Þjóðviljinn - 30.01.1987, Blaðsíða 9

upprennandi
kommúnistum
Grár reykur umlykur mann.
Að vitunum berst brennist-
einsfýla. Áttahundruð manns
standa þarna í salnum og
bíða. Og allt í einu sérðu glitta
í eitthvað svart og hvítt.
Smám saman skýrast útlín-
urnar, vð sjáum hávaxinn
mann í hvítum kufli með
svarta hettu og slá nálgast. (
humátt á eftir fylgja menn í
svörtum kuflum með svartar
hetturogberakrossáherðum .
sér. Það er busadagur og djúp
bassarödd yfirböðuls fyllir sal-
inn:
Rœða yfirböðuls
Vesælu busaskítar, verið við-
búin við skulum biðja, og þú
þarna bakvið ekki snýta þér ífing-
urinn eða ég læt skera þig á háls.
Þið eruð þó ekki búin að gleyma
faðirvorinu, uxarnir ykkar?
...Faðir vor... Nei, ég hefði mátt
vita að þetta væri vita vonlaust.
Faðir vor, nei ekki alveg. Þá viljið
þið heldur brennivín og Rapport-
leggjast í bælið og grúfa sméttið í
svæfilinn en gleymið að hugsa um
guð. Þið getið aldrei lært neitt
kláðagemlingar. Ég vil láta skjóta
ykkur öll. Eg lýsi því hér yfit að
guð er ekki hræddur við ykkur og
lætur ekki að sér hæða. Þið hikið
við að snúa ykkur til Krists og
gangið þyrnum stráðan veg synd-
arinnar. Þið eruð glataðir synir
sem viljið heldur bylta ykkur í
saurlifnaði en að snúa ykkur til
föðurins.
Starið ykkar heimsku augum
útí endalausan geiminn, þorsk-
hausar og hengilmænur, og gerið
ykkur Ijóst að heimurinn er hver-
full en guð er eilífur. Þið eruð ó-
forbetranleg svín og guði dettur
ekki í hug að sýna ykkur misk-
unnsemi. Þið hafið syngdað og
ykkur verður ekkifyrirgefíð. Bros
guðs er ykkur ekki sýnilegt í gegn-
um dimm ský andfýlu ykkar. Þið
voruðfædd eins ogAdam saklaus
og nakin. Og í stað þess að breyta
vel og fara í Versló, gangið þið hér
inn, þorparar, með gapandi ginin
albúin til þess að bíta í hið eina
heilaga epli viskunnar. Og reynið
ekki að afsaka ykkur með því að
foreldrar eða aðrir snákar hafi
tælt ykkur til að saurga hin hei-
laga ávöxt. Þið eruð einfaldlega
úrhrök, slyddur og sloramenni,
niðurlæging mannkyns, skamm-
arblettur á sköpunarsögunni. Þið
sýnið með saurgandi viðurvist
ykkar að guði geta orðið á mistök
þegar hann sagði „verði Ijós" svo
að Ijós skíni á ykkur. Hefðuð þið
minnsta snefil af sómatilfinningu
vœruð þið þegar búin að drepa
ykkur sjálf. Það hafið þið ekki
gert en úr því verður bætt.
Þið munuð stikna og brenna,
kvalin af lærimeisturum haturs og
þjáninga. Þjökuð af byrði brenn-
andi bóka, pínd af reyk og háv-
aða. Grafin hálflifandi og limlest í
ritgerðum. Þið eruð dæmd í eilífa
þjáningu og niðurlægingu. Þið
munuð aldrei sleppa héðan frá
hefnd guðs. Því þetta er ekki skóli
þetta er ekki hreinsunareldur,
heldur helvíti. Velkomin...
Vertu samviska þeirra
í anda ræðunnar starfa böðl-
arnir það sem eftir er dags. Bus-
arnir eru meðhöndlaðir af því mi-
skunnarleysi sem eitt getur kennt
mönnum undirgefni og auðmýkt.
Vinsælastu fórnarlömb þeirra
eru, einsog gefur að skilja, fal-
legar stúlkur. Þukl þeirra er illa
dulbúið og fyrir kemur að meyjar
með sjálfsvirðingu líða ekki
hegðun þessa og fara að láta ó-
friðlega. En sumar hafa þegar
skilið hvað leikurinn gengur út á.
Rífðu kjaft við yfirvöldin, vertu
samviska þeirra og sýndu þeim
framá að þeir breyta rangt. Og
þá, já þá, taka þau þig og refsa
þér grimmilega.
Og rétt einsog í hverju öðru
samfélagi standa flestir hjá og
horfa á böðlana misþyrma fé-
lögum sínum. Pyntingaraðferð-
irnar eru sem betur fer frumstæð-
ar í þessu samfélagi. Enda hefur
nemendastjórnin, yfirvöld böðl-
anna, ævinlega tekið í taumana
þegar raunhæfum refsingum hef-
ur verið beitt. Ástæðan? Jú yfir-
völdin þau hræðast grimmilega
refsingu enn æðri yfirvalda,
nefnilega skólastjómar.
Leikfimi-
pyntingar
Vinsælasta pyntingaraðferðin
er að láta busana gera einhvers
konar leikfimiæfingar, enda þyk-
ir nemendum Menntaskólans við
Hamrahlíð fátt jafn kveljandi og
ástundum íþrótta. í nokkrum
metum er og að baða busana upp-
úr misköldu vatni.
Enda veitir ekki af að þrífa þá
svolítið. Fyrst er nú náttúrulega
lyktin og ofan á það allur sá
óþverri sem klínt hefur verið á þá
frá því snemma um morguninn.
En sjúkleg drottnunargirnd
menntaskólanema fær ekki bara
útrás í böðulshlutverkinu. í raun-
inni eru lang fæstir sem fá útrás
sína þar. Þeir eru jú bara aumar
löggur.
Hinir fá sína fullnægingu í því
að vera atvinnurekendur. Kaupa
á uppboði einn eða fleiri busa og
láta þá þjóna sér það sem eftir
lifir dags. Nærri þrælunum fá
böðlarnir ekki að koma, frekar
en löggan, því það má jú ekki
skemma eignir manna. Það er að-
eins ef þrælarnir gera uppsteyt,
halda því fram að þeir séu ekki
tuskur sem atvinnurekendurnir
geti meðhöndlað að vild sinni,
sem böðlarnir eru kvaddir á vett-
vang. Allt tiltækt lið kallað út til
að koma á lögum og reglu.
Þessvegna eru flestir þrælanna
stilltir, utan örfáir sem beinlínis
hafa gaman af því að gera upp-
steyt og eru flestir upprennandi
kommúnistar. Það er ekkert
gaman að vera atvinnurekandi
slíkra.
Einsog sannur
atvinnurekandi
Miklu notalegra er að ná í
prúðan og stilltan þræl, sem er
reiðubúinn til að gerast einkarit-
ari manns. Þá tekur maður hann
með sér í tíma, lætur hann bera
fyrir sig byrðarnar og vinna það
sem þarf að vinna. Maður þarf
ekki að gera eitt einasta verkefni
ekki glósa einn einasta staf, mað-
ur lætur þrælana um það. Svo
merkir maður vinnuna sjálfum
sér og hirðir ágóðann, einsog
sönnum atvinnurekanda sæmir.
Kjördagur
En klukkan hálfþrjú verður
maður að láta þrælinn af hendi.
Þá er þeim smalað í rétt einsog á
kjördag væri. Síðan leiddir fram
einn og einn og látnir hneigja sig í
auðmýkt fyrir eldri nemum og
þeirra valdi. Langflestir þræl-
anna hneigja sig og þessir fáu
upprennandi kommúnistar eru
neyddir til þess.
Að vísu fær einn þeirra að
halda ræðu, því það er jú mál-
frelsi ríkjandi í samfélaginu, en
öllum tiltækum ráðum er beitt til
að trufla og afflytja mál hans, nú
sem endranær.
Rœða busa
Virðulegu busar
Sjáið þér böðlana, þessar ve-
„Vinsælustu fórn-
arlömbineru,
einsoggefurað
skilja, fallegar
stúlkur..."
sælu skepnur. Eigum vér að kalla
þá siðmenntaða? Nei, vérskulum
gera það, þvísjá, úr augum þeirra
skín kvalalosti, og allt þcirra at-
ferli er einsog eðli villidýrsins.
Og hvar fá þeir svo útrás fyrir
" sinar sadísku hugsanir? Á oss
Busum. Saklausum einstak-
lingum, sem eiga engan þátt í því
að þeim - böðlunum - gangi illa í
skóla eða hafi misst afstrætó eða
hvað það nú er sem kveikir þessar
ofstopafullu kenndir þeirra.
Svo kalla þeir sig aðal.
Ekki nema það þó. Hafið þér
skoðað merkingu orðsins böðull?
í orðabók Menningarsjóðs stend-
ur um orðið: þrœlmenni, níðing-
ur, ruddi. Busar, hvers vegna
finnst böðlum bananar ekki góð-
ir? Þeir kunna ekki að taka utan af
þeim. Böðlar. Af hverju skrifið
þið ball fyrir busa, asna, lúða og
labbakúta? Það hefðu allir skilið
það hefðuð þið tekið orðin: asni,
lúði og labbakútur undir eitt sam-
heiti: böðull.
Þegar hér var komið sögu
höfðufæstir heyrt nokkuð til bus-
ans, fyrir hljóðtruflunum og
látum er eldri nemar stóðu fyrir.
En businn kunni að svara fyrir
sig-:
„Hafið þér tekið eftir hvað
böðlar eru tapsárir. Þeir gera allt
til að orð mín berist ekki til yðar.
Og reglurnar sem þeir setja. '
Þærsegja að enginn geti verið busi
alla sína skólatíð.
Busar. Reynum hvað við get-
um.
Sameinaðir stöndum vér.
Rœða eldri nema
Hæstvirtu félagar eldri nemar!
Fram hjá ykkur hefur tæpast
farið andstyggilegur óþefurinn í
þessum annars ágæta hátíðarsal.
Öll könnumst við við þessa fýlu.
Já; við höfum fundið hana oft
áður. Þessi lykt er af BUSA. Síð-
asta haust, vorið þar áður og alla
tíð höfum við máttþola þetta. Hve
lengi eigum við að hafa þetta yfir
höfðum okkar, en fá svo ekkert
nema vanþakklœti í staðinn?
NEI. Hér dreg ég mörkin. Þetta
skal ekki viðgangast lengur. Ég
harðneita að halda stundinni
lengur í hendurnar á þessum litlu
kvikindum og leiða þau um gang-
ana. Héðan ífrá mun ég traðka á
skítugum puttunum á þeim, njóta
þess að heyra beinin bresta, og
hlœja; hlæja upp í súrt smettið á
þeim!
Kœru félagar. Eigum við ekki
að gera eitthvað í málinu? Eigum
við ekki að koma í veg fyrir að
hingað berist frekari busasend-
ingar? Það vill svo til að ég hefráð
sem dugir, eina ráðið sem dugir til
að losa okkur við óvœruna fyrir
fullt og allt er afar einfalt: Við för-
um einfaldlega svo illa með þá
núna, að samsærismenn þeirra
sem eru í startholunum, tilbúnir
að œða af stað næsta haust, þori
ekki að koma! Með því að láta
busana borða samlokur úr Mat-
sölunni og láta þá leysa rotturnar
afhólmi ísálfrœðinni munum við
koma því orði á skólann, að sá
sem hér reyni að komast inn fari
strax út aftur, í litlum, rauðum
bútum!
skjóta þá. Hér dugir engin lin-
kind, eða sem skáldið kvað:
„Hossaðu heimskum gikki/hann
gengur lagið á/og ótal asnastykki!
af honum muntu fá. /Góð-
mennskan gildir ekkilgefðu dug-
lega á kjaft/slíkt hefur það ég
þekkilhinn allra besta kraft. “
En hér má ekki láta sitja við
orðin tóm. Ég skora á alla eldri
nema að láta nú sjást hver ræður;
koma reglu á óregluna og endur-
vekja þann góða anda er áður
sveif hér yfir vötnum.
Ferfalt húrra fyrir eldri nem-
um!
Hjörðin í Hollí
Svo streymir hjörðin út úr saln-
um og þessu litla leikriti er svo
gott sem lokið. Á morgun eru all-
ir aftur þrælar. En kannski fá ein-
hverjir, einhverntíma aftur að
vera atvinnurekendur kannski fá
einhverjir aftur að vera böðlar og
kannski fá einhverjir aftur að
vera kommar.
Um kvöldið er svo fjölmennt í
Hollívúdd. Nú eru skrípalætin af-
staðin og allir farnir að skaka sér
hver í kapp við annan. Allir upp-
ábúnir og fínir, enda eru allir
stjörnur í Hollivúdd.
Gallinn er bara sá að fjöldi af
þeim stjörnum sem við sjáum á
himinhvolfinu eru dauðar fyrir
fleiri fleiri árum. Og sumar eru að
hrapa. Einsog gengur.
Þegar líður á nóttina hefur
margur þrællinn tekið uppá því
að elska kúgara sinn og uppfrá
því lifa allir í sátt og samlyndi.
8 SÍÐA - ÞJÓÐVILJINN
Aðalfundur
Hlaðvarpans, Vesturgötu 3 hf. verður haldinn í
Hlaðvarpanum laugardaginn 14. febrúar n.k.
kl. 16.
Dagskrá:
1) Skýrsla stjórnar
2) Breyting á 16. grein samþykkta félagsins
3) Kosning stjórnar
4) Önnur mál
Stjórnin
Söfnun
vegna jarðskjálftanna í El Salvador lýkur 6. febrúar.
Framlög greiðist með gíró inn á reikn.
0303-26-10401.
El Salvador-nefndin
H
Útboð
Innkaupastofnun Reykjavíkurborgar fyrir hönd Rafmagns-
veitu Reykjavíkur óskar eftir tilboðum í eftirfarandi:
A. Háspennujarðstrengi.
Tilboðin verða opnuð þriðjudaginn 3. mars n.k. kl. 11.
B. Lágspennujarðstrengi.
Tilboðin verða opnuð þriðjudaginn 3. mars n.k. kl. 14.
Útboðsgögn eru afhent á skrifstofu vorri, Fríkirkjuvegi 3
Reykjavík.
Tilboðin verða opnuð á ofangreindum tíma að viðstöddum
þeim bjóðendum sem þess óska.
INNKAUPASTOFNUN REYKJAVIKURBORGAR
Fnkuk|ovógi 3 Simi 25800
Auglýsið í Þjóðviljanum