Þjóðviljinn - 30.08.1988, Blaðsíða 9

IÞROTTIR
Guðmundur Baldursson sést hér skora sigurmark Valsmanna í úrslitaleiknum á laugardag. Þorsteinn
Bjarnason hefur varið skot Sigurjóns Kristjánssonar (nr. 3) en skot Guðmundar fer undir Þorstein og í netið.
Mynd. e. ói. Mjólkurbikarkeppnin
Atli fram og sigurmarak
Valsmanna skömmu síðar
Guðmundur „útileikmaður“ Baldursson skoraði eina
markiðísínumfyrstabikarúrslitaleik
Valsmenn eru bikarmeistarar 1988 eftir úrslitaleik við Keflvíkinga á
Laugardalsvelli á laugardag. Þeir sigruðu nokkuð örugglega en
skoruðu engu að síður aðeins eitt mark, eins og svo oft áður. Guð-
mundur Baldursson, úthcrjinn snjalli í Valsliðinu, skoraði eina mark
leiksins og var þetta fyrsta mark hans með Val eftir að hann byrjaði að
leika með þeim í júní sl. Markið kom skömmu eftir að Atli Eðvaldsson
hafði verið færður í sóknina en það þótti furðu sæta að hann lék í
vörninni meiri hluta leiksins.
Valsmenn höfðu tögl og hagl-
dir mest allan leikinn og komust
Keflvíkingar lítið áleiðis gegn
sterkri vörn þeirra. Það var einna
helst Ragnar Margeirsson sem
náði að ógna Valsmönnum með
leikni sinni en samherjar hans
voru að sama skapi ekki eins vel
með á nótunum. Þegar Ragnar
síðan meiddist og fór útaf rétt
fyrir leikhlé var allur broddur
horfinn úr Suðurnesjamönnum
og aðeins tímaspursmál hvenær
Valsmönnum tækist að skora hjá
Þorsteini öruggum markverði
Bjarnasyni.
Valsmenn eru vanir að skora
sín mörk (eða sitt mark) í síðari
hluta leiksins og það var engin
breyting á því nú. Hins vegar
hefði sóknarleikur jafnvel orðið
skæðari ef Atli hefði leikið fram-
ar allan leikinn. Atli lék í vörn-
inni og er sú ráðstöfun mjög
Úrslitaleikur Mjólkurbikarsins, 27. ágúst
1988
Valur-ÍBK..................1-0 (0-0)
1-0GuðmundurBaldursson.........67.mín.
Llð Vals: Guðmundur Baldursson, Atli Eð-
valdsson, Sigurjón Kristjánsson, Magni
Blöndal Pétursson, Hilmar Sighvatsson,
Sævar Jónsson, Guðni Bergsson, Guð-
mundur Baldursson, Valur Valsson, Ingvar
Guðmundsson, Jón Grétar Jónsson (Þor-
grímur Þráinsson 65.).
Lið ÍBK: Þorsteinn Bjarnason, Daniel Ein-
arsson, Guðmundur Sighvatsson, Árni Vil-
hjálmsson, Einar Ásbjörn Ólafsson, Sig-
urður Björgvinsson, Jón Sveinsson, Gest-
ur Gylfason, Ragnar Margeirsson (Kjartan
Einarsson 44.), Oli Þór Magnússon, Grétar
Einarsson.
Dómari: Baldur Scheving.
Maður leiksins: Guðmundur Baldursson,
útileikmaður.
furðuleg því þótt Atli eigi vel
heima í þeirra stöðu með lands-
liðinu þá nýtast kraftar hans ekki
eins vel sem varnarmaður gegn
íslensku félagsliði.
Atli var sumsé færður fram um
þegar um 20 mínútur voru liðnar
af síðari hálfleik og Þorgrímur
Þráinsson fór í sína stöðu, en Jón
Grétar Jónsson úr sókninni og af
leikvelli. Markið kom síðan að-
eins tveimur mínútum síðar og
átti Atli þátt í því þegar hann
skallaði vel fyrir fætur Sigurjóns
Kristjánssonar, sem slapp inn
fyrir vörnina og var í dauðafæri.
Þorsteinn varði hins vegar skot
Sigurjóns en Guðmundur útileik-
maður fylgdi vel á eftir og skoraði
í hálftómt markið.
Eftir markið var leikurinn nán-
ast búinn því Valsmenn áttu ekki
í neinum vandræðum með að
halda hreinu og klára leikinn.
Keflvíkingar þurfa þá að sætta sig
við enn einn ósigurinn í bikarúr-
slitaleik en þeir hafa ekki unnið
bikarinn síðan 1975 en Valsmenn
unnu síðast árið 1977. Kærkom-
inn sigur og sanngjarn hjá Hlíðar-
endaliðinu sem hefur verið geysi-
lega sterkt nú síðari hluta sumars.
-þóm
Hilmar Sighvatsson lyftir hér bikamum eftirsótta hátt á loft, en Vals-
maður hefur ekki gert það síðan 1977. Mynd: E. Ól.
Þriðjudagur 30 ágúst 1988 ÞJÓÐVILJINN - SÍÐA 9
Vinningstölurnar 27. ágúst 1988
Heildarvinningsupphæð:
Kr. 3.980.808.00
1. vinningur var kr. 1.994.970.00. Aðeins einn þátttakandi
var með 5 réttar tölur.
2. vinningur var kr. 597.000.00 og skiptist hann á 200
vinningshafa, kr. 2.985.00 á mann.
3. vinningur var kr. 1.388.838.00 og skiptist á 5739 vinn-
ingshafa, sem fá 242 krónur hver.
Sölustaðirnir eru opnir frá
mánudegi til laugardags
og loka ekki fyrr en 15 mínútum
fyrir útdrátt.
Milljónir á hverjum laugardegi! Upplýsingasím. -11