Dagur - 04.08.1995, Side 5

Föstudagur 4. ágúst 1995 - DAGUR - 5
Samanburður Félags íslenskra bifreiðaeigenda á bifreiðatryggingum á íslandi og í nágrannalöndunum:
Sænsku iðgjöldin meira en
helmingi lægri en þau íslensku
- FÍB segir að íslensku tryggingafélögin verði að nota aíkomubatann til að lækka iðgjöldin
Samkvæmt skýrslu sem Félag ís-
lenskra bifreiðaeigenda hefur látið
gera fyrir sig kosta bifreiðatrygging-
ar í Svíþjóð um 40% af sambærileg-
um iðgjöldum hér á íslandi. FÍB hef-
ur boðað að samanburði á trygging-
um við Evrópulönd verði fylgt fast
eftir og hefur félagið þegar lýst sig
reiðubúið til viðræðna við erlend
tryggingafélög sem haft hafa sam-
band við félagið í framhaldi af sam-
anburði iðgjalda á íslandi við önnur
Evrópulönd.
Félag íslenskra bifreiðaeigenda
kynnti könnun sína nú í vikunni. Þar
var annars vegar aflað upplýsinga
um grunniðgjald ábyrgðartrygginga
og hins vegar var tekið raunhæft
dæmi sem var samanburðarhæft
milli allra landanna. í dæminu var
miðað við ábyrgðar- og kaskótrygg-
ingar af algengum meðalbíi, Toyota
Corolla 1600, árgerð 1991. Miðað
var við 15 þúsund kílómetra meðal-
akstur og fertugan, tjónlausan eig-
anda með búsetu í 150 þúsund
manna borg.
Könnunin leiddi í Ijós að þessi
bíleigandi þurfti að greiða hér á
landi 56 til 58 þúsund krónur að
meðaltali í tryggingar. í Svíþjóð
þurfti hann hins vegar ekki að greiða
nema 22.500 kr. að meðaltali, eða
40% af iðgjöldunum á íslandi.
Næsta land í röðinni var Noregur
með 29.600 kr. að meðaltali og síð-
an Finnland með 33.200 kr.
í Danmörku var meðalkostnaður-
inn í hærri kantinum eða 40.400 kr.
Hærri tryggingaiðgjöld þar kunna að
skýrast af því að þar í landi er lagður
50% skattur á ábyrgðartryggingar.
Sé litið á meðaltals grunniðgjald
ábyrgðartrygginga kemur í Ijós að á
meðan það er 78.826 á ísíandi er
það 24.640 kr. í Svíþjóð. í Færeyj-
um kostar ábyrgðartryggingin tæpar
38 þúsund krónur og í Noregi, Lux-
embourg og Finnlandi er iðgjaldið
47-48 þúsund krónur.
Aðstæður í
löndunum svipaðar
í gögnum sem FÍB hefur sent frá sér
segir að þessi munur sé hrópandi,
hvort heldur horft sé á Svíþjóð eða
Færeyjar. Erfitt sé að sjá hvers
vegna kostnaður við þessar trygg-
ingar þurfi að vera 20-35 þúsund
krónum meiri að meðaltali hér á
landi en í nágrannalöndunum.
„Aðstæður í þessum samanburð-
arlöndum eru um margt svipaðar.
Bílar eru dýrir vegna hárra tolla og
verð varahluta í samræmi við það.
Laun eru tiltölulega há, sem aftur á
móti veldur háum viðgerðakostnaði.
Eldsneyti á bíla er á svipuðu verði í
þessum löndum. í þeim tveimur
löndum sem einna best komu út úr
samanburðinum, Noregi og Svíþjóð,
eru miklar vegalengdir. Bifreiðaeign
á hvern íbúa er svipuð í þessum
löndum og nýlega kom fram að
meðalaldur bíla í Noregi og Svíþjóð
er hærri en hér á landi.
Þrátt fyrir svipaðar aðstæður eru
iðgjöld bifreiðatrygginga miklu
hærri hér á landi. Þessi munur skýr-
ist ekki af kostnaði við yfirbyggingu
tryggingafélaganna hér, því þar hafa
fyrirtækin náð miklum árangri og
eru með einn lægsta stjórnunar-
kostnaðinn á Norðurlöndunum.
Hátt verð bifreiðatrygginga hér á
landi í samanburði við önnur Evr-
ópulönd er sérstaklega umhugsunar-
vert í Ijósi þess að afkoma trygg-
ingafélaganna hér hefur stórbatnað
undanfarin ár, einkum vegna minni
tjóna á ökutækjum.
Umsvif íslensku tryggingafélag-
anna á lána- og hlutabréfamarkaði
eru mikil og fara ört vaxandi. Trygg-
ingafélögin fjármagna nú orðið stór-
an hluta af bifreiðakaupum lands-
manna, jafnt á nýjum sem notuðum
bílum. Það er merki um þörf félag-
anna til að ávaxta sjóði sem safnast
hafa saman. Þessi sjóðasöfnun bend-
ir til þess að iðgjöld séu mun hærri
en þörf krefur,“ segir í gögnum FÍB.
Þennan mun telur FÍB mun meiri
en eðlilegt megi teljast. Eftirtektar-
vert sé að þrátt fyrir samkeppni sex
tryggingafélaga muni sáralitlu á ið-
gjöldum þeirra. Þess beri þó að gæta
að tvö félaganna, þ.e. VÍS og Sjóvá-
Almennar, ráði um tveimur þriðju
hlutum af markaðnum. Samkvæmt
upplýsingum Vátryggingaeftirlitsins
voru heildariðgjöld árið 1993 rúm-
Náttúruverndarráð Eyja§arðarsýslu:
Umgengni í héraðinu
yfírleitt góð
- malarnámur víða ófrágengnar
Náttúruverndarráð Eyjafjarðarsýslu
fór snemma í júlí um héraðið í þeim
tilgangi að kanna hvað helst væri
aðfinnsluvert eða hrósvert í náttúru-
verndarmálum í sýslunni. Með í för
var fulltrúi Náttúruverndarráðs,
Hjalti Jóhannesson, en í nefndinni
eru Bjarni E. Guðleifsson, Möðru-
völlum, Haukur Steindórsson, Þrí-
hyrningi, og Sigurgeir Hreinsson,
Hríshóli.
Ekið var fram Eyjafjarðarsveit
utanverða, í Hörgardal og Öxnadal
og hringinn í Svarfaðardal. Að ferð
lokinni voru gerðar bókanir um þau
atriði sem betur mættu fara og verða
athugasemdir sendar viðeigandi að-
ilum með von um úrbætur.
Hlutverk Náttúruverndarnefndar
er að hafa gát á því að land og um-
hverfi sé ekki spillt að óþörfu með
athöfnum manna, koma með ábend-
ingar um það sem betur má fara og
gefa umsagnir um væntanlegar
framkvæmdir. Það er mat nefndar-
*■
Samanburðurinn á iögjöldum bifreiðatrygginga hér á landi og í nágrannalöndunum leiddi í Ijós mun sem FÍB segir
hrópandi. í framhaldinu hljóti aö veröa haldiö uppi fullum þrýstingi á tryggingafélögin aö ná þessum kostnaöarliö
íslenskra bifreiöaeigcnda niöur.
lega 15,5 milljarðar króna. Þar af
námu ökutækjatryggingar um 5,3
milljörðum króna. Af ökutækja-
tryggingum voru ábyrgðartryggingar
rúmlega 3,2 milljarðar króna.
Erlend félög hafa áhuga
FÍB segir að eitt af meginmarkmið-
um FÍB sé að lækka kostnað af bif-
reiðum fjölskyldunnar. Heimilisbíll-
inn sé orðinn stærsti einstaki rekstr-
arliður fjölskyldunnar, dýrari en
matvörurnar. Félagið muni því
fylgja þessu fast eftir og fyrst og
fremst verði skorað á tryggingafé-
lögin að nota afkomubatann og
fækkun tjóna til að lækka iðgjöldin.
„Ef tryggingafélögin treysta sér
ekki til að lækka iðgjöldin þarf að
stuðla að því að þau erlendu trygg-
ingafélög sem vilja bjóða lægri ið-
gjöld, hefji hér rekstur. Tvö erlend
félög hafa þegar haft samband við
FÍB í kjölfar kannana félagsins. FÍB
hefur lýst sig reiðubúið til viðræðna
við þessa aðila.“
JÓH
manna að umgengni í héraðinu sé
almennt góð, þó sáust ónýtar plast-
pakkaðar heyrúllur sem spilltu um-
hverfinu og minna var um rúllu-
baggaplast hangandi á girðingum en
menn gátu búist við. Tómir áburðar-
pokar sáust sjaldan á víðavangi. Á
stöku bæ voru gömul bílhræ til lýta,
en víða hefur þeim verið komið
haganlega fyrir þannig að þau spilla
ekki ásýnd landsins. Helstu lýtin
tengjast vegagerð og annarri mann-
virkjagerð þar sem taka þarf möl, og
allt of víða mátti sjá ófrágengnar og
illa nýttar malarnámur. Vegagerð
ríkisins sem er einna stærsti malar-
námsaðilinn á svæðinu hefur á
seinni árum bætt umgengni sína
verulega, bæði í námu og nánasta
umhverfi veganna.
Náttúruverndarnefnd vill hér
með hvetja alla íbúa svæðisins til
góðrar umgengni og varfærni í sam-
skiptum við náttúruna.
(Fréttatilkynning)
^x\\\\\\\\\\\\\\\\\\\\\\\\\\\\wm 111 m 111II/ {////////////////y/////////////^^
\'^\\^wwwww\iwuhuuuuu[}uuuuuuuuuuLJL/L//yL/iy/y/yi/í
HEIMILISTÆKI
BÚSÁHÖLD |
CJAFAVÖRUR

06 MARCT, MARCT | VERKFÆRI |
FLIiRA.
ÚRVAUP
ER HIÁ OKKUR.
Cli&ILECA VERSIUNAR
MANNAHELCI!