Þjóðviljinn - 23.08.1986, Side 16
MðBVIUINN f IIIIIf* JMr áM
Aðalsími: 681333. Kvöldsímh 681348. Helgarsími: 681663.
Selfoss
Bærinn
samdi af sér
Framsóknarflokkur og Sjálfstœðisflokkur
samþykktu að greiðafyrrverandi bœjarstjóra
4.3 miljónir fyrirþriggja miljón króna hús.
Núverandi meirihluti neitar að borga
Ef Selfossbær stendur við
samning fyrrvcrandi meiri-
hluta bæjarstjórnar við Stefán
Jónsson bæjarstjóra sem gerður
var bak við tjöldin árið 1982,
mun bærinn greiða Stefáni 4.3
miljónir króna fyrir einbýlishús,
sem mcíið er á um 3 miljónir, og
greiða kaupverðið á einu ári!
Mjög líklegt er að núverandi
meirihluti muni leita úrskurðar
félagsmálaráðuneytisins um gildi
samningsins.
Bæjarfulltrúar Framsóknar-
flokksins og Sjálfstæðisflokksins
skrifuðu undir samning við Stef-
án árið 1982 þess efnis að ef Stef-
án hætti störfum sínum sem bæ-
jarstjóri væri bænum skylt að
greiða honum þá upphæð sem
hann greiddi fyrir 30 ára gamalt
einbýlishús í bænum, borga allar
endurbætur sem Stefán hugsan-
lega gerði á húsnæðinu og hækka
þessa upphæð að auki samkvæmt
hækkun byggingarvísitölu á tíma-
bilinu.
Gamli meirihlutinn gerði
þennan samning við Stefán á sín-
um tíma, án þess að leita sam-
þykkis minnihlutans og því hefur
samningurinn ekki komið fyrir
bæjarstjórn fyrr en fyrir þremur
vikum. Pannig hefur verið samið
á bak við tjöldin, en ekkert látið
vitnast um athæfið fyrr en daginn
fyrir kosningar í vor.
Núverandi meirihluti bæjar-
stjórnar er staðráðinn í að standa
ekki við samninginn, enda hefur
hann ekki hlotið lögmæta af-
greiðslu.
f fyrradag var lagður fram
samningur við Karl Björnsson
bæjarstjóra um kaup hans og
kjör, en Karli hefur verið heitið
trúnaði um þann samning. Engu
að síður er Ijóst að laun hans eins
og svo margra annarra bæjar-
stjóra verða hátt á annað hundr-
að þúsund krónur á mánuði.-gg
Nesradíó
Austfirðingar
mótmæla
Loftskeytastöðin á Neskaupstað undir-
mönnuð og enginn á vakt að nóttu til. Oá-
nœgja með launakjör loftskeytamanna.
„Hér getur hættuástand
skapast ef eitthvað ber útaf og við
buðumst til þess að vera á bak-
vakt en því var hafnað,“ sagði
Örn Sœmundsson loftskeytamað-
ur við Nesradíó í Neskaupstað en
þar starfa nú aðeins tveir lofts-
kcytamenn auk ritsímaritara, en
eiga að vera fjórir.
Sá þriðji er í fríi og frá 12 á
miðnætti og til 8 á morgnana er
enginn á vakt en fjarskiptasam-
band er við Gufunesradíó í
Reykjavík. Þar sem símasam-
band við Neskaupstað hefur ver-
ið ótrýggt að undanförnu óttast
menn nú að slíkt fyrirkomulag
skapi hættu og er talað um að
KRON
Nýr kaupfé-
lagsstjóri
Ólafur Stefán Sveinsson hefur
verið ráðinn kaupfélagsstjóri
Kaupfélags Reykjavíkur og ná-
grennis. Tekur hann við því starfi
af Ingólfi Ólafssyni, sem gegnt
hefur því frá 1963.
Ólafur Stefán Sveinsson er 28
ára. Hann er stúdent frá Verslun-
arskólanum og viðskiptafræðing-
ur frá Háskóla íslands. Ólafur
var kaupfélagsstjóri Kaupfélags
Hrútfirðinga 1981 til ’82, en hefur
undanfarið gegnt starfi fjármála-
stjóra hjá Agæti og tegið þátt í
mótun þess fyrirtækis.
Ólafur Stefán Sveinsson mun
taka við starfi kaupfélagsstjóra
um næstu áramót.
þetta geti verið fyrsta skrefið til
þess að leggja stöðina endanlega
niður. Bæjarráð Neskaupsstað-
ar, bæjarráð Eskifjarðar og
hreppsrráð Búðarhrepss hafa því
mótmælt ástandinu harðlega við
yfirvöld.
„Það er erfitt að manna þessar
stöðvar og málin eru í athugun
hjá okkur núna,“ sagði Ólafur
Tómasson væntanlegur Póst- og
símamálastjóri í samtali við blað-
ið. „Það stendur ekki til að leggja
Nesradíó niður, þetta er aðeins
bráðabirgðalausn á meðan
sumarfríum stendur þar sem við
eigum ekki annarra kosta völ.
Það hefur enginn loftskeytamað-
ur útskrifast síðasliðin sex ár og
að auki koma launamál inn í
þetta. Mannaskortur er víða
vandamál og það má segja að ást-
andið sé misjafnlega slæmt á hin-
um stöðvunum sem eru staðsett-
ar á Höfn, Siglufirði og á ísa-
firði."
„Hér sækir enginn unt þetta,
menn fara frekar í frystihúsið því
launin eru svo léleg," sagði Örn
Sæmundsson, „ég sé enga lausn á
þessu."
Þegar Loftskeytaskólinn var
lagður niður 1980 stóð til að Iðn-
skólinn tæki við
menntunarmálum loftskeyta-
manna en af því varð aldrei af
einhverjum orsökum. Engin
menntun er því í boði utan ritsím-
aritaramenntun sem Póstur og
sími veitir. Ekki vildir Ólafur
Tómasson upplýsa hvaða tillögur
til lausnar væru til umræðu en
sagði að þær snérust aðallega um
menntunarmál lofskeytamanna.
-vd
SAMVINNUBANKI ISLANDS HF.
Veistu allt sem
þú þarft að vita um
bankamál?
Þarftu að kynna þér lánamöguleika?
Innlánsreikninga? Vaxtakjör? Eða aðra
þætti bankaþjónustu?
í Spjaldhaga Samvinnubankans finnur
þú gagnlegar upplýsingar um þjónustu
bankans:
H-Vaxtareikningur Samvinnubankans er
óbundinn sparireikningur, verðtryggður með
vöxtum. Hann ber í upphafi almenna spari-
sjóðsvexti sem stighækka. Kjör H-vaxtareikn-
ings eru reglulega borin saman við kjör 3 og
6 mánaða verðtryggðra reikninga bankans.
Reynist kjör verðtryggðu reikninganna betri
leggst Hávaxtaauki við áunna vexti H-vaxta-
reiknings.
Verðtryggðir reikningar Samvinnubankans
eru bundnir í 3, 6,18 og 24 mánuði. Vextir
leggjast við höfuðstól um áramót og eru lausir
til útborgunar næstu 12 mánuði þar á eftir.
Reikningarnir eru verðtryggðir miðað við láns-
kjaravísitölu.
Sparivelta, Húsnæðisvelta, Ferðavelta
og Launavelta veita allar rétt til láns eftir
ákveðnum reglum sem háðar eru tímalengd
viðskipta og innlánum reikningseigenda.
f
i Spjaldhaga Samvinnubankans finnurþú
nánari upplýsingar um þessa þætti og aðra í
þjónustu bankans, t.d. erlendan gjaldeyri, VISA-
greiðslukort, vaxtakjör, gengisskráningu og
margt fleira.
Bankinn gefur út ný spjöld eftir þörfum - þú
skiptir um í þínum Spjaldhaga. Þannig hefur þú
alltaf við höndina réttar upplýsingar um þjón-
ustu Samvinnubankans.
:w-T,*
i&ubanki
Til fróðleiks
má geta þess að orðið Spjaldhagi
er ekki nýyrði heldur er Spjaldhagi forn
þingstaður Eyfirðinga. Árið 1492 var haldið þar
þriggja hreppa þing og frá sama ári er til
skiptabréf gert í Spjaldhaga. í sóknarlýsingu
Grundar- og Möðruvallasóknar frá 1840 nefnir
síra Jón Jónsson (1787-1869) Spjaldhagahól
„hvar til forna var og enn skal sjást leifar af
einum dómhring.“
Okkur fannst orðið hins vegar vel við hæfi og
ákváðum að glæða það nýrri merkingu.
Líttu inn í næsta Samvinnubanka og
fáðu Spjaldhaga - eða hringdu og við
sendum þér hann.
SPJALDHAGI - ALLAR UPPLÝSINGAR Á EINUM STAÐ