Dagur - 09.11.1995, Blaðsíða 11

IÞROTTIR
Fimmtudagur 9. nóvember 1995 - DAGUR - 11
FROSTI EIÐSSON
■ Fred Williams, Bandaríkjamaður-
inn í liði Þórs, var dæmdur í eins
leiks bann á fundi aganefndar KKÍ.
Williams fékk fimm villur í leik
Tindastóls og Þórs og eftir að hafa
fengið fimmtu villu sína, lét hann
orð falla við dómarana og er bannið
byggt á ummælum hans við þá ei'tir
leikinn. Williams missir af leik liðs-
ins gegn Val, sem styrkt hefur lið
sitt með bandarískum leikmanni.
■ Tindastóll og Njarðvík sluppu
með gula spjaldið og báðum félög-
unum var gert að tryggja öryggi
starfsmanna með viðunandi hætti í
framtíðinni eftir að dómarar urðu
fyrir aðskotahlutum á heimaleikjum
liðanna 2. þessa mánaðar. Tindastóll
lék þá gegn KR og Njarðvík gegn
Grindavík en hætt er við að deildir
félaganna verði dæmdar til að greiða
sektarfé ef atburðir sem þessir end-
urtaka sig.
■ Heil umferð fer fram í Úrvals-
deildinni í körfuknattleik í kvöld.
Þórsarar leika gegn Skallagrími og
hefst leikur liðanna í íþróttahúsinu í
Borgarnesi klukkan 20. Á sama tíma
leikur Tindastóll í íþróttahúsi Selja-
skólans, gegn ÍR.
■ KA og Valur munu bæði leika
heintaleiki sína í Evrópukeppninni á
laugardaginn. Leikur KA og TJ
VSZ Kosice, eins og félagið heitir
fullu nafni, verður flautaður á
klukkan 17 og klukkustundu síðar
fara Valsmenn af stað með heima-
leik sinn gegn Braga frá Portúgal.
Afturelding mun hins vegar leika
báða leiki sína gegn Zaglebie Lubin
frá Póllandi urn aðra helgi.
■ Leikstjórnandi Kosice, Kolesár,
sem er í landsliði Slóvakíu nefbrotn-
aði nýlega. Ekki hefur tekist að afla
upplýsinga um það hvort hann kem-
ur með hópnum hingað til lands.
Kosice missti tvo sterka menn úr
liðinu frá því í fyrra en hefur engu
að síður gengið ágætlega í vetur og
er sem stendur í 2. sæti í deildar-
keppninni.
Fred Williams, leikmaður Þórs var
dænidur í eins leiks bann hjá Þór fyr-
ir að rífast í dómurum.
Dalvíkingar
meö skíða-
lyftur opnar
Dalvíkingar settu skíða-
lyft'-- sínar í gang um
aúiustu helgi og munu
verða með þær í gangi
um næstu helgi. Þær
verða opnar bæði laugar-
dag og sunnudag klukk-
an 13 og einnig um
næstu helgar ef veður og
færð leyfa. Þokkalegur
snjór er í brekkunni við
lyfturnar.
VW&iLM
IStt8AB
úm a&m
IKURtVSt
L stonsttR/
V. /

Skautar:
Svellið opnað
innan skamms
- sitjum ekki viö sama borö og aðrir
segir formaður Skautaféiagsins
Skautasvell Skautafélags Akur-
eyrar í innbænum verður tekið í
notkun innan tíðar, en bilun á
annarri frystivélinni hefur vald-
ið nokkrum töfum. Um helgina
var unnið að frágangi á svæðinu
og þegar varahlutir í frystivélina
verða komnir er ekkert til fyrir-
stöðu að opna.
Setja þarf upp miðasöluskúr á
svæðinu en sá skúr sem notaður
hefur verið er í eigu Guðmundar
Hjálmarssonar verktaka sem nýtt-
ur var af eigandanum í sumar en
kemur væntanlega aftur nú á
haustdögunum. Hugmyndin er að
mála allar byggingarnar í áberandi
litum en óvíst að af því geti orðið
nema tíðin leyfi það. Jón Björns-
son, formaður Skautafélags Akur-
eyrar, segir það skoðun forráða-
manna Skautafélagsins að svellið
og afnot af því sé fyrst og fremst
fyrir almenning og aðsókn að því
yfir veturinn styðji þá skoðun.
Akureyrarbær styrkir Skautafélag-
ið um 1,3 milljónir króna og segir
Jón að megnið af þeirri upphæð
gangi aftur til bæjarins sem
greiðsla á heitu og köldu vatni,
rafmagni og vélaleigu. Sótt var
unt eina milljón til viðbótar, en fé-
lagið var með 300 þúsund króna
vélastyrk, sem var felldur niður.
„Það sitja heldur ekki allar
íþróttagreinarnar við sama borð.
Okkur stóð til boða að fá öfluga
ljóskastara úr Hlíðarfjalli til að
lýsa upp svæðið en eftir að reikn-
að hafði verið út hvað kostaði að
reka þá féllum við frá því þrátt
fyrir að við séum með svæðið
undirlýst í dag. Þeir voru hins
vegar sóttir upp í fjall og settir
niður við gamla Sanavöllinn og
notaðir þar í vor til að lýsa upp
svæðið svo knattspyrnumenn gætu
æft þar sína íþrótt. Iþrótta- og
tómstundaráði barst svo nýlega
beiðni um að fella niður raforku-
reikning vegna kastaranna eða sjá
um greiðslu reikningsins, sem að-
eins var vegna æfinga en ekki
kappleikja. Skautamenn sitja alls
ekki við sama borð og aðrir
íþróttamenn á Akureyri og skýr-
ingin á því er kannski sú að við
höfum aldrei átt neinn forsvars-
mann „innundir“ hjá bænum,“
segir Jón Björnsson.
Rekstur Skautafélags Akureyr-
ar skilaði hagnaði á árinu 1993, en
á síðasta ári varð nokkurt tap á
rekstrinum. Þá voru m.a. keyptar
gúmmímottur o.fl. til þess að að-
koman, umhverfið og búningsað-
staða væri boðleg fólki. Vegna
bágrar stöðu verður ekki að sinni
hægt að hafa opið milli eitt og
fjögur á daginn, heldur aðeins í
tvo til þrjá tíma að kvöldlagi, og
það er mikil afturför sem eflaust á
eftir að valda óánægju, ekki síst
hjá yngstu kynslóðinni. GG
MUtmMM
SÍRUAIStyj
mmr i
Þórsstrákarnir sem unnu frækinn sigur á 5. flokks mótinu með sigurlaunin. Liðið var skipað eftirtöidum: Neðri röð
frá vinstri: Brynjar Hreinsson, Pétur Kristjánsson, Gunnar H. Sigmundsson, Eyjólfur Hannesson og Sigurður B.
Sigurðsson. Aftari röð frá vinstri: Sverrir Torfason liðsstjóri, Gunnar Konráðsson, Bragi Magnússon, Kristján V.
Kristjánsson og Páll Gíslason, þjáifari iiðsins. Mynd: bg
Handbolti:
Strákarnir eru duglegir
og vinna vel saman
- segir Páll Gíslason, þjálfari 5. flokks hjá Þór, sem sigraði
í 1. umferð íslandsmótsins
„Strákarnir vinna mjög vel sam-
an og eru búnir að vera duglegir
að æfa. Svo er það kostur hvað
þeir eru jafnir, liðið státar ekki
bara af einum eða tveimur góð-
um leikmönnum eins og mörg
önnur lið, heldur eru góðir menn
í öllum stöðum,“ segir Páll
Gíslason, þjálfari 5. flokks hjá
Þór, sem gerði sér lítið fyrir og
sigraði á fyrsta fjölliðamóti vetr-
arins sem fram fór í Laugardals-
höll og í Víkinni.
Islandsmótinu er skipt upp í
fjögur mót sem leikin eru um
helgar, og var mótið um síðustu
helgi það fyrsta af þeim. Upphaf-
lega átti mótið að fara fram á Ak-
ureyri en var frestað vegna slæmr-
ar færðar og flutt til Reykjavíkur.
Þórsarar hafa hingað til ekki
unnið til margra verðlauna á síð-
ustu árum og reyndar staðið í
skugga nágranna sinna úr KA
livað það varðar. En heldur Páll
að það sé að breytast?
„Ég ætla að vona það. Það er
alveg rétt að við höfum ekki stað-
ist samanburð við KA og ég held
að Þór hafi unnið svona mót í
fyrsta og eina skiptið árið 1979.
Ég er viss um að Þór fær íþrótta-
hús og um leið og það kemur,
verður þetta ennþá betra. Það er
stór hópur hjá okkur í fimmta og
sjötta flokki sem þarf að halda ut-
an um,“ sagði þjálfarinn en 28
leikmenn æfa með fimmta flokki
og svipaður fjöldi í þeim sjötta.
Þórsarar sigruðu í öllum sjö
leikjum sínum á mótinu, gegn HK
26:14, ÍR 25:22, Aftureldingu
28:16 og þá mættu Selfyssingar
ekki til leiks gegn Þór. í undanúr-
slitum byrjuðu Þórsarar á að sigra
Val 16:11 og unnu síðan Fölni
18:16. Úrslitaleikur mótsins var á
milli Þórs og ÍR og lyktaði honum
með 18:15 sigri Þórs. KA féll út í
8- liða úrslitum keppninnar hjá A-
liðum en sigraði hjá B-liðum. Ak-
ureyrarliðin gerðu því góða ferð
suður og unnu tvöfalt.
„Við höfum aldrei unnið svona
stórt mót, úrslitaleikurinn var ekk-
ert svo erfiður en leikur í undanúr-
slitum gegn Reykjavíkurmeistur-
um Fjölnis var erfiðari. Við sett-
um markið á fyrsta sætið fyrir
mótið og ég veit ekki hverju hægt
er að þakka að það tókst. Ætli við
höfum bara ekki náð svona vel
sarnan," sagði Gunnar Sigmunds-
son, fyrirliði Þórsliðsins.
Hamar
félagsheimili Þórs:
Líkamsrækt og tækjasalur
Ljósabekkir
Vatnsgufubað
Nuddpottur
Salir til leigu
Beinar útsendingar
Getraunaþjónusta
Hamar
sími 461 2080