Þjóðviljinn - 06.04.1983, Page 8

8 SÍÐA - ÞJÓÐVILJINN Miðvikudagur 6. apríl 1983
Krítartafla
Leikur emner að útbua gamaldags svarta skolatöflu. AUt sem
þarf er hörð plata, t.d. krossviður eða spónaplata, skólatöflu-
lakk og pensill.
Hægt er að 'lakka á nánast
hvaða flöt sem er. Eina konu veit
ég t.d. um sem málaði heila
skápshurð með lakkinu, en hún
ætlar líka að búa í sinni íbúð um
ókomna framtíð. Annars þarf
bara að verða sér úti um plötu í
hentugri stærð og hengja hana
síðan upp þar sem listamaðurinn
eða -konan vilja athafna sig. Það
er um að gera að hafa flötinn stór-
an, því börn þurfa fyrst og fremst
pláss í lífinu.
Skólatöflulakk fæst í flestum
málningarverslunum fyrir lítið
fé. Pússið flötinn léttilega með
fínum sandpappír og berið lakkið
á. Annað sér um sig sjálft. ast
Morgun-
matur
meinin
drepur
Hver man ekki eftir því þykka
og ólystilega sulli sem borið
var á morgunverðarborðið í
æsku og gekk undir nafninu
HAFRAGRAUTUR? Oj-bara,
hugsa nú flestir og renna hýru
auga á kornfleiksið sitt eða
síríósið.
En þetta ólystilega sull á það
alls ekki skilið að kallast Hafra-
grautur. Ef rétt er með farið
verður nefnilega úr þessu bæði
kjarngóður matur og lystugur.
Galdurinn er sá að nota ekki bara
vatn, eins og gert var hér áður
fyrr, heldur mjólk til helminga og
sjóða ekki lengi - helst rétt að
láta suðuna koma upp.
Handa vísitölufjölskyldunni er
þetta hæfilegt magn (þeir sem
eyða starfsdeginum á sitjandan-
um þurfa eflaust eitthvað
minna):
3 dl haframjöl
3 dl vatn
3 dl mjólk
‘/j tsk salt
Haframjölið er látið í þykk-
botna pott og vatni og mjólk
hrært útí ásamt saltinu. Hrærið
meðan suðan er að koma upp.
Látið sjóða í mest eina mínútu en
takið þá af hellunni.
Ekki skaðar að gera grautinn
lokkandi með því að strá örlitlum
púðursykri ofan á hverja skál eða
hunangsdreitli. Rúsínur hressa
einnig mikið uppá.
Grautargerðin tekur ör-
skamma stund - raunar litlu
lengri en að tína til síríósið eða
kornfleiksið. Og víst er að svona
kjarngóður matur dugar fólkinu
lengur og kemur í betri þarfir.
ast
Gimilegir snúðar
Snúðar eru eitthvert besta
bakkelsi sem hægt er að
bjóða börnum uppá. Og af því
að hér á síðunni er ýmislegt
að finna sem börnum hentar
vel, þá er ekki úr vegi að láta
eina girnilega snúðauppskrift
fljóta með.
Galdurinn við þessa snúða er
gerið, en gerbakstur er bæði
skemmtilegur og afraksturinn
bragðgóður. En það er með þetta
eins og annað matarkyns - málið
er að fikra sig áfram og láta ekki á
sig fá ein eða tvenn mistök. Og
munið að gerbakstur er aldrei
eins. Það er t.d. sama hversu oft
ég baka þessa snúða - þeir eru
aldrei eins. Stundum eru þeir litl-
ir og linir, stundum bústnir og
stökkir. En alltaf eru þeir ljúf-
fengir.
Hægt er að fá tvenns konar ger.
Annars vegar þurrger sem kaupa
má í flestum matvörubúðum í
dósum eða pökkum. Hins vegar
pressuger, en það má kaupa í
bakaríum og einnig hef ég séð
pressuger í Hagkaupum og í
Vörumarkaðnum og þá í hálfs-
kílóa pakkningum. Mér hefur
reynst vel að geyma pressuger í
ísskáp ef umbúðirnar eru ekki
hafðar mjög þéttar. Þannig má
geyma ger í 3—4vikur.
Leysið 30 g af pressugeri (2
msk. þurrger) upp í ca. 35 stiga
heitu vatni. Hitastigið er afar
mikilvægt, því annars leysist ger-
ið svo hægt upp.
Til þess að vega upp á móti
sykrinum í snúðunum friða ég
samviskuna með því að nota
heiíhveiti og hveitikím á móti
hvíta hveitinu. En tilfellið er líka,
að svona verða snúðarnir miklu
bragðbetri. En hlutföllin sem ég
nota eru þessi: 4 dl hveiti, 1 dl
hvcitikím og 1‘A dl heilhveiti.
Þessu er blandað saman ásamt 2
msk af sykri, 'h tsk af salti og
einhverju kryddi eftir smekk, t.d.
kardimommum (steyttum),
sesam-fræjum eða einhverju
öðru góðu kökukryddi. Ég hef
einnig notað fennel-fræ með góð-
um árangri. Magnið fer að sjálf-
sögðu eftir kryddsmekk hvers og
eins og fólk verður bara að þreifa
sig áfram.
Hálfum dl af matarolíu er nú
hrært saman við þurrefnin og síð-
an 1 dl af mjólk. Að síðustu er
gerblöndunni hrært útí og deigið
hnoðað vel, eða þar til það er
Isamloðandi og gjáandi. Bæta má
meiri vökva útí eða hveiti ef
deigið er of þurrt eða of blautt.
Leggið deigið í hreina skál og
breiðið klút yfir. Deigið þarf nú
að lyfta sér um helming, en það
tekur 'h - 1 klst. Deigið þarf að
vera á hlýjum og trekklausum
stað - lokið því glugganum.
Þegar deigið hefur lyft sér strá-
ið þið örlitlu hveiti á borðið og
hvolfið deiginu úr skálinni. Sláið
loftið úr deiginu og hnoðið ör-
lítið. Fletjið það síðan út í fer-
hyrning, ekki mjög þunnan.
Leggið ferhyrningirtn saman og
stráið kanilsykri yfir. Rúllið síð-
an deiginu upp og skerið senti-
metersþykkar sneiðar. Úr þessari
uppskrift eigið þið að fá 1—14
snúða.
Nú þurfa snúðarnir að lyfta sér
aftur svo við setjum þá á vel
smurða plötu og látum standa of-
an á bakaraofninum, sem stilltur
er á 220 gráður. Gerdeig á alltaf
að fara inn í heitan bakarofn, svo
það er best að kveikja tímanlega
á honum. Þarna eiga svo
snúðarnir okkar óbökuðu að
tútna út í 20-25 mínútur. Þá
penslum við þá með eggjarauðu
eða mjólk og stingum inn í ofn-
inn. Bakaðir í 10-15 mínútur.
Og auðvitað verða allir snúðar
að vera með sinn súkkulaði-
skammt. Súkkulaðið er búið til
þannig:
100 g flórsykur
2 msk kakó
2 msk vatn
Flórsykur og kakó hrært saman
og síðan vatninu bætt við. Þessu
er smurt ofan á hvern snúð þegar
þeir hafa kólnað nokkuð.
ast