Þjóðviljinn - 29.04.1986, Síða 1

VIÐHORF
MANNLÍF
ÍÞRÓTTIR
Grandi h.f.
Uppgjörið á
endaspretti
Uppgjör á eignum BÚR og ís-
bjarnarins er á lokaspretti og ég á
von á að geta kynnt það í stjórn
Granda h.f. innan tíðar. En fyrr
en þessar tölur koma þori ég ekk-
ert að segja um stöðu fyrirtækis-
ins, sagði Ragnar Júlíusson
stjórnarformaður Granda h.f. í
samtali við Þjóðviljann í gær.
Samkvæmt stofnsamningi
Granda h.f. frá í nóvember á síð-
asta ári er hlutafé í Granda 200
miljónir króna. Þar af á borgin
150 miijónir, ísbjörninn 34.9
miljónir OLÍS 15 miljónir, og Is-
bjarnarfeðgar 10 þúsund krónur
hver. Hins vegar má gera ráð
fyrir að þessar töiur muni
breytast þegar uppgjör liggur
fyrir.
Nú nýlega seldi Grandi h.f.
frystigeymslur sem áður voru á
Seltjarnarnesi í eigu Isbjarnarins.
Seltjarnarneskaupstaður keypti
geymslurnar á 25 miljónir króna,
en í stofnsamningi Granda voru
þessar geymslur metnar á 35 milj-
ónir. Því verður að gera ráð fyrir
að eignaraðild ísbjarnarins muni
lækka sem nemur mismuninum.
Fleiri eignir Granda h.f. hafa ver-
ið seldar.
Ragnar sagði í gær að uppgjör-
ið yrði kynnt í borgarráði þegar
þar að kæmi, og sagði hann enga
ástæðu til að ætla að gögn yrðu
lögð fram sem trúnaðarmál, sam-
anber samþykkt borgarráðs þar
að lútandi. -gg
Það var mikið stuð í Tónabæ sl. föstudagskvöld er úrslit réðust í Músíktilraunum 1986. Átta hljómsveitir kepptu og Greifarnirfrá Húsavík báru sigur úr
býtum. Og fólkið fagnaði. Ljósm: Sig. /y/y f
Vistkerfið
Kjarnorkuslys í Sovét
Ókunnugt um slys á mönnum. Geislavirkni mœlist í Skandinavíu.
Sexfalt meiri en í meðallagi. Daglegar mœlingar í Skandinavíu. Ekki verið mœlt
hérlendis síðan um 1960. Geislavarnir ríkisins: Fylgjumst með hvað kollegar
okkarytra gera. Veðurstofan: Lítil hœtta á að geislavirkni berist til okkar
í gærdag varð vart mikillar
geislunar í Svíþjóð, Danmörku,
Noregi og Finnlandi eftir að slys
varð í kjarnorkuveri sem er rétt
norður af borginni Kiev í Úkra-
ínu í Sovétríkjunum. Slys munu
hafa orðið á mönnum í kjarnork-
uverinu en ekki er ljóst hversu
mikil þau eru.
Geislunin á Norðurlöndunum
er undir hættumörkum en hún
mun þó hafa mælst sexföld á við
það sem eðlilegt má teljast í Finn-
landi, í Danmörku mældist hún
fimmföld miðað við meðallag.
Sænskir sérfræðingar telja að
kjarnorkuslysið hafi orðið á
sunnudaginn og síðan borist með
vindum inn yfir Norðurlönd. í til-
kynningu Tass fréttastofunnar
var ekki sagt hvenær slysið varð.
Vöruskiptajöfnuður
Hagstæð þraun
Hagstœðurfyrsta ársfjórðung. Sjávarafurðir auka hlutdeild sína. Samdráttur í
sölu á afurðum stóriðju. Bílainnflutningur aukist um nœr helming
Vöruskiptajöfnuður fyrir mars
mánuð var óhagstæður um
41,6 milljónir króna en á sama
tíma í fyrra var hann óhagstæður
um 350 milljónir króna. AIls voru
fluttar út vörur fyrir 2.928
milljónir í mánuðinum en inn var
flutt fyrir 2.969 milljónir króna.
Fyrsta ársfjórðung ársins var
vöruskiptajöfnuðurinn hagstæð-
ur um 418 milljónir en var fyrir
sama tíma í fyrra óhagstæður um
944 milljónir.
Verðmæti vöruútflutnings var
4% meira á föstu gengi fyrstu
þrjá mánuði ársins miðað 'við
sama tíma í fyrra. Hefur hlutfall
sjávarafurða aukist um 2% frá
því í fyrra en útflutningur á áli
dregist saman um 15%. Útflutn-
ingur á kísiljárni hefur einnig
dregist saman um 10% á milli
þessara ára.
Innflutningur á bílum hefur
aukist umtalsvert og er búist við
að hann aukist enn meira á árinu
vegna lækkunar á tollum og auk
þess vegna þess að tiltölulega lítill
innflutningur hefur verið á bílum
sl. þrjú ár. í mars voru fluttir inn
1.264 bílar miðað við 603 í sama
mánuði í fyrra. Alls höfðu verið
fluttir inn 2.222 bílar fyrir 419
milljónir króna fyrsta ársfjórð-
unginn en í fyrra höfðu verið
fluttir inn 1.371 bíll á fyrsta ársf-
jórðungnum. Verðmæti bílainn-
flutnings hefur aukist um 45% á
föstu gengi á þessu ári miðað við
sama tíma í fyrra. —Sáf
Ekkert er frekar sagt frá því í
fréttaskeytum hverjar afleiðingar
slyssins hafa orðið í Sovétríkjun-
um sjálfum, - ekkert sagt um
geislavirkni eystra né öðrum at-
riðum.
- Vindáttin er með þeim hætti
að frá Eystrasalti er ríkjandi
vindur fyrst í norð-vestur og síð-
an í norður og síðan aftur til
baka, reyndar til Sovétríkjanna,
þannig að ég tel ekki neinar likur
á að við séum í hættu, sagði
Markús A. Einarsson veðurfræð-
ingur hjá Veðurstofunni í samtali
við Þjóðviljann í gær.
- Engar mælingar hafa verijl
gerðar hér á landi á geislavirkni í
andrúmsloftinu. Við munum
fylgjast með hvað kollegar okkar
í Skandinavíu munu gera og
metum stöðuna í ljósi þess, sagði
Sigurður M. Magnússon for-
stöðumaður Geislavarna ríkisins
í samtali við Þjóðviljann í gær.
í Skandinavíu er fylgst daglega
með geislavirkni í andrúmslofti
en hér hafa ekki verið geriða slík-
ar mælingar síðan um 1960, að
sögn forstöðumanns Geislavarna
ríkisins. Reuter ih/gg
Indónesía
Maður
bítur hund
Djakarta - Bóndi nokkur drap
hund mcð því að bíta hann í háls-
inn eftir að hundurinn hafði bitið
sex ára gamlan dreng.
Oni heitir maðurinn, 24 ára
gamall. Hann sló hundinn með
kylfu og réðst síðan til atlögu við
hann með fyrrgreindum afleið-
ingum og þótti heimamönnum
þetta vasklega gert. Heilbrigðis-
yfirvöld eru nú að athuga hvort
hundurinn sálugi hafi verið með
hundaæði, sá sjúkdómur mun al-
gengur á þessu svæði.
Bifreiðastjórar
Stefnir í
verkfall
Enginn árangur varð af fjög-
urra tíma samningafundi bif-
reiðastjóra í Sleipni með sérleyf-
is- og hópferðaleyfishöfum, hjá
ríkissáttasemjara en fundinum
lauk kl. 21.30 í gærkvöldi. Nýr
fundur hefur verið boðaður á
miðvikudagsmorgun, en boðað
verkfall Sleipnisbflstjóra kemur
til framkvæmda á miðnætti að-
fararnætur 1. maí hafi samningar
ekki tekist fyrir þann tíma.
Að sögn Runólfs Engilberts-
sonar sem á sæti í samninganefnd
Sleipnis er enn langt bil á milli
samningsaðila. Bifreiðastjórar
eru aðilar að ASÍ en þeir semja
sjálfstætt og eiga alveg ósamið
um sín mál. Bifreiðastjórarmunu
funda í kvöld og ræða stöðuna í
samningamálunum. -Ig.