Þjóðviljinn - 27.06.1986, Blaðsíða 16

Aðalsími: 681333. Kvöldsími: 681348. Helgarsími: 681663.
Fðstudagur 7.1. júní 1986
142. tölublað 51. árgangur
Lítur vel
út með
dúntekju
- Og margir hyggjastfara út í œðarrœkt-
Sumarið lítur vel út, ef ekki
verða meiri votviðri alveg á
næstunni. Hreiðurfjöldinn er víð-
ast hvar að aukast, en nýting á
dúninum er misgóð eftir því
hversu vel hefur viðrað. En það
er mikill og vaxandi áhugi hjá
mönnum á æðarrækt og mikið
um fyrirspurnir, ekki síst eftir að
lög um búmark var sett,“ sagði
Árni Snæbjörnsson æðarræktar-
ráðunautur hjá Búnaðarfé-
laginu, en um þessar mundir er
dúntekju víðast hvar að Ijúka.
Árni hefur verið í þessu starfi í
eitt ár, en hann er einnig jarð-
ræktarráðunautur hjá Búnað-
arfélaginu. Hann sagði að verðið
á æðardúni hefði verið mjög gott
s.l. haust, en síðan lækkað ör-
lítið. Hann taldi þó að það væri
allgott sem stendur og góðar
horfur með sölu. Dúnn er eink-
um fluttur til V-Þýskalands og
notaður að verulegu leyti í fatn-
að, en einnig sængur.
Gert er ráð fyrir að héðan fari
um 2200-2400 kg af dúni árlega,
en það er innan við helmingur af
Íiví sem selt var af æðardúni frá
slandi í upphafi aldarinnar. Er
fyrst og fremst um að kenna
mikilli fjölgun á svartfugli, hrafni
og mink. Eftir að frystihús voru
reist víða um landið um 1930 og
miklum fiskúrgangi fleygt í kring-
um þau fjölgaði svartbaknum
gífurlega
„Við teljum þó að miklu fleiri
gætu stundað æðarrækt, því ekk-
ert efni hefur komið í stað dúns-
ins. Og það eru greinilega margir
að velta þessu fyrir sér, því mikið
er um fyrirspurnir. Æðarrækt er
mjög hagkvæm atvinnugrein sem
þarfnast fyrst og fremst þolin-
mæði, en kostar ekki mikla fjár-
festingu,“ sagði Árni.
-þs
Fyrsta hindrunin, Rangá, að baki. Hestarnir voru sumir ekki vanir reið sem þessari, hvað þá klyfjunum, en þetta gekk
allt vel. Þeir tjórmenningar ætluðu að hafa náttstað í Ferjunesi í nótt. Mynd Sig.
Kaupstaðarferð
Ein dagleið að baki
að er eins víst að það verði
kaupstaðarlykt af manni þeg-
ar maður kemur aftur, sagði Páll
Valmundsson lestarstjóri í
kaupstaðarferð sem lagt var upp í
í gær í tengslum við Landsmót
hestamanna sem haldið verður á
Hellu í næstu viku.
Lestin lagði af stað frá móts-
stað við Hellu í gærmorgun og
hófst þar með rúmlega vikulöng
reið til Reykjavíkur og aftur til
baka. Klárarnir voru klyfjaðir ull
og öðrum varningi og verður ef-
laust leitast við að koma því í verð
á Lækjartorgi, en þangað er áætl-
að að lestin komi um miðjan dag
á mánudaginn. Daginn eftir verð-
ur haldið aftur áleiðis austur.
Ferðalangarnir ætluðu að
reyna að komast yfir Þjórsá í gær,
en það var ekki útlit fyrir að það
væri mögulegt. Menn voru á því
að áin væri ófær. Þau voru fjögur
sem lögðu upp í gær, Páll lestar-
stjóri, bróðir hans Sigurgeir, Sig-
ríður Þorsteinsdóttir og Ásdís
Haraldsdóttir. Á leiðinni munu
menn og klárar bætast við og þeg-
ar allt kemur til alls verða klyfja-
hestar 15 talsins.
-fig