Þjóðviljinn - 16.09.1986, Blaðsíða 15

FORVITNAST UM FÓLK
Seldi allt nema matvæli
Guðmundur Stefánsson, kall-
aður Muggi er afgreiðslumað-
ur í Eymundsson. Muggi er 23
ára frá Húsavík en fluttist fyrir
rúmu ári til Reykjavíkur og
starfar í ritfangadeildinni í Ey-
mundsson. Aðspurður sagð-
ist hann hafa unnið við svipuð
störf á Húsavík. „Ég vann í
bókaverslun sem seidi allt
nema matvæli. Vöruúrvalið var
mun meira en hér í Eymunds-
son.“
Þig hefur ekkcrt langað í fram-
haldsskóla?
„Nei, ég hætti í skóla eftir 9.
bekk. Skólaseta á ekkert við mig.
Það er töluvert um það á Húsavík
að krakkar hætti í skóla og fari að
vinna í fiski. Hinir fara í fram-
haldsnám til Reykjavíkur og
koma ekki aftur til Húsavíkur.
Því er frekar lítið um að vera á
Húsavík fyrir fólk á mínum
aldri.“
Hvernig kanntu við þig í borg-
inni?
„Bara ljómandi vel. Ég hafði
nú oft komið hingað áður. En
miðað við aðrar höfuðborgir sem
ég hef séð þá er Reykjavík mjög
hrein og borgarbragurinn er ekki
síðri en annarsstaðar. Hér er
mikið líf. Mér gekk líka mjög vel
að koma mér fyrir; fékk fljótt
húsnæði og vinnu. Svo er auðvelt
að kynnast Reykvíkingum."
Hvernig eru launin þín hér
miðað við á Húsavík?
„Launin mín eru viðunandi.
Maður á nú víst ekkert að vera að
segja hvað maður hefur í laun.“
(Blaðamaður hváir). „Það hafa
ekki allir sömu laun. Það er nú
svoleiðis á flestum vinnustöðum.
En á Húsavík eru launin almennt
lægri. Svo ermaturinn þar dýrari.
En maður þarf ekki að taka
strætó og það er ekki nauðsynlegt
að eiga bfl. Svo er minna um að
vera þar. Þannig að í heildina er
dýrara að lifa í Reykjavík. Hér er
miklu meira af freistingum."
Hvað gerirðu í frístundum?
„Ég fell í freistingar. Svo hef ég
gaman af tónlist. Ég var að byrja í
Módettukórnum í Hallgríms-
kirkju. Það er heilmikil vinna.
Við erum núna að æfa verk eftir
Bach og Mozart. Kórinn á að
syngja við vígslu Hallgríms-
kirkju.“
Meiri frítími
á Húsavík
„Þegar ég bjó á Húsavík var ég
mikill útivistarmaður. Ég gekk
mikið á skíðum. Maður var í svo
miklum tengslum við náttúruna
þar. En ég geri lítið af þessu
hérna í bænum. Það er svo langt
að fara og meiri fyrirhöfn. Mér
fannst ég líka hafa meiri frítíma á
Húsavík.“
Hvað er vinnutíminn þinn
langur?
„Ég vinn frá 9-6 eða 7. Stund-
um lengur þegar mikið er að gera
eins og núna í skólabókaflóðinu.
Það er líka opið fyrir hádegi á
laugardögum.“
Ertu ekkert óhress með að
vinna á laugardögum?
„Nei, það eru flestir til í að
vinna þá. Ekki af því að fólki
finnist svona gaman að vinna
heldur af því að þá hækkar
kaupið."
Les starfsmaður bókaverslun-
ar ekki mikið?
„Nei, ég er ekkert mikið gefinn
fyrir lestur."
Tekurðu eitthvað þátt í pólit-
ísku starfi?
„Ég gerði það. Var í framboði
fyrir Bandalag jafnaðarmanna,
og í kringum kosningarnar var
mikið að gera. En eftir að ég flutti
í bæinn þá er ég lítið að stússast í
þessu. Maður má ekkert vera að
því.“
-SA.
Guðmundur Stefánsson verslunarmaður
spurðurspjörunum úr
FRETTIR
Verðmyndun
Ekki einkamál framleiðenda
Stjórn neytendasamtakanna: Furðurlegar yfirlýsingar talsmanna hœnsnabœnda.
Varað við hugmyndum umframleiðslustjórnun á eggjum ogfuglakjöti
hér sé um einkamál framleiðenda
að ræða og vara alvarlega við
öllum hugmyndum um fram-
leiðslustjórnun af þessu tagi.
„Þeir framleiðendur sem ekki
geta selt afurðir sínar á því verði
sem ýtrasta hagkvæmni leyfir,
hafa engan rétt á að knýja fram
hækkanir á kostnað neytenda
með framleiðsluþvingunum fyrir
aðra framleiðendur, eða með því
að koma í veg fyrir að nýir hæfari
aðilar hefji framleiðslu.
Útilokað er að veita fram-
leiðendum sem nú eru í vand-
ræðum vald til þess að skammta
öðrum hæfari framleiðendunt
framleiðslurétt. Neytendasam-
tökin benda á að þau hafa fram til
þessa ekki krafist afnáms á inn-
flutningsbanni á búfjárafurðum.
Forsenda þeirrar afstöðu er jafn
réttur neytenda og framleiðenda
í verðmyndunarmálum þeirra
nauðsynjavara sem innflutnings-
bann gildir fyrir,“ segir £ yfirlýs-
ingu samtakanna.
- gg
ÞJÓÐVILJINN - SÍÐA 19
Neytendasamtökin hafa lýst
jTir furðu sinni á nýlegum yf-
irlýsingum einstakra talsmanna
hænsnabænda þess efnis að þeir
óski eftir kvótakerfi eða fram-
leiðslustjórnun fyrir egg og fugla-
kjöt.
Segir stjórn samtakanna að
almennt virðist margir þessara
hænsnabænda ræða um þessi mál
eins og þau séu einkamál fram-
leiðenda, en neytendum óvið-
komandi.
Rök framleiðenda eru þau að
verð afurða hafi verið of lágt
langtímum saman og að einstakir
framleiðendur séu að verða
gjaldþrota af þeim sökum. Því sé
nauðsynlegt að koma á fram-
leiðslustjórnun eða kvótakerfi
einhvers konar. Neytendasam-
tökin segjast ekki viðurkenna að
Aldraðir
Söluíbúðir á Hvolsvelli
Fyrstu tvœr íbúðir af tíu fullbúnar
Verkalýðsfélagið Rangæingur
hefur lokið byggingu tveggja
70 fermetra íbúða fyrir aldrað
verkafólk. íbúðirnar eru í rað-
húsi og staðsettar í næsta ná-
grenni við byggingar Dvalar-
heimilisins á Hvolsvelli.
Þama er um að ræða söluíbúðir
og hafa þeir félagsmenn Rangæ-
inga sem orðnir eru 63 ára eða
eldri rétt á að kaupa íbúðirnar.
Þó eiga þeir forkaupsrétt sem
orðnir em 67 ára. íbúðirnar eru
seldar á kostnaðarverði. Með
byggingu þeirra er lokið fyrsta
áfanga í áformaðri 10 íbúða bygg-
ingarframkvæmd á vegum verka-
lýðsfélagsins. " 88
Aðalritari
forsætisnefndar
Norðurlandaráðs
Forsætisnefnd Norðurlandaráðs auglýsir lausa
til umsóknar stöðu aðalritara forsætisnefndar
Norðurlandaráðs.
Norðurlandaráð er samstarfsvettvangur þjóð-
þinga og ríkisstjórna Norðurlanda og eru þar
samþykkt tilmæli til ríkisstjórna landanna um
málefni varðandi samstarf þjóðanna.
Milli þinga Norðurlandaráðs, sem að jafnaði eru
haldin árlega, stýrir forsætisnefndin daglegum
störfum þess og fara þau fram á skrifstofu forsæt-
isnefndarinnar í Stokkhólmi, þar sem starfslið er
30 manns. Starfið þar fer fram á dönsku, norsku
og sænsku. Skrifstofan hefur stöðu alþjóðlegrar
stofnunar.
Aðalritari forsætisnefndar er yfirmaður skrifstof-
unnar og stýrir því starfi sem þar fer fram, bæði
innan skrifstofunnar og gagnvart Norrænu ráð-
herranefndinni, en í henni eiga sæti fulltrúar ríkis-
stjórna Norðurlanda.
Aðalritarinn er ritari á fundum forsætisnefndar og
formaður nefndar þeirrar, sem undirbýr fundi
forsætisnefndarinnar. í undirbúningsnefndinni
eiga sæti auk aðalritarans ritarar landsdeilda
Norðurlandaráðs. Aðalritarinn er forsætisnefnd-
inni til aðstoðar um erlend samskipti.
Forsætisnefndin æskir þess að sem flest norræn
lönd eigi fulltrúa meðal yfirmanna skrifstofu for-
sætisnefndarinnar. Yfirmennirnir eru auk aðalrit-
arans, sem nú er finnskur ríkisborgari, tveir að-
stoðarritarar, norskir og sænskir ríkisborgarar
auk upplýsingastjóra sem er danskur ríkisborg-
ari.
Um laun og kjör gilda sérstakar norrænar reglur,
sem að hluta til eru samsvarandi þeim sem gilda
um opinbera starfsmenn í Svíþjóð. Aðalritara-
stöðunni fylgir embættisbústaður.
Samningstíminn er fjögur ár og hefst 1. janúar
1987. Ríkisstarfsmenn eiga rétt á leyfi frá störfum
meðan á samningstímanum stendur.
Nánari upplýsingar veitir aðalritarinn llkka -
Christian Björklund í síma 90468 143420 og
Snjólaug Ólafsdóttir, ritari íslandsdeildar Norður-
landaráðs, í síma Alþingis, 11560.
Umsóknum skal beina til Nordiska rádets presi-
dium, og skulu þær sendar til Nordiska rádets
presidiesekretariat, Tyrgatan 7, (Box 10506) S-
10432 Stockholm, og hafa borist þangað eigi
síðar en miðvikudaginn 1. október 1986.