Þjóðviljinn - 16.12.1987, Side 11

iÖRFRÉTTIRi
Burtsofnaður
einstaklingur var endurkjörinn til
setu í borgararáði Liege í belg-
ísku kosningunum um helgina.
Að sögn fréttastofunnar Belgu
hlaut Louis Xhignesse góða
kosningu þótt hann hefði dáið
þann 1 .desember síðastliðin en
þá var runninn út frestur sá er
flokkum er gefinn til breytinga á
framboðslistum. Að sögn frétta-
stofunnar mun hið nýkjörna ráð
halda sinn fyrsta fund á föstudag-
inn og þá verður Xhignesse úr-
skurðaður réttkjörinn og.Játinn.
Kínverskum
námumanni var í gær bjargað úr
iðrum jarðar en þar hafði hann
verið í sjálfheldu í 21 dag. He
Fangquing komst ekki uppúr
námunni af eigin rammleik
sökum þess að grjóthrun hafði
lokað útgönguleiðinni. Það varð
honum til lífs að hann safnaði
vatnsdropum í hjálm sinn og
drakk þá en þeir voru hið eina er
hann lét inn fyrir sínar varir allan
þennan tíma. Mjög var af He
dregið þegar björgunarmenn
gátu loks brotið sér leið til hans í
gegnum skriðurnar.
Kenýa/Úganda
Skerst í odda
Stjórnvöld í Kenýu hafa fyrir-
skipað brottflutning þúsunda
flóttamanna frá landamærunum
að Úganda þar eð þau óttast að
hermenn ráðamanna í Kampölu
láti þá og þegar skríða til skarar
gegn þeim.
Róstusamt hefur verið við
landamæri ríkjanna frá því í
fyrradag en þá sló í brýnu milli
dáta þeirra með þeim afleiðing-
um að átta Úgandamenn féllu í
valinn.
Að sögn bæjarstjórans í Busiu,
kenýanskri smáborg, réðust um
250 hermenn yfir landamærin frá
Úganda í fyrradag en urðu að
halda undan eftir vasklega vörn
heimamanna. Hann sagði enn-
fremur að óvinadátar hefðu lagt
til atlögu á öðrum stað við ríkja-
mörkin en ekki haft erindi sem
erfiði þar heldur. í gær voru smá-
skærur víðsvegar við landamærin
en ekki bárust fréttir um mann-
fall.
Við Busiu eru flóttamanna-
búðir sem hróflað var upp í sept-
ember síðastliðnum eftir að
margmenni flúði til Kenýu eftir
hörð átök skæruliða og stjórnar-
hers Úganda. Bæjarstjórinn kvað
flóttamennina fjarri því óhulta á
þessu svæði og taldi miklar líkur á
því að dátar Úgandastjórnar
hygðust gera þeim skráveifu.
Hann sagðist vænta liðsstyrks frá
stjórn sinni hvað úr hverju.
-ks.
ERLENDAR FRETTIR
Suður-Kórea
Langþráð forsetakjör
Þótt ráðamenn í Seoul sverji drengskapareið og heiti
heiðarlegumforsetakosningum óttast margir svindl enda
tortryggja ófáir svardaga valdníðingsins Chuns Doo Hwans
Aðeins örfáum klukkustundum
áður en kjörstaðir voru opn-
aðir suðurkóreönskum almenn-
ingi treystu fáir sér til að spá um
úrslit forsetakjörsins. Þrír menn
bítast um hnossið þótt fleiri séu í
framboði, stjórnarandstæðing-
arnir Kim Dae-Jung og Kim Yo-
ung Sam auk fulltrúa þeirra
fyrrum herforingja er nú fara
með völd, Rohs Tae-Woos.
Þótt núverandi ráðamenn hafi
stigið á stokk og svarið og sárt við
lagt að kosningarnar muni fara
heiðarlega fram óttast alþýða
manna að þeir ætli sér ekki undir
nokkrum kringumstæðum að
leggja völdin í hendur andstæð-
ingum sínum. Á síðustu dögum
hefur gengið á með umvöndun-
um og ásökunum stjórnarand-
stæðinga er staðhæfa að þess sjá-
ist mörg teikn að valdhafar hygg-
ist hafa rangt við.
Kosningabaráttan hefur ein-
kennst af hörku og ofbeldi og
hafa frambjóðendur verið ólatir
við að greiða hver öðrum högg
undir beltisstað. Kimarnir tveir
hafa ekki verið barna bestir og
hafa þessir fyrrum vopnabræður
sakað hvor annan um ýmsa ljóta
leiki. Hið eina sem þeir virðast nú
orðið sammála um er að brýna
nauðsyn beri til að hnekkja veldi
herforingjanna Rohs og Chuns
forseta sem klæðast nú hvers-
dagslegum klæðum og kveðast
orðnir lýðræðissinnar. Samhug-
urinn um þetta grundvallaratriði
var þó ekki meiri en svo að hvor-
ugur vildi víkja fyrir hinum þótt
framboð beggja væri vatn á myllu
Rohs.
Ofan á allt annað bætist síðan
ótti fólks um að herinn hugsi sér
til hreyfings. Núverandi forseti,
Chun Doo Hwan, hófst til valda
árið 1979 eftir valdarán dáta og
mörgum lykilforingjum hersins
kvað finnast súrt í broti að snúið
sé á braut lýðræðis, þeir eiga því
að venjast að geta óáreittir setið
yfir hlut landsmanna.
Chun hafði ekki í hyggju að
efna til einna né neinna kosninga
í vor er hann útnefndi Roh krón-
prins sinn. Almenningur var á
öðru máli og eftir látlaus og
mannskæð mótmæli námsmanna
og verkamanna í sumar leið sá
hann sig knúinn til að fallast á
„Fyrrum átti ég falleg gull.“ Vinátta fyrrum vopnabræðra hefur þokað fyrir
metorðagirnd beggja. Kim Young Sam og Kim Dae Jung.
tilslakanir og boðaði til kosninga
um forsetaembættið.
Búist er við mikilli þátttöku al-
mennings í kjörinu en ef allt fer
heiðarlega fram mun sigurvegar-
inn kasta rekunum yfir blóðugan
valdaferil Chuns þann 24.febrúar
á næsta ári.
-ks.
Bandaríkin
Hart á móti hörðu
Þrátt fyrir harðan mótbyr hyggst Gary Hart reyna að siglafleyi sínu íhöfn
Hvíta hússins
Ollum á óvörum lét bandaríski
demókratinn Gary Hart það
boð út ganga í gær að hann hygð-
ist á ný hefja baráttu fyrir því að
verða frambjóðandi flokks síns í
forsetakosningum að ári. Sjö
mánuðir eru liðnir frá því hann
dró sig í hlé sökum ótímabærs
kvennastúss í trássi við heittelsk-
aða spúsu sína. Slíkt og þvíumlíkt
er ekki talið par góð latína í þeim
siðavöndu og vammlausu Banda-
ríkjum Norður-Amcríku.
Vitaskuld stóð frú Hart þétt
við bak manns síns er hann ávarp-
aði fréttamenn í hlaðvarpa heimi-
lis þeirra í Kólóradófylki í gær.
Honum mæltist á þessa lund:
„Höfuðkostur leiðsagnar
Gary Hart hyggst ekki leggjasf í móð-
urætt þótt honum hafi skrikað lítillega
fótur í skiptum við léttlynda hisp-
ursmey á dögunum.
minnar er sá að ég er engum háð-
ur. Ég ætla að gefa kost á mér á
nýjan leik og legg úrskurðarvald-
ið í hendur almenningi. Þessi
ákvörðun er ekki tekin í flýti og
var mér erfið. En betra er að falla
með sæmd en flýja af hólmi.“
Ákvörðun Harts kom félögum
hans í Demókrataflokknum
gjörsamlega í opna skjöldu og
vakti blendin viðbrögð. Einkum
fannst öðrum forsetaframbjóð-
endum þetta fjári hart og höfðu
þeir á orði að þetta yrði til að
rugla kjósendur algerlega í rím-
inu. Víst er um það að Hart mun
eiga erfitt uppdráttar og margir
eiga eftir að núa honum hjúskap-
arbrotinu um nasir.
-ks.
ísrael
Þrír Palestínumenn skotnir
Þrátt fyrir vaxandi gagnrýni erlendra ríkisstjórna er ekkert lát á
hryðjuverkum ísraelshers á Gazasvœðinu
r
Israelskir hermenn héldu upp-
tcknum hætti á Gazasvæðinu í
gær og skutu þrjá palestínska
mótmælendur til bana á sjöunda
degi óeirða á þessari hernumdu
landspildu. Valdhafar ísraels láta
sér fátt um fínnast þótt fjöldi rík-
isstjórna hafí mótmælt harðlega
hryðjuverkum þeirra á umliðn-
um dögum en að minnsta kosti 11
Palestínumenn hafa nú fallið fyrir
skotmönnum Israelshers á Gaza.
Talsmaður ráðamanna í Jerú-
salem viðurkenndi að dátar
þeirra hefðu orðið tveim Palest-
ínumönnum að bana í gær en
starfsmenn Sameinuðu þjóðanna
og læknar sögðu að þriðji palest-
ínski mótmælandinn hefði verið
skotinn á færi fyrir framan Shifa
sjúkrahúsið á Gaza.
Yitzhak Shamir forsætisráð-
herra er nú staddur í Washing-
ton. Tilgangur dvalar hans þar er
að ræða við bandaríska valda-
menn um hernaðarsamstarf. Það
mál hefur hinsvegar enn ekki
komist á dagskrá vegna fréttanna
af manndrápum ísraelskra dáta á
Gazasvæðinu sem Bandaríkja-
stjórn hefur gagnrýnt.
Shamir er reiður vegna þessar-
ar ómaklegu gagnrýni er hann
nefnir svo. Hann segir Banda-
ríkjamenn aðeins vera að koma
sér í mjúkinn hjá stjórnum ara-
baríkja með þessu háttalagi og
kennir sjónvarpsfréttamönnum
um rógsherferð á hendur sér og
sínum. Kvað hann hafa slegið á
þráðinn til yfirmanns ísraelshers
og skipað honum að reka erlenda
fréttamenn burt frá Gazasvæð-
inu!
Jassír Arafat og fleiri fyrir-
ntenn Frelsissamtaka Palestínu-
manna staðhæfa að mun fleiri
Palestínumenn hafi fallið fyrir
hendi ísraelskra hermanna en
ráðamenn í Jerúsalem vilji vera
láta. Þeir segja ekki færri en 36
hafa verið skotna í mótmælunum
undanfarna viku.
Arababandalagið hóf sérstak-
an neyðarfund um ástandið á
Gaza í gær og fordæmdu fulltrú-
arnir ofbeldisverk ísraelsmanna.
Það gerðu einnig ríkisstjórnir
Frakklands og Kína sem og Sam-
einuðu þjóðirnar.
ísraelsmenn unnu Gazasvæðið
af Egyptum í sex daga stríðinu
árið 1967. Þar og á vesturbakka
Jórdanár býr ein og hálf miljón
Palestínumanna við kröpp kjör
og gerræði ísraelskra hermanna.
-ks.
Mlðvlkudagur 16. desember 1987 ÞJÓÐVILJINN - SÍÐA 11
Grikkland
Alls-
herjar-
verkfall
Þorri grískra launþega
lagði niður vinnu ígœr í
mótmœlaskyni við
launastefnu
Papandreous
Tæpar tvær miljónir manna
lögðu niður vinnu í Grikklandi I
gær til að knýja fram kauphækk-
anir og andæfa launastcfnu ríkis-
stjórnarinnar.
Öllum ferðum á vegum Ólym-
píska flugfélagsins var aflýst,
strætisvagnar og áætlunarbflar
dottuðu verkefnalausir og lftið
bar á skærgulum leigubílum sem
að öllu jöfnu mjakast í hægðum
sínum um götur höfuðborgarinn-
ar Aþenu. Stöku leigubflstjóri
hugðist virða verkfallið að vett-
ugi en mætti þá reiði kollega
sinna er brutu framrúður farar-
tækja þeirra.
Talsmaður Miðstöðvar verka-
lýðsfélaga í Aþenu sagði að
vinnustöðvunin hefði heppnast
með miklum ágætum, allt að 80 af
hundraði vinnandi manna hefðu
átt náðugan dag.
Alls staðar var lok, lok og læs.
Skólar, ríkisbankar, verksmiðjur
og opinberar stofnanir voru í
lamasessi. Eingöngu neyðar-
þjónusta var innt af hendi á
sjúkrahúsum. Jafnvel ökumenn
sjúkrabifreiða lögðu niður vinnu.
Um 40 þúsund verkfallsmenn
söfnuðust saman á aðaltorgi
Aþenu síðdegis í gær og hlýddu á
verkalýðsleiðtoga iesa Andreasi
Papandreou forsætisráðherra
pistilinn. Þeir sökuðu sósíalista-
stjórnina um að grípa til hægriúr-
ræða í efnahagsmálum og ganga
erinda iðnjöfra. Einum forkólf-
anna fórust svo orð: „Vanhagi
ríkisstjórnina um fé á hún að
sækja það til auðmanna en hætta
að blóðmjólka verkafólk.“ -ks.