Dagur - 09.03.1995, Page 7

Fimmtudagur 9. mars 1995 - DAGUR - 7
„Fæstir ferðast til að sofa“
- segir Þórður Höskuldsson, ferðamálafulltrúi hiá
Atvinnuþróunarfélagi Þingeyinga
Þórður Höskuldsson var ráóinn
ferðamálafulltrúi hjá Atvinnuþró-
unarfélagi Þingeyinga og hóf hann
störf fyrir fyrir nokkrum vikum.
Sveitarstjómir á svæðinu,
Byggðastofnun og Kísilgúrsjóður
lögðu fram fjármuni þannig að
unnt væri að ráða ferðamálafull-
trúa, en aðilar í ferðaþjónustu
töldu það brýnt verkefni og höfðu
lengi beðið eftir að geta nýtt sér
ráðgjöf slíks aðila.
Þórður hefur m.a. starfað sem
fararstjóri og haft mikil kynni af
erlendum ferðamönnum, auk þess
sem hann hefur dvalist í Evrópu,
haft þar samskipti við ferðamenn
sem farið hafa til Islands og
kynnst þeirra þankagangi.
Vegstikuskoðun
„Ég hef reynt að kynna mér að-
stæður. En hér er mikið fannfergi
og þegar ég hef farið um sýsluna
sé ég yfirleitt bara næstu vegstik-
ur. Ég hef farið í Norðursýluna og
um nágrenni Húsavíkur. A Þórs-
höfn og Raufarhöfn er komin af
staó grunnvinna, þar eru hópar aó
skilgreina hvaða ferðaþjónustu
skuli leggja aóaláherslu á, hverju
eigi helst að sinna og hvaó að
bjóða uppá. Ég hef einnig starfað
á Laugum, tengst ferðamálabraut-
inni í Framhaldsskólanum. Ég hef
falið nemendunum að vinna aó
raunhæfum verkefnum við aó
skoða betur ýmsa þætti ferðaþjón-
ustu. Þeir starfa undir minni stjórn
en vonandi skilar þessi vinna ein-
hverri reynslu til þeirra, auk upp-
iýsinga til okkar um hugsanlega
afþreyingarmöguleika eða mögu-
leika á uppbyggingu. Þetta eru
dæmi um það sem ég hef verið að
fást við; en ég hef verið að fást við
fleira: Ég hef aðstoðað aðila sem
eru aó byrja í ferðaþjónustu og að-
ila sem eru lengra komnir, meó
mál sem tengjast því að koma
þjónustunni á framfæri og byggja
upp þannig að þjónustan verði að-
laðandi og eftirsóknarverð. Hvað
Húsavík varðar hef ég verið að
velta fyrir mér ímynd bæjarins og
hvað hugsanlega væri hægt að
gera hér. Þetta eru langtímaáætl-
anir sem væntanlega verða unnar í
litlum skömmtum,“ sagði Þórður,
aðspuróur um hvemig honum lit-
ist á starfssvæóið og aó hverju
hann hefði verið aó vinna fyrstu
vikumar.
Afþreyingu vantar á svæðið
„Mitt hlutverk er að fá fleiri inn í
sýsluna, fá þá til að dvelja lengur
og skilja meira eftir sig. Að því
gefnu að eitthvað sé að marka
gistitölur Ferðamálaráðs, þá held-
ur þetta svæði ekki í við fjölgun
gistinátta á Suðurlandi og Vestur-
landi. Aukinn ferðamannastraum-
ur til landsins skilar sér ekki nægi-
lega hingað. Hér þarf að vinna
sérstaklega að uppbyggingu af-
þreyingar," segir Þóróur.
- Getur orsakanna fyrir þessu
ekki verið að leita í því að á þess-
um landsvæðum hafi einfaldlega
verið unnið betur og markvissar
að því að laða ferðamenn á svæð-
ið heldur en hér hefur verió gert?
„Að hluta til. Landfræðilega
stöndum við ekki eins vel að vígi
og þessi svæói, en það þýðir ekki
að láta slíka hluti stoppa sig af.
Hér þurfa gulrætumar fyrir ferða-
mennina einfaldlega aö vera
stærri, þannig að þeir komi. Eitt
sem þyrfti að athuga hér er að
töluvert hefur verið fjárfest í
feröaþjónustu, en t.d. stendur
hótelið autt megnið af árinu.
Finna þarf möguleika til að auka
nýtingu hótelsins og ferðaþjónust-
unnar almennt. Það þarf aó byrja á
því að finna Ieiðir til að laða
ferðamenn að og finna hverja á að
laða að. Nú er verið að skoða
auknar komur ferðamanna utan
háannatíma. Erlendir aóilar koma
hingað í mánuðinum til að kynna
sér aðstæður og það er meiningin
aó taka vel á móti þeim og sýna
þeim hvað svæðið hefur upp á að
bjóða.
Það þarf að kynna betur og
gera betra aðgengi að náttúruperl-
um sýslunnar, t.d. Dettifossi. Enn
koma fleiri íslendingar en útlend-
ingar sem ferðamenn í sýsluna. ís-
lendingar kaupa ekki sólarlagið,
þeir vilja afþreyingu. Nýlega var
haldinn fyrsti fundur Ferðamálafé-
lags Húsavíkur í langann tíma og
þar var nokkur hópur af jákvæðu
fólki sem vill gera eitthvað í mál-
unum.
Fólk í sýslunni er tiltölulega já-
kvætt og baráttuglatt, en það er
grundvallarforsenda fyrir því að
eitthvað gerist,“ segir Þórður.
Skipulagðar fundaferðir
um sýsluna
Stefán Jónson, atvinnuráðgjafi,
segir að óhemju mikið hafi verið
að gera hjá Þórði eftir að hann tók
til starfa. Það sé t.d. ótrúlegur
fjöldi aðila að reyna að selja
ferðaþjónustuaðilunum auglýsing-
ar, rými í bæklingum og ýmiskon-
ar þjónustu. Þórður segist telja sig
hæfan til að takast á vió þessa refi
úr Reykjavík, þar sem hann komi
úr þeirra flokki.
Atvinnuráðgjafi og ferðamála-
fulltrúi hafa útbúið fundaáætlun
MINNINC
Það væri ekki rétt, ef ég segói að
mér hafi verið það harmafrétt að
vinur minn Grímur ráðunautur
væri látinn. Nei, þó frétt um
mannslát sé ávallt sorgarfrétt þá
var hér um sérstakar aðstæður að
ræða. Grímur var að vísu ekki
nema tæplega sjötugur maður, en
um langa hríö, allt aó tveimur ára-
tugum, baróist hann við ólækn-
andi sjúkdóm og oft kvalafullan.
Þetta lífsglaða hraustmenni var
enn í fullu starfi fyrir heimili sitt
og ótal framfaramál hér í sýslunni
þegar heilsan fór að bila. Hann
gekk aldrei hálfur að verki, enda
maðurinn vel búinn að allri erfð.
Ættir hans verða þó ekki raktar
hér, en þó má geta þess að hann
var af hinni kunnu Dalsætt eldri.
Sátu Laxárdal í meirihluta nítj-
ándu aldarinnar þeir Bjöm, Jón og
Siguróur sem eiga í þessari sýslu
marga afkomendur sem enn
minna á gömlu búforkana í Laxár-
dal, þar í hópi tel ég þennan ný-
fallna vin minn, Grím Jónsson í
Ærlækjarseli.
Leiðir okkar Gríms lágu ekkert
saman fyrr en hann kemur heim,
búfræðikandidat frá Hvanneyri
1950. Aóalfundur B.S.N.Þ. það ár
er mér enn í fersku minni, hann
var haldinn á Efra-Lóni. Þar mætti
þessi hraustlegi ungi maður, þá
var hann ráðinn ráðunautur hjá
sambandinu, en þó aðeins í hluta
starfs. Upp úr því fór hann að
stunda búskapinn í Ærlækjarseli í
félagi við Stefán bróður sinn og
Amþrúði Grímsdóttur móður
þeirra og síðar með Karolínu syst-
ur þeirra. Þetta myndarlega fjárbú
er rekið enn og mun Erla ekkja
Gríms þar vera meðeigandi. Grím-
ur og Érla áttu sex sonu sem nú
eru allir með sín heimili í grennd
við sínar æskuslóðir, nema einn
sem býr á Akureyri. Allt eru þetta
vaskir menn og vel látnir í sínum
ýmsu störfum, en aðeins einn
þeirra hefur haslað sér völl sem
gildur bóndi í Oxarfirði. Þess var
ekki langt að bíða að Grími bær-
ust næg verkefni utan búskapar-
ins, þau voru fleiri en það sem
heyrði til B.S.N.Þ. og Ræktunar-
sambandinu vestan heiðar. Vitan-
lega fengum við að ráða hann í
fullt starf. Ég vil hér geta þess,
sem mér virðist héraðsráðunautur
okkar hafa átt stóran hlut að og
hafa verió okkur happadrýgst á
starfstímabili hans.
Fyrst vil ég nefna viðbrögð
sambandsins vorið 1968, þegar
flest öll túnin í sýslunni, austan
Jökulsár, reyndust stórskemmd af
kali og sumsstaðar hér í Þistilfirði
og Langanesi næstum aldauð.
Grímur kynnti sér þetta má segja
jafnóðum og túnin áttu að fara að
grænka, strax komst skriður á
málið, þá voru ekki komnar höml-
ur á framleiðslumagnió og hann
brýndi bændur lögeggjan að
skerða ekki bústofninn.
Ég minnist oróa hans á fundum
um þetta alvörumál. „Við verðum
að fmna leióir til að kaupa hey,
allavega verður eitthvaó að gera,
það versta er að gera ekki neitt.“
Um framvindu málsins er að finna
umsögn í bókinni okkar „Land og
fólk“. Ég vil fara nokkrum orðum
um fjárræktina, þar álít ég að
Grímur hafi notið sín best, enda
greinilega fæddur fjármaður. Störf
hans í þessari sérgrein búskapar
vöktu það mikla athygli að ég ótt-
aðist það að við fengjum ekki að
sitja einir að þeim.
Ég á góðar minningar um sam-
starf við hann og aðra í stjóm
B.S.N.Þ. á meóan ég tók þátt í
þeirra störfum, stjómarfundir voru
allflestir haldnir hér í Laxárdal og
þá var engin sút í drengjunum, þó
allerfið væm oft viðfangsefnin.
Það var gaman að opna bæinn fyr-
ir þessum glæsilega bændahópi,
sem skipaður var Grími Jónssyni,
Jóhanni í Leirhöfn, Bimi í Sand-
fellshaga og Þórami í Holti. Nú
eru tveir af þessum merku mönn-
um fluttir yfir landamærin sem
bíða okkar allra. Maður kemur í
manns stað og finnur sinn vitjun-
artíma á þessum byltingartímum.
Grímur var heppinn að fá að starfa
á framfaraskeiði atvinnuvega
þjóðarinnar og áður en tæknin
komst í algleyming og fór að þoka
hugsun og hönd mannsins til hlið-
ar.
Grímur var líka heppinn að
hljóta sem lífsförunaut merka og
glæsilega eiginkonu, Erlu Bem-
harðsdóttur, f. 25. ágúst 1931, ætt-
aða frá Búlandi í Amameshreppi,
hennar hlutur í lífi Gríms hefur
óefað verið stór og brást ekki allt
til loka ævi hans.
Ég ætla ekki að hafa þessi orð
öllu fleiri en sendi Erlu og öllum
ættingjum samúðarkveðjur frá
mér og B.S.N.Þ. við fráfall góðs
félaga.
Eggert Ólafsson, Laxárdal.
Stefán Jónsson, atvinnurádgjafi, og Þórður Höskuldsson, ferðamálafulltrúi,
við fjallabíl Þórðar, sem kemur sér vel í snjónum. Mynd: IM
utan Húsavíkur, þar sem þeir
verða til viðtals á nokkmm stöð-
um í sýslunni. Reiknað er með að
slíkir fundir verði um 50 á ári.
„Ef við ætlum að kynna svæðið
verðum vió að hafa upp á eitthvað
að bjóóa. Það þýðir ekki bara að
auglýsa heldur verður eitthvað að
standa á bak við það sem auglýst
er. Ég held að sá þáttur sé almennt
veikastur á Islandi. Sú stefna hef-
ur ríkt að afþreyingaruppbygging
sé bara ævintýramennska og
bankarnir lána fyrst og fremst út á
steinsteypu. Því hefur verið best
að fjárfesta í steinsteypu og það er
til tiltölulega mikið af gistirými
sem stendur ónotað. En þaó er al-
veg ljóst að fæstir feróast um
landið, bara til að sofa. Afþreying-
arþátturinn verður því í brenni-
depli og ég reikna með að mest af
mínum tíma tengist uppbyggingu
afþreyingar," segir Þórður, ferða-
málafulltrúi hjá Atvinnuþróunar-
félagi Þingeyinga. IM
KOSNINGASKRIFSTOFAN I GLERHÚSINU
HAGSMUNIR ÞINIR !
FIMMTUDAGUR 9.MARS
MORGUNFUNDUR
Morgunfundur í Glerhúsinu. 9. mars kl. 10 ræðlr Jóhannes Geir
Sigurgeirsson alþingismaður um nýsett lög um olíugjald, breytingu
vörugjalds á díselbíla og um leigu- og langferðabílstjóra.
SÍÐDEGISFUNDUR
Kl. 17.30 verður fjallað um hagsmuni bifreiðaeigenda og þeirra sem
hafa atvinnu af akstri eða þjónustu við bifreiðar.
Á fundinn mæta auk frambjóðenda Framsóknarflokksins, Sigurgeir
Aðalgeirsson og Guðmundur Arnaldsson frá landvara, Sigurkarl
Aðalsteinsson frá 4X4 klúbbnum og Bjarni jónsson frá Flökkurum,
félagi húsbílaeigenda.
Framsóknarflokkurinn í
Noröurlandskjördæmi eystra
-------------------------------------^
AKUREYRARBÆR
Starf tækniteiknara
á tæknideild
Laust er til umsóknar starf tækniteiknara á
tæknideild Akureyrarbæjar.
í starfinu felst m.a. gerð og viðhald grunnkorta,
mæliblaða, vinnuteikninga af götum og holræsum
og vinna við gerð útboðsgagna. Nær öll þessi vinna
er unnin með aðstoð tölvu.
Einnig tilheyrir starfinu varðveisla og uppröðun
teikninga, almenn afgreiðsla og skrifstofustörf.
Æskilegt er að umsækjendur hafi reynslu af tölvu-
notkun við teiknistörf, ritvinnslu og skýrslugeró.
Laun samkvæmt kjarasamningi STAK og Launa-
nefndar sveitarfélaga.
Upplýsingar um starfió veita Gunnar H. Jóhannes-
son á tæknideild og starfsmannastjóri I síma 21000.
Umsóknarfrestur er til 17. mars nk.
Umsóknareyðublöð fást á starfsmannadeild Akur-
eyrarbæjar Geislagötu 9.
Starfsmannastjóri.