Þjóðviljinn - 30.08.1983, Blaðsíða 5

Þriðjudagur 30. ágúst Í983 ÞJÓÐVILJINN - SÍÐA 5
Friðarsinnar í herskipunum:

Ánœgjulegt hve fáir mœttu

Fáir íslendingar gerðu sér ferð til að skoða NATO-skipin...
„Árni Hjartarson hélt ræðu á
þilfari flaggskips ilotans, þar sem
hann inótmælti komu skipanna og
þætti íslenskra stjórnvalda í henni.
Bandarísku yfirmennirnir fóru
fram á það við íslensku lögregluna
að hún fjarlægði Árna, en hún mun
hafa neitað því. Við viljum koma á
framfæri þakklæti til hennar fyrir
sérlega gott samstarf“, sagði Vigfús
Geirdal um atburð þann, er átti sér
Stað sl. laugardag við Sundahöfn í
Rcykjavík, en þá héldu nokkrir
friðarsinnar út í bandarísku her-
skipin á auglýstum tíma.
„Við ræddum einnig við nokkra
bandaríska dáta um borð um hvað
þeir væru að gera með sínu starfi.
Þeir tóku þessu vel, sumir hverjir,
en sögðust verða að vinna fyrir sér
á einhvern hátt. Okkur þóttu þess-
ar viðræður hinar merkustu", sagði
Vigfús ennfremur.
Atburðurinn var endurtekinn á
sunnudeginum og hélt þá Árni
Hjartarson einnig ræðu. Fylgdu
honum þrír vopnaðir dátar frá
borði áður en ræðuhöldum lauk.
Maðurinn með Ijáinn sté um
borð í herskipin á sunnudeginum
til þess að leggja blessun sína yfir
komu skipanna og tilgang þeirra.
Lét hann dreifa bréfi meðal við-
staddra með kynningu á sér og
stefnumiðum sínum. Einnig
dreifðu friðarsinnar bæklingi þeim,
sem konur innan Samtaka her-
stöðvaandstæðinga létu útbúa fyrir
Friðargönguna '83 um vígbún-
aðinn í heiminum.
„Það sem okkur fannst einna
ánægjulegast að sjá um borð í skip-
unum var það, að fáir Islendingar
gerðu sér ferð til þess að skoða
þau“, sagði Vigfús Geirdal. „Sjón-
armið Hvatar, Landssambands
Sjálfstæðiskvenna, virðast endur-
spegla sjónarmið meginþorra ís-
lensks almennings, þ.e. að hér er
enginn áhugi á drápstólum".
Samtök herstöðvaandstæðinga
leituðu m.a. til Hvatar um sam-
eiginlega skoðunarferð um her-
skipin en fengu þau svör, að kon-
urnar hefðu engan áhuga á því að
skoða þau. „Islensk stjórnvöld
ættu að íhuga þetta og reyna í fram-
tíðinni að byggja heimsóknir er-
lendra aðila á einhverju öðru en
hersýningum", sagði Vigfús Geir-
dal að lokum. ast
....en maðurinn með Ijáinn sté um
borð.
/
Stefán Olafsson um húsnasðismálin:
Viljum borga
„Það er óhætt að segja, að
undirtektir hafa verið frábærar.
Síminn hefur vart stoppað hjá
mörgum okkar og fólk hefur rak-
ið þrengingar sínar og komið á
framfæri hugmyndum sínum og
þakklæti. Við erum hæstánægðir
- en um leið er þetta mjög dapur-
legt, því í þessu endurspeglast
þær þrengingar, sem íbúðar-
kaupendur og -byggjendur eiga
við að glíma.“
Stefán Ólafsson, lektor, er einn
forgöngumanna áhugamanna
hóps um úrbætur í húsnæðismál-
um, en sá hópur hefur komið af
stað mikilli hreyfingu meðal
landsmanna. En þá er það fram-
haldið. Við spurðum fyrst, hvað
hópurinn segði um hina miklu
hækkun á lánskjaravísitölunni 1.
september, eða 8,1 prósent.
„Við erum öll sammála um, að
við eigum að borga til baka það
sem við fáum að láni. Við viljum
ekki rétta tóma sjóði að næstu
kynslóð einsog þeir voru réttir
okkur. Slíkt er siðleysi. Við erum
því ekki að biðja um skerðingu á
lánskjaravísitölunni.
Fyrir utan að vera siðleysi væri
slíkt heldur engin lausn, því
skammtímalán eru svo stór hluti
af fjármögnun íbúðarhúsnæðis.
Breytingar á lánskjaravísitölu
leysa engan vanda í þessari miklu
kjaraskerðingu. Breyting á vísi-
tölu húsnæðismálastjórnarlána
myndi skipta minnstu máli, því
þau lán eru minnsti hlutinn af
þessari fjármögnun.
Okkar krafa er ósköp einföld:
hærri lán til lengri tíma með
afturvirkni.“
- í einu blaðanna um helgina
segir Steingrímur Hermannsson,
að verðbólgan og lánskjaravísi-
talan verði komin í takt um ára-
mótin. Mun það einhverju breyta
fyrir íbúðarkaupendur og -byggj-
endur?
„Nei, það mun engu breyta á
meðan launin standa í stað en allt
annað hækkar - það hljóta allir
að sjá. Það er í sjálfu sér ágætt að
reikna vísitölur mánaðarlega, því
þannig er unnt að fylgjast betur
með verðbólgunni - vísitölur eru
til þess ætlaðar að mæla hana. Að
sjálfsögu breyta slíkir útreikning-
ar engu um stöðu almennings.
Almenning skiptir hins vegar
máli að kaupið fylgi öðrum
verðbreytingum. Kjaraskerðing-
að fullu tll baka
in kemur ægilega við fólk, en þó
eru skuldendur einna verst settir,
því þetta setur allar áætlanir og
greiðslugetu úrskorðum. Lánun-
um er nefnilega ekki hægt að
fresta - þau verður að borga óháð
kaupmættinum.
Forsendur þess, að húsnæðis-
málakerfið hér komist í siðað
horf, er það að kaup sé vísitölutr-
yggt og að lánin séu til langs tíma.
Verðlag hefur ætt upp á meðan
kaupið stendur í stað og bilið á
milli kaupsins og lánskjaravísitöl-
unnar er orðið svo breitt, að það
gildir einu hvort vísitalan hækkar
5 prósentum meira eða minna.
Ástandið er skelfilegt hvort sem
er. Þegar þetta gerist ofan í það
að fólk á að' borga upp
verðtryggðar skuldir á einu til
tveimur árum gengur dæmið
hreinlega ekki upp. Það er ekki
hægt að fremja svona kjaraskerð-
ingar hér á landi lengur - nema
með ægilegum afleiðingum."
Hvaða frekari aðgerðir hafið
þið í huga?
„Við munum senda okkar full-
trúa á fund nefndar Alexanders
Stefánssonar, sem á að endur-
skoða húsnæðislöggjöfina, og
Stefán Ólafsson lektor.
kynna okkar kröfur fyrir henni.
Það er hins vegar ekki okkar hlut-
verk að endurskoða þessa löggjöf
og til þess að mæta kröfum okkar
þarf ekki endurskoðunar við -
það þarf meira fjármagn. Hér
þurfa ekki að koma til flóknar
stjórnunaraðgerðir, sem taka
langan tíma. Og málið þolir held-
ur enga bið. Stjórnarflokkarnir
sögðu fyrir kosningar að þeir
myndu hækka húsnæðismálalán-
in um 80 prósent og eitthvað
hljóta þeir að hafa hugsað fyrir
fjármagninu, skyldi maður ætla.
Varðandi framhaldsaðgerðir
má benda á, að við erum að opna
pósthólf þar sem fólk getur náð til
okkar. Á næstunni munum við
síðan standa fyrir frekari opin-
berum aðgerðum, sem koma í
ljós þegar þar að kemur.
Við höfum verið beðnir um að
koma út á land og halda þar fundi
um málið en okkur finnst frum-
kvæðið verða að koma frá
heimafólki. Við munum ekki
hafa frumkvæði að fundahöldum
enda liggur næst fyrir að bíða eftir
svari stjórnvalda.
Við munum halda þessu máli
gangandi af fullum krafti. Við
væntum þess að stjórnvöld
bregðist skjótt og vel við. Þau
hafa tekið kröfum okkar af skiln-
ingi og velvilja og þau hljóta að
koma með einhverja lausn fljót-
lega.“ ast