Dagur - 30.11.1995, Side 1
Venjulegir og demantsskornir
trúlofunarhringar
Afgreiddir samdægurs
GULLSMIÐIR
SIGTRYGGUR & PÉTUR
AKUREYRI
Fiskiðjusamlag Húsavíkur:
Hagnaður 173 milljónir sl. rekstrarár
- ný rækjuvinnsla gangsett kl. 13 á morgun - mun verða fullkomnasta rækjuvinnsla landsins
Hagnaður af rekstri Fisk-
iðjusamlags Húsavíkur
nam 173 milljónum króna á ný-
liðnu reikningsári, eftir að áhrif
af rekstri dótturfélaga höfðu
verið reiknuð, en þau námu 121
milljón króna. Rekstrarhagnað-
ur fyrir afskriftir nam 136 millj-
ónum króna, eða 9,4% af tekj-
um samanborið við 84 milljónir
króna 1994, sem var 9,8% af
tekjum þess reikningsárs. En
1994 var reikningsári félagsins
breytt í að vera frá 1. sept. til
31. ágúst og var það reikningsár
því aðeins átta mánuðir.
Heildarvelta Fiskiðjusamlags-
ins á árinu nemur rúmlega einum
milljarði og fjögur hundruð
milljónum. Eigið fé er 300 millj-
ónir, skammtímaskuldir 500
milljónir og langtímaskuldir tæp-
lega 240 milljónir. Veltufjárhlut-
faíl er 0.95.
Arsverk sem unnin voru á
reikningsárinu voru 130, en mun
fleiri starfsmenn skiluðu þeirri
vinnu. Launagreiðslur námu 215
milljónum.
Hagnaður af reglulegri starf-
semi nam 52 milljónum króna
samanborið við 30 milljónir árið
áður, en áætlanir höfðu gert ráð
fyrir 41 milljóna króna hagnaði
fyrir síðasta reikningsár og er af-
koman því 26,8% betri en gert
var ráð fyrir.
Afkoma frystingarinnar er
óviðunandi líkt og hjá öðrum,
sem eru í frystingu, að sögn
Hjalta Halldórssonar, fjármála-
stjóra. Hann segir að orsakimar
megi að hluta til rekja til veikrar
stöðu dollars og punds, en 50%
af framleiðslunni eru seld til
Bandaríkjanna og uin 18% til
Bretlands. í öðru lagi hafi launa-
kostnaður hækkað um 6% á ár-
inu. Verulegum hluta af fram-
leiðslu vinnslunnar er pakkað í
neytendaumbúðir og þar sem
launakostnaður er stór hluti af
framleiðslukostnaði sérvinnsl-
unnar, hafa launabreytingar mikil
áhrif á afkomu hennar. í þriðja
lagi hafi hráefnisverð hækkað
verulega, fyrst og fremst vegna
hækkunar á leiguverði kvóta.
Afkoma rækjuvinnslunnar
hefur verið góð og afurðaverð
hækkað um 20-25% á árinu.
Horfur í rækjuvinnslu eru góðar
fyrir komandi rekstrarár og líkur
taldar á að afurðaverð haldist
svipað. „Við erum sæmilega kátir
með afkomu rækjuvinnslunnar
þó gengisþróunin hafi orðið
slæm fyrir okkur þar sem 80%
rækjusölunnar fara fram í pund-
um,“ sagði Hjalti.
Hlutafé félagsins var aukið
um 100 milljónir króna á árinu
og er hlutfall eiginfjár í árslok
28,6%. Félagið hefur fjárfest í
nýrri tækni í rækjuvinnslu, end-
umýjað tækjabúnað hennar og
flutt í nýtt húsnæði. Nýja verk-
smiðjan verður tekin í notkun kl.
13 á morgun, 1. desember, og
mun hún verða fullkomnasta
rækjuverksmiðja landsins. Af-
kastagetan verður mun meiri en í
gömlu verksmiðjunni eða um 8-
9000 tonn af hráefni á ári. Stefnt
er að því að auka framleiðslu í
rækjuvinnslunni á yfirstandandi
rekstrarári.
Reikningar Fiskiðjusamlags
Húsavíkur fyrir síðasta rekstrarár
liggja nú fyrir og aðalfundur
verður haldinn 20. desember á
Hótel Húsavík. „Það þarf að
sameina útgerðar- og fiskvinnslu-
fyrirtækin og þá getur Húsavík
tekið þátt í þeim slag sem fram-
undan er,“ sagði Hjalti í samtali
við Dag. IM
Hlíðarfjall:
Ekki bjart útltt
með skíðasnjóinn
Skíðafólk á Akureyri hefur lít-
ið komist til þess að stunda
íþrótt sína í Hlíðarfjalli það sem
af er vetri. Þetta á reyndar eink-
um við um alpagreinafólk, en
göngubraut hefur verið troðin
um nokkurt skeið og í gær var
þar skínandi gott færi. Ekki hef-
ur hins vegar þótt grundvöllur
Alpagreinakrakkarnir æfðu sig í
Hlíðarfjalli síðdegis í gær og þar
var þessi mynd tekin. Mynd: BG.
fyrir að hafa opnar lyftur.
Undanfarna daga hefur reyndar
barnalyftan verið opnuð síðdegis
fyrir skíðaæfingar á vegum Skíða-
ráðs Akureyrar, rétt til þess að
krakkamir geti rifjað upp hvernig
skíðin eiga að snúa, eins og starfs-
maður í Hlíðarfjalli orðaði það.
Skíðafólki til hrellingar er veð-
urspáin ekki uppörvandi. I dag er
spáð hlýnandi veðri og allt fram
yfir helgi er spáð suðvestlægri átt
og hita yfir frostmarki. HA
Tillaga aö endurskoðuöu aðalskipulagi Varmahlíðar:
*
Ahersla á feröaþjónustu
Um þessar mundir liggur frammi til sýnis til-
laga að endurskoðuðu aðalskipulagi fyrir
Varmahlíð í Skagafirði. Að sögn Sigurðar Haralds-
sonar, oddvita Seyluhrepps, er ein helsta ástæða
fyrir endurskoðun skipulagsins að á lofti eru hug-
myndir um markvissari uppbyggingu ferðaþjón-
ustu á staðnum.
í hinni nýju skipulagstillögu er gert ráð fyrir upp-
byggingu sérstaks ferðaþjónustusvæðis í hinu skjól-
góða umhverfi sunnan skógræktar í Reykjahóli, en
byggðin í Varmahlíð stendur í austurhlíð þess hóls. Á
svæðinu er fyrirhuguð orlofshúsabyggð með allt að
20 lóðum fyrir slík hús og hafa allnokkrir sýnt því
áhuga að byggja sumarhús á þessum slóðum, segir
Sigurður Haraldsson. Þá er einnig gert ráð fyrir leik-
svæði, golfvelli, íþróttavelli og fleiru á þessum slóð-
um samkvæmt tillögunni. Segir Sigurður jafnframt að
verslun og önnur þjónusta í miðkjama byggðarinnar í
Varmahlíð séu innan seilingar, en til standi að tengja
allt þetta saman með göngustígum.
„I skipulaginu er einnig gert ráð fyrir sunrarhúsa-
byggð skammt sunnan þorpsins og hesthúsabyggð. Á
bökkum Húsaeyjakvíslar er einnig gert ráð fyrir hest-
húsabyggð og skeiðvelli. Á þeim stað er fjallasýn á
landinu óvíða fegurri. f þessari skipulagstillögu er
einnig tekið á fjölmörgum fleiri atriðum, en unnið
verður svo að deiliskipulagi einstakra svæða á næstu
misserum,“ sagði Sigurður. Tillagan að aðalskipulagi
Varmahlíðar, sem er unnin af Pétri H. Jónssyni skipu-
lagsarkitekt og Haraldi Sigurðssyni skipulagsfræð-
ingi, ásamt hreppsnefnd Seyluhrepps, er til sýnis á
skrifstofu hreppsins í félagsheimilinu í Miðgarði allt
fram til 17. janúar næstkomandi. Getur almenningur
gert við hana skriflegar athugasemdir fram til þess
tíma. -sbs.
Þórshöfn:
Hafspil-véla-
verkstæði hf. úr-
skurðað gjaldþrota
Hafspil-vélaverkstæði hf. á
Þórshöfn hefur með úr-
skurði Héradsdóms Norður-
lands eystra verið lýst gjald-
þrota. Fyrirtækið rak bfla- og
vélaverkstæði ásamt fram-
leiðslu og sölu á vökvadrifn-
um tækjabúnaði fyrir sjávar-
útveg, en til þess var stofnað í
framhaldi af gjaldþroti Haf-
spils hf. á Svalbarðseyri.
í úrskurði Héraðsdóms
Norðurlands eystra kemur fram
að erfiðleikar hafi komið fram í
rekstrinum sem ekki hafi verið
auðvelt að taka á, vegna afstöðu
framkvæmdastjóra félagsins og
aðaleiganda. Honum hafi verið
sagt upp störfúm í júnt sl. og þá
hafi átt að endurskipuleggja
efnahag félagsins, en tilraunir í
þá veru hafi ekki borið árangur.
Eignir Hafspils-vélaverk-
stæðis hf. námu um 10,7 millj-
ónum króna en skuldir ca.
27.68 milljónum, þar af voru
skammtímaskuldir um 16,7
milljónir króna. Fyrirtækið var
innsiglað vegna vangoldins
virðisaukaskatts. óþh