Dagur - 22.12.1992, Qupperneq 4

4 - DAGUR - Þriðjudagur 22. desember 1992
Nú er
tvöfaldur
l.vinningur!
Vertu með
draumurinn gæti orðið að veruleika !
Háskólinn á Akureyri 1
svelti vegna Háskóla fslands?
Þann 16. desember sl. birtist í
dagblaðinu Degi grein undir
fyrirsögninni „Háskóli íslands í
svelti vegna Háskólans á Akur-
eyri?“. Þar er leitast við að svara
ofangreindri spurningu með við-
tölum við fólk úr háskólalífinu.
Færð eru rök fyrir því að Háskól-
inn á Akureyri sé óhagkvæmur í
rekstri miðað við Háskóla íslands
með tilliti til fjölda nemenda.
Hæpinn samanburður
Þegar rekstrarkostnaður skólans
er gagnrýndur svo og fjárveiting-
ar til framkvæmda, þá er því til
að svara að stofnunin er ung að
árum. Á meðan hún er í vexti
gefur auga leið að nemendafjöld-
inn er í vexti líka, sem aftur
stuðlar að lækkandi rekstrarkostn-
aði á nemanda. Þannig er hæpið
að bera saman Háskóla íslands
og Háskólann á Akureyri með
Sigrún Tryggvadóttir.
tilliti til fjárveitinga.
Fleira gerir kostnaðarsaman-
burðinn hæpinn. Háskólinn á
Akureyri dregur aðallega til sín
fólk af Norðurlandi, en einnig frá
öðrum landshlutum. Þegar það
fólk útskrifast er líklegt að það
kjósi að starfa þar í framtíðinni.
Þá skapar háskólinn atvinnu og
eflir rannsóknir á svæðinu, sem
skilar sér aftur út í atvinnulífið
þar.
Allt eru þetta atriði sem taka
þarf til greina áður en Háskólinn
á Akureyri er gagnrýndur á
grundvelli kostnaðar.
Háskólinn á Akureyri var
stofnaður með lögum árið 1988.
Þar fer fram öflugt og fjölbreytt
kennslu- og rannsóknarstarf sem
nauðsynlegt er að efla enn
frekar. Því miður hefur nauðsyn-
legt fé til uppbyggingar ekki sicil-
að sér sem skyldi. Er Háskólinn á
Akureyri í svelti vegna Háskóla
íslands?
Sigrún Tryggvadóttir.
Höfundur er formaður félags stúdenta við
Háskólann á Akureyri.
Tónlist
Fyrstu tónleikamir í Glerárkirkju
Fyrstu eiginlegu tónleikarnir í
Glerárkirkju voru haldnir laugar-
daginn 12. desember. Þeir hófust
á leik Kammerhljómsveitar
Akureyrar, undir stjórn Jóhanns
Baldvinssonar, organista kirkj-
unnar. Hljómsveitin flutti tvö
verk eftir G. F. Hándel: Sinfóníu
úr óratoríunni Salómon og hið
síðara Concerto grosso op. 6 nr.
7.
Leikur hljómsveitarinnar í
fyrra verkinu var góður og hefur
afar sjaldan verið eins ánægjulegt
að heyra hana. Strengir voru vel
samtaka og með góðan tón og
túlkunaratriði, svo sem styrk-
breytingar, áherslur, byrjanir og
lok voru góð. Því miður tókst
ekki eins vel í síðara verkinu. Þar
var eins og pússun væri eftir og
því vantaði yfirvegun í flutning-
inn, sem fyrir vikið varð heldur
einhæfur og óáheyrilegur.
Hljómsveitin lék einnig með
kór Glerárkirkju í lokaverki tón-
leikanna: S.lá þú hjartans hörpu-
strengi, þar sem kórinn söng sálm
Valdimars Briem. Flutningur
gekk nokkuð vel. Hljómsveitin
var almennt hrein og góð, en
heldur hávær á stundum fyrir
kórinn, sem þó er fjölmennur.
Hann var einnig nokkuð góður,
en þó skorti þá birtu og lyftingu,
sem vera á í flutningi þessa
tónverks.
Örn Viðar Birgisson, tenór,
flutti Til skýsins eftir Emil Thor-
oddsen við ljóð Jóns Thor-
oddsens og Ave María eftir Sig-
valda Kaldalóns við ljóð Indriða
Einarssonar. Örn Viðar naut sín
allvel í söng sínum, sérstaklega í
fyrra laginu. í því síðara virtist
koma eins og móska á rödd hans
á háum tónum.
Undirleikari á píanó var Helga
Bryndís Magnúsdóttir. Hún
gerði vel, en þó naut píanóleikur
hennar sín ekki sem bar, þar sem
hljómburður hússins spillti
honum. Hann er nokkuð harður,
eins og fram kom í einieiksflutn-
ingi Helgu Bryndísar á Sonnettó
104 del Petrarca eftir F. Liszt,
leið fyrir hljómburð hússins.
Næsta atriði tónleikanna í
Glerárkirkju var söngur kórs
Verkmenntaskólans á Akureyri
undir stjórn Michaels J. Clarke.
Kórinn söng Unchained Melody
og Hátíð í bæ, textinn eftir Ólaf
Gauk. Kórinn stóð sig nokkuð
vel. Hann fylgdi vel undirleik,
sem var af segulbandi, og einnig
stjórn söngstjóra síns. Hins vegar
var lítil sönggleði og lyftingur í
flutningi og tæplega hægt að
greina bros á nokkru andliti.
Þrátt fyrir þetta er ljóst, að í kór
VMA er gott efni til skemmtilegs
flutnings.
Kirkjukór Akureyrarkirkju
undir stjórn Björns Steinars Sól-
bergssonar var næstur á efnis-
skrá. Kórinn flutti tvö verk:
Immanúel oss í nátt úr þjóðlaga-
safni Bjarna Þorsteinssonar í
útsetningu Jóns Hlöðvers Áskels-
sonar og Veni, veni Emmanúel
eftir Zoltán Kodály. Kór Akur-
eyrarkirkju er vel samþjálfaður
og naut sín allvel í flutningi
sínum. Þó var lítils háttar órói í
karlaröddum í fyrra verkinu og í
hinu síðara gætti þunga í mið-
hluta verksins. Upphaf og lok
sama verks voru hins vegar fal-
lega flutt og af öryggi.
Hólmfríður Benediktsdóttir,
sópran, flutti Vögguljóð Maríu
eftir Max Reger við undirleik
Guðrúnar A. Kristinsdóttur á
píanó. Hólmfríður söng af inni-
leika og hlýju og náði vel að túlka
verkið.
Þuríður Baldursdóttir, alt, söng
Ave María eftir O. Merikanto
við texta eftir Emelíu Baldurs-
dóttur. Undirleikari var Guðrún
A. Kristinsdóttir. Söngur Þuríðar
og túlkun voru mjög vel af hendi
leyst.
Næst á efnisskrá voru Fimm
söngfélagar og fluttu þeir tvö lög:
Hlíðin mín fríða eftir F. Flemm-
ing við ljóð Jóns Thoroddsens og
Ljúfur ómur loftið klýfur eftir
Bortniansky við ljóð Jónasar
Jónassonar. Flutningur þeirra
félaga var ekki tilþrifamikill en
fágaður og fór vel.
Óskar Pétursson, tenór, flutti
Lofsöng eftir L. v. Beethoven við
ljóð Þorsteins Gíslasonar. Óskar
fór allvel með þetta erfiða og
kröfuharða verk, en þó var sem
hann skorti þrótt og fyllingu til
þess að gera því full skil. Ef til
vill hefði meiri æfingar verið
þörf.
Guðrún A. Kristinsdóttir var
undirleikari Óskars í Lofsöngn-
um. Jafnt þar sem í þau skipti,
sem þegar hefur verið getið, fórst
henni undirleikurinn vel úr
hendi. Eftirtektarvert var, hve
píanósláttur hennar hljómaði
með öðrum hætti í húsinu en
leikur Helgu Bryndísar. Guðrún
hefur greinilega hitt á leikbrag,
sem fellur bærilega að hljóm-
burði hússins, þó að enn mætti
betur gera, þar sem enn gætti
sama glamurkennda enduróms-
ins og fyrr.
Hinum miklu tónleikum í
Glerárkirkju lauk með söng Kórs
Glerárkirkju undir stjórn
Jóhanns Baldvinssonar, organ-
ista. Kórinn flutti einn tvö lög:
Smávinir fagrir eftir Jón Nordal
við ljóð Jónasar Hallgrímssonar
og Ave María, lag og ljóð eftir
Elísabetu Geirmundsdóttur, í
útsetningu eftir Áskel Snorrason.
Kórinn flutti bæði lögin smekk-
lega. Líklega hefur flutningur þó
liðið nokkuð fyrir það, að söng-
menn stóðu nokkuð dreift og því
varð tónninn nokkuð þunnur.
Einnig gætti þess, að söngvararn-
ir væru ekki allskostar nógu sam-
taka til dæmis á samhljóðum í lok
hendinga.
Tónleikunum lauk með flutn-
ingi verksins Slá þú hjartans
hörpustrengi, sem þegar hefur
verið um rætt.
Kynnir á tónleikunum var
Þráinn Karlsson, leikari. Honum
fórst það hlutverk afar vel úr
hendi.
Þessir miklu tónleikar voru um
margt afar fróðlegir. Eftir þá er
ljóst, að í Glerárkirkju er gott að
flytja tónlist, einkum söng, jafnt
einsöng sem kórsöng, og hljóð-
færaslátt af eðli t.d. tréblásturs-
hljóðfæra, s.s. óbós, sem heyra
mátti í Sinfóníunni eftir Hándel,
og strengja, en þeir nutu sín afar
vel. Það er gott að hlusta og fylgj-
ast með því, sem er að gerast, þar
sem aðgreining hljómburðarins
er góð. Hins vegar virðist þurfa
mikla natni við leik á hljóðfæri
með harða tónmyndun, s.s.
píanó, sem líður nokkuð fyrir
hljómburð hússins. Að þessu
athuguðu er húsið gott og kær-
komin viðbót við tónleikahús-
næði bæjarins auk þess sem það
er framar öðru afar fallegt
guðshús, sem söfnuðurinn getur
með sanni verið stoltur af.
Haukur Ágústsson.