Þjóðviljinn - 07.09.1972, Blaðsíða 1

múDvunNN
Fimmtudagur 7. september — 37. árg. — 200. tbl.
Alþýóubankinn hf
ykkar hagur
okkar metnaður
ÞAÐ BORGAR SIG
AÐ VERZLA í KROM
Lafðin
stóð við
orð sín
Brezka
freigátan Áróra
kemur til
íslands í dag
Brezka freigátan Áróra er
væntanleg á fiskimiðin við is-
land í dag til þess að vernda
hina brezku vciðiþjófa, þannig
að lafði Tweedsmuir stendur
við hótanir sinar og virðist
orðhcldin kona.
Samkvæmt siðustu talningu
Landhelgisgæzlunnar voru 85
fiskiskip að veiðum umhverfis
landið og þar af 69 brezkir tog-
arar fyrir vestan, norðan og út
af Suðausturlandi. Heldur fer
þeim brezku togurum fækk-
andi er leyna nafni og númeri
eins og sjóræningjar á höfun-
um, þó að þeir komi yfirlcitt
upp um sig er þeir leika Rule
Britannia. Og nú er fyrsta her-
skipið komið á miðin síðan
fiskveiðimörkin voru færð út i
50 milur 1. scptember.
Brezka freigátan Áróra
lagði úr höfn i gærmorgun úr
flotahöfn nálægt Edinborg og
telst til þeirra herskipa
brezkra er hafa vörzlu á
Norður Atlanzhafi. Það er 2500
tonn að stærð og er búið tveim
fallbyssum og tveim loft-
varnabyssum.
Með vissu millibili fara
brezku herskipin i eftirlitsferð-
ir um Norður Atlanzhaf 'og
leggja þá leiðsina norður fyrir
tsland, þá til Færeyja og
Noregs. Var slik freigáta siö-
ast á ferð i mai i vor og kom þá
hér á miðin og leitaði einu
sinni hafnar i Reykjavik til
þess að taka vatn og oliu.
Ekki var komið að þeim
tima, að slik freigáta ætti að
fara i slika eftirlitsferð, og
mun lafðin hafa látið undan
kröfum brezkra togaraeig-
enda að flýta för Aróru á is-
lenzku fiskimiðin til þess aö
hleypa vindi á nýjan leik i
brezka togaraeigendur. Lizt
þeim ekki á virklippu Land-
helgisgæzlunnar og kalla hana
sumir „navy cut”.
I gær áréttaði Hafsteinn
Hafsteinsson, blaðafulltrúi
gæzlunnar, að varðskipin
héldu áfram óbreyttum að-
geröum og væri vitaskuld ekki
gefið upp, hvenær og hvar
hnifnum yrði beitt næst.
t gær komu fyrirmæli frá
Miröndu til brezkra togara að
mála aftur yfir nöfn og númer,
þar sem islenzku varðskipin
þekki togarana. Nokkrar
orðahnippingar urðu við
brezka togaraskipstjóra.
Góð samstaðá er milli is-
lenzku varðskipanna og is-
lenzkra báta. Þannig sáu
færasjómenn á Akraborginni
tvo brezka togara á slógi inn-
an 12 milna markanna. Sagði
Baldur Sveinbjörnsson, stýri-
maöur á Akraborginni, að þeir
hefðu þegar haft samband við
islenzkt varðskip og látið það
vita um togarana. Voru þeir
tiu milur út áf Glettingi i gær.

Vestur-þýzka eftirlitsskipið hefur hér lagt frá höfn á tsafiröi. Mynd: Haukur Sigurðsson.
Þorðu ekki inn með
slasaðan sjómann
Vestur-þýzkt skip
tók til hafnar
sjómann, sem var
nœr dauða en lífi
vegna hiks Bretanna
Sá sem hefur vondan
málstaö að verja er oft
hræddur. Þetta sannaðist
enn einu sinni í gærmorg-
un, þegar Englendingar
þorðu ekki inn til isafjarðar
með slasaðan togarasjó-
mann, en fengu þess í stað
þýzkt eftirlitsskip til að
sigla með hann inn til isa-
fjarðar, þarsem hann fékk
viðeigandi læknismeðferð.
Enski sjómaðurinn, sem heitir
Barnard Carrol og er 47 ára gam-
all skipverji á brezka togaranum
Fallstaf H 107, sem er einn af tog-
urum Hellyers-bræðra í Hull og er
tæp 900 tonn að stærð, var svo
mikið slasaður á handlegg, að
taka varð hann af rétt fyrir ofan
olnboga. Clfur Gunnarsson yfir-
læknir á sjúkrahúsinu á tsafirði
sagöi Þjóðviljanum í gær, að eftir
atvikum væri liðan mannsins góð.
Hann hefði einnig verið nokkuð
marinn á brjósti, en ekki alvar-
Framhald á bls. 11.
Fyrsta og eina
einkaviðtal við
Spasski í íslenzku
dagblaði
Boris Spasskí hefur nú verið
á islandi um 11 vikna skeiö. 1
dag heldur hann hcimlciðis. i
gærmorgun fékk Svavar
Gestsson tækifæri,tíl þess að
ræða við stórmeistarann, og
cr viðtal þeirra birt á 3ju slðu
blaösins i dag.
Viðtal það við Spasski sem
hér birtist, er fyrsta og cina
einkaviðtalið sem birzt hcfur
við stórmeistarann frá þvi að
hann kom hingað til lands i
þetta sinn.
Sjá síðuQ
Jóhann Hafstein, formaður Sjálfstœðisflokksins:
Gefur Bretum
í skyn að lítið
beri á milli!
Sá furðulegi atburður
gerðist í gær — á sama
tima og Bretar troða yfir
fiskveiðilögsögu íslend-
inga — að formaður
Sjálfstæðisflokksins
birtir grein i Morgun-
blaðinu þar sem hann
staðhæfir að svo lítið
beri á milli Breta og
islendinga i landhelgis-
málinu að samningar
eigi að geta tekizt. Slik
skrif eru pólitiskt stór-
hneyksli á sama tíma og
íslendingar eiga i harðri
deilu við Breta.
t Morgunblaðsgreininni
kemst Jóhann Hafstein aö
þessari fróðlegu niðurstöðu:
„Þegar framangreint er at-
hugað, sést að sáralítiö ber á
milli islenzku rikisstjórnar-
innar og Breta”.
Þessi kostulega niðurstaða
Jóhanns Hafsteins er einstak-
ur stjórnmála viðburður.
Formaður stærsta stjórn-
málaflokksins gerir sér ekki
grein fyrir þvi, að það sem ber
á milli tslendinga og Breta er
að við viljum að Bretar viður-
kcnni okkar lögsögu yfir land-
helginni, en Bretar neita þvi.
Ágrciningurinn er þessi, og
hann er enn risavaxinn.
Vcit hann ekki að deilumáliö
snýst um það að islendingar
vilja fá viöurkenningu fisk-
veiðilögsögu sinnar, en Bretar
neita að viðurkenna?
Bretar hafa auk þess eftir aö
landhelgin varð 50 milur gert
allt sem þeir geta til þess að
auka þennan ágreining: Þeir
hafa stefnt hingaö á Islands-
mið fleiri brezkum togurum
en nokkru sinni fyrr. Þeir hafa
sent hingað á miðin herskip
sem kemur hingað á tslands-
mið i fyrramálið.
A sama tima og þetta gerist
skrifar Jóhann Hafstein grein
og kemst að þeirri niðurstöðu
að ekkert beri á milli aðila.
Hér er Jóhann ekki að karpa
um samningana frá 1961. Hér
er ekki verið að rifja upp gam-
alt ágreiningsmál. Hér er for-
maður Sjálfstæöisflokksins að
gefa Bretum I skyn að þeir
geti náö með samningum öllu
þvl sem þeir hafa farið fram á
— og það strax!
Þvi miður er ekki einungis
unnt að lita á skrif Jóhanns
Hafsteins sem ómerkings-
skrif. Þau túlka vafalaust við-
horf innstu klikunnar i Sjálf-
stæðisflokknum. En vist er að
allur þorri tslendinga er and-
vigur þessum sjónarmiðum
Jóhanns Hafsteins, þau eru
fordæmanleg og eiga engan
hljómgrunn meðal lslendinga.
Þjóðviljinn varar tslendinga
alvarlega við þvi að taka
mark á ákrifum Jóhanns,
vegna þess að enn er griðar-
vegur milli sjónarmiða deilu-
aðila i landhelgismálinu.
Þjóðviljinn ber fram aðvörun
sina af miklum þunga vegna
þess að hér er alvörumál á
ferðum sem getur ráðið úrslit-
um um farsæla lausn erfiðra
mála og flókinna.
Landhelgin er þegar 50 mil-
ur, og það á ekki að semja við
ribbalda sem brjóta islenzk
lög um verðlaun fyrir
ribbaldaháttinn. Það er við-
horf þorra tslendinga i dag.
— sv.