Þjóðviljinn - 18.03.1964, Blaðsíða 12

EMBÆTTIOG VÖLD ÍRU
FRAMSÓKN AÐALA TRIÐI
■ Loforðin sem gefin hafa verið, samningamir sem
undirritaðir eru, hugsjónimar sem flaggað er með — allt
þetta er Framsóknarmönnum aukaatriði. Embættin og
völdin eru aðalatriði.
Eitthvað á þessa leið fórust
Einari Olgeirssyni orð í neðri
deild Alþingis í gær, er hann
svaraði í hvassri og rökfastri
raeðu málflutningi Þórarins Þór-
arinssonar (F) við 2. umræðu i
deildinni um frumvarp Einars
um áætlunarráð og heildarskipu-
lag á þjóðarbúskapnum. Sýndi
Einar fram á að afstaða Fram-
sóknarflokksins til verkalýðs-
flokkanna hefði jafnan mótast
af ofríki, þegar um stjómar-
samstarf hefði verið að ræða
milli fyrrgreindra flokka.
Einar Olgeirsson rakti í löngu
máli dæmi þessu til stuðnings.
Minnti hann t. d. á að Fram-
sókn hefði, þegar stjómarsam-
starf var með henni og Alþýðu-
flokknum árin 1934 til 1933, beitt
sér gegn flestum þeim málum
sem AlþýðuÐokknum var mest
mun að framkvæma, t. d. öfl-
un nýrra atvinnutækja sjávarút-
vegsins til úrbóta i atvinnumál-
unum.
Ræðumaður drap einnig á af-
stöðu Framsóknarflokksins til
atvinnuuppbyggingarinnar á tím-
um nýsköpunarstjómarinnar í
í lok síðustu heimstyrjaldar og
vék að samstarfinu í vinstri-
stjóminni 1956—58.
Frumvarpi Einars Olgeirssonar
um áætlunarráð hefur áður ver-
ið rækilega lýst hér í blaðinu,
svo og þeim umræðum sem áður
höfðu orðið um þetta mál í neðri
deild.
Hofsjökuli'
nýtt skip
JÖKLA h/f
S.1. þriðjudag klukkan fjögur
eftir ísl. tíma hljóp af stokkun-
um í Grangemouth í Skotiandi
nýtt kæliskip, sem h.f. Jöklar
eiga þar í smíðum. Var skipinu
gefið nafn og skírði Ólöf Einars-
dóttir það Hofsjökul. Ólöf er 7
ára, dóttir Einars Sigurðssonar,
útgerðarmanns og stjórnarfor-
manns h.f. Jökla. Hún bar við
þetta tækifæri fslenzka þjóðbún-
inginn, upphlut og möttul.
Viðstaddir athöfnin voru ýms-
ir forystumenn Grangemouth og
skipasmíðastöðvarinnar. Af hálfu
skipafélagsins Jöklar voru mætt-
ir Ólafur Þórðarson, fram-
kvæmdastjóri og Sturlaugur
H. Böðvarsson útgerðarmaður.
og frú og Gísli Ólafsson, fram-
kvæmdastjóri og frú.
Hofsjökull er 2500 brúttólestir
að stærð, með 2500 ha Deutz-
dieselvél. Skipið verður vænt-
anlega tilbúið til afhendingar í
maí — júní n.k. Er þetta fjórði
Jökullinn. Fyrir á félagið kæli-
skipin Vatnajökul, Langjökul og
Drangajökul.
Nýr erindaflokkur um
heimspeki og kristindóm
■ Nýr erindaflokkur er að hefjast á vegum Félags-
málastofnunarinnar og verða fluttir fyrirlestrar flesta
sunnudaga í apríl og maí næstkomandi í kvikmyndasal
Austurbæjarskólans. Fjallar þessi erindaflokkur um Heim-
spekileg viðhorf og kristind&m á kjarnorkuöld.
TVÖ LANDSLIÐ FARA UTAN
Unglingalandsliðið í handknattieik. Frá vinstri: Björn Einarsson, Ólafur Friðriksson, Frimann Vilhjálmsson, Viðar Símonarson
[(fyrirliði), Jón Carlsson, Jón Ágústsson, Gylfi Jóhannsson, Einar Hákonarson, Jón Breiðfjörð, Jón Gestur Viggósson, Kúnar Páls-
son, Hiimar Björnsson og Hermann Gunnarsson. Á myndina vantar Stefán Sandholt. (Ljósm. Bj. Bj.),
I dag halda tvö íslenzk (-
þróttalandslið utan til keppni.
Landsliðið í körfuknattleik fer
til Helsinki og tekur það þátt
f Polar Cup-keppninni, sem er
Norðurlandameistaramót og jafn-
framt svæðUmót fyrir Evrópu-
keppnina. Fararst.jóri þess hóps
verður Bogi Þorsteinsson, for-
maður KKÍ, og einnig verða með
f förinni Guðjón Magnússon
dómari og Einar Matthíasson
fréttamaður.
Unglingalandsliðið í hand-
knattleik fer til þátttöku í Norð-
urlandameistaramóti unglinga í
handknattleik, sem háð verð-
ur í Eskilstuna í Svíþjóð. I far-
arstjórn eru Ásbjöm Sigurjóns-
son .formaður HSÍ, Valgeir Ar-
sælsson og H.jörleifur Þórðar-
son. Karl Benediktsson, Iands-
þiálfari, verður cinnig með í
í jrinni.
—
Landsliðið í körfuknattleik.
Fremri röð frá vinstri: Gutt-
ormur Ólafsson, Bavíð Helga-
con, Viðar Ólafsson (fer ekki
vegna ve'kinda), Ólafur Thorla-
cius og Þorsteinn Hallgrímsson
(fyrirliði). Aftari röð: Helgi Jó-| Einar BoIIason, Kristinn Stef-
hannsson, landsþ.iálfari Birgir j ánsson og Sigui'ður Ingólfsson.
Birgis, Hólmsteinn Sigurðsson, I — Á myndina vantar Anto i
Bjarnason, sem kemur í staðinn
fyrir Viðar. — (Ljósm. Sveinn
Þormóðsson).
Hvergi fæst bein úr sjó
Þórshöfn 14/3 — Illa árar
til sjávar á Norðausturlandi.
Hefur þó verið einmuna góð
tíð að undanförnu. Þórshafnar-
| bátar hafa róið út um allan
sjó og síðustu daga suður fyTÍr
! Langanes.
i Hvergi fæst bein úr sjó að
ráði. Fimm stærri bátar róa
héðan og er þá átt við stærð-
ina sex til fimmtán tonn og
sex minniháttar trillur og þyk-
ir mönnum leitt. að aflasæld
fylgir ekki góðu tíðinni.
Er aflinn oft innan við tonn
eftir róðurinn. Sömu sögu er
að segja af Raufarhafnarbátum
og Bakkafjarðarbátum. Hinsveg-
ar árar vel til landsins og gróð-
ur þýtur upp og er gras orðið
yíða sex sentimetra hátt.
Tré bruma eins og að vori
Gunnhildargerði 17/3 — Hér í
Hróarstungu hefur verið ein-
dæma veðurblíða undanfarnar
vikur og eru tré farin að bruma
eins og að vori til og er kom-
inn beygur í skógræktarmcnn
á Héraði.
Margir bændur eru búnir að
sleppa fé sínu og rásar það um
biár og ieirur en þeir vilja
þó ekki sleppa því upp á heið-
ar.
Aldrei kemur dropi úr Iofti
og hæg sunnanátt iöngum með
frostkuli einstaka nótt. Nokkr-
ir glöggir veðurspámenn hafa
dagað uppi með svartsýnisspár
frá þorra og góu og hafa nú
hægt um sig.
Friðrik tefldi við Akurnesinga
AKRANESI 16/3 — Friðrik
Ólafsson stórmeistari tefldi fjöl-
tefli hér síðastliðinn suxmudag
á vegum Taflfélags Akraness.
Teflt var á 21 borði og vann
Friðrik 18 skákir en þrír Akur-
nesingar náðu jafntefli við
meistarann. Þessir þrír voru:
Ámi Böðvarsson sparisjóðsst.jóri,
Guðmundur Bjarnason fisk-
matsmaður og Þórður Egilsson,
pípulagningameistari.
Teflt var í félagsheimilinu
RÖST og reyndist húsnæðið allt
of lítið og nær ómögulegt fyrir
áhorfendur að fylgjast með skák-
unum.
Jók fylgi sitt um hundrað prósent
Raufarhöfn, 17/3 — Einn daginn
voru nokkrir vinnufélagar á
vinnustað hér í þorpinu að ræða
um málgleði Gylfa Þ. Gísiason-
ar og hvað hann hefur gaman
af því að hagræða tölum í við-
reisninni.
Þá sagði einn sem svo: Vitið
þið ekki strákar, að Alþýðu-
flokkurinn jók fylgi sitt hér í
þorpinu um hundrað prósent við
síðustu kosningar.
Nei, nú ertu að gera að gamnl
þínu, sagði einn náunginn.
Er þetta ekki vitleysa þér þér,
góði minn.
Jú, sjáið þið til. Alþýðuflokk-
urinn hefur átt eitt atkvæði hér
í þorpinu um iangan tima eins
og þið vitið. Maður frá Kópa-
skeri fiutti hingað f þorpið fyrir
síðustu kosningar og kaus AI-
þýðuflokkinn.
Er þetta ekki hundrað prósent
aukning. — L. G.
Bjargfuglinn byrjaður að verpa
GRlMSEY 17/3 — Einmuna
veðurblíða er hér i Norður Is-
hafinu og eru tún orðin græn á
eyjunni. Bjargfuglinn er kominn
í björgin og er farinn að búa
sig undir varpið. Er það með
fyrra móti. Héðan róa fjórar
trillur og er reitingur af afla
enda gæftir góðar.
Duglegustu sjómenn okkar
eru þó ennþá á vertíð syðra.
Hér urðu flugfarþegar að bíða
nokkra daga vegna veðurblíð-
unnar, þar sem jörð var svo
þýð þangað til frostnótt kom
og flugbrautin fraus.
Búa sig undir átök með vori
; Raufarhöfn 17/3 — Nýlega var
! haldinn aðalfundur í Verka-
mannafélagi Raufarhafnar og
hafði aðeins einn listi borizt
og varð hann sjálfkjörinn. Nýr
j formaður var kjörinn og heitir
| hann Páll Ámason. Varaformað-
I ur er Magnús Jónsson, ritari
Hreinn Ragnarsson, féhirðir
Hilmar Ágústsson og Amþór
Pálsson meðstjórnandi. Skuld-
laus eign félagsins er 450 þús-
und krónur.
Þá hefur verið haldinn aðal-
fundur Verkakvennafélagsins
Orku og varð þar sjálfkjörinn
einn listi. Þar var einnig kjör-
inn nýr formaður. Er það frú
Helga Þórarinsdóttir í Árbliki.
Helga er móðursystir Páls Áma-
sonar, formanns Verkamannafé-
lagsins. Félögin búa sig nú und-
ir aðgerðir í kaupgjaldsmálum
með vorinu og er ákveðið að
hafa sem nánasta samvinnu við
félögin á Norður-og Austur-
landi. — L.G. '
Gróska í skáklífinu
Neskaupstað 10/3 — Taflfélag
Norðfjarðar hefuir starfað af
miklu fjöri í vetur. 1 desember
var haldið Skákþing Norðfjarðar
og mætti þar sem gestur Halldór
Jónsson skákmeistari Akureyr-
ar. Þátttakendur voru átta í I.
flokki, fimm i II. flokki og 29
í unglingaflokki. Sigurvegari í I.
flokki varð Halldór með 6V2 v.
en næstur og jafnframt skák-
meistari Norðfjarðar 1964 va.rð
Rafn Einarsson. — Eftir áramót-
in var haldið annað skákmót
með 15 manna þátttöku. Þar
sigraði Eiríkur Karlsson. en I
hann er jafnframt hraðskák-
meistari Norðfjarðar. — Haldin
hafa verið nokkur hraðskákmót
með þátttöku frá fleiri stöðum á
Austurlandi, og i janúar fóru
héðan átta skákmenn í Egilsstaði
og tefldu við Héraðsmenn. Unnu
Norðfirðingar með 5l/2:2l/2.
Nú hefur verið efnt hér til
skákkeppni milli fyrirtækja í
fyrsta sinn, og tefla þar ellefu
tveggja manna sveitir frá tíu
fyrirtækjum. Má það teljast góð
bátttaka í ekki stærri bæ. —
Formaður í bessu gróskumikla
taflfélagi er Karl Hjelm. — H.G.