Dagur - 19.02.1993, Side 4

4 - DAGUR - Föstudagur 19. febrúar 1993
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMETRA 765 KR.
RITSTJÓRI: BRAGIV. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavík vs. 96-41585, fax 96-42285),
JÓHANN ÓLAFUR HALLDÓRSSON,
ÓLIG. JÓHANNSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
UÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMAStMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Vandasamt verk
Ef fram heldur sem horfir stefnir í alvarleg
átök á vinnumarkaði áður en langt um líður.
Fjölmörg félög hafa sagt kjarasamningum
lausum og sum eru farin að íhuga að boða til
verkfalls. Því miður bendir fátt til þess að
forsvarsmenn launþega og viðsemjendur
þeirra nái sáttum átakalaust; til þess ber allt
of mikið á milli.
Aðilar vinnumarkaðarins þurfa að hugleiða
vandlega hver framvinda mála verður næstu
vikur, að óbreyttu. Sem fyrr segir er engin
von til þess að samkomulag takist eins og
staðan er nú. Jafnframt er ljóst að einstakl-
ingar, fyrirtæki og þjóðarbúið í heild sinni
hafa ekki nokkra burði til að taka á sig þann
efnahagslega skell sem verkföll myndu óhjá-
kvæmilega valda. Því þarf að leita skynsam-
legra lausna áður en í óefni er komið.
í komandi kjarasamningaviðræðum hljóta
þrjú atriði að hafa algeran forgang. í fyrsta
lagi þarf að leita allra leiða til að draga úr
atvinnuleysi og tryggja atvinnuöryggi á
vinnumarkaði. í öðru lagi þarf að knýja fram
umtalsverða vaxtalækkun. Síðast en ekki síst
þarf að tryggja að lægstu laun séu yfir
fátækramörkum, en það eru þau ekki í dag.
Aðilar vinnumarkaðarins ættu að geta náð
fullkominni samstöðu um þessi þrjú atriði.
Hins vegar er stóra spurningin sú hver af-
staða stjórnvalda verður.
Þau þrjú atriði, sem nefnd eru hér að
framan, hljóta að hafa algeran forgang í kom-
andi kjarasamningaviðræðum. Næst á eftir
kemur krafan um aukinn kaupmátt ráðstöf-
unartekna, eða í versta falli krafan um að
kaupmáttur minnki ekki frekar en þegar er
raunin. Ennfremur má nefna að æskilegt væri
að aðilar vinnumarkaðarins ræddu af hrein-
skilni leiðir til að minnka launabilið í þjóð-
félaginu, þ.e. muninn á hæstu og lægstu
tekjum. Sá munur er allt of mikill; allt að
fimmtánfaldur ef marka má niðurstöður
kjararannsókna. Slíkan mun er ekki á nokkurn
hátt hægt að réttlæta.
Aðilum vinnumarkaðarins er mikill vandi á
höndum. Þeir þurfa á næstu vikum að finna
raunhæfar lausnir á þeim vanda sem við blas-
ir og komast að samkomulagi um einhver við-
kvæmustu mál sem um getur, kjaramálin.
Ljóst er að mikilla breytinga er þörf, ef takast
á að skipta þjóðarkökunni í fleiri og jafnari
sneiðar en nú er. Það mun aldrei takast nema
allir leggist á eitt í þeim efnum. BB.
Hestar - útivist -
Aðalfundur Hestamannafélags-
ins Léttis var haldinn í félags-
heimilinu „Skeifunni" sunnudag-
inn 14. febrúar. Á fundinum voru
venjuleg aðalfundarstörf af-
greidd, þar á meðal stjórnarkjör.
Kjósa þurfti um varformann og
tvo meðstjórnendur til tveggja
ára. Varaformaður var kjörinn
Stefán Erlingsson. Vignir Sig-
urðsson og Sigurður Sveinn Ing-
ólfsson voru kjörnir meðstjórn-
endur. Þessir valinkunnu menn
skipa því stjórn Léttis ásamt
Áslaugu Kristjánsdóttur og
undirritaðri, auk varamannanna
Hansínu Maríu Haraldsdóttur,
Birgis Árnasonar og Jóns Geirs
Jónatanssonar.
í skýrslu stjórnar var farið yfir
helstu viðburði síðasta árs. Starf-
ið hefur verið blómlegt og félags-
menn duglegir til starfa. Ýmis
konar uppbygging átti sér stað,
brýr á bökkum Eyjafjarðarár
voru endurbyggðar og réttin á
Hestamennska er mjög vinsæl
almenningsíþrótt.
Kaupvangsbökkum var einnig
endurbyggð. Mikið viðhald var á
Sörlastöðum í Fnjóskadal, en
Léttisfélagar hafa þá til afnota á
sumrin. Unglingahesthúsið
„Fjöðrin“ var endurbætt og nýtt
reiðgerði var reist.
Rafveita Akureyrar lýsti upp
kafla af aðalreiðvegi okkar suður
úr Breiðholtshverfi. Þessi raflýs-
Sigurborg Daðadóttir.
ing nýtist mjög vel, þó stutt sé, og
gerir okkur kleift að aðskilja ríð-
andi og akandi umferð betur en
áður. Því eins og aðrir íþrótta-
iðkendur, iðka hestamenn sína
íþrótt og ríða út eftir að vinnu-
tíma lýkur og skyggja tekur.
Léttir færir Rafveitu Ákureyrar
bestu þakkir fyrir þeirra framlag.
Fjölmargt annað var unnið sem
of langt mál væri að telja upp
hér, en vil þess í stað hvetja
bæjarbúa til að kynna sér það
víðtæka og fjölbreytta félagslíf
sem stundað er innan hesta-
mannafélagsins með því að
heimsækja okkur á góðum degi.
Aðalþema fundarins var frek-
ari uppbygging keppnissvæðisins
í Hlíðarholti (Lögmannshlíðar-
svæði). Á sl. sumri fór fram mikil
uppbygging á keppnissvæði okk-
ar í Hlíðarholti, þar sem tvö mót
í hestaíþróttum voru framundan.
Annað þeirra, Bikarmót Norður-
lands, var haldið sl. sumar en
hitt, íslandsmót í hestaíþróttum,
verður haldið síðustu helgina í
- íþrótt
júlí á þessu ári. Léttisfélagar og
aðrir velunnarar lögðu fram
mikla sjálfboðavinnu og gerðu
stórátak í vallargerð og þöku-
lagningu áhorfendasvæðis.
Bæjaryfirvöld höfðu trú á getu
hestafólks, og úthlutuðu okkur
styrk úr Vélasjóði. Auk þess að
hafa trú á getu hestafólks, gerðu
bæjaryfirvöld sér grein fyrir að
hvers kyns mót haldin innan
bæjarins skila sér í sölu á vöru og
þjónustu í bænum. Við kunnum
vel að meta suðning bæjarins við
uppbyggingu íþróttamannvirkja
og því var eftirfarandi ályktun
aðalfundar samþykkt einróma:
„Aðalfundur Hestamannafé-
lagsins Léttis, haldinn í Skeifunni
14. febrúar 1993, vill þakka
bæjarstjórn Akureyrar fyrir veitt-
an stuðning á síðasta ári og lýsir
yfir ánægju með ákvörðun um
byggingu brúar yfir Glerá. Aðal-
fundurinn skorar á bæjarstjórn
Akureyrar að veita Hestamanna-
félaginu Létti styrk vegna áfram-
haldandi uppbyggingar keppnis-
svæðisins í Hlíðarholti, svo hægt
verði að halda þar íslandsmót í
hestaíþróttum 1993.“
Eins og fram kemur í ályktun-
inni hefur bæjarráð Akureyrar
ákveðið að brú yfir Glerá fyrir
umferð ríðandi fólks verði byggð
í ár. Margra ára baráttumál Létt-
is er í höfn, því daglegri slysa-
hættu verður með byggingu brú-
arinnar bægt frá. Umferð akandi
og ríðandi fólks fer ekki saman
og því ber að stefna að því að
aðskilja hana hvar sem því verð-
ur við komið. Slys eru alltaf slys
og þau verða í flestum tilfellum
ekki bætt með peningum. Þess
vegna er rétt að vinna að fyrir-
byggjandi aðgerðum.
Hestamennska er mjög vinsæl
almenningsíþrótt. Á Akureyri
eru u.þ.b. 120 hesthús og varlega
áætlað eru a.m.k. þrjár mann-
eskjur sem sinna hverju húsi,
sem þýðir að daglega fara tæp-
lega 400 manns í hesthúsin til
gegninga og útreiða. Mér er til
efs að slíkur fjöldi stundi útivist
eða sína íþrótt daglega innan
annarra útivista- eða íþrótta-
hópa.
Fólk sem stundar hesta-
mennsku verðskuldar athygli og
stuðning yfirvalda ekki síður en
þeir sem stunda aðrar íþrótti, þar
sem hestamennska er holl útivera
og ekki síður holl fyrir sálina.
Hestamannafélagið Léttir ósk-
ar Eyfirðingum og öðrum lands-
mönnum bjartra daga!
Sigurborg Daðadóttir.
Höfundur er dýralæknir og formaður
Hestamannafélagsins Léttis.
„Aðalþema fundarins var frekari uppbygging keppnissvæðisins í Hlíðarholti
(Lögmannshlíðarsvæði),“ segir Sigurborg m.a. í grein sinni.
MENOR fréttir í febrúar
I TÓNLEIKAR
Laugardagur 20. febrúar.
Tónleikar á sal Tónlistarskóla
Húsavíkur. Sinfóníuhljómsveit
tónlistarskóla á Norðurlandi flyt-
ur 2 Gymnopedíur eftir Erik
Satie, píanókonsert í C dúr K 415
fyrir píanó og hljómsveit eftir
Wolfgang Amadeus Mozart og
Sinfóníu nr. 8, Ófullgerða hljóm-
kviðan eftir Franz Schubert. Ein-
leikari: Bima Helgadóttir. Stjóm-
andi: Guðmundur Óli Gunnars-
son.
Sunnudaginn 21. febrúar verða
þessir sömu tónleikar í Glerár-
kirkju, Akureyri.
Miðvikudagur 24. febrúar kl.
21:00.
Tónleikar á vegum Tónlistarfé-
lags V-Hún. Staður: Kaffi kons-
ert, Félagsheimilinu Ásbyrgi,
Miðfirði. Flytjendur: Símon ív-
arsson, gítar og Hlíf Sigurjóns-
dóttir, fiðla. Heimamenn að-
stoða.
27. febrúar kl 14:00
Gítartónleikar Tónlistarskólans á
Akureyri í Dalvíkurkirkju
LEIKSÝNINGAR
Miðvikudagur 24. febrúar kl.
21:00.
Hreppstjórinn á Hraunhamri. Fé-
lagsheimilið Hvammstanga.
Frumsýning. Leikflokkurinn
Hvammstanga. Höfundur: Loft-
ur Guðmundsson. Leikstjóri:
Hörður Torfason. Upplýsinga-
sími: 95-12386. Miðasala: 95-
12376. Önnur sýning er sunnu-
daginn 28. febrúar kl. 16:00.
Föstudagur 26. febrúar.
Söngleikurinn EVITA. Fmmsýn-
ing í Sjallanum, Akureyri.
Útlendingurinn. Leikfélag Akur-
eyrar. Sýningar í Samkomuhús-
inu á Akureyri. Miðasala opin
alla daga frá kl. 14:00 nema
mánudaga. Sími: 96-24073.
Ronja ræningjadóttir eftir Astrid
Lindgren. Leikfélag Húsavíkur.
Sýningar í Samkomuhúsinu
Húsavík. Sími: 96-41129
Plógur og stjömur eftir Sean
O’Casey. Leikfélagið Búkolla,
Aðaldal, S-Þing. Sýningar í
Ýdölum, Aðaldal. Upplýsinga-
sími: 96-43592.
Deleríum Búbónis eftir Jónas og
Jón Múla Ámasyni. Leikdeild
Ungmennafélagsins Eflingar.
Sýningar á Breiðumýri, Reykja-
dal, S-Þing. Upplýsingasími: 96-
43121.