Þjóðviljinn - 22.09.1983, Side 8
8 SÍÐA — ÞJÓÐVILJINN Fímmtudagur 22. september 1983
Þóra Friðriksdóttir, Sigurður Sigurjónsson og Tinna Gunnlaugsdóttir.
Sigríður Þorvaldsdóttir og Þóra Friðriksdóttir.
Fyrsta frumsýning haustsins í Pjóðleikhúsinu
Skvaldur-farsi um farsa
Fyrstafrumsýning
Þjóðleikhússins á þessu hausti
ætti að geta komið mönnum í
gott skap. Að minnsta kosti er
víst að víða annarsstaðar veðja
leikhús á þetta leikrit til
uppfærslu.og mágeta þess að
einar 6 frumsýningar verða á
því annarsstaðar á
Norðurlöndum fram til jóla.
Þetta er leikritið Skvaldur
(Noises off) eftir Michael Frayn.
„Fyndnasta leikrit sem í boði er í
London”, sagði Benedict Nig-
htingale í New Statesman, „Mikill
farsi”, sagði James Fenton í Sun-
day Times, „Frábært verk Frayns og
hans besta til þessa”, sagði Jack
Tinker í Daily Mail, og Ned Cha-
ilket f The Times sagði „Fyndnasta
leikrit sem ég hef nokkurntíma séð
á West End”.Þannig voru ummæli
gagnrýnenda Lundúnablaðanna
þegar Skvaldur var frumsýnt 1982
og eru þeir þó ekki ætíð blíðmálgir.
Michael Frayn er vel þekktur
höfundur í heimalandi sínu, og hef-
ur ferill hans spannað blaða-
mennsku, skáldsagnagerð, heim-
spekigreinar og leikritun. All-
ir leikir hans eru gamánleikir, sem
hafa margsinnis verið verðlaunaðir
og m.a. voru verk eftir hann kosin
Bessi Bjarnason á nettu skeiði um svið Þjóðleikhússins.
bestu gamanleikrit ársins í Bret-
landi árin 1975,1976, l980og 1982.
Síðast hlaut hann þessa viðurkenn-
ingu fyrir Skvaldur og er það þegar
orðið hans vinsælasta verk og víða
sýnt við mikla aðsókn.
Ekki er Frayn alveg ókunnugur
íslendingum. Hann fjallaði um
þorskastríðið 1958 og 1959 í breska
blaðinu The Guardian og hallaði
ekki á íslendinga. Tvö leikrit eftir
hann hafa verið sýnd hér sem mán-
udagsverk í sjónvarpi, Stafrófsröð
og Oratími. Þá kannast sjónvarps-
áhorfendur við Frayn úr ýmsum
breskum fræðslumyndaflokkum,
eins og t.d. þáttaröð um járnbraut
og um ýmsar höfuðborgir í Erópu.
Og nú fá leikhúsgestir í fyrsta sinn
að kynnast sviðsverki eftir þennan
athafnamann.
Skvaldur er farsi um farsaklisjur,
og er ærlega hrist upp í þeim. I
fyrsta hluta er hermt eftir hefð-
bundnum farsa, síðan er nútímaaf-
brigði af formúlunni og loks er
grafið undan öllu saman á listilegan
hátt. Leikritið byrjar á því að
leikhópur kemur á búningaæfingu
á hefðbundnum farsa, og síðan er
haldið áfram að gera grín að fars-
anum og hylla hann um leíð, og inn
og út um dyrnar veltur hver skop-
fígúran af annarri í einum afkára-
skapnum eftir annan: „Raddir rísa
og buxur falla... farsi sem kemur
þér til að hugsa um leið og þú
hlærð”, sagði Peter Kemp í TLS.
Pað er Jill Brooke Árnason sem
leikstýrir Skvaldri. Hún er hagvön í
breskum leikhúsum og hefur einu
sinni áður stjórnað sýningu fyrir
Þjóðleikhúsið, á Tvíleik eftir Tom
Kempinski sem sýndur var við
miklar vinsældir á Litla sviðinu í
fyrravetur. Árni Ibsen hefur þýtt
leikinn, leikmynd og búninga gerir
Jón Þórisson og lýsinguna annast
Kristinn Daníelsson.
Níu leikarar fara með hlutverkin
í sýningunni, sem öll eru stór, því
höfundur nýtir hvert hlutverk til
hins ýtrasta svo fjörið sé sem mest í
farsanum og misskilningurinn sem
flóknastur. Leikararnir sem standa
munu í ströngu, og koma við hlát-
urtaugar áhorfenda með miklum
hlaupum og ærslagangi, eru Gunn-
ar Eyjólfsson, Þóra Friðriksdóttir,
Sigríður Þorvaldsdóttir, Bessi
Bjarnason, Rúrik Haraldsson,
Tinna Gunnlaugsdóttir, Sigurður
Sigurjónsson, Lilja Guðrún Þor-
valdsdóttir og Þórhallur Sigurðs-
son.
Og það er semsagt á föstudags-
kvöldið kemur sem byrjað verður
að Skvaldra í Þjóðleikhúsinu.
-ekh
Frá v. Rúrik Haraldsson, Þéra Friðriksdóttir, Bessi Bjarnason, Sigriður Þorvaldsdóttir, Tinna Gunnlaugsdóttir og Sigurður Sigurjónsson.
1 ' mm
N • - " i
fctl ] 1
■ í • i 1
? PH