Þjóðviljinn - 29.01.1987, Blaðsíða 12

Skoðana-
könnun
Sýnishom
Næst á eftir gjaldþrotamálum
og okurmálum á íslandi og hjú-
skaparmálum bresku konungs-
Karl í Vest-
mannaeyj-
um: Kaus
Kvennalist-
ann síðast,
ætlar nú að
kjósa Flokk
mannsins til
að stuðla að
jafnrétti kynj-
anna.
fjölskyldunnar munu skoðana-
kannanir vera vinsærasta lesefni
sem íslensk blöð kunna að bjóða
lesendum sínum. Þessar kannan-
ir eru framkvæmdar af vísinda-
legri nákvæmni þannig að hringt
er í fólk af handahófi og það spurt
spurninga sem það á ekki von á. í
fátinu er fólk talið líklegt til að
segja sannleikann, svo að skoð-
anakannanir gefa ótvíræða vís-
bendingu um það, hvernig fólk
bregst við þegar ókunnur aðili
hringir í það að kvöldlagi og spyr
nærgöngulla spurninga um einka-
mál þess.
Það hefur þó vakið nokkra at-
hygli hversu margir virðast vera
óákveðnir í skoðanakönnunum
þessum. Á því eru ýmsar skýring-
ar. Sumir virðast halda að um
símaat sé að ræða og eru ófúsir að
taka þátt í því. Aðrir eru hræddir
við að hin nýstofnaða Leyniþjón-
ORÐ IEYRA
Norðri, Suðri og Vestri skrifa:
usta sé tekin til starfa og eru því
hikandi við að tjá sig. Enn aðrir
eru hræddir um að vinnuveitend-
ur þeirra fái upplýsingar um við-
brögð þeirra. Og það er ennfrem-
ur til í dæminu, að fólk sé ekki
búið að ákveða sig; og fleiri skýr-
ingar hafa heyrst nefndar.
Hér kemur ein:
Síminn hringir.
R-r-r-r-r-r... r-r-r-r-r-r-r-r...
r-r-r-r-r-r...
- Jónas.
- Ha?
- Jónas hér.
- Já, góða kvöldið. Þetta er
hérna á KP.
- Ká-hvað?
- KP - Kvöldpóstinum. Við
erum að framkvæma skoðana-
könnun.
- Nújá?
- Já, þetta eru tvær spurningar.
Hvaða flokk ætlarðu að kjósa í
næstu alþingiskosningum? Og,
hvaða stjórnmálamaður finnst
þér glæsilegastur?
- Hvaða flokka eruð þið með?
- Hvað meinarðu?
- Um hvaða flokka getur mað-
ur valið í þessari skoðanakönnun
ykkar?
- Bara alla þessa venjulegu.
Nú - og svo Flokk mannsins ef þú
vilt vera frumlegur.
- Hvað er vinsælast hjá fólki?
- Það er voða vinsælt að segjast
kjósa Sjálfstæðisflokkinn. Um
tíma sögðust líka margir ætla að
kjósa Jón Baldvin, en það er eins
og það sé að komast úr tísku. En
Sjálfstæðisflokkurinn er svona
sígildari. Og svo eru auðvitað
alltaf einhverjir, sem þurfa að
vera öðru vísi en aðrir og eru þá
með Alþýðubandalaginu eða
Framsókn.
- Já, ég kannast við þetta. En
hvernig er það ef maður er í ein-
hverjum flokki? Má maður kann-
ski breyta til?
- Gerðu svo vel. Bara eins og
þú vilt. Láttu mig ekki hafa áhrif
á þig.
-Nei, nei. Égskil. Þannigerað
ég er úr Samvinnuskólanum svo
að ég kýs auðvitað hjá Framsókn
alltaf í forvalinu, en svo vinn ég á
Vellinum svo að ég kýs vitanlega
þú veist, en ég hef voðalega gam-
Húsmóðirí
Vesturbæn-
um: Velvak-
andi er
glæsilegasti
stjórnmála-
maðurinn.
(Velvakandi
til hægri).
an af svona skoðanakönnunum...
Fyrirgefðu, bíddu aðeins... Já,
elskan, ég er bara að tala í símann
augnablik. Það er verið að gera
skoðanakönnun og ég varð fyrir
valinu. Já, já, ég skal gera það...
Fyrirgefðu, en konan mín var að
koma inn úr dyrunum. Hvað
varstu annars að segja?
- Jú, spurningin var: Hvaða
flokk ætlarðu að kjósa í næstu al-
þingiskosningum?
- Já, einmitt... Hann er að
spyrja hvaða flokk ég ætli að
kjósa. Já, já, auðvitað... Ertu
þarna ennþá?
- Já, já.
- Sko, við hérna, ég er að hugsa
um að kjósa Kvennalistann. Ég
meina ég er alveg ákveðinn í að
kjósa Kvennalistann... Þú heyrir
það, elskan?
- Kvennalistann - já ég hef
það.
- Þetta er bara skoðanakönn-
un, er það ekki?
- Jú, og næsta spurning: Hvaða
stjórnmálamaður finnst þér vera
glæsilegastur?
- Ja, ég segi bara Albert.
- Albert Guðmundsson.
- Augnablik... Ég var bara að
grínast, elskan... Nei, fyrirgefðu,
Karl á Vest-
fjörðum: Vill
býtta á Iftilli
trilluoggóðu
húsi í Garða-
bætilað
geta haldið
áfram að
kjósa Stein-
grím Her-
mannsson.
ég ætla að breyta þessu: Ragn-
hildur Helgadóttir.
- Já, ég hef það: Ragnhildur
Helgadóttir í Sjálfstæðisflokkn-
um.
- Nú ég hélt hún væri af
Kvennalistanum. Eru konur í
I Sjálfstæðisflokknum?
- Að minnsta kosti er Ragn-
hildur í Sjálfstæðisflokknum.
- Nú, heyrðu, þá ætla ég að fá
að breyta þessu. Manstu ekki
eftir einhverjum konum af
Kvennalistanum?
- Ég er hræddur um að ég megi
ekki hjálpa þér við þetta.
- Það kalla ég lélega þjónustu.
Má ég benda þér á að ég er áskrif-
andi.
- Já, fyrirgefðu, en það er ekki
að ég vilji ekki hjálpa þér, en ég
er bara í menntaskólanum og var
fenginn til að hringja í kvöld.
Eiginlega fyrir frænku mína, sem
er í félagsfræði í Háskólanum og
var búin að ráða sig í þetta. Ég
man bara ekkert hvað þessar
konur heita.
- Hvað á ég þá að segja?
- Það segja voða margir
Steingrímur Hermannsson.
- Nú, er það?
- Já, hann er nú svo mikið í
fjölmiðlum. Og svo er hann for-
sætisráðherra. Og hann varð efst-
ur í síðustu könnun.
- Jæja, þá. Mér er alveg sama.
Settu hann bara á blaðið.
- Þá segum við það. Þakka þér
kæriega fyrir.
- Það er ekkert að þakka. En
heyrðu, hvenær kemur þetta í
blaðinu?
- Ég veit það bara ekki. Þetta
verður sett í tölvu, sem svo
ákveður úrslitin og svo kemur
þetta í blaðinu, einhvern tímann
þegar lítið er í fréttum.
- Kemur mynd af mér?
-Nei, það er ekki hægt að birta
mynd af öllum.
- Nei, ég skil það vel. Það hefur
nú reyndar einu sinni komið
mynd af mér í KP. Það var þegar
ég lenti í slysinu, en það var ekki
góð mynd. Það sást ekki almenni-
lega framan í mig. Annar slökkvi-
liðsmaðurinn skyggði eiginlega
alveg á mig. Maður kunni ekki
við að vera að trana sér fram. Svo
var ég náttúrlega allur brotinn og
blóðugur.
- Já, ég skil. Jæja þá...
- Heyrðu, viltu ekki fá nafn og
heimilisfang?
- Nei, þetta er leynileg könn-
un.
Konaí
Grímsey: Er
ekki búin að
ákveða sig
en fannst
áramótaleik-
rit Sjón-
varpsins
mjög raun-
sætt og þarft
verk.
- En ef ég vinn nú - hvert ætl-
arðu þá að senda verðlaunin?
- Hvaða verðlaun?
- Er þetta ekki verðlaunasam-
keppni?
- Nei, þetta er skoðanakönn-
un.
- Ég hef nú aldrei vitað annað
eins. Engin verðlaun!
- Því miður. En ég ræð þessu
nú ekki. Ég bara vinn hérna.
- Strikaðu mig út! Ég læt ekki
bjóða mér hvað sem er.
- Já, ég skal strika þig út, en má
ég ekki nota upplýsingarnar?
- Þú notar engar upplýsingar
frá mér, góði, því þá segi ég upp
blaðinu.
- Allt í lagi. Þá þakka ég bara
fyrir.
- Þú rétt ræður hvort þú setur
þetta í bla...
(K-l-i-k-k).
- Heyrðu, ég var hérna að tala
við einn sem vildi taka svarið aft-
ur, úr því að það eru engin verð-
laun í boði. Hvað á ég að gera í
því?
- Hvað sagðist hann ætla að
kjósa?
- Kvennalistann.
- Þú flokkar hann bara sem
óákveðinn. Þetta verður að vera
nákvæmt hjá okkur. Þetta er vís-
indaleg könnun.
______________MINNING____________
Guðmundur Jökull Jensson
Fœddur 6. febrúar 1969 - Dáinn 15. janúar 1987
Langt af fjöllum hríslast lœkirnir
og laða þig margir til fylgdar.
En vegurinn er einn, vegurinn
velurþig, hvert spor þitt er stigið.
Og frá upphafi allra vega
fór enginn þá leið nema þú.
(Sn. Hj.)
„Mamma, hvað þýðir að vera
munaðarlaus?" spurði eitt sinn
fimm ára gamall ljóshærður
snáði. Móðir hans útskýrði hug-
takið fyrir honum og það varð
andartaksþögn, þá sagði dreng-
urinn: „Það er ég alveg viss um að
ég gæti verið hjá henni Gunnu og
hún Margrét hjá honum Jakobi ef
eitthvað kæmi fyrir ykkur mam-
ma mín“.
Einföld lausn og honum Jökli
lík. Engar efasemdir, engar
vangaveltur. Líklegast vorum við
Jakob alls ekki þessa barnslega
trausts verð en ummælin hafa
ekki gleymst þótt nokkuð sé um-
liðið. Þau innsigluðu tengsl sem
ekki rofnuðu þrátt fyrir langan
aðskilnað og þótt Atlantshafið
hvíta bæri lengstum á milli.
En nú er taugin slitin og verður
ekki aftur hnýtt. Eftir sitjum við
sljó og skilningsvana, við reynum
að sigrast á sársaukanum og
reiðinni, vitandi að síðan kemur
tómið, það er verst.
Minningarnar hrannast upp.
Lítill drengur leggur við hlustir
þegar rakin er ferðasaga. Ósköp
venjuleg frásögn af velundirbú-
inni öræfaferð. í slíkum ferðum
gerist svosem ekki neitt sem í frá-
sögur er færandi en voru það
stóru galopnu augun eða ein-
lægar spurningarnar sem færðu
sögurnar eilítið í búning? Urðu
ekki straumþungar jökulárnar
ennþá dýpri í frásögninni? Eða
kuldinn meiri? Ætli ekki að lýs-
ingarorðin hafi orðið eitthvað
sterkari þegar lýst var hyldýpinu
fyrir neðan, þá göngulúnir lögðu
upp síðasta brattann með klyfjar
sínar.
Síðar ræddum við um gleðina
sem fyllir hugann þegar komið er
á áfangastað.
Síðustu fjögur árin hafa liðið
án þess að undirrituð hafi frá ein-
hverju frásagnarverðu haft að
segja. Nokkur reynsla á sviði út-
búnaðar til útivistar kom þó enn
að notum og var leitað óspart
eftir haldgóðum ráðum. En svo
fór þó eins og oft vill verða að
lærisveinninn varð meistaranum
fremri enda þá farinn að leggja
fyrir sig þær íþróttir er dáðlitlir
duga skammt til.
Jökull náði langt í íþrótt sinni,
megi minning hans verða öðrum
ungmennum hvatning til að
leggja sig fram og stefna hátt.
Guðmundur Jökull Jensson
hét hann fullu nafni og var elsta
barn hjónanna Valgerðar Hall-
grímsdóttur kennara og Jens Al-
berts Guðmundssonar læknis.
Foreldrar Valgerðar eru þau
Margrét Árnadóttir, húsfreyja og
Hallgrímur Jónas Jónsson Jak-
obsson, söngkennari. Hallgrímur
lést árið 1976. Jens er sonur Guð-
mundar Jenssonar loftskeyta-
manns, sem lést árið 1982 og fyrri
konu hans Aðalheiðar Jóhannes-
dóttur. Aðalheiður fórst af slys-
förum árið 1953 og ólst Jens
ásamt systkinum sínum upp hjá
föður sínum og síðari konu hans
Guðmundu Magnúsdóttur sem
gekk þeim í móðurstað. Önnur
börn Valgerðar og Jens eru þau
Margrét, fædd 1973, Hallgrímur
Jónas, fæddur 1982 og Laufey,
fædd 1985.
Þegar Jökull fæddist hafði Jens
hafið nám í læknisfræði og Val-
gerður nýlokið stúdentsprófi.
Arið 1974 fluttist hann með for-
eldrum sínum og Iitlu systur til
Þingeyrar en þar gegndi faðir
hans störfum héraðslæknis um
skeið. Frá Þingeyri lá leiðin aftur
til Reykjavíkur þar sem skóla-
ganga hans hófst. Þar eignaðist
hann vini sem hann var tengdur
órjúfanlegum böndum til dauða-
dags. En í átta ára bekk skildu
leiðir. Jökull fluttist enn búferl-
um með fjölskyldu sinni, í þetta
sinn til Vesteras í Svíþjóð og
nokkrum árum síðar til Uppsala.
í Uppsölum kynntist Jökull
klettaklifi sem ásamt fjallgöngum
og skíðaiðkun skipuðu ríkan sess
í huga hans. Og mikil var gleðin,
þegar fjölskyldan kom alkomin
heim eftir níu ára útivist, að geta
haldið áfram hér með áhugamál
sín.
Heimkominn settist Jökull í 4.
bekk Menntaskólans í Reykja-
vík. Honum sóttist námið vel og
eignaðist skjótt stóran vinahóp.
En þrátt fyrir tímafrek áhugamál,
nám og leik átti hann stundir
aflögu fyrir systkinin litlu. Þeirra
missir er mikill.
Lífið virðist oft vera misk-
unnarlaust og ósanngjarnt. Ekk-
ert er sárara en að missa barnið
sitt. Á slíkum stundum er örðugt
að finna orð við hæfi. Mér koma í
hug línur sem vinur Jökuls í Sví-
þjóð ritaði foreldrum hans eftir
að harmafregnin hafði borist yfir
hafið: „Hann mun ekki þurfa að
sjá allt það vonda og ljóta í
heiminum sem við eigum eftir að
upplifa. Hann mun lifa áfram í
hjörtum okkar, glaðlyndur og
uppfinningasamur, þannig mun-
um við minnast hans.“
Það eru einungis bjartar minn-
ingar tengdar frænda mínum
Jökli, seinna, seinna, þegar sárs-
aukinn hefur dvínað verður gott
að rifja þær upp.
Guðrún Hallgrímsdóttir.
12 SÍÐA — ÞJÓÐVILJINN Flmmtudagur 29. janúar 1987