Þjóðviljinn - 23.08.1986, Qupperneq 6

Frá
Menntaskólanum
við Hamrahlíð
Innritun nýnema í öldungadeild veröur mánudag-
inn 25. og þriðjudaginn 26. ágúst kl. 16-19.
Skólagjald er 3.400 kr. auk 500 kr. staðfesting-
argjalds. Athugið að enginn getur hafið nám í
öldungadeild nema þessi gjöld séu greidd.
Aðrir nemendur öldungadeildar fá afhentar
stundatöflur á sama tíma gegn greiðslu skóla-
gjalds.
Stöðupróf verða sem hér segir:
franska, þýska og spænska þriðjudaginn 26. ág-
úst kl. 18.00,
enska miðvikudaginn 27. ágúst kl. 18.00,
danska fimmtudaginn 28. ágúst kl. 18.00.
Kennarafundur verður föstudaginn 29. ágúst kl.
10.00.
Skólinn verður settur laugardaginn 30. ágúst kl.
14.30. Nýnemar í dagskóla eru boðaðir til fundar
með umsjónarkennara sama dag kl. 13.
Stundatöflur í dagskóla verða afhentar gegn
greiðslu 1400 króna skráningargjalds mánudag-
inn 1. september kl. 10.00.
Kennsla hefst skv. stundaskrá mánudaginn 1.
september í öldungadeild, en þriðjudaginn 2.
september í dagskóla.
Rektor
Auglýsið í Þjóðviljanum
FJÖLBRAUTASKÓUNN
BREIÐHOUI
Austurbergi 5 109Reykjavík ísland sími756 0Q
Frá fjölbrautaskólanum
í Breiðholti
Innritun í Öldungadeild Fjölbrautaskólans í
Breiðholti fer fram dagana 27., 28. og 29. ágúst í
húsakynnum stofnunarinnar við Austurberg kl.
18.00-21.00.
Greiða á gjöld jafnhliða því sem nemendur velja
námsáfanga. Mat á fyrra námi svo og sérstök
námsráðgjöf er veitt innritunardagana. Þar sem
tölvuvinnsla fer fram á námsferli allra nemenda
Öldungadeildar eru þeir hvattir til að hafa fæðing-
arnúmer sín tiltæk við innritun. Sími skólans er
75600.
Dagskóli F.B. verður settur í Bústaðakirkju mið-
vikudaginn 3. september kl. 10.00 árdegis. Allir
nýnemar eiga að koma á skólasetninguna.
Allir nemendur dagskólans fá afhentar
stundaskrár fimmtudaginn 4. september kl.
9.00-14.00 og eiga þá að standa skil á gjöldum.
Kennarar F.B. eru boðaðir á almennan kennara-
fund mánudaginn 1. september og hefst fundur-
inn kl. 9.00 árdegis.
Skólameistari.
Útför eiginmanns míns, föður okkar, tengdaföður og afa,
Eyjólfs J. Einarssonar
vélstjóra, Miðtúni 17
fer fram frá Fossvogskapellu þriðjudaginn 26. ágúst kl.
10.30.
Guðrún Árnadóttir
Karl Eyjólfsson Sigrún Einarsdóttir
Elín Eyjólfsdóttir Magnús Lórenzson
Einar Eyjólfsson Bergþóra Lövdahl
Ásgerður Eyjólfsd. Melkersson Hans Melkersson
Jónína Eyjólfsdóttir Hannes Ólafsson
Árni S. Vilhjálmsson Helga Magnúsdóttir
og barnabörn.
BorgarfuHtrúamir
og messumar
Olafur Skúlason dómprófastur skrifar
Það er ævinlega mikils virði,
þegarsamstaða ríkir. Fjölskyldur
njóta þess, en gjalda, ef skortir.
Það er þá einnig í hinni stækkuðu
mynd fjölskyldunnar einstaklega
ánægjulegt, þegar þess virðist
notið af öllum, sem fram fer og
almenn þátttaka sannar.
Þannig varð með afmælishátíð
Reykjavíkur. Ég hef engan hitt,
sem ekki var innilega ánægður
með það, hvernig til tókst og að
var staðið. Og slík var samstað-
an, að rígur hvarf milli lands-
byggðarinnar og hinnar einu
borgar, svo að utanbæjarmenn
nutu hátíðarinnar ekkert síður en
Reykvíkingar, bæði með því að
streyma til borgarinnar og í gegn-
um fjölmiðla, sem ræktu hlutverk
sitt frábærlega vel. En vitanlega
ætti það ekki að korna á óvart,
þótt farið sé að slá á aðra strengi.
Við eigum ekki öll auðvelt með
það að láta gleðina ríkja ótrufl-
aða. Og auðvitað er alltaf hægt að
finna eitthvað til þess að kvarta
yfir og finna að. Það er að segja
fyrir þá, sem slíkt vilja stunda.
Og ég sá mér til leiðinda í Þjóð-
viljanum í dag, 20. ágúst, að nú er
verið að finna að hátíðarmessun-
um á sunnudaginn var. Vil ég
leyfa mér að koma með athuga-
semdir við þá umfjöllun, bæði af
því að mín er þar sérstaklega get-
ið og vitnað til orða, sem sögð eru
höfð eftir mér, og einnig vegna
þess, að ég bar ábyrgð á undir-
búningi og tilhögun þessa þáttar
hátíðarinnar.
Á fundi með fulltrúum undir-
búningsnefndarinnar, þar sem
rætt var um þátt kirkjunnar í
borginni í afmælishaldinu, lagði
ég áherslu á það að messur væru
sungnar í öllum kirkjum borgar-
innar og messustöðum öðrum og
tækju þá kjörnir fulltrúar borgar-
búa virkan þátt í þeim messu-
flutningi. En að auki skyldi sér-
stök hátíðarmessa flutt í Dóm-
kirkjunni síðdegis. Voru þessar
tillögur mínar samþykktar. Næst
fékk ég upplýsingar á borgar-
skrifstofunni um nöfn og heimil-
isföng borgar- og varaborgarfull-
trúa. Átti síðan fund með pre-
stunum og sagði þeim frá því,
hverjir ættu heima innan sóknar-
marka hvers um sig. í tveimur
sóknum reyndust fulltrúarnir
fimm í hvorri en í einni var enginn
borgarfulltrúi eða varaborgarf-
ulltrúi. Síðan ræddu prestarnir
við viðkomandi borgarfulltrúa og
skipulögðu messurnar að öðru
Ólafur Skúlason dómprófastur.
leyti. Tókust þær að öllu leyti
mjög vel og var mér það sérstök
ánægja, þegar fulltrúi gesta ann-
arra byggðarlaga lýsti því yfir í
skilnaðarræðu að þessi þáttur
hátíðarinnar hefði verið hvað
ánægjulegastur og yrði um leið
eftirminnilegastur.
,A ðflokksleg sjónarmið
hafi ráðið vali
borgarfulltrúa vísa ég
algjörlega á bug. En
vitanlega er það svo um
stjórnmálamenn sem aðra,
að þeir sinna
safnaðarstörfum
misjafnlega og sjást
misjafnlega oft í kirkju.
Hygg ég enginn lái presti,
þótt hann freistist frekar til
að bjóða þeim
borgarfulltrúa stólinn, sem
hann hefur reynt að
jákvœðri afstöðu til kirkju
og safnaðarstarfs. “
En vitanlega hlaut að fara svo
að það voru ekki allir borgar- eða
varaborgarfulltrúar tilbúnir til
þess að ganga fram fyrir söfnuð
við guðsþjónustu og dænti var
þess að sú skýring fylgdi að það
samrýmdist ekki lífsskoðun við-
komandi. Gekk það þá vitanlega
ekki lengra og átti að vera mál
viðkomandi einna. Á fundinum
með prestunum ræddum við ekki
um verkaskiptingu, en skal þó
taka fram, að ég sagðist vart telja
borgarstjóra hafa tíma til þess að
undirbúa prédikun í viðbót við
allar þær ræður, sem hann hlyti
að verða að semja. Þeim mun
meiri var ánægjan, þegar ég frétti
að Davíð Oddsson hefði tekið
beiðni séra Franks M. Halldórs-
sonar, sóknarprests í Neskirkju
einstaklega ljúfmannlega og fall-
ist á tilmæli hans um að stíga í
stólinn.
En að Davíð eða Sjálfstæðis-
flokkurinn hafi haft afskipti af
þessu máli, er svo langsótt, að ég
á bágt nteð að skilja þá hugsun,
sem liggur þar að baki. En vitan-
lega bar meir á fulltrúum Sjálf-
stæðisflokksins í messunum en
annarra flokka. Þeir eru fleiri og
ber þess einnig að geta að ekki
vildu allir ljá máls á þessari þátt-
töku eins og fyrr getur. Og sums
staðar áttu engir aðrir flokkar
fulltrúa innan sóknarmarkanna.
Svo reyndist í þeim söfnuði sem
ég þjóna, Bústaðasöfnuði og vil
ég taka það fram vegna orðalags í
tilvitnaðri grein Þjóðviljans, að
þeir þrír borgarfulltrúar unnu sín
verk einstaklega vel og var sómi
að.
Að flokksleg sjónarmið hafi
ráðið vali borgarfulltrúa vísa ég
algjörlega á bug. En vitanlega er
það svo um stjórnmálamenn sem
aðra, að þeir sinna safnaðarstörf-
um misjafnlega og sjást misjafn-
lega oft í kirkju. Hygg ég enginn
lái presti, þótt hann freistist frek-
ar til þess að bjóða þeim borgar-
fulltrúa stólinn, sem hann hefur
reynt að jákvæðri afstöðu til
kirkju- og safnaðarstarfs. Og vit-
anlega fylgjast prestar með at-
kvæðagreiðslum í borgarstjórn
sem á Alþingi, þegar um kirkju-
mál er fjallað.
Ég harma það, að þessi þátt-
taka hinna kjörnu fulltrúa borg-
arinnar í messuflutningi skuli fá
nokkuð annað en jákvætt þakk-
læti svo mikils virði finnst mér
það. Og ég tek undir það með
fulltrúa annarra sveitarfélaga að
þetta var ekki sísti þáttur hátíðar-
innar, já, miklu frekar í mínum
augum hápunkturinn og mótaði
þannig framhald. Leyfi ég mér að
þakka þessa þátttöku og vera má
að títtnefnd grein og greinar í
Þjóðviljanum sýni, að kirkjan
hefur áhrif og verður þá meir
tekið tillit til hennar en verið hef-
ur, jafnvel svo að velviljað fólk
sitji ekki álengdar fjær, heldur
muni sunnudaginn og söfnuð
sinn.
Ólafur Skúlason, dómprófastur.
Búsýsla
Betri kartöflur!
Agnar Guðnason yfirmats-
maður garðávaxta segir alltof
mikil brögð að því að kartöfiur á
markaði hafi orði fyrir verulegu
hnjaski hjá bændum, afurða-
stöðvum eða heildsölum, og á
þeim tíma sem nú stendur yfir
þegar verið er að taka upp hálf-
þroskaðar kartöflur er mest
hætta á að þær skemmist.
Agnar hefur þessvegna sent út
sérstakar leiðbeiningar um með-
ferðina á blessuðum jarðeplun-
um, — og okkur sýnist að þær séu
einnig fróðlegar fyrir neytendur:
Eftirfarandi œttu bœndurað
hafa í huga við upptöku á
„sumarkartöflum “
1. Taka upp með handverkfærum.
2. Hefja ekki upptöku að morgni fyrr
en lofthiti er að minnsta kosti 5° C
ef kostur er.
3. Taka kartöflurnar upp í þurru.
4. Ef jarðvegur er viðloðandi á kart-
öflunum, þá þarf að skola hann af.
en þurrka kartöflurnar strax að
loknum þvotti t.d. í gisnum poka.
5. Forðast að láta sólina skína á
kartöflurnar eftir upptöku.
6. Senda aðeins þurrar og hreinar
kartöflur á markaðinn.
Afurðastöðvar og heildsalar
þurfa að gœta að eftirfarandi:
1. Sleppa þvotti á sumarkartöflum.
2. Taka sem minnst í geymslu, helst
ekki hafa í geymslu meira af kart-
öflum en sem nemur 3ja-4ra daga
sölu.
3. Forðast hnjask á kartöflunum við
pökkun.
4. Forðast að láta kartöflurnar standa
í mikilli birtu.
Þeirsem annast
smásöludreifingu þurfa að
athuga eftirfarandi:
1. Takið ekki meira en sem nemur
tveggja daga sölu í einu.
2. Forðist að láta kartöflurnar vera í
mikilli birtu.
3. Reynið að velja kaldan stað í versl-
uninni t.d. við útidyr.
4. Þar sem kartöflur eru seldar í
lausu, tínið þá reglulega úr
skemmdar kartöflur og smælki.
Neytendur eiga rétt á að fá
góðar, nýjar kartöflur, en ekki
kartöflur eins og því miður eru of
algengar á markaðnum. Þær virð-
ast vera gamlar, hýðið er fast og
svo dökknar það við suðu.
Það verður að fara sérstaklega
varlega með kartöflur á þessum
tíma ef þær eiga að geta komist í
potta neytenda óskemmdar.
Hýðið flagnar ekki af nýjum kart-
öfíum nema þær verði fyrir
hnjaski. Það er ekki vandamál
hjá mörgum framleiðendum að
skila fyrsta flokks vöru, en þeir
eru of margir sem virðast ekki
hafa mikinn áhuga að framleiða
fyrsta flokks kartöflur.
Á þessum tíma ættu ekki að
heyrast kvartanir yfir útlitsljótum
og bragðvondum kartöflum.
6 SÍÐA - ÞJÓÐVILJINN Laugardagur 23. ágúst 1986