Þjóðviljinn - 20.10.1987, Blaðsíða 2

SPURNINGIN—
Hefurðu trú á starfsemi
Amnesty Internation-
al?
Svanhildur Sigurgeirsdóttir,
bankastarfsmaður:
Já, það hef ég, Alþjóðleg samtök á
borð við Amnesty hljóta að gera gagn
einhvers staðar í veröldinni.
Svanhildur Bogadóttir,
borgarskjalavörður:
Já, ég hef trú á starfsemi þeirra. Þau
hafa sýnt að þau geta komið já-
kvæðum hlutum til leiðar á liðnum
árum.
Ingolfur Ásgeirsson,
flugnemi:
Já, ég hef trú á þeim. Starfsemi þeirra
er þörf og jákvæð, sem kemur þeim
sem eru minnimáttar til góða.
Leó Ólafsson,
verslunarmaður:
Já, það geri ég. Þar sem ég hef fylgst
með starfsemi þeirra í fréttum er oft á
tíðum um lofsverðan árangur hjá
þeim að ræða.
Reynir Marteinsson,
sjómaður:
Já, ég hef trú á þeim. En þau mættu
leggja meira á sig til þess að meiri
árangur verði af starfsemi þeirra en
hingað til.
FRETTIP
Námslán
Ur takt við tímann
Námslánþurfa að hœkka að meðaltali um 15% til að svara framfærslu. Theódór Guðmundsson:
Námslánin úr takt við framfœrslukostnað. Námsmaður sem leigirfœr 4000 krónur á mánuði
til að greiða húsaleiguna
Það hefur alveg gleymst í þeirri
umræðu sem orðið hefur um
fyrirhugaða aukningu framlaga
ríkissjóðs til Lánasjóðs íslenskra
námsmanna, að mikið vantar enn
uppá til að námslánin svari fram-
færslukostnaði námsmanna,
sagði Theódór Guðmundsson,
fulltrúi Stúdentaráðs Háskóla ís-
lands í stjórn Lánasjóðs íslenskra
námsmanna, vegna frétta að und-
anförnu um aukin framlög ríkis-
sjóðs til námslánakerfisins sam-
kvæmt fjárlagafrumvarpinu.
í fréttatilkynningu sem fulltrú-
ar námsmanna í stjórn LÍN hafa
sent frá sér, segir að þrátt fyrir
aukin framlög ríkissjóðs til LÍN,
sé „ekki gert ráð fyrir að ráð-
stöfunarfé sjóðsins aukist nægj-
anlega til að sjóðurinn standi
undir því hlutverki sínu að lána
fyrir eðlilegum framfærslu-
kostnaði námsmanna.
Ef námslán væru í samræmi við
eðlilegan framfærslukostnað nú í
dag, miðað við verðlagsþróun
síðustu tveggja ára, ættu þau að
meðaltali að vera um 15%
hærri“.
- Miðað við núverandi láns-
úthlutun eru námsmanni sem býr
í leiguhúsnæði aðeins ætlaðar
4000 krónur í húsaleigu á mán-
uði. Það sér það hver heilvita
maður að námslánin eru gjörs-
amlega orðin úr takt við fram-
færslukostnað, sagði Theodór
Guðmundsson.
Fulltrúar námsmanna í stjórn
LÍN benda á að ráðstöfunarfé
sjóðsins þyrfti að vera um 200
milljónum hærra en gert er ráð
fyrir í fjárlagafrumvarpinu, til að
námslán svaraði til framfærslu.
-rk
Ríkisspítalar
Skökk
mynd
Þórunn
Sveinbjörnsdóttir,
formaður Sóknar:
Auglýsingin gefur
skakka mynd miðað
við innskráningu.
Vildum miða við
tveimur þrepum
minna
Auglýsingin gefur skakka
mynd miðað við innskráningu.
Til dæmis er 23ja ára gömul
manneskja þremur þrepum neð-
ar en útreiknuð meðallaun gefa til
kynna, sagði Þórunn Svein-
björnsdóttir, formaður Starfs-
mannafélagsins Sóknar, aðspurð
um upplýsingar þær um laun sem
koma fram í auglýsingum isspítal-
anna, en að undanförnu hafa þeir
auglýst grimmt eftir fólki, þar á
meðal í mörg störf sem unnin eru
af Sóknarfólki.
Forystukonur Sóknar og Sjúkraliðafélagsins eru ekki sáttar við þær fullyrðingar sem settar eru fram í auglýsingum
stjórnar Ríkisspítalanna um launakjör á spítölunum.
Þegar samband var haft við
okkur vegna þessara launaút-
reikninga óskuðum við eftir því
að farið yrði tveimur þrepum
neðar, þar sem auglýsingin gefur
'rétta mynd af 26 ára gamalli
manneskju með þriggja ára
starfsreynslu, sagði Þórunn.
Þá taldi Þórunn að gáleysislega
væri farið með ýmsar staðreyndir
í auglýsingunni, og tiltók sem
dæmi að talað væri um frían fatn-
að eða fatapeninga, en slíkt gilti
ekki um starfsfólk á Kópa-
vogshælinu.
HS
Ríkisspítalar
Ansi mikil einföldun
Hulda Ólafsdóttir Jormaður Sjúkraliðafélagsins: Sjúkraliðar geta náð
60 þúsundum á mánuði með því að vinna mest álags- og kvöldvaktir
-Það er fræðilega hægt að ná
þessum launum með því að vinna
mest álags- og kvöldvaktir, en hér
er ansi mikil einföldun á ferðinni,
sagði Hulda Ólafsdóttir, formað-
ur Sjúkraliðafélags íslands, að-
spurð um þá fullyrðingu í auglýs-
ingu Ríkisspítalanna þessa dag-
ana að meðalmánaðarlaun
sjúkraliða með vaktaálagi séu um
60 þúsund krónur.
Það er hægt að komast upp í
þessi laun með því að miða við
níu ára starf - fimmta þrep af sjö -
en þá eru launin 44,479 krónur.
Kaffi- og matartímar hækka
þessa tölu um 3,816 krónur, og ef
miðað er við að unnar séu sex
kvöldvaktir á virkum dögum og
sex nætur- og helgidagavaktir á
mánuði þá verður útkoman úr því
dæmi tæplega 60 þúsund krónur.
En þá er kvöld- og næturvinnan
líka orðin meiri en dagvinnan.
Svona er auðvitað hægt að leika
sér með tölur, en þetta er mikil
einföldun, sagði Hulda.
Þá sagði Hulda að sjúkraliðast-
éttin væri mjög ung. Fimmta
þrepið miðast við 9 til 13 ára
starf,en ég gæti trúað að sjúkra-
liðar væru mjög fjölmennir í
fjórða þrepi, sagði hún. HS
Bændur
Fjárlögin
gegn
landbúnaðin-
um
Stjórn Stéttarsambands bænda
telur að fjárlagafrumvarp ríkis-
stjórnarinnar brjóti í bága við þá
landbúnaðarstefnu sem bændur
hafa gengið til samvinnu um við
stjórnvöld.
í bréfi sem stjórnin sendi ríkis-
stjórninni í gær segir ma. að for-
sendum fyrir búvörusamningum
við ríkið sé kollvarpað með
álagningu söluskatts á matvæli og
lækkandi hlutfalli niður-
greiðslna. Minnkandi hlutdeild
innlendra matvæla kippi grund-
vellinum undan atvinnumögu-
leikum verulegs fjölda bænda.
2 SÍÐA — ÞJÓÐVILJINN Þriðjudagur 20. október 1987