Dagur - 28.01.1995, Blaðsíða 4

4 - DAGUR - Laugardagur 28. janúar 1995
!
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 96-24222 • SÍMFAX: 96-27639
ÁSKRIFT M. VSK. KR. 1500 Á MÁNUÐI • LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
FRÉTTASTJÓRI: KRISTJÁN KRISTJÁNSSON
AÐRIR BLAÐAMENN: GEIR A. GUÐSTEINSSON, HALLDÓR ARINBJARNARSON,
INGIBJÖRG MAGNÚSDÓTTIR (Húsavík vs. 96-41585, fax 96-42285),
KRISTÍN LINDA JÓNSDÓTTIR, SÆVAR HREIÐARSSON,(íþróttir),
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Greiðslukorta-
menningin
Reikningar upp á milljarða króna hafa borist inn
á heimili landsmanna vegna jólaverslunar út á
greiðslukort. Enn einu sinni hafa landsmenn
sannað að þeir eru öðrum þjóðum heimsins dug-
legri í notkun greiðslukorta en misjafnar skoðanir
geta verið uppi á því hvort þessi mikla kortanotk-
un er af hinu góða eða ekki.
Notkun kreditkorta hefur á undanförnum árum
verið hvað mest 1 jólamánuðinum, enda viðskipti
almennings hvað mest þá. Vaxandi notkun þeirra
á sér margar skýringar, jafnvel þá einföldu skýr-
ingu að samfara minnkandi atvinnu hafa æ fleiri
leitað „á náðir" greiðslukortanna til að fresta
þunganum af útgjöldum hátíðanna. Þjónustu-
gjald bankanna fyrir ávísanir hefur líka ýtt undir
aukna notkun á greiðslukortum og þá debetkort-
um ekkert síður en kreditkortum. Mynstrið hjá
bönkunum er því sem óðast að breytast úr ávís-
unum yfir til greiðslukortanna.
Þróunin hér á landi er skammt á veg komin
miðað það sem erlendis þekkist. Greiðslukort t.d.
í Bandaríkjunum eru mun grónari gjaldmiðill og
kort nánast tekin fram yfir beinharða peninga. í
þá átt mun þróunin færast hér á landi og það
væntanlega tiltölulega hratt ef miða skal við nýj-
ungagirni íslendinga. Fátt er nema gott um hana
að segja en ljóst hlýtur þó að vera að neytend-
urnir munu krefjast þess að af þeim verði tekið
hóflegt gjald vegna kortanotkunar. Þessi rafrænu
kort og önnur tækni sem er og verður sjáanleg á
þessu sviði sem öðrum hlýtur að spara peninga
fyrir bankakerfið og krafa neytendanna verður
því að fá að njóta þess sparnaðar í hógværri inn-
heimtu á notendagjöldum. Það hefur sýnt sig
nægilega oft hér á landi að fólk er fljótt að taka
við sér í nýjungum, sem oft spara peninga, ef far-
ið er af skynsemi í gjaldtökuna.
í UPPÁHALDI
Hann er einn Pottorm-
anm sem láta fara
vel um sig í heita
pottinum í Glerár-
laug á Akureyri hvern einasta
morgun en um þessar mundir eru
fimm ár síöan Glerárlaug var
tekin í notkun. Laugin var form-
lega vígð þann 20. janúar árið
1990 og fljótlega upp úr því sá-
ust Pottormar í lauginni hvern
einasta morgun. Þeir hefja dag-
inn á því að skokka einn hring í
Þorpinu, synda því nœst tuttugu
ferðir yfir Glerárlaugina koma
sér svo fyrir ( heita pottinum og
keppast við það í sameiningu að
fá útrás fyrir alla skapvonsku og
neikvœðni. Þegar þeir yfirgefa
laugarsvœðið er búið að taka út
geðvonsku dagsins og segjast
Pottormar því vera hinir Ijúfustu
bœði á vinnustað og heimavelli
enda nœgilegt að fá cerlega útrás
einu sinni á sólarhring.
Akureyringurinn Guðmundur
Jóhannsson rafvirki er ( stjórn
Pottorma. Hann er t uppáhaldi (
dag. Guðmundur er giftur Evu
Ingólfsdóttur og eiga þau hjónin
fjögur börn. Guðmundur og Eva
eiga og reka Straumrás á Akur-
eyri en auk þess er Guðmundur
stjórnarformaður Sandblásturs
og málmhúðunar og einn hlut-
hafa.
H vaða matur er í mestu uppáhaldi
hjá þér?
„Mér finnst allur matur góður en
tveir réttir standa þó upp úr, nýr
fiskur með kartöflum og smjöri
og mjög sterk lítið steikt pipar-
steik.“
Uppáhaldsdrykkur?
„Frissi fríski.“
Guðmundur Jóhannsson.
Hvaða heimilisstörffinnst þér
skemmtilegustlleiðinlegust?
„Það er tvímælalaust leiðinlegast
að ryksuga en ég hef nú ekki enn
Stundarþú einhverja markvissa
hreyftngu eða Ukamsrœkt?
„Það er Pottormatrimmió, hlaup-
in (þegar ég vakna) og sundið.
Hvaða hlöð og tímarit kaupir þú?
„Dag, Moggann, íþróttablaðið og
Heilsu og sport.“
Hvaða bók er á náttborðinu hjá
þér?
„Engin, þar er Dagur og fundar-
geróir bæjarstjómar.“
í hvaða stjörnumerki ert þú?
„Ég er ljón.“
Hvaða hljómsveit eða tónlistarmað-
ur er í mestu uppáhaldi hjá þér?
„Það er Bubbi Mortcns."
Starfar þú með einhverjum félaga-
samtökum?
„Round table og Pottormum og
svo er ég fyrrverandi gjaldkeri
Knattspymudeildar Þórs, ég er
nýbúin að afsala mér því emb-
ætti.“
Uppáhaldsíþróttamaður?
„Það cr dóttir mín, Hulda Sigríó-
ur, hún er í fimleikum.“
Hvað horfir þú mest á í sjónvarpi?
„Fréttir.“
Á hvaða stjórnmálamanni hefurðu
mestálit?
„Halldóri Blöndal.“
Hyer er að þínu matifegursti staður
á íslandi?
„Ég hef farið nokkmm sinnum á
Strandir með fjölskyldu minni og
þar eru margir fallegir staðir.“
„Eg hef búió í Keflavík og el' ég
þyrfti að fara frá Akureyri þá
gæti ég hugsaó mér að fara þang-
að aftur."
Hvaða hlut eða fasteign langar þig
mest til að eignast um þessar mund-
ir?
„Ætli það sé ekki Volkswagen
Caravelia, hann er nógu stór fyrir
mig og mína.“
Hvernig vilt þú helst verja frístund-
um þínum?
„Heima.“
Hvað œtlarðu að gera um helgina?
„Eg verð aó vinna alla helgina á
Sandblæstri og málmhúðun. Við
ætlum að flytja skrifstofuna.“
KLJ
fundió sérstaklega skemmtileg
heimilisstörf.“
Hvar vildirðu helst búa ef þú þyrftir
aðflytja búferlum nú?
AAE€> MOROUNKAFFINU
OLAFUR ÞORÐARSON
F
í dögun
Odysseifur og kappar hans komust oft í
hann krappan, cins og heyra má í útvarp-
inu, á rás 1 þessa dagana.
Þar er hinn víðfrægi flækingur þeirra
félaga um himinblátt Miðjarðarhafið,
vafinn eilífum ævintýraljóma í snilldar-
legri frásögn hins ágæta höfundar Hóm-
ers.
Þrátt fyrir hverskonar harðræði og
daglegan háska, jafnvel vonlausa aðstöðu
eins og í almyrkum helli eineygða jötun-
mennisins, þar sem þeirra beió það eitt
að bráðna við bragðlauka kýklópans,
brást þaó ekki að hin árrisula rósfingraða
morgungyðja í allri sinni dýrð, vekti þá
og blési þeim nýjum ráðum og hugrekki
í brjóst.
Hin rósfingraða morgungyðja.
Dagrenning ævintýranna.
En hvað skyldi það vera, sem vekur
okkur dauólega menn til annríkis fá-
breyttra daga, þar sem ekkert er eftir skil-
ið okkur til handa af rekstrarfjármagni
samfélagsins, heldur falið í útlöndum t.d.
í formi þýskra ríkisskuldabréfa.
Sá einn er frjáls, sem fús til starfa fer,
en það á því miður ekki við um alla.
Alltof margir hengslast ófúsir á fætur
af óskiljanlegri skyldurækni vitandi það
að launin fyrir erfiði þeirra duga ekki fyr-
ir brýnustu þörfum fjölskyldunnar.
Þar er það skapanomin skuld, sem
grúfir yfir, í grárri morgunskímunni.
Og þolgæði flestra er teygt til hins ýtr-
asta í ævilangri baráttu fyrir fjárhagslegu
öryggi, sem er þó margsannað mál að
hvergi er að finna í raun.
Og margir eru þeir, sem vonin vekur.
Sú fánýta von að atkvæði þeirra skipti
máli í frjálshyggjuheimi fárra útvalinna.
Þeir hraða sér með fjálgu fasi á kjör-
stað til að gera upp á milli siðblindra
0-
En til eru þeir hins vegar, sem seilast
svefnhöfgir eftir buxunum sínum og
stjórnmálamanna, þrátt fyrir að þeir hinir
sömu hafi opinberlega lýst sjálfa sig og
alla sína kollega vanhæfa til flestra
verka.
Svo eru hinir, sem hendast á fætur við
fyrsta gal hins gullna hana mammons og
setjast við fætur kallara hans, sem kynnir
nýjustu tilboð dagsins þar sem fánýti
bíðst fyrir glópalán, án minnstu fómar
eða fyrirhafnar.
Og suma vekur sorgin með helkaldri
þögn eftir þrumandi gný.
Og meðan napur vindur næðir um
brotnar sperrur og rifið jám breytist
höggdofa undrun í neyðaróp.
Og sumir vakna aldrei meir.
meðan þeir troða löppunum í skálmamar,
hlusta þeir á værðarlegan andardrátt sof-
andi konu og bama og hjarta þeirra hitnar
af þakklátri ást.
Og þeir renna upp klaufinni og hneppa
skyrtunni meðan þeir ganga hljóðir fram
í eldhús til móts við hinn nýja dag.
Þar fara þeir mildum höndum um
kaffikönnuna og grautarpottinn og meðan
kaffið hitnar og grauturinn kraumar,
kvikna ljósin í gluggum húsanna í kring
og fyrstu bílamir fara um götuna framan
við eldhúsgluggann.
Og hljóðlát samkennd með öllu því
fólki, sem þar er á ferð, vermir huga
þeirra og kvíðalausir ganga þeir til verka
sinna í auðmýkt og hógværð hins lífs-
reynda manns, umvafðir verðskulduðum
æfintýraljóma hinnar árrisulu rósfingr-
uðu morgungyðju.