Þjóðviljinn - 08.03.1983, Blaðsíða 5

________ Þrigjudagur 8. mars 1983 ÞJÓÐVILJINN - SÍÐA 5
Frá ráðstefnu ÆSÍ um atvinnumál ungs fólks
Kvöldvaka á laugardagskvöldið í Ölfusborgum. Á myndinni eru þau Helgi Kristjánsson, Pétur H. Péturs-
son, Guðbjörg Sigurðardóttir, Margrét Rún Guðmundsdóttir, Ragnar A. Þórsson og Skúli Skúlason.
Samstarf ið í Æ SÍ
hefur beðið hnekki
var afstaða flestra fulltrúa á ráðstefnunni
til misnotkunar SUS á neitunarvaldi sínu
Ungir sjálfstæðismenn á ráðstefnunni í Ölfusborgum
sáu til þess með neitunarvaldi sínu að einungis tvær
ályktanir voru samþykktar en þeir ýttu til hliðar fjölda
ályktana um margvísleg málefni, m.a. að fatlað fólk
skyldi hafa sama rétt til vinnu og aðrir.
Þær tvær samþykktir sem sam-
staða náðist um á ráðstefnunni var
annars vegar ályktun um uppbygg-
ingu úrvinnsluiðnaðar 'í tengslum
við stóriðju þá sem nú er til staðar í
landinu. Hin tillagan, sem hlaut af-
greiðslu voru mótmæli við aðför
Verslunarráðs íslands að Lána-
sjóði íslenskra námsmanna, en á
Viðskiptaþingi fyrir skömmu var
m.a. gerð tillaga um að skera niður
ráðstöfunarfé Lánasjóðsins um
70% og þar með gera sjóðinn ófær-
an um að gegna hlutverki sínu.
Fyrrgreind mótmæli ráðstefnu
Æskulýssambandsins voru ein-
róma, nema hvað ungir íhalds-
menn sátu hjá við atkvæðagreiðsl-
una. í umræðunum sjálfum lýstu
þeir fylgi sínu við niðurskurðar-
tillögur Verslunarráðsins en gugn-
uðu hins vegar á að beita neitun-
arvaldi þegar þeir voru minntir á að
kosið verður til Stúdentaráðs Há-
skóla íslands á næstunni!
Sjálfstæðismenn beittu ýmsum
brögðum til að tefja afgreiðslu
mála á ráðstefnunni. Meðal annars
mótmæltu þeir atkvæðisrétti full-
trúa Æskulýsfylkingar Alþýðu-
bandalagsins á þeirri forsendu að
ungir sósíalistar hefðu ekki til-
kynnt til Æskulýðssambandsins
um nafnbreytinguna. Þegar for-
maður ÆSÍ, Guðmundur Bjarna-
son tilkynnti að sú tilkynning hefði
borist sambandinu strax í upphafi
ráðstefnunnar, svöruðu íhald-
smennirnir því til að slík tilkynning
hefði átt að berast fyrir nafn-
breytinguna ef hún ætti að hafa
gildi. Þegar ekki var fallist á þessa
sérstæðu lögspeki, óskuðu fulltrú-
ar Sambands ungra Sjálfstæðis-
manna eftir nafnakalli um allar
tuttugu tillögurnar sem fyrir lágu til
þess að geta síðar fengið atkvæði
fulltrúa Æskulýsfylkingarinnar ó-
gilt; fyrir dómi.
Öll hegðun Sjálfstæðismanna á
ráðstefnunni olli mikilli gremju
annarra þingfulltrúa. f lok
ráðstefnunnar kom greinilega fram
að menn óttuðust að samstarf
æskulýðsfélaganna innan Æsku-
lýðssambands íslands hefði beðið
mikinn hnekki af þeim sökum.
-v.
Frá SÍNE:
Athugasemd
vegna sjónvarpsfréttar
í lok fréttatíma sjónvarps í gær,
6. mars, var lesin athugasemd frá
blaðafulltrúa Verslunarráðs ís-
lands, þar sem því var mótmælt
sem ósannindum, að á Viðskipta-
þingi Verslunarráðs hefði verið sam-
þykkt tillaga um að leggja bæri nið-
ur Lánasjóð íslenskra námsmanna.
Þetta er hárrétt hjá blaðafulltrú-
anum . Hann gerði athugasemd við
sjónvarpsfrétt frá atvinnumála-
ráðstefnu ÆSÍ, þar sem samþykkt
var tiHaga frá Sambandi íslenskra
hugmyndum Verslunarráðs til
lausnar efnahagsvandanum.
í þessu plaggi er ekki talað
beinum orðum um að leggja Lána-
sjóð íslenskra námsmanna niður.
Hinsvegar var stungið upp á að af-
nema allar fjárveitingar ríkissjóðs
til LÍN frá og með 7. maí nk. Þetta er
ekki hægt að skilja nema sem tn-
lögu um að leggja sjóðinn niður.
Aðrar tekjur Lánasjóðs en ríkis-
framlag eru endurgreiðslur gjald-
fallinna lána, sem í ár nema 1,7%
af ráðstöfunarfé sjóðsins.
Ráðstefnustjórinn, Sigfús Bjarnason talar um fyrir fulltrúum Sambands
ungra sjálfstæðismanna og Garðar Mýrdal frá SÍNE fylgist sposkur með.
nánismanna erlendis um mótmæli
við „hugmyndum sem fram komu á
Viðskiptaþingi" um að leggja niður
Lánasjóðinn. Við vissum sem var
að engin formleg samþykkt hafði
verið gerð um þetta á Viðskipta-
þinginu, en það vissi sjónvarps-
fréttamaðurinn greinilega ekki.
Hinsvegar er útí hött fyrir Versl-
unarráð að skjóta sér undan
ábyrgð á þessum hugmyndum. Þær
koma fram í þingskjalinu „Frá
orðum til athafna" sem rætt var á
Viðskiptaþingi við góðar undir-
tektir og almennan fögnuð þing-
fulltrúa og dreift til fjölmiðla sem
Athugasemd blaðafulltrúans er
því vægast sagt villandi. Blaðafull-
trúi Verslunarráðs er þó aukaatriði
í þessu máli. Það sem öllu skiptir er
afstaða almennings, stjórnvalda og
stjórnmálaflokka til hugmyndanna
frá Viðskiptaþingi. Sérstök ástæða
er til þess að krefja Sjálfstæðis-
flokkinn svara, þar sem fulltrúar
SUS á ráðstefnu ÆSÍ sátu hjá við
atkvæðagreiðslu um tillögu SÍNE,
en hún hlaut einróma stuðning
allra annarra fulltrúa.
Fyrir hönd stjórnar SÍNE,
Mörður Árnason,
formaður.
„Sjálfstæðis-
menn sýndu
hug sinn”
segir Amþór Helgason
Umræðustjórar að störfum og á myndinni má sjá þá Ólaf Ólafsson,
Pétur H. Pétursson, Arnþór Helgason og Sigfús Bjarnason.
„Ég hef sjaldan orðið fvrir
miklum vonbrigðum með hegðan
sjálfstæðismanna eins og á þess-
ari ráðstefmi í Ölfusborguni þar
sem þeir beittu neitunarvaldi
gegn fjölmörgum ályktunum sem
fyrir lágu, m.a. ályktun um jafn-
rétti fatlaðra til atvinnu“, sagði
Arnþór Helgason einn fulltrúi
Sambands ungra framsóknar-
manna á þingi ÆSÍ um atvinnu-
mál, sem haldið var í Ölfusborg-
um um helgina.
í ályktun starfshóps um jafn-
rétti til atvinnu og tengsl ungs
fólks við verkalýðshreyfinguna
segir m.a.:
„Stuðla verður að félagslegri
og verklegri endurhæfingu fatl-
aðra svo þeir komi þjóðfélaginu
að sem mestum notum og geti nýtt
starfsorku sína til fulls. Jafnframt
verður að tryggja að séð sé fyrir
þörfum þeirra sem ekki geta séð
sér farborða vegna fötlunar.“
Við spurðum Arnþór sem á við
fötlun að stríða hvað hann teldi
að hefði farið fyrir brjóstið á ung-
liðum íhaldsins á ráðstefnunni.
„Þegar þessi ályktun var felld
með neitunarvaldi spurði ég sjálf-
stæðismennina hver væri ástæð-
an. Þeir svöruðu því einu til að
ályktun starfshópsins stríddi gegn
stefnu Sjálfstæðisflokksins og
rökstuddu það ekkert nánar þeg-
ar eftir var gengið. Þegar þeir svo
kvöddu mig í lok þingsins báðu
þeir mig um að vera vinur sinn
áfram, en ég þóttist illa geta fallist
á það eftir það sem á undan er
gengið. Sögðu þeir þá að afstaða
mín byggðist á hatri í sinn garð en
ekki á málefnalegum rökum!“
„Ég fæ illa séð hvernig ályktun
starfshópsins í heild stríðir gegn
stefnu Sjálfstæðisflokksins. Þar
er minnst á að jafnrétti til atvinnu
eigi ekki að ákvarðast af aðstöðu
til náms, búsetu, kynferðis, og ýms-
um ytri aðstæðum, þar á meðal
fötlun. Þá er varað við hugmynd-
um um að leggja Lánssjóð ís-
lenskra námsmanna niður, það er
talað um eflingu atvinnulífs á
landsbyggðinni, að smáfyrirtækj-
urn verði gert kleift að keppa við
stóriðjufyrirtækin um vinnuaflið,
að stuðla beri að jafnrétti kynj-
anna á vinnumarkaðinum, að
innan verkalýðshreyfingarinnar
ríki deyfð og að úr verði að bæta.
Þá er rætt um að efla frumkvæði
og framtak verkalýðshreyfingar-
innar í menningarmálum og efla
MFA í því skyni. Ekkert af þessu
virtist samræmast stefnu Sjálf-
stæðisflokksins að mati þeirra
fulitrúa hans, sem þessa
ráðstefnu sóttu“, sagði Arnþór
Helgason ennfremur.
Ihaldið beitti
neitunarvaldi
gegn ályktun
um stuðning
við fatlaða
á ráðstefnu
ÆSÍ um helgina
„Sjálfum þykir mér vænt um að
þessi afstaða Sjálfstæðisflokksins
kom skýrt fram á ráðstefnu ÆSI
um atvinnumálin og unga fólkið.
Þar með hafa þeir gefið okkur
andstæðingum íhaldsstefnunnar
gullvægt vopn í þeirri kosninga-
baráttu sem framundan er. Ég vil
bara að lokum minna allt félags-
hyggjufólk á að liggja ekki á liði
sínu við að minna fólk á hver af-
staða þessa stærsta stjórnmála-
flokks þjóðarinnar er gagnvart
fötluðum í þjóðfélaginu því þeir
ungliðar sem voru á ráðstefnunni
í Ölfusborgum eiga eftir að taka
við stjórnartaumum í Sjálfstæðis-
flokknum og það fyrr en varir“,
sagði Arnþór Helgason að
lokum.