew McCarthy leikur,
kemur til Ítalíu þar sem hann á
unnustu. Hann fær vinnu við hæfi
en í frístundum sínum dundar
hann sér við að semja skáldsögu
um Rauðu herdeildimar. Fyrir til-
viljun sveigir McCarthy sögu sína
inn á sömu braut og hinir raun-
vemlegu hryðjuverkamenn ganga.
í sögunni er undirbúið rán Aldo
Moros. Á'sama tíma eru herdeild-
armenn að leggja á ráðin um að
ræna honum og em alls ekki að
grínast. Handrit að sögunni kemst
Sharon Stone felur sig á bak við Ijósmyndavél í hinni frábæru kvikmynd Ári
byssunnar þar sem hún bregður yfir sig gervi harðsnúins blaðamanns.
í hendur hryðjuverkamannanna
sem grípa til harkalegra aðgerða,
enda sannfærðir um að einhver
hafi komið upp um ráðabmggið.
Það er ekki einasta að hug-
myndin að Ári byssunnar sé
snjöll, leikaramir eru einnig frá-
bærir og kvikmyndatakan skilar
þeim hughrifum sem henni er ætl-
lað þannig að bíófarinn skynjar
andblæ tímans rétt eins og hann
væri sjálfur staddur á sviðinu. Að
auki hefur Ár byssunnar siðferði-
legan boðskap, ekki þó þannig að
á honum sé hamrað eða hann sé
öllum auðsær, einfaldur og tær.
Nei, bíófarinn verður sjálfur að
erfiða svolítið og brjóta til mergjar
efni þessarar stórgóðu kvikmynd-
ar.