Þjóðviljinn - 24.05.1985, Síða 14

VIÐHORF
UM HELGINA
LEIKLIST
Leikfélag Akureyrar
Edith Piaf sýnd föstudag og mánu-
dagkl. 20.30. Fáarsýningareftir.
Þjóðleikhúsið
Söngleikurinn Chicago frumsýndur
föstudagskvöld, 2. sýning á annan í
hvítasunnu. Valborg og bekkurinn á
Litla sviðinu annan í hvítasunnu kl.
16.
Nemendaleikhúsið, Lindarbæ
Fugl sem flaug á snúru sýndur ann-
an í hvítasunnú kl. 20.30. Fáarsýn-
ingareftir.
Leikfélag Reykjavíkur
Draumur á Jónsmessunótt föstu-
dagskvöld, næstsíðasta sýning.
Ástin sigrar miðvikudag.
MYNDLIST
Nýlistasafnið
Hannes Lárusson opnar sýningu
laugardag kl. 15. Opið virka daga kl.
16-20 ogumhelgarkl. 14-20 til2.
júní.
Gallerí Borg
Einar Hákonarson sýnir olíumál-
verk. Opiðvirkadagakl. 12-18og
um helginakl. 14-18, lokaðhvíta-
sunnudag.
Listasafn ASI
T ryggvi Ólafsson sýnir málverk og
eina klippimynd. Opið virka daga kl.
14-20enumhelgina kl. 14-22. Sýn-
ingunni lýkur á annan í hvítasunnu
en þann dag kl. 16 verða djasstón-
leikar í salnum. Guðmundur Ingólfs-
son og félagar!
Listmunahúsið
Vignir Jóhannsson opnar málverka-
sýningu laugardag kl. 14. Opið virka
dagakl. 10-18, hvítasunnudagana
kl. 14-22,annarsumhelgarkl.14-
18, lokaðáþriðjudag.
Hamragarðar
Steinþór Eiriksson frá Egilsstöðum
sýnir málverk.
Haf narborg, Strandgötu 34
Guðmundur Karl Ásbjörnsson opn-
ar laugardag sýningu á málverkum
og vatnslitamyndum. Stendur til 25.
júni.
Akureyri
Aðalsteinn Vestmann opnar laugar-
dag sýningu á málverkum í golfskál-
anum að Jaðri. Opið fram á mánu-
dagskvöldfrákl. 14-22.
Galleri Langbrók
Japanski myndlistarmaðurinn Kun-
ito Nagaokasýnirgrafikmyndir.
Opiðvirkadagakl. 12-18ogum
helginakl. 14-18framáannaní
hvítasunnu.
Kjarvalsstaðir
Þrjár sýningar í húsinu, lýkur öllum á
mánudagskvöld. Kjartan Guðjóns-
son í vestursal, Ólafur Lárusson i
austursal og níu glerlistamenn á
göngunum. Opið daglega kl. 14-22.
Norrænahúsið
Norrænu glerlistarsýningunni lýkur
á mánudagskvöld. Opið daglega kl.
14-19.
Gerðuberg
Nemendur í Myndlista- og handíða-
skólanum sýna verk sín. Opið dag-
lega frá kl. 16-22 fram til 17. júní.
Myndlista-oghandiðaskólinn
Vorsýning nemenda á 4. ári í húsa-
kynnum skólans að Skipholti 1 opn-
uð laugardag.Opið kl. 14-22 framá
mánudagskvöld.
Listasafn íslands
Yfirlitssýning á verkum Jóhannesar
Jóhannessonarlistmálara. Opið
daglega kl. 13.30-16.
MIR-salurinn, Vatnsstig 10
Rússneskar graf íkmyndir og lakk-
munir, bækur, frímerki, plakötog
hljómplötur til sýnis. Opið daglega
kl. 17-19ogumhelgarkl. 14-19til
mánaðamóta.
Safnahúsið, Selfossi
Jón Ingi Sigurmundsson sýnir olíu-,
pastel- og vatnslitamyndir. Opið
virkadagakl. 15-22 ogkl. 14-22um
helgarfram á þriðjudag.
Gallerí íslensk list
Jóhannes Geir opnar málverkasýn-
ingu laugardag í galleríinu að Vest-
urgötu 17.
TÓNLIST
íslenska óperan
Leðurblakan sýnd föstudag kl. 20 og
annan I hvltasunnu kl. 21.
Næstsíðasta sýningarhelgi.
Háskólabió
Janice T aylor mezzó-sópran syngur
við undirleik Daltons Baldwin laug-
ardagkl. 14.30.
Norrænahúsið
Dalton Baldwin píanóleikari heldur
námskeið fyrir píanóleikara og
söngvaraföstudag kl.-l 4-17.
Áheyrendur velkomnir.
íslenska hljómsveitin
Tvennir sveiflu- og gítartónleikar á
landsbyggðinni um helgina. I sam-
komuhúsinu i Vestmannaeyjum
hvitasunnudag kl. 14 og i Iþróttahöll-
inni á Akureyri annan í hvítasunnu
kl. 14.
Listasafn ASI
Guðmundur Ingólfsson, Tómas R.
Einarsson og Guðmundur
Steingrímsson halda djasstónleika
á sýningu T ryggva Ólafssonar ann-
an í hvítasunnu kl. 16.
YMISLEGT
Torfusamtökin
Skoðunarterð um Kvosina undir
leiðsögn Harðar Ágústssonar
listmálara. Lagt upp frá dómkirkj-
unni kl. 10 annan í hvítasunnu.
STAÐAR NEM!
Öll hjól eiga að stöðvast
algerlega áðuren
að stöðvunarlínu
er komið.
UMFERÐAR
Iráð
Samvinna um hvað?
eftir Ingibjörgu Sólrúnu Gísladóttur
i linnsýnargrein Þjóðviljans
laugardaginn 18. maí fjallar
Mörður Arnason um mögu-
leikana á samvinnu hinna s.k.
félagshyggjuflokka fyrir næs-
tu borgarstjórnarkosningar.
Kveikjan er fundur sem hald-
inn var með fulltrúum þessara
flokka á Hótel Hofi þann 14.
maí s.l.
Undir millifyrirsögninni „Er
eitthvað að í Kvennó?“ gerir
hann málflutning minn á fundin-
um að umtalsefni og segir
m.a.:„... það var ekki mikill sam-
stöðukeimur af framsögn hennar
á Hótel Hofi. - Við lítum á okkur
sem kvennapólitískt afl, ekki
borgarstjórnarflokk, sagði Sól-
rún, og taldi síðan upp mála-
flokka sem yrðu að hafa forgang í
nær óhugsanlegu samstarfi
Kvennaframboðsins við aðra
borgarstjórnarflokka“ (undir-
strikun mín). Þessi túlkun á mín-
um málflutningi hefur verið alls
ráðandi í fréttaflutningi NT og
Þjóðviljans af þessum fundi og
endurspeglar hann í raun þá. af-
stöðu til Kvennaframboðsins sem
m.a. kom fram í máli borgarfull-
trúa Alþýðubandalagsins og
Framsóknarflokksins á fundin-
um. Enda kannski ekki óeðlilegt
þar sem þessi blöð eru öðru frem-
ur málgögn þessara tveggja
flokka þó þau reyni að hafa á sér
„frjálst og óháð“ yfirbragð.
Þessi túlkun er mér satt best að
segja algerlega óskiljanleg og ég
kann ekki á henni aðrar skýringar
en þær, að annað hvort hafi þeir
sem henni halda á lofti verið bún-
ir að gefa sér það fyrirfram að
Kvennaframboðið væri með öllu
ófáanlegt til samstarfs og/eða
þeir eru þeirrar skoðunar að sam-
starf félagshyggjuaflanna í borg-
arstjórn sé fyrst og fremst „tækni-
legs“ eðlis en ekki málefnalegs.
Með öðrum orðum, spurningin
snúist um það að finna samstarfi
formlegan vettfang en ekki má-
lefnalegan grundvöll.
Hvað sagði
„Kvennó“?
Mér þykir auðvitað illt að sæta
því að málflutningur minn skuli
þurfa að fara í gegnum flokks-
holla skilvindu Þjóðviljans áður
en hann nær til lesenda. Við því
er auðvitað ekkert annað að gera
en að rekja hér í örstuttu máli
mína framsögu á fundinum.
Fyrst gerði ég tilurð Kvenna-
framboðsins að umtalsefni og
benti á að það hefði frá upphafi
verið hugsað sem pólitísk aðgerð
kvennahreyfingar; aðgerð með
það að markmiði að knýja fram
stefnubreytingu í samfélaginu.
Við værum fyrst og fremst kvenn-
apólitískt afl en ekki borgarmá-
laafl og af því leiddi að það væri
ekki sjálfgefið að við myndum í
framtíðinni kjósa að eyða
kröftum okkar innan borgar-
stjórnar. Ég gerði síðan stefnu
Sjálfstæðisflokksins í borgar-
stjórn að umtalsefni og sagði
reynsla okkar af henni þá, að
augljóst væri að við ættum ekki
málefnalega samleið með þeim
flokki.
Þá var röðin komin að minni-
hlutaflokkunum þremur. Um þá
sagði ég m.a. að ef á þá ætti að
leggja raunhæft mat, þá yrði að
skoða þá í ljósi þess tímabiis sem
þeir sátu við stjórnvölinn ekki
síður en þeirra þriggja ára sem
þeir hafa nú setið í minnihluta. í
framhaldi af því nefndi ég fimm
atriði sem ég taldi gagnrýni verð á
vinstristjórnartímabilinu. Þau
voru: 1) íbúasamtök fengu ekki
aukin völd eða áhrif. 2)
„Það er bjargföst
trú mín að
hugsanlegt
samstarfvið nœstu
borgarstjórnar
kosningar verði að
byggjastá
málefnagrundvelli
en ekki bara
sameiginlegri
andstöðu við
Bubba kóng“
Stjórnkerfið tók engum breyting-
um. 3) Uppbygging dagvistar-
stofnana var ekkert til að hrópa
húrra fyrir. 4) Nýbyggðar leiguí-
búðir mátti telja á fingrum beggja
handa. 5) Launamisrétti milli
kvenna og karla hjá borginni tók
engum breytingum. Tók ég síðan
skýrt fram að ég nefndi þessi at-
riði vegna þess að þau hlytu að
hafa áhrif á þær vonir og kröfur
sem félagshyggjufólk gerði til
stjórnar félagshyggjuaflanna á
borginni ef af yrði.
Mín lokaorð voru svo þau að
Kvennframboðið væri tilbúið til
samstarfs við alla þá sem vildu
gefa þessum málaflokkum for-
gang að ógleymdri aukinni þjón-
ustu við aldraða. Lagði ég jafn-
framt áherslu á að Kvennafram-
boðið væri ekki tilbúið til að
prútta með þessa málaflokka
enda væru þetta helstu baráttum-
ál þess í borgarstjórn.
Reynslan 1978-82.
Auðvitað var það eins og við
manninn mælt að um leið og ég
svo mikið sem orðaði gagnrýni á
vinstri meirihiutann fyrrverandi
þá varð fjandinn laus. Jafnvel
menn eins og Mörður Árnason
sem spyr: „Hvernig eigum við að
nýta okkur reynsluna frá 1978-82
þegar við tökum næst við stjórn
borgarinnar?“, vilja ekki hlusta á
neina gagnrýni sem kemur frá
konum í Kvennaframboðinu. Ég
get hins vegar ekki með nokkru
móti litið svo á að meirihlutinn
1978-82 sé einkamál þeirra
flokka sem að honum stóðu og
áskil mér allan rétt til að draga
lærdóma af því tímabili. Og hafi
menn raunverulegan vilja til að
nýta sér reynsluna sem þá fékkst,
þá verða þeir að ræða af hrein-
skilni það sem miður fór því til
þess eru vítin að varast þau. Ein-
hverra hluta vegna tapaðist þessi
meirihluti og einhverra hluta
vegna voru margar konur sem og
vinstri menn óánægðir að kjör-
tímabilinu loknu. Það örlar t.d. á
slíkri óánægju að kjörtímabilinu
loknu. Það örlar t.d. á slíkri óá-
nægju hjá Merði þegar hann
segir: „Helsti Ijóðurinn á ráði
vinstrimeirihlutans var svo
auðvitað sá að hann var ósköp
lítill vinstri meirihluti."
Það er bjargföst trú mín að
hugsanlegt samstarf við næstu
borgarstjórnarkosningar verði að
byggjast á málefnagrundvelli en
ekki bara sameiginlegri andstöðu
við Bubba kóng. Sú andstaða
hrekkur skammt við stjórn borg-
arinnar, en að koma henni í
hendur félagshyggjuaflanna
hlýtur að vera markmið þeirra
sem eru ákafastir talsmenn sam-
starfs þessara afla. Ég reyndi að
gera málefnin að umtalsefni á
títtnefndum fundi því eins og
Mörður segir réttilega: „Að tak-
ast á um einstök deiluefni og
stærri stefnumál er auðvitað
fyrsta forsenda samvinnu". Op-
inn fundur í Málfundafélagi fél-
agshyggjufólks hlýtur að vera
vettvangur fyrir slík „átök“
þ.e.a.s. ef menn eru þá ekki
þeirrar skoðunar að allt slíkt eigi
að loka inni á toppfundum flokk-
anna. Telji menn að fundurinn
margumræddi hafi ekki verið
rétti vettvangurinn fyrir málefn-
aumræðu þá hlýt ég að spyrja:
Hvað áttum við að ræða?
Óbilgjarnir
úrslitakostir?
í lok Innsýnargreinarinnar
spyr Mörður Árnason: „...
hvernig samvinna? Hvaða sam-
starf?“ Ég vil bæta við, um hvað
samvinna? Ég nefndi hér áðan að
í öllum umræðum um samvinnu
myndi Kvennaframboðið setja á
oddinn mál eins og dagvistarmál,
byggingu leiguíbúða, aukin áhrif
íbúasamtaka, launajöfnun milli
kynja og aukna þjónustu við aldr-
aða. Mér virðist sem ýmsir félags-
hyggjumenn bregðast ókvæða
við þessari forgangsröðun mála
og túlki hana sem óbilgjarna úr-
slitakosti sem hljóti að gera sam-
starf Kvennaframboðsins við
aðra borgarstjórnarflokka „nær
óhugsandi“, eins og Mörður orð-
ar það. Er helst á mönnum að
skilja að við séum að þröngva
upp á aðra félagshyggjuflokka
þröngum sérhagsmunum lítils
þrýstihóps. En er það nú svo? Er
það ekki nær sanni að við séuni
að tala um félagslegar nauðþurft-
ir sem allir, sem kenna sig við
félagshyggju, ættu að berjast
fyrir með oddi og egg? Og í þessu
samhengi ætla ég að svara þeirri
spurningu sem Mörður setti fram
í millifyrirsögn þ.e. „Er eitthvað
að í Kvennó?" Það er ekki annað
„að“ en það að Kvennaframboð-
ið reynir að standa undir nafni og
halda tryggð við þann málstað
sem við konur sameinuðumst um
fyrir síðustu kosningar.
Að lokum þetta: Hafi sú for-
gangsröðun málefna sem ég
nefndi hér að ofan farið fyrir
brjóstið á Merði Árnasyni, Öddu
Báru og e.t.v. fleirum í Alþýðu-
bandalaginu, þá hefði leiðari
Þjóðviljans þann 29. apríl s.l.
ekki síður átt að gera það. Þar
segir um hugsanlega samvinna
félagshyggjuaflanna: „Slík sam-
vinna gæti byggst á aðgerðum í
ýmsum nauðsynjamálum sem
hafa setið á hakanum hjá núver-
andi borgarstjórn, svo sem dag-
vistarmálum, úrbótum í húsnæð-
ismálum aldraðara, byggingu
leiguíbúða og síðast ekki síst lýð-
ræðismálunum."
Ingibjörg Sólrún Gísladóttir.
14 SÍÐA - ÞJÓÐVILJINN Föstudagur 24. maí 1985