Þjóðviljinn - 12.12.1975, Qupperneq 12

12 SÍÐA — ÞJÓDVILJINN Föstudagur 12. desember 1975.
Eitt mark vantaði upp
á jafntefli gegn dönum
Botnlaus barátta var hjá báðum liðunum í landsleik íslands og
Danmerkur í gærkvöldi, og lokatölur urðu 17:16 sigur gestgjafanna
Landsleikur Islands og Dan-
merkur i gærkvöldi var geysilega
fjörugur og mikil spenna allan
timann. Markamunurinn var
yfirleitt ekki meira en eitt eða tvö
mörk og þeir tæplega þrjúþúsund
áhorfendur sem sáu leikinn i
Rannes voru svo sannarlega ekki
sviknir. Þarna var leikinn hand-
knattleikur af miklum hraða,
ekkert gefið eftir, og er upp var
staðið að leikslokum höfðu danir
skorað sautján mörk á móti 16 frá
islendingunum, sem að þessu
sinni léku með þá Jón Karlsson og
Ólaf Benediktsson markvörð sem
bestu menn.
— Það var bókstaflega aldrei
dauður punktur i þessum leik,
sagði Axel Sigurðsson fararstjóri
þegar v.ið hringdum til hans i
gærkvöldi. —- Þetta var stórkost-
lega skemmtilegt á að horfa, ég
held svei mér þá að ég muni varla
eftir öðru eins. Danir höfðu yfir-
höndina ihálfleik og á 40 min.var
staðan 10—9, siðan kom 10-10 og
seinna sáust tölurnar 12-11 og
fimm minútum fyrir leikslok 16-
15 fyrir danina, sem þannig höfðu
ávallt yfirhöndina.
Siðustu minúturnar voru
hámark spennunnar, danir skor-
uðu 17-15 en þrátt fyrir mikið
harðfylgi tókst okkur ekki að
skora fyrr en á siðustu sekúndun-
um. Var Axel Axelsson þar að
verki með sextánda markið, og
ekki hafði vantað mikið upp á að
annað mark kæmi skömmu áður.
— Þetta er okkar heimavöllur i
Danmörku, sagði Axel eftir leik-
inn. — Við áttum hér fjölmarga
áhorfendur sem létu duglega i sér
heyra, þeir hafa skipt hundruðum
ef dæma má eftir hvatningar-
hrópunum. Við lékum hér siðast
árið 1973 og gerðum þá 18-18 jafn-
tefli og þá voru það danirnir sem
skoruðu 10 sek. fyrir leikslok. Við
ætluðum þvi að vinna þá nú, en
það fer ekki alltaf eins vel og á er
kosið.
Ólafur Benediktsson stóð sig
eins og hetja og var inná allan
timann. Hirti hann m.a. eitt vita-
kast. Af öðrum leikmönnum bar
mest á Jóni Karlssyni, sem skor-
aði flest mörkin og vann að venju
mjög vel i vörn og sókn. Ólafur H.
Jónsson fékk það hlutverk að
gæta markaskorarans mikla,
Flemming Hansen, með þeim
árangri að hann skoraði ekkert
mark nema úr vitaköstum, en
þannig skoraði hann fjögur.
Þóknunin fær misjafnan hljómgrunn:
Ellert fékk ekki
umbeðinn stuðning
þegar formenn sérsambanda
ÍSÍ voru kallaðir saman á fund
og beðnir um
óbeina stuðningsyfirlýsingu!
EUert B. Schram fékk ekki
þann stuðning, sem hann haföi
vænst frá formönnum sérsam-
banda ÍSl, þegar að hans ósk
var haldinn með þeim fundur i
fyrradag. Var þar fjallað um
hina umtöluðu þóknun til
formanns KSt vegna auglýs-
ingasöfnunar. Samkvæmt þeim
upplýsingum sem blaðið hefur
aflað sér mun Sigurður
Magnússon skrifstofustjóri tSt
hafa sótt það mál fast, að for-
mennirnir tækju jákvæða af-
stöðu til þessa máls og sendu frá
sér yfirlýsingu þar sem óbeint
væri lýst yfir stuðningi og
trausti á starfi formanns KSt.
Ekkikom I ljós fyrr en á fund-
inn var komið, hvert umræðu-
efnið átti að vera. Þar upplýsti
Sigurður hins vegar að til
fundarins væri boðað
samkvæmt ósk Ellerts og fleiri
aðila, sem óskuöu eftir þvi aö
stuðningur kæmi frá öðrum
samböndum, og að kannað yrði
hvort þar hefði tfðkast að veita
þóknun fyrir störf stjórnarmeð-
lima.
Sigurður mun hafa boriö á
borð fyrir formennina, sem
margir voru málinu gjörsam-
lega ókunnir, hálfan sannleik-
ann eða jafnvel tæplega það eft-
irþvi sem hingaö fréttist. Sagði
hann þar m.a. að allir stjórnar-
meðlimir KSt hefðu vitaö um
þetta mál frá byrjun og að full
samstaða hefði verið innan
stjómarinnar um að taka á aug-
lýsingasöfnuninni þessum tök-
um.
Stangast það á við þá fullyrð-
ingu stjórnarmanna KSÍ, sem
segjast vissuiega hafa vitaö af
söfnuninni en ekki haft hug-
mynd um að fyrirhugað væri að
greiða hluta innkomins fjár i
þóknun. Segja þeir jafnframt að
öllum hafi verið boðið að taka að
sér söfnunina en enginn treyst
sér til þess. Voru þeim ekki
boðnir peningar að launum og
slikt aldrei nefnt við þá þegar
formaðurinn tók að sér söfnun-
ina.
Þrátt fyrir það, að hæpnar
skýringar væru gefnar á málinu
á formannafundinum og sumir
fundarmanna væru málinu litt
eða ekkert kunnugir, varð ekk-
ert úr þeirri samþykkt, sem
Sigurður Magnússon sóttist svo
stift eftir. Ekki er þó öll nótt úti
enn, þvi nokkrir formenn voru
ckki mættir og verður væntan-
lega rætt við þá hvern fyrir sig
og síðan boðaður nýr fundur
með öllum formönnum sérsam-
bandanna.
Misjafn hljómgrunnur
En þótt mikið sé rætt og ritað
um þessar tvöhundruð þúsund
krónur sem Ellert fékk, eru
menn ekki á eitt sáttir um það,
að hér sé um alvarlegt brot að
ræða. Undirritaður er raunar á
þeirri skoðun, eins og svo
margir aðrir, að ekki sé ástæða
til þess að amast svo mjög við
þvi, að þóknun sé greidd fyrir
ákveðin störf á borð við þetta.
Hitt er svo annað, aö formaður
og gjaldkeri KSÍ fóru klaufalega
að framkvæmdinni. Þeir reyndu
að fela greiðsluna I reikningun-
um, bæði þóknun vegna söfn-
unar auglýsinganna og
innheimtu þeirra. Slikt er vita-
vert,og er leitt til þess að vita að
formenn annarra íþróttasam-
banda eigi að leggja blessun
sina yfir svona nokkuð meö
opinberri yfirlýsingu.
„Þetta má ekki
eiga sér stað”
— Þaö má alls ekki eiga sér
staö að minu áliti að formcnn
hinna óliku sambanda bindist
einhverjum samtökum um að
þagga erfiö mál niður með yfir-
lýsingum og samhentum að-
geröum, sagði Ingimar Jónss.,
formaður Blaksambands
tslands, er við spurðum hann
álits á þessum fundi formann-
anna. — Sjálfur er ég á móti þvi
að launa stjórnarmönnum, og
niér finnst að þetta sé hættuleg
þróun á margan hátt. Meö sama
áframhaldi er þaö ljóst, að til
þess að afla tekna þarf að velja
ákveðna tegund manna til for-
ystu, menn sem þekkja við-
skiptaheiminn, „hafa sam-
bönd” o.s.frv.
Þess vegna er ég á móti öllum
stuðningsyfirlýsingum. Mér
finnst þóknun fyrir auglýsinga-
söfnunina óeðliieg, og með öllu
er útilokað að ég fallist á ein-
hvern stuðning viö þær aðfarir
og þau vinnubrögð, sem þarna
voru viðhöfð. Þetta er einkamál
KSt og þeirra eigin höfuðverkur
að ráða fram úr vandanum. Ég
er raunar yfir mig hissa á þvi,
að reynt er að leita á náðir ann-
arra formanna og biðja þá um
stuöningsyfirlýsingu, sagði
Ingimar.
— Ég vil alls ekki að sérsam-
böndunum sé beitt svona. Það
má ekki vera hægt að kalla
formenn saman þegar eitthvað
kemur upp og láta þá
samþykkja grautarlegar yfir-
lýsingar til þess að blckkja
iþróttaunnendur og alþjóð alla.
Sumir núverandi formanna
virðast þó vilja gera þetta þegar
þeim sýnist.en hræddur erég þó
um, að litinn hljómgrunn fengi
mitt samband ef þaðóskaði eftir
stuðningsyfirlýsingu stóru sam-
bandanna við eitthvert
hneykslismál I okkar herbúð-
um, sagði Ingimar að lokum.
—gsp
Axeli Axelssyni gekk ekki eins
vel, einkum i fyrri hálfleik, en þá
misnotaði hann vitakast og virtist
vera miður sin framan af i leikn-
um. Jón Karlsson tók vitin eftir
það og skoraði hann samtals
fimm mörk, þar af 2 úr vitaköst-
um. Axel skoraði 3 mörk, Ölafur
H. Jónsson 2, Stefán Gunnarsson
2, Gunnar Einarsson 2, Árni
Indriðason 1, Páll Björgvinsson 1.
Hjá dönunum var Fleming
Hansen markahæstur þrátt fyrir
hina góðu gæslu Ólafs. Hann
skoraði fjögur mörk o'g voru þau
öll úr vitum. Erik Gamlegárd
Blakiö
um
helgina
Tveir leikir fara fram I 1.
deild karla i blaki um helgina.
A Akureyri leika IMA og IA á
laugardag klukkan 16.00. Á
Laugarvatni leika klukkan
14.00 á sunnudag UMFÍ og
Þróttur.
I 2. deild leika á sunnudag
klukkan 17.00 Breiðablik og
Skipaskagi. Strax þar á eftir,
klukkan 18.00,Ieika siðan Vik-
ingur og Skautafélag Reykja-
vikur. Báöir leikirnir fara
fram iiþróttahúsi Kennarahá-
skólans.
skoraði einnig fjögur mörk og
Nilsen þrjú. Þess má geta að
Flemming Hansen skoraði 10
mörk á móti norðmönnum fyrir
skömmu.
Vörnin var betri hluti islenska
liðsins en sóknarleikurinn gekk
ekki alveg samkvæmt áætlun.
Spennan var enda mikil og þá
getur aldrei allt gengið eftir leik-
kerfum eingöngu. Þeir sem ekki
léku að þessu sinni voru þeir Ingi-
mar Haraldsson og Viggó
Sigurðsson, sem er litillega
meiddur.
Axel sagði að lokum að allir
væru stórkostlega ánægðir með
aðbúnaöinn. Þeir væru i hinu
besta yfirlæti með fullkomnari
aðstöðu en nokkurn hafði dreymt
um. Vonandi kæmu þeir þvi
tviefldir heim i leikinn gegn
júgóslövum, en liðið kemur til
Islands á mánudag. Um helgina
er hins vegar f jögurra liða keppni
á dagskrá með danska lands-
liðinu, Árhus KFUM, ungversku
meisturunum og islenska lands-
liðinu. —gsp.
Fyrsta
stórmót
vetrarins
i judo
Sveitakeppni júdósambands ís-
lands veröur háð i iþróttahúsinu i
Njarðvik föstudaginn 12. desem-
ber 1975 og hefst kl. 20.
Hér er um að ræða tslands-
meistaramót i sveitakeppni, en
það var I fyrsta sinn haldið i
fyrra, og sigraði þá A-sveit Júdó-
félags Reykjavikur. Sveitakeppni
er mjög vinsælt keppnisform i
júdó og á vaxandi athygli að
fagna hér á landi sem erlendis.
Keppt er i 5 manna sveitum, þ.e.
hver sveit er skipuð mönnum úr
öllum þyngdarflokkum.
Sú sveit sem sigrar á þessu
móti öölast rétt tjl að taka þátt i
Evrópubikarkeppni meistara-
sveita á næsta ári.
„Eg hef aldrei verið
boðaður á þennan fur
segir formaður JÍ
— Ég hef ekki verið boðaður
á þennan fund og hef ekkert
um hann heyrt, sagöi Eysteinn
Þorvaldsson, form. Júdósam-
bands islands, þegar við innt-
um hann frétta af fundi
Sigurðar Magnússonar meö
formönnum sérsambanda ÍSÍ,
sem sagt er frá hér á siðunni.
— Þekkjast þóknanir til
handa stjórnarmanna I JSt?
— Nei, það er nú ööru nær.
Stjórnarmenn okkar hafa ekki
aðeins lagt fram tima sinn og
starfskrafta endurgjaldslaust
fyrir iþróttina, heldur lagt
fram mikla peninga i beinan
kostnað. Við héldum t.d.
Norðurlandamótið I vor, og
var allur undirbúningur og
framkvæmd unnin I sjálfboða-
vinnu. Sjálfur hef ég farið
nokkrar utanlandsferðir á
vegum JSl og borgað þær
nærri algjörlega sjálfur, bæði
ferðir og uppihald, og sama er
að segja um aðra stjórnar-
menn JSt.
— Hafiö þið unnið að aug-
lýsingasöfnun?
— Já,stjórnarmenn hjá okk-
ur hafa unniö að söfnun aug-
lýsinga og fjárframlaga og
sölu happdrættismiða fyrir
sambandið, en aö sjálfsögðu
hefur það ekki hvarflað að
neinum að reikna sér laun fyr-
ir slfkt, enda tel ég slikt frá-
leitt.
— gsp
2. deild karla, handbolti:
KR-ingar gjör-
samlega búnir
KR-ingar hafa nú endanlega
misst alla von um að komast i 1.
deild að loknu yfirstandandi
keppnistimabili. Þeir töpuðu
óvænt fyrir keflvikingum með
eins marks mun i fyrrakvöld.
Lokatölur urðu 26:25 fyrir IBK
sem var undir i' leikhléi 9:14.
ÍR-ingar standa hins vegar með
pálmann I höndunum. Þeir hafa
tekið stakkaskiptum undir stjórn
Karls Benediktssonar, sem hefur
náð frábærum árangri með liðið.
ÍR hefur fullt hús stiga, 14 stig
eftir sjö leiki,og sigraði Fylki með
26 mörkum gegn 12, eða með
fjórtán marka mun.
Breiðablik fékk sitt fyrsta stig i
vetur með 19:19 jafntefli gegn
Leikni. Staðan i'leikhléi var 10:9
fyrir kópavogsmenn. Blikarnir
hafa annars litið sýnt i vetur og
mikil breyting þarf að verða á ef
liðiö ætlar að forða sér frá falli i 3.
deild. — gsp