Þjóðviljinn - 19.08.1987, Page 6

Manitóbaháskóli.
Prófessorsstaða í ís-
lensku er laus til um-
sóknar
Tekið verður á móti umsóknum eða tilnefningum
til starfs við íslenskudeild Manitóbaháskóla og
boðið upp á fastráðningu (tenure) eftir tiltekið
reynslutímabil í starfi ef öllum skilyrðum er þá
fullnægt. Staðan verður annaðhvort veitt á stig-
inu „Associate Professor" eða „Full Professor"
og hæfur umsækjandi settur frá og með 1. júlí
1988. Laun verða í samræmi við námsferil, vís-
indastörf og starfsreynslu. Hæfur umsækjandi
þarf að hafa lokið doktorsprófi eða skilað
sambærilegum árangri á sviði íslenskra bók-
mennta bæði fornra og nýrra. Góð kunnátta í
enskri tungu er nauðsynleg sem og fullkomið
vald á íslensku rit- og talmáli. Kennarareynsla í
bæði málfræði og bókmenntum er mikilvæg og
æskilegt að umsækjandi hafi til að bera nokkra
kunnáttu í nútímamálvísindum. Þar sem ís-
lenskudeild er að nokkru leyti fjármögnuð af sér-
stökum sjóði og fjárframlögum Vestur-
íslendinga, er ráð fyrir því gert að íslenskudeild
eigi jafnan drjúga aðild að menningarstarfi þeirra.
Þess er vænst að karlar jafnt sem konursæki um
þetta embætti. Samkvæmt kanadískum lögum
sitja kanadískir þegnar eða þeir sem hafa
atvinnuleyfi í Kanada í fyrirrúmi.
Umsóknir eða tilnefningar með ítarlegum
greinargerðum um námsferil, rannsóknir og
starfsreynslu, sem og nöfnum þriggja er veitt geti
nánari upplýsingar, berist fyrir 30. október 1987.
Karen Ogden
Associate Dean of Arts
University of Manitoba
Flensborgarskólinn í Hafnarfiröi
Frá Flensborgarskóla
- öldungadeild
Innritun íöldungadeild Flensborgarskólaferfram
á skrifstofu skólans dagana 20. til 21. og 24. til
25. ágúst kl. 14 til 18. Námsgjald er kr. 4.500.- og
greiðist það við innritun. Kennsla í öldungadeild
hefst samkvæmt stundaskrá þriðjudaginn 1.
september.
Stöðupróf verða haldin sem hér segir:
Danska: þriðjudaginn 25. ágúst kl. 18.
Franska: þriðjudaginn 25. ágúst kl. 18.
Þýska: miðvikudaginn 26. ágúst kl. 18.
Enska: fimmtudaginn 27. ágúst kl. 18.
Vélritun: föstudaginn 28. ágúst kl. 18.
Nánari upplýsingar eru veittar á skrifstofu
skólans, sími 50092.
Skólameistari
Þjóðviljinn vill ráða umboðsmann á
Neskaupstað.
Vinsamlegast hafið samband við afgreiðslu
blaðsins í síma 91-681333.
lUÓOVILIINN
/
Afmœlisþing B.I.
Áætlun til aldamóta
Um þróun íslensks landbúnaðar
Á hátíðarfundi Búnaðarfélags
íslands s.l. laugardag var eitt mál
á dagskrá: Aætiun milliþinga-
nefndar Búnaðarþings 1987 um
gerð heildaráætlunar um þróun
landbúnaðar til næstu aldamóta,
svohljóðandi:
Landbúnaður á íslandi er á
tímamótum. Mikilvægt er að fé-
lagssamtök bænda efli samstöðu
sína og starf til að tryggja hag
stéttarinnar og farsæld byggða í
landinu.
Búnaðarþing felur stjórn Bún-
aðarfélags íslands að beita sér
fyrir því í samvinnu við Stéttar-
samband bænda, að gerð verði
áætlun um þróun landbúnaðar á
íslandi fram til næstu aldamóta.
Áætlunin hafi það meginmark-
mið, að treysta stöðu landbúnað-
arins með því m.a. að efla nýjar
búgreinar í því augnamiði að fra-
mleiðslan og þjónustan verði
fjölbreyttari, svo og að auka hag-
kvæmni í hefðbundnum búskap.
Miðað skal við, að með hag-
kvæmum fjöldkyldubúskap búi
bændur hvorki við lakari kjör né
Bjarni Guðráðsson mælir fyrir áætluninni. Mynd Sig.
lengri vinnutíma en aðrir þegnar
þjóðfélagsins.
Leggja ber áherslu á að auka
fagþekkingu bænda með því að
efla bændaskólana, endurskipu-
leggja leiðbeiningaþjónustuna og
laga rannsóknir að breyttum við-
horfum.
Lokið verði við áætlunina og
hún lögð fyrir Búnaðarþing 1980.
Jafnframt áætluninni verði
gerð jarðabók, er gefi sem
gleggstar upplýsingar um allar
búiarðir í landinu.
I milliþinganefndinni áttu sæti:
Bjarni Guðráðsson formaður,
Egill Bjarnason, Jón Ólafsson,
Jón Hólm Stefánsson og Stefán
Halldórsson.
- mhg
Hvítasunnuhreyfingin
Varað við lauslæti
Árið 1000 tóku íslendingar
kristni og hurfu frá heiðni. Þjóðin
fékk að reyna misjöfn kjör og oft
mikla óbilgirni af annarra hálfu
en trúin á Guð föður og frelsar-
ann Jesú Krist reyndist stoð í
þrengingum og ljós í myrkviði
erfiðleikanna. Á okkar dögum
sjáum við mikið fráhvarf frá
kristinni trú og siðferði ef marka
má atferli þjóðarinnar.
Hjónabandið er stofnsett af
Guði sjálfum og því heilög stofn-
un. Hjúskaparheitið um ævar-
andi trúnað og gagnkvæma
skuldbindingu maka ber að
virða.
Fjölgun hjónaskilnaða og
óvígðra sambúða sýnir þverrandi
virðingu fyrir tilskipan Guðs á
sviði fjölskyldumála. Guð hatar
hjónskilnaði.
Hvert og eitt hjónaband getur
lent í erfiðleikum. Við hvetjum
hjón sem í þeim lenda að leita
lausnar á vandanum í stað þess að
flýja hann með auðfengnum
hjónaskilnaði. Þá sem leita ham-
ingju fyrir sig og afkomendur sína
hvetjum við til að halda hjóna-
bandið í heiðri.
Nú uppskera menn bitran
ávöxt lauslætis og hins „frjálsa
kynlífs” í örri útbreiðslu eyðni-
veirunnar. Guð ætlaði kynlífinu
sess innan hjónabandsins, allt
lauslæti, hórdómur og saurlífi er
synd. Við minnum á gildi hrein-
lífis og trúnaðar á sviði kynlífsins.
Þeim sem slíkt ástunda er ekki
þörf á verjum gegn eyðni, séu
hlutaðeigendur ósýktir fyrir.
Það er sorgleg staðreynd að
fóstureyðingum fer sífjölgandi
þrátt fyrir að lífskjör öll og öll
skilyiði til farsæls mannlífs hafi
aldrei verið betri á íslandi en nú.
Guð er höfundur lífsins og enginn
annar hefur vald til að eyða lífi..
Fósturdeyðing getur aldrei verið
lausn á félagslegum vanda. Búi
verðandi móðir við svo bágar að-
stæður að henni sé illkleift að sjá
ófæddu barni sínu farborða
hlýtur það að vera skylda þjóðfél-
agsins og þegna þess að bæta úr
bágindunum með félagslegum
aðgerðum. Skorum við á Alþingi
að endurskoða ákvæði um félags-
legar forsendur fóstureyðinga og
leysa hinn félagslega vanda í stað
þess að eyða lífi óborinna íslend-
inga.
Einnig minnum við á fjölmarg-
ar íslenskar fjölskyldur sem þrá
það heitast að fá að bjóða börn
velkomin og veita þeim umönnun
og uppeldi.
Við skorum á yfirvöld mennta-
mála að taka til endurskoðunar
námsefni í kristnum fræðum 8. og
9. bekkjar grunnskóla. Þar þarf
að veita miklu meiri og miklu
betri fræðslu um kristilegt sið-
gæði á sviði fjölskyldu-, kynlífs-
og uppeldismála. Benda þarf á
skaðsemi lauslætis og afbrigði-
legs kynlífs og kenna nemendum
að bera virðingu fyrir eigin lífi og
líkama.
Við sendum íslensku þjóðinni
blessunaróskir og kærleikskveðj-
ur í nafni Jesú Krists. Við hvetj-
um alla sem byggja þetta land til
að sameinast í bæn til Guðs um að
vel ári til lands og sjávar og að við
fáum notið afla handa okkar í
friði og réttlæti.
Til að friður haldist og réttlætið
aukist er okkur nauðsynlegt að
hlíta þeim reglum sem Guð hefur
sett og gilda frá kynslóð til kyn-
slóðar. Þær er að finna í Biblí-
unni, Heilagri ritningu kristinna
manna.
Sam Daníel Glad
Sigtúnshópurinn
Mál okkar í skoðun
Allir þekkja þá staðreynd að
sögur og samtöl milli manna vilja
oft brenglast í meðförum og er
þar oft um að ræða ónákvæmt
orðalag og/eða misskilning.
Vegna þessa verð ég að gera örfá-
ar athugasemdir við frétt biaðsins
sem byggð er á viðtali við mig í
gær- .
Sigurður A. Fnðþjófsson
blaðamaður átti um það bil 5
mínútna símtal við mig í gær og
þar sagði ég honum m.a. að
„...vænta mætti niðurstöðu frá
félagsmálaráðherra í næsta mán-
uði...“, í fréttinni stendur:
„...lofaði Jóhanna að koma með
útspil í upphafi næsta mánað-
ar...“. Ég sagði blaðamanninum
„...mörgum finnst súrt í broti að
sitja uppi með miklu lægri lán frá
húsnæðiskerfinu heldur en eru
veitt núna samkvæmt nýja kerf-
inu...“, í fréttinni segir „...vilja
njóta sömu kjara og þeir sem fá
lán eftir nýja kerfinu...“.
í fréttinni stendur „...var rætt
um verðbætur til þessa hóps og
hvemig hægt er að útfæra þær í
nýju skattalögunum...“. Orðið
„verðbætur“ í þessu samhengi er
hægt að misskilja en hið rétta
kemur fram hér á eftir.
Að endingu þetta: Við áttum
gagnlegt samtal við Jóhönnu Sig-
urðardóttur félagsmálaráðherra í
gær. Okkur langaði að vita meira
um það ákvæði stjórnarsáttmál-
ans sem fjallar um skuldbreyt-
ingu skammtímalána yfir í lán hjá
húsnæðiskerfinu. Hún upplýsti
okkur um að verið væri að skoða
þetta mál hjá ráðuneytinu en lík-
lega yrði ekkert að frétta fyrr en í
næsta mánuði.
Enn fremur ræddum við
ákveðnar tillögur sem við lögðum
fyrir fjárhags- og viðskiptadeild
efri deildar s.l. vor um meðferð
áfallinna og ógreiddra verðbóta á
fasteignalánum í nýju skattakerfi
og munum við í framhaldi af því
koma með nánari útfærslu á þeim
tillögum okkar.
Við í Sigtúnshópnum höfum
alltaf reynt að koma frá okkur
sem réttustum upplýsingum til
fjölmiðla og þykir mjög miður að
frétt blaðsins í gær var ónákvæm í
nokkrum atriðum.
F.h. Sigtúnshópsins
Sturla Þengilsson
6 SÍÐA - ÞJÓÐVIL.JINN Mlðvlkudagur 19. ágúst 1987