Dagur - 09.11.1995, Blaðsíða 4

4 - DAGUR - Fimmtudagur 9. nóvember 1995
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI,
SÍMI: 462 4222
ÁSKRIFT KR. M. VSK. 1500 Á MÁNUÐI
LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN:
AUÐUR INGÓLFSDÓTTIR, GEIR A. GUÐSTEINSSON,
HALLDÓR ARINBJARNARSON,
SIGURÐUR BOGISÆVARSSON, FROSTI EIÐSSON (íþróttir),
INGIBJÖRG MAGNÚSDÓTTIR (Húsavík vs. 464 1585, fax 464 2285).
LJÓSMYNDARl: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 462 7639
SÍMFAX AUGLÝSINGADEILDAR: 462 2087
----LEIÐARI-------------------------
Standið á
Stækkun álversins í Straumsvík má alls ekki
leiða til fjárfestingafyllerís í landinu. Þvert á
móti verða stjórnendur fyrirtækja að nýta
þennan glaðning inn í efnahagskerfið til þess
að styrkja fyrirtækin enn frekar. Dýfa í efna-
hagslífi undanfarinna ára eftir tímabil of-
þenslu og fjárfestingafyllerís, hefur kennt
stjórnendum fyrirtækja að halda að sér hönd-
um og fara varlega í sakirnar og taka eitt
skref í einu. Innspýting fjármagns í efnahags-
kerfið gæti vitanlega afvegaleitt menn, en
hættan er þó ekki eins mikil og áður, menn
hafa brennt sig og ættu því að vera gætnari.
Ef rétt er á málum haldið ætti stækkun ál-
versins að verða mikil búbót fyrir íslenskt
efnahagslíf. Ekki aðeins hefur hún mikil áhrif
á meðan á framkvæmdum stendur. Áhrifin til
lengri tíma litið eru ekki síður mikilvæg. Eins
og fram kom í máli hagfræðings á Þjóðhags-
stofnun í sjónvarpsfréttum sl. þriðjudags-
kvöld, þýðir stækkun álbræðslunnar í
Straumsvík 10 þúsund króna árlegan tekju-
auka á hvert mannsbarn í landinu. Og hvað
þýðir það í raun? Jú, klárlega að veltan í þjóð-
bremsunni
félaginu eykst umtalsvert og það skilar sér
vitaskuld til atvinnulífsins og almennings.
Mikilsvert er að nýta rétt þann efnahags-
bata sem stækkun álbræðslunnar hefur í för
með sér. Það gildir um fyrirtækin en þó
kannski fyrst og fremst ríkissjóð. Ljóst er að
afkoma ríkisins vegna m.a. aukinnar veltu í
efnahagskerfinu mun batna svo nemur einum
milljarði króna. Ekki er óeðlilegt að ætla að
auknir veltuskattar skili ríkissjóði 7-800 millj-
ónum króna í auknar tekjur og minna atvinnu-
leysi þýðir sparnað í atvinnuleysisbótum svo
nemur hundruðum milljóna króna.
Ekki var gengið út frá álversframkvæmdum
í forsendum fjárlagafrumvarpsins fyrir 1996,
en þar er gert ráð fyrir um 4 milljarða króna
halla. Mikilvægt er að standa um það vörð að
auknar tekjur ríkissjóð verði nýttar til að
minnka halla ríkissjóðs enn frekar á næsta ári.
Því aðeins verður unnt að halda áfram á þeirri
braut að lækka vexti, draga úr fjármagns-
kostnaði fyrirtækja og einstakhnga og búa í
haginn fyrir fjárfestingum í raunhæfu efna-
hagsumhverfi.
Krafa Þórsara, skautasvellið og Amtið
Ég geri mér Ijósa grein fyrir því
að ég hlýt að reyna á langlundar-
geð Akureyringa þegar ég skrifa
enn einu sinni um væntanlegar
íþróttahúsabyggingar hér í bæ. Ég
ætla engu að síður að taka þessa
áhættu en reyni í staðinn að vera
stuttorður.
Krafa Þórsara
Sumir Þórsarar standa í þeirri trú
að KA-menn séu einn helsti
bandamaður þeirra í baráttunni
fyrir íþróttahúsi við Hamar. Og ég
gæti best trúað því að þeir hefðu
rétt fyrir sér því að á meðan Þórs-
arar heimta það sama og KA hefur
nú þegar er engin hætta á því að
Þór fái eitthvað umfram KA, t.d.
yfirbyggðan knattspymuvöll. Það
gefur auga leið að Þór á ekki að
setja íþróttahús á oddinn, heldur á
félagið að berjast fyrir því að fá
yfirbyggðan knattspymuvöll við
Hamar.
Skautasvæðið
En jafnvel þótt Þórsarar sæju að
sér myndi það í engu breyta þeirri
sannfæringu minni að yfirbyggt
skautasvell er það verkefni á
íþróttalistanum sem á að hafa for-
gang. Rökin fyrir því em marg-
þætt. Má til dæmis nefna:
1. Ef byggt yrði yfir skauta-
svellið myndi það án nokkurs vafa
efla íþróttaiðkun almennings á
Akureyri meira og betur en nokk-
uð annað sem talið er upp á fram-
kvæmdalista íþróttamála hér í bæ.
2. Akureyri á að heita Vetrar-
íþróttamiðstöð íslands en slíkur
titill er nafnið tómt á meðan ekki
er hægt að stunda hér skautaíþrótt-
ina, óháð veðri og vindum.
3. Yfirbyggt skautasvæði
myndi vafalaust styrkja mjög
þann túrisma sem búið er að koma
á í sambandi við skíðin og Hlíðar-
fjall.
Eitt með fleiru er gerir þessa
umræðu um yfirbyggingu skauta-
svæðis á Akureyri erfiða er að fé-
lagssvæði Skautafélags Akureyrar
er á Krókeyri. Þetta er afskekkt
fyrir flesta'bæjarbúa og þyrfti því
að athuga vel um flutning á frysti-
tækjum ef til yfirbyggingar kæmi.
Em þá tveir staðir nærtækastir, í
nágrenni íþróttahallarinnar á
brekkunni eða í þorpinu á félags-
svæði Þórs. Ef seinni kosturinn
yrði valinn mætti þá ekki velta
fyrir sér að byggja eitt stórt hús,
kannski í tveimur áföngum, þann-
ig að skautasvellið yrði í öðmm
helmingnum en knattspymumenn
í hinum?
Segjum að knattspymumenn
fengju með þessu móti hálfan lög-
giltan völl en við sérstök tækifæri
mætti opna á milli húshelming-
anna og stækka völlinn þannig að
kominn væri löglegur fótbolta-
völlur undir þaki. Minnumst þess
að þegar Svíamir héldu heims-
meistaramótið í handbolta fyrir
.. .bæjarfulltrú-
arnir okkar eru á
góðri leið með
að henda 30
milljónum af
skattpeningum
okkar út um
gluggann. Er
þetta eitthvað
sem við getum
sætt okkur við?
ekki svo löngu síðan fóru fjöl-
margir leikjanna fram í skauta-
höllum.
Amtsbókasafnið
Það er gott að hafa drauma en
gallinn við stóra drauma er að þeir
kosta mikla peninga og þessa pen-
inga sækir bæjarsjóður í vasa okk-
ar Akureyringa. Við verðum því
að gera þá kröfu til bæjarfulltrúa
að vel sé með þessa peninga farið
og skipulega staðið að uppbygg-
ingu þeirrar menningar er við vilj-
um hafa. Og við verðum líka að
átta okkur á því að þrátt fyrir að
málaflokkamir séu margir þá er
Jón Hjaltason.
sjóðurinn aðeins einn; þannig að
þegar fé er varið til eins verkefnis
á sviði til dæmis íþróttamála þá er
óhjákvæmilegt að önnur verkefni
sitji á hakanum.
Eitt af því sem bæjarfulltrúar
okkar hafa kosið að geyma er við-
bygging við Amtsbókasafnið. Við
skulum rifja upp að á sínum tíma
stóð valið á milli þessarar bygg-
ingar og uppbyggingar listamið-
stöðvar í Grófargili. Seinni kostur-
inn var valinn þrátt fyrir að þá
þegar væri búið að eyða
einhverjum milljónum í undirbún-
ing títtnefndrar viðbyggingar við
Amtsbókasafnið.
Ég held að skattgreiðendur
þessa bæjar ættu flestir að geta
tekið undir með mér um að svona
á ekki að standa að málum. Og nú
er búið að setja um 30 milljónir í
þetta verkefni að byggja við
Amtsbókasafnið án þess að þar sé
enn farið að örla á nokkmm fram-
kvæmdum. Með öðrum orðum;
bæjarfulltrúamir okkar eru á góðri
leið með að henda 30 milljónum
króna af skattpeningum okkar út
um gluggann. Er þetta eitthvað
sem við getum sætt okkur við?
Ég segi nei. Valið er ósköp ein-
falt. Það gildir einu hvað okkur
íþróttaáhugamönnum langar mik-
ið í ný íþróttahús, á meðan Amts-
bókaasfnið er ekki annað en riss á
30 milljón króna pappír getur bæj-
arstjóm Akureyrar ekki leyft sér
að gæla við íþróttaverkefni upp á
tugi og jafnvel hundmði milljóna.
Sú óráðssía að hefjast alltaf handa
um ný verkefni án þess að ljúka
þeim sem komin em á veg má
aldrei verða að reglu.
Tillaga mín er því sú að bæjar-
stjóm Akureyrar setji viðbyggingu
við Amtsbókasafnið á oddinn og
fyrst þegar hún er risin verði ráð-
ist í brýn íþróttaverkefni og þá
yfirbyggt skautasvæði látið sitja
fyrir öðrum.
Með þökk fyrir birtinguna.
Jón Hjaltason.
Pirraður meirihluti
Fyrir nokkru skrifaði ég grein í
Dag sem fjallaði meðal annars um
erfíða fjárhagsstöðu Ólafsfjarðar-
bæjar. I greininni vitnaði ég í bréf
endurskoðenda bæjarins vegna
ársreikninga ársins 1994, þar sem
bent var á að miklar skuldir og dýr
rekstur væru að gera bænum erfitt
fyrir. Nefndi ég nokkur dæmi úr
bréfi endurskoðenda því til stað-
festingar. Jafnframt tók ég undir
vamaðarorð endurskoðenda og
taldi að snúa bæri vöm í sókn og
greiða niður skuldir bæjarins í
stað þess að auka þær áður en illa
færi.
Eitthvað fór þessi greinarstúfur
minn í pirmmar á meirihluta bæj-
arstjómar sem ritaði heilsíðugrein
í Dag þar sem útlistað var í löngu
máli hve óvönduð umfjöllun mfn
væri, þar sem allt væri slitið úr
samhengi, farið frjálslega með
sannleikann, eitt og annað gefið í
skyn o.s.frv. Þó var ekkert af því
sem ég skrifaði hrakið á einn eða
neinn hátt enda var uppistaðan í
grein meirihlutans skítkast að
hætti hússins eins og þeirra er von
og vísa.
Nokkrar staðreyndir
Það er staðreynd að bæjarsjóður
Ólafsfjarðar stendur illa. Það er
staðreynd að endurskoðendur bæj-
arins hafa varað við slæmri stöðu
bæjarsjóðs. Það er staðreynd að
samkvæmt fjárhagsáætlun vantar
bæjarsjóð aura til að standa undir
rekstri og afborgunum lána. Það
er staðreynd að samkvæmt sömu
fjárhagsáætlun á að taka hærri lán
en greiða á niður. Það er stað-
reynd að rekstur bæjarins er kom-
inn fram úr viðmiðun félagsmála-
ráðuneytisins, að mati endurskoð-
enda. A þessu öllu eru margar
Við stöndum ein-
faldlega frammi
fyrir þeirri stað-
reynd að skuldir
eru að sliga bæjar-
sjóð Ólafsfjarðar
og hvaða skýringar
kunna að vera á
því breytir þeirri
staðreynd ekki
neitt.
skýringar sem ekki verða raktar
hér. En breytir það öllu hverjar
ástæðumar eru fyrir þessari slæmu
stöðu? Mun slæm staða bæjar-
Björn Valur Gíslason.
sjóðs eitthvað lagast við það að
meirihlutanum tókst í grein sinni
að gera grein fyrir 33 millj. af 55
millj. umframkeyrslu á síðasta
ári? Ég hef ekki trú á því.
Við stöndum einfaldlega
frammi fyrir þeirri staÖreynd að
skuldir eru að sliga bœjarsjóð Ol-
afsfjarðar og hvaða skýringar
kunna að vera á því breytir þeirri
staðreynd ekki neitt.
Bærinn er varla í stakk búinn
til að mæta minnstu áföllum hvað
þá þeim sem urðu á höfninni okk-
ar á dögunum. Þar þyrftum við þó
að geta gripið til ráðstafana sem
fyrst. Það er því verðugt verkefni
að takast á við að greiða niður
skuldir bæjarins og í það ber að
fara. Miðað við gusuganginn og
venjubundið skítkast meirihlutans
gegn þeim sem reyna að vekja
umræðu um bæjarmálin, er því
miður ekki mikil von til þess að
svo verði.
Björn Valur Gíslason,
bæjarfulltrúi.