Þjóðviljinn - 11.07.1984, Blaðsíða 5
Kristján Benediktsson, borgarfulltrúi, annaðist veislustjórn á aettarmótinu.
Skógaskóli
Framhaldsnám
í vetur?
Yrði þá á mála- og viðskiptabraut
Á hausti komanda getur Skóga-
skóli minnst 35 ára afmælis síns.
Er þá í athugun að bregða á það
ráð, verði aðsókn að skólanum
næg, að gefa nemendum kost á
2ja ára framhaldsnámi: á málab-
raut og viðskiptabraut. Verður
við það miðað, að nemendur á
viðskiptabraut geti lokið al-
mennu verslunarprófi frá skóla-
num.
Áríðandi er að umsóknir berist
skólanum sem fyrst svo að í ljós
komi hvort unnt reynist að efna
til framhaldsnáms, en gert er ráð
fyrir að skólinn hefjist 10. sept-
ember.
mhg
Undir borðum í Borgarnesi. Nokkur hluti ættfólksins en ógerlegt er að rúma það allt á einni mynd.
Ættfrœði
Niðjatal Hróf-
bjargastaðahjóna
Katrínar Markúsdóttur og Benjamíns Jónssonar
íslendingar eru menn ætt-
ræknir og ættfræðiáhugi er mikill
með þjóðinni. Heita má, að ætt-
fræðibækur, ein eða fleiri, komi
út á ári hverju og ættarmót eru
árlega haldin víðsvegar um land.
„Aldrei sá ég ættarmót/með
eyrarrós og hrafni", sagði gaman-
skáldið góðkunna, ísleifur Gísla-
son á Sauðárkróki. Ólína Jónas-
dóttir, skáldkona var nærstödd
og svaraði samstundis: „Allt er
þó af einni rót/í alheims gripa-
safni“. En þó að það sé óhrekjan-
leg staðreynd að öll hin lifandi
náttúra og mannfólkið með eigi
sér eitt og sama upphaf, þá yrði
sennilega ýmsum annmörkum
bundið að haida mót, sem rúmaði
þá ætt alla. Niðurstaðan hefur því
oftast orðið sú þegar haldin eru
ættarmót, að miða við einhvern
ákveðinn ættlið og rekja sig svo
niður frá honum. Fer það senni-
lega eftir fjölmenni ættanna hve
langt er seilst til baka því ekki er
alltaf auðfundið það hús, er rúmi
allan skarann, svo frjósamar sem
sumar ættir eru.
Um helgina 23. og 24. júní sl.
efndu afkomendur hjónanna
Benjamíns Jónssonar og Katrín-
ar Markúsdóttur frá Hrófbjarga-
stöðum í Hítardal til ættarmóts í
Hótel Borgarnesi. Skiptu þátt-
takendur hundruðum. Á laugar-
dag var setið við veitingar, ræðu-
höld og góðan gleðskap í Borg-
arnesi en á sunnudaginn farin
skoðunarferð um Borgarfjarðar-
hérað, farið upp í Hítardal og að
sjálfsögðu komið við á Hróf-
bjargastöðum. Hrófbjargastaðir
eru afskekkt og erfitt fjallakot
innarlega í dalnum vestan Hítar-
ár. Eru þeir í Kolbeinsstaða-
hreppi í Hnappadalssýslu, en
Hítardalur liggur á mörkum
Mýra-, Hnappadals- og Dala-
sýslu. Voru þeir síðasti bærinn í
byggð vestan ár, fór í eyði 1921.
Benjamín og Katrín bjuggu á
Hrófbjargastöðum frá 1860-1887
eða í 27 ár. Síðan tóku við börn
þeirra tvö, hvort á eftir öðru,
samtals í 22 ár. Hrófbjargastaða-
hjón eignuðust 10 börn og kom-
ust 9 af þeim upp, mikið atorku-
og manndómsfólk.
Það, sem gerði þetta ættarmót
frábrugðið flestum öðrum var, að
þá kom út Niðjatal þeirra Hróf-
bjargastaðahjóna, mikil bók og
vönduð af allri gerð, með miklum
fjölda mynda og nafnaskrá.
Prentun annaðist Prenttækni en
bókband Bókfell hf. Megin þung-
inn af samningu þessa mikla
verks hvíldi á herðum
Sveinbjargar Guðmundsdóttur.
Hún bjó bókina undir prentun og
ritstýrð að nokkru. Er það ærið
afrek að taka saman slíkt rit og
koma því út á svo skömmum
tíma, því það var ekki fyrr en upp
úr miðju sl. sumri, sem útgáfan
var ákveðin.
í bókinni er ætt Benjamíns rak-
in til Marteins Einarssonar bisk-
ups, síðan er æviágrip þeirra
hjóna, Benjamíns og Katrínar og
foreldra þeirra, ágrip af ævi barn-
anna og ættir þeirra raktar frá
hverju þeirra fyrir sig. Bókin er
gefin út á kostnað ritnefndar og
upplag fremur takmarkað. Hún
fæst keypt hjá Klöru Sæland í
versluninni Blómahornið á Self-
ossi, Birni Magnússyni Sekkjar-
holti 20 Akranesi, Marteini
Markússyni, Klapparstíg 13
Reykjavík og auk þess hjá rit-
nefndarmönnum en þeir voru
Eiríkur Ágúst Sæland, Espiflöt,
Biskupstungum, Kristján Bene-
diktsson, Eikjuvogi 4, Reykja-
vík, Kristján Kristinsson, Hlíðar-
vegi 46, Ytri-Njarvík, Markús
Alexandersson, Fremristekk 1,
Reykjavík, Markús B. Þorgeirs-
son, Hvaleyrarbraut 7, Hafnar-
firði, Ólafur Magnússon, Hjalla-
brekku 11, Kópavogi, Óskar Eg-
gertsson, Brekkubyggð 6, Garð-
abæ, Steinar Guðmundsson,
Logaland 9, Reykjavík og
Sveinbjörg Guðmundsdóttir,
Löngubrekku 19, Kópavogi og
Skólavörðustíg 46, Reykjavík.
-mhg
Miðvikudagur 11. júlí 1984 ÞJÓÐVILJINN - SÍÐA 5