Þjóðviljinn - 08.10.1987, Page 7

Björgvin Jónsson, tuttugu og
þriggja ára Njarðvíkingur, hefur
komið mjögá óvart á skákmótinu
I Óiafsvík. í tveimur fyrstu um-
ferðunum sigraði hann tvo stiga-
hæstu keppendurna, þá Jón L.
Árnason og Karl Þorsteins. Þegar
Þjóðviljinn hitti Björgvin að máli
var hann að búa sig undir þriðju
umferð og átök við Dan Hansson,
en þeirri skák lauk með sigri
Björgvins og var hann í gær efstur
á mótinu, með þrjá vinninga af
þrem mögulegum.
„Ég þarf að ná sjö vinningum
af ellefu mögulegum til þess að ná
fyrsta áfanga að alþjóðlegum
meistaratitili og þessi byrjun
glæðir þá von að ég nái því,“
sagði Björgvin.
Björgvin er eini innlendi kepp-
andinn sem ekki er úr Reykjavík,
en einsog margir aðrir af okkar
ungu og efnilegu skákmönnum er
hann í laganámi.
„Það er mjög mikill skákáhugi
í lagadeildinni. Það er erfitt að
segja hvað veldur en ætli félags-
skapurinn hafi ekki sitt að segja,
þetta smitar út frá sér. Velgengni
Jóhanns Hjartarsonar hefur
auðvitað áhrif á aðra í deildinni.“
Kom þessi árangur í fyrstu
skákunum Björgvini á óvart?
„Það er ekki laust við það. Ég
var alveg æfingalaus fyrir mótið
þannig að ég átti ekki beint von á
fljúgandi starti.“
Hvernig er undirbúningi fyrir
skákirnar háttað?
„Það er mjög misjafnt. Maður
kannar byrjanir andstæðingsins
en hvað íslensku skákmennina
varðar þekkir maður mjög vel inn
á skákstíl þeirra þannig að það er
ekki margt sem kemur á óvart.“
Skákmótið er haldið í hinu
glæsilega félagsheimili Ólsara og
kvað Björgvin alla aðstöðu til fyr-
irmyndar. Þá sagði hann að
heimamenn sýndu mótinu mik-
inn áhuga og fjölmenntu að fylgj-
ast með skákunum.
„Þeir treystu sér hinsvegar
ekki til að taka þátt í mótinu þó
þeim hafi staðið það til boða.
Töldu mótið vera of sterkt fyrir
sig.“ -Sáf
Ég átti ekki von á fljúgandi starti, segir
Björgvin Jónsson en í fyrstu skákun-
um lagði hann að velli þá Karl Þor-
steins, Jón L. Árnason og Dan Hans-
son. Mynd Sig.
Mót ungu skákmannanna
Jón L. Árnason með hvítt gegn Dananum Henrik Danielsen.
SKAK
Skákmótið Ólafsvík
Var
æfingalaus
fyrir mótið
Rœttvið Björgvin Jónsson, Njarð-
víkinginn sem er efstur á alþjóðlega
skákmótinu í Ólafsvík
TorfiStefánsson, mótsstjón' rœðir um alþjóðlega skákmótið
í Ólafsvík
„Þetta mót er fyrst og fremst
hugsað fyrir ungu skákmennina
okkar sem ekki hafa enn náð titl-
um einsog alþjóðlegur meistari
eða stórmeistari,“ sagði Torfi
Stefánsson, mótsstjóri í Ólafsvík.
Mótið er af 5. styrkleikaflokki
og eru skákmennirnir valdir með
það í huga að mótið sé af þessum
styrkleika, á það jafnt við inn-
lendu skákmennina og þá er-
lendu, en auk íslendinganna tefla
á mótinu tveir Danir. einn Svíi og
einn Norðmaður. A mótinu er
ekki hægt að ná áfanga að stór-
meistaratitli en hinsvegar hægt að
ná áfanga að alþjóðlegum
meistara.
„Við eigum 6 stórmeistara en
hinsvegar bara tvo virka alþjóð-
lega meistara. Mótið núna er það
fyrsta í röðinni til að bæta úr því,
en næsta mót verður haldið í
Keflavík í nóvember og verður
það einnig í 5. styrkleikaflokki.
Nauðsyn þess að svona mót eru
haldin sést best á því að Björgvin
Jónssonvinnur í fyrstu tveimur
umferðunum alþjóðlegan meist-
ara og stórmeistara, en hefur
sjálfur ekki náð áfanga að alþjóð-
legum meistara.“
Það er tímaritið Skák sem
stendur fyrir mótinu í samvinnu
við Ólafsvíkurbæ og er þetta 7.
alþjóðlega mótið sem haldið er á
landsbyggðinni á vegum tímarits-
ins. Þó mótið sé haldið utan
Reykjavíkur eru allir íslending-
arnir fyrir utan einn úr höfuð-
borginni, en það er Björgvin sem
er úr Njarðvíkum.
„Það er mikill áhugi fyrir mót-
inu í bænum og aðsókn töluverð.
Heimamönnum var boðið að
taka þátt í mótinu en þeir treystu
sér ekki.“
-Sáf
Björgvin Jónsson niðursokkinn í
stöðuna gegn Dan Hansson, en
staða svarts var ekki alltof glæsileg
þegar þarna var komið tafli, svartur
peði undir og bjuggust flestir við að
sigurgöngu Njarðvíkingsins lyki
þarna. Honum tókst hinsvegar að
snúa taflinu við og lagði að lokum
Dan Hansson. Þriðji vinningurinn var
í höfn. Myndir Sig
Norðmaðurinn Petter Haugli, einn
hinna erlendu skákmanna sem
dvelja nú í Ólafsvík.
ÞJÓÐVILJINN - SÍÐA 7