Þjóðviljinn - 18.12.1986, Side 2

—'SPURNINGIN—
Spurt í
Lauganesskóla:
Trúir þú því að jóla-
sveinninn sé til?
Guðni Sesar Jóhannesson:
Jáhá. Og hann er svo góöur
vegna þess að hann gefur
manni alltaf gjafir
Sigurður Björnsson:
Já, hann á heima í fjöllunum
og hann gefur mér alltaf í skó-
inn.
Birgitta Baldvinsdóttir:
Jahháá....
Jóhann Marel Viðarsson:
Já. Gríla mamma hans dó
vegna þess að börnin voru
svo góð og nú á jólasveinninn
heima með pabba sínum hon-
um Leppalúða. Stekkjastaur
er alltaf að rífast við Leppa-
lúða vegna þess að hann fer
fyrstur ofan af fjöllunum.
Sigurlaug Lísabella Árna-
dóttir:
Já, og hann er góður en verð-
ur stundum reiður þegar það
er verið að gera grín að hon-
um. Ég vildi að pabbi minn
væri jólasveinn því þá mundi
hann alltaf gefa mér svo mikið
og þá gæti ég farið í fötin
hans.
FRÉT71R
Fiskeldi
Skilar 266 miljónum
Langmestu tekjurnar úrseiðaeldi. Aðeins fáarstöðvar
með einhverja umtalsverðaframleiðslu.
Heildarverðmæti fiskeldisaf-
urða á þessu ári eru áætiuð um
266 miljónir króna. Þar af er
hlutur laxeldis um 234 miljónir en
silungseldis 32 miljónir. Mestur
hluti þessara verðmæta koma úr
seiðaeldi um 200 miljónir en hitt
úr matfiskeldi og hafbeit.
Þetta kemur fram í yfirlits-
skýrslu Árna Helgasonar hjá
Veiðimálastofnun um fram-
leiðslu í fiskeldi hérlendis á þessu
ári. Framleiðslan er mjög mis-
munandi hjá eldisstöðvunum. í
seiðaeldinum skila um 11 fyrir-
tæki af 49 skráðum yfir helming
allrar framleiðslunnar en 19 fyrir-
tæki voru ekki með neina sölu á
árinu. Um 50% aukning varð í
framleiðslu smáseiða frá síðasta
ári og rúmlega 130% aukning í
framleiðslu gönguseiða, en í ár
voru framleidd um 2 miljónir
gönguseiða en um 800 þús. í
fyrra.
Alls eru nú skráðar 15 haf-
beitastöðar í landinu og af þeim
endurheimtu 8 stöðvar um 65
tonn af laxi á árinu. Þetta er um
10% aukning frá í fyrrasumar.
Ríflega helmingur hafbeitarlaxa
komu á landi hjá Kollafjarðar-
stöðinni eða um 40 tonn.
ísnó stöðin í Keiduhverfi fram-
ieiddi á árinu um 80 tonn af laxi í
kvíaeldi en 5 stöðvar framleiddu
alls 105 tonn í kvíum og eldis-
stöðvum á landi, en 5 stöðvar fra-
mleiddu rúm 17 tonn af laxi í
strandeldi.
Silungseidi er að sækja í sig
veðrið en þar er Laxlónsstöðin i
fararbroddi og framleiddi um 150
tonn af matfiski, aðallega regn-
bogasilungi, miljón sumaralin
seiði og 100 þús. sjóeldisseiði.
-lg-
Tónlist
Grafík
skiptir
um búning
Hljómsveitin Grafik hefur
tekið stakkaskiptum eftir nokk-
urt hlé. Til liðs við hljómsveitina
eru nú komin þau Andrea Gylfa-
dóttir söngkona og Baldvin Sig-
urðsson bassaleikari, og koma
þau í staðinn fyrir Helga Björns-
son söngvara, sem nú hefur snúið
sér alfarið að leiklistinni, og Jak-
ob Magnússon bassaleikara sem
gengið hefur til liðs við Bubba
Morthens í hljómsveitinni MX21.
Hljómsveitin mun koma fram í
fyrsta skipti í sinni nýju mynd í
Tónabæ á föstudaginn og verður
þar meðal annars kynnt nýtt
frumsamið efni frá hljóm-
sveitinni. Hljómsveitin mun
einnig leika í Duushúsi á sunnu-
dag.
Andrea Gylfadóttir er nýtt
nafn í íslenska poppheiminum.
Hún hefur Jagt fyrir sig hljóð-
færaleik auk söngsins, og sögðu
félagar hennar í hópnum að hún
hafi smollið saman við hljóm-
sveitina bæði tónlistarlega og fé-
lagslega þegar frá byrjun. Bald-
vin Sigurðsson bassaleikari lék
áður í Bara-flokknum. -ólg.
Hljómsveitin Grafík frá vinstri: Baldvin Sigurðsson, bassi, Rafn Jónsson trom-
mur, Rúnar Þórisson gítar, Hjörtur Howser hljómborð og Andrea Gylfadóttir
söngkona sitjandi.
Laugarvatn
íþróttanemar vilja halda sínu
Ósáttir við hugmynd ráðherra um flutning Hótel- og veitingaskólans
austur. Missum heimavistina og aðra kennslustofuna
Nemendur í íþróttakennara-
skólanum á Laugarvatni eru
mjög ósáttir við þá aðstöðu sem
þeim er ætluð verði af flutningi
Hótel- og veitingaskólans austur á
Laugarvatn, en um helmningur
nemenda íþróttakennaraskólans
er með heimavist í því húsnæði
sem nemendum Hótel- og
veitingaskólans er ætlað.
íþróttakennaranemarnir hafa
átt fund með menntamálaráð-
herra vegna þessa máls en hann
hefur lýst því yfir að enn sé allt
óljóst með flutning Hótel- og
veitingaskólans austur.
í bréfi sínu til ráðherra segjast
nemendur ekki sjá hvernig
eigi að koma öllu þessu fólki fyrir
í því skólahúsnæði sem fyrir er á
Laugarvatni. „Það er ekki bara
heimavistin sem við missum held-
ur einnig aðra kennslustofuna
okkar,“ segja nemendur og
hvetja ráðherra til að endurskoða
hugmynd sína um flutning Hótel-
og veitingaskólans að Laugar-
vatni.
Saga 1986
Konur
, og börn í
íslandssögu
Félagssaga er efst á baugi í ný-
útkomnu ársriti Söguféiagsins,
Sögu, og sérstaklega fjölskyldu-
saga, þar sem hlutur kvenna og
barna er meiri en allajafna í
sagnfræðinni.
Gísli Ágúst Gunnlaugsson rit-
ar um rannsóknir á fjölskyldu-
sögu og um íslenskar fjölskyldur
á 19. öld og fyrstu áratugum hinn-
ar 20., Gunnar Karlsson fjallar
um fornt kvenfrelsi á íslandi og
dregur kenningar um slíkt í efa,
Helgi Þorláksson skrifar um
óvelkomin börn, brjóstagjöf,
móðurást og kaldlyndi, og Gunn-
ar Hálfdanarson um barnavinnu
á 19. öld í greininni „Börn - höf-
uðstóll fátæklingsins”. Þá er í rit-
dómum fjallað um efni þessu
tengt.
Af öðru efni Sögu er að nefna
ritgerð Kjartans Ólafssonar fyrr-
verandi Þjóðviljaritstjóra um þau
áform Frakka um 19. öld að
koma upp nýlendu við Dýra-
fjörð, afstöðu íslendinga og
Dana til þeirra og um heimsókn
Napóleons Frakkaprins til lands-
ins árið 1856.
Jón Hnefill Aðalsteinsson
skrifar um írska kristni og nor-
ræna trú á 9. öld, Harald Gustafs-
son skýrir frá hugmyndum um að
hneppa íslenska bændur í átt-
hagafjötra á 18. öld, og Björn Th.
Björnsson og gagnrýnendur hans
eigast við um Þingvelli og Þing-
vallarit.
Sögu má fá í höfuðstöðvum
Sögufélagsins efst í Fischersundi
og í öllum almennilegum bóka-
búðum. -m
Leiðrétting
við krossgátu
Villa var í krossgátu nr. 548 sl.
sunnudag. í þriðja reit í sjöttu
línu að ofan á að vera talan 3 í
staðinn fyrir töluna 9.
2 SÍÐA - ÞJÓÐVILJINN Flmmtudagur 18. desembér 1986