Dagblaðið Vísir - DV - 28.12.1994, Page 2

2
MIÐVIKUDAGUR 28. DESEMBER 1994
Frétdr ___________________________
Óvissa um staðfestingu á GATT vegna ágreinings stjómarliða:
Stjórnarandstaðan
vill skýra yf irlýsingu
- hafnar loðmullu og duldum ágreiningi á bak við fíkjublað
„Verði yfirlýsingiri í þessum hefð-
bundna loðmullustíl, sem einkennt
hefur málamiðlanir Alþýðuflokks og
Sjálfstæðisflokks í landbúnaðarmál-
um á kjörtímabilinu er staðfestingu
GATT teflt í mikla hættu. En verði
yfirlýsingin skýr og afdráttarlaus
verður aö öllum líkindum hægt að
afgreiða GATT fyrir áramótin.
Spurningin er bara hvort yfirlýsing-
in sé fikjublað til að dylja ágreining
í stjórnarflokkunum eða er hún
raunveruleg stjórnaryfirlýsing?“
segir Ólafur Ragnar Grímsson, for-
maöur Alþýðubandalagsins.
Utanríkismálanefnd kom saman til
fundar í morgun til að ræða staðfest-
ingu íslands á GATT-samkomulag-
inu og yfirlýsingu ríkisstjórnarinnar
um með hvaða hætti ríkisstjórnin
ætlar að standa að þvi. A Þorláks-
messu sendi Davíð Oddsson forsætis-
ráðherra bréf til aðalstöðva GATT í
Genf um að hann tryði því að Al-
þingi myndi staðfesta GATT-sam-
komulagið fyrir áramót þannig aö
ísland yrði stofnaðili.
Innan ríkisstjómarinnar hefur
verið deilt um með hvaða hætti skuh
staðið aö skuldbindingum íslands í
landbúnaðarkafla GATT. Halldór
Blöndal landbúnaðarráðherra hefur
gert kröfu um að hafa forræði tolla-
mála á sínum höndum en ráðherrar
Alþýöuflokks og fjármálaráðherra
hafa verið því andvígir.
Til þessa hefur ekki náðst sam-
komulag í ríkisstjórninni um þetta
mál og er það mat margra þing-
manna að slíkt samkomulag náist
ekki á næstu dögum. Fyrir vikið séu
litlar líkur á að hægt verði aö stað-
festa GATT fyrir áramót eins og for-
sætisráðherra hefur boðað.
. í samtali við DV í gærkvöldi sagði
Sighvatur Björgvinsson að ekki lægi
fyrir neitt samkomulag um að land-
búnaðarráðherra færi með ákvörðun
jöfnunartolla á landbúnaðarvörum.
Á hinn bóginn segir hann krata mjög
sátta við þá aðferð að afgreiða þings-
ályktunartiUöguna um staðfestingu
á GATT fyrir áramót þó ekki sé búið
að ganga frá framkvæmdinni.
„Ágreiningurinn verður leystur,"
segir Sighvatur.
Davíð Oddsson kveðst trúaður á
að samkomulag náist um efni þingsá-
lyktunartillögu um GATT sem sé það
skýr að þingið geti afgreitt hana fyr-
ir áramót. Varðandi tollamáUn segir
hann ljóst að þau muni heyra undir
fjármálaráðherra þó hið efnislepa
forræði verði hjá landbúnaðarað-
herra. Aðspuröur kveðst Davíð ekki
eiga von á andstöðu krata við þetta
fyrh'komulag enda hafi Össur Skarp-
héðinsson lýst sig samþykkan því.
„GATT er í eðU sínu neytendamál
og með GATT hverfur bannreglan.
Ákveðinn lágmarksinnflutningur
hefst og síðan er annar innflutningur
háður aðlögun þar sem landbúnað-
urinn nýtur toUverndar um ákveðið
skeið. Ég hygg að flestir geti verið
sammála um að þetta sé sann-
gjarnt,“ segir Davíð.
-kaa
Stuttar fréttir r>v
Rugl í innaniandsf luginu
Tvær Fokker-flugvélar Flug-
leiða biluðu í gær. Skv. RÚV olU •
það um tíma miklum rugUngi í
innanlandsfluginu því hinar
Fokker-vélarnar voru erlendis.
Hækkandiverð
Verð á sj.ávarafurðum heldur
áfram að hækka.á erlendum
mörkuðum. Skv. Mbl. er hækk-
unin-8,7% frá þvi í april.
Hjónin ósammála
Davíð Oddsson er ósamála
þeirri ákvörðun eiginkonu sinn-
ar að þiggja ekki dagpeninga í
opinberum ferðum eriendis. Stöð
tvö greindi frá þessu.
Hækkanir I borgarráði
Borgarráð hefur samþykkt að
hækka tryggingagrunn húseigna
í Reykjavík um 1,78% og hækka
-iðgjöld brunatryggmga jafn mik-
ið. Mbl. greindi frá þessu.
Samningur undirritaöur
Iðnaöarráðherra undirritaöi
nýverið alþjóðlegan orkusátt-
mála. Samkvæmt RÚV hefur
samningurlnn nú þegar verið
undirritaður af 45 öðrum ríkjum.
Þóröur verðlaunaður
Þórður Tómasson, safnvörður á
Skógum, fékk i gær heiðursverð-
laun úr Verðlaunasjóöi Ásu Guð-
mundsdóttur Wright. -kaa
Ibúar Þingholtanna:
Vilja ekki sendiráðið
„Eg fæ ekki séð að þetta sé óheppi-
legasta nýtingin á lóðinni en bg skil
vel sjónarmiö íbúanna sem hafa séð
hana ónýtta um langt árabil," segir
Ingibjörg Sólrún Gísladóttir, borgar-
stjóri í Reykjavík.
Yfir 500 íbúar í Þingholtunum hafa
skorað á borgaryfirvöld að falla frá
áformum um að leyfa byggingu skrif-
stofuhúss á lóðinni Laufásvegi 31, en
þar er áformað að byggja sendiráð
Breta og Þjóðverja. Ingibjörgu Sól-
rúnu var afhentur undirskriftalisti
með áskorun þessa efnis í gær.
Skorað er á borgarstjóm að leita
samstarfs við íbúa Þingholtanna um
gerð deiliskipulags með það að
markmiði að nýta lóðina sem best
fyrir þjónustu í þágu hverfisins. Bent
er á að gatnamótin sem lóðin stendur
við séu flókin, enda mætast þar íjór-
ar götur; Hellusund, Laufásvegur,
Skothúsvegur og Þingholtsstræti.
„Við fögnum fréttum um að hafinn
sé undirbúningur að því að breyta
gatnamótunum fimmföldu sem lóðin
er viö, en skorum jafnframt á borgar-
stjórn að gera nýtt umferðarskipulag
fyrir Þingholtin öll til að tryggja ör-
yggi gangandi vegfarenda, ekki síst
skólabarna," segir í áskoruninnni.
Að sögn Ingibjargar Sólrúnar hefur
breska sendiráðið átt umrædda lóð á
Laufásveginum í marga áratugi og
því sé erfitt að hindra byggingu á
henni nema með því að borgin leysi
lóöina til sín. Þá bendir hún á að í
raun sé sendiráðsbygging mun
heppilegri nýting á lóðinni heldur en
til dæmis dagheimili þar sem gatna-
mótin þoli takmarkaða umferð. Af
sömu ástæðu sé lóðin óheppileg sem
útivistar- og leiksvæði.
-kaa
Rafmagnsleysið við DýraQörð:
Raf magnið kom á í fyrrinótt
„Það var komin spenna á um þrjú-
leytið í fyrrinótt þegar við vorum
búnir að tengja annan spenni í stað
þess sem brann yfir,“ segir Sigurður
Þ. Gunnarsson, umsjónarmaður
Orkubús Vestijarða á Þingeyri.
Rafmagnslaust var í sveitinni við
noröanverðan Dýrafjörð í einn og
hálfan sólarhring, frá því á jóladag
þar til aðfaranótt 27. desember. Sæ-
strengur sem liggur yfir Dýrafjörð
gaf sig og við það fór rafmagn af
sveitinni. Þá var brugðið á það ráð
að fá spenni sjóleiöina frá ísafirði til
að keyra á gömlu sveitalínuna.
Spennirinn brann yfir og þá var ann-
ar fenginn sem nú þjónar sínu hlut-
verki.
Sigurður segir ekki vitað hvað
gerðist í sæstrengnum sem var settur
niður 1958. Það verði kannað á næst-
unni, en þangað til verði rafmagn
flutt um sveitalínuna. -rt
Löndunarbann á Rússafiski:
Á ábyrgð útgerðarmanna
- segj a rússnesk stj ómvöld
„Við fengum það svar að þetta
væri ekki á ábyrgð rússneskra
stjómvalda. Þetta væri ákvörðun
útgerðarmanna í Murmansk sem
stjómvöld ættu enga aðild aö. Full-
trúi íslenska sendiráðsins í Moskvu
fékk þetta svar í gærmorgun," segir
Þröstur Ólafsson, aðstoðarmaður ut-
anríkisráðherra, vegna fyrirspurnar
til rússneskra stjómvalda vegna
löndunarbanns á Rússafiski á ís-
landi.
Þröstur segir að svar Rússanna
hafi verið munnlegt en næsta skref
sé að fá það skriflegt og málið verði
tekið upp á fundi utanríkisráðherra
í Murmansk 15. janúar.
-rt
Linda Pétursdóttir alheimsfegurðardrottning átti 25 ára afmæli í gær. Haldið var upp á afmælið á Kaffi Reykjavik.
Á myndinni er Linda ásamt foreldrum sínum, Pétri S. Olgeirssyni framkvæmdastjóra og Ásu Hólmgeirsdóttur.
DV-mynd GVA
Ólafur Ragnar Grlmsson um ríkisfjármálin:
Skuldirnar tvöff aldast
á kjörtímabilinu
- segir viövörunarljós kvikna hjá alvarlega þenkjandi mönnum
„Þegar forystumenn núverandi
stjórnarflokka voru að dæma fjár-
málastjórnina 1990 og 1991 höföu þeir
um það mjög stór orö. Engu aö síður
voru hreinar skuldir hins opinbera
aðeins um 15 prósent af landsfram-
leiöslunni. Núna eru þær 35 prósent.
Þessi vöxtur getur auðvitað ekki
haldið áfram. Skuldir ríkisins eru
orðnar svo frekar til fjárins í efna-
hagslífi okkar íslendinga. Það yrði
óskaplega lítið svigrúm fyrir at-
vinnulífið Og heimilin til þess að
bæta sína stöðu,“ segir Ólafur Ragn-
ar Grímsson, fyrrverandi fjármála-
ráðherrra.
Ólafur Ragnar gagnrýndi harðlega
stjórn ríkisfjármála á liðnu kjörtíma-
bili í umræðum um iánsfjárfrum-
varpið á Alþingi í gær. Fram kom í
máli hans að nettóskuldir ríkisins á
næsta ári stefndu í að verða ríflega
55 prósent af landsframleiðslu og aö
heildarskuldir ríkisins stefndu í ríf-
lega 48 prósent af landsframleiðslu.
Ólafur gerði sérstaklega að umtals-
efni auknar kröfur Seðlabankans á
ríkissjóð og ríkisstofnanir. í árslok
1991 hafi þessar kröfur verið um 8,7
milljarðar. í lok nóvember síðastliö-
inn hafi þær verið 15,8 milljarðar.
„Það er mjög alvarlegt að kröfur
Seðlabankans skuli hafa vaxið með
þessum hætti. En það er athyglisvert
að árið 1991 hefur oft verið notað sem
viðvörunarár um alvarlega stöðu
ríkissjóðs gagnvart Seðlabankanum.
Þetta ásamt auknum skuldum end-
urspeglar það hrikalega verkefni
sem blasir við hér í ríkisfjármálun-
um. Þessar tölur eru þess eðlis að
það hlýtur að kvikna á öllum viðvör-
unarljósum hjá alvarlega þenkjandi
mönnum í íslensku efnahagslífi.“
-kaa