Þjóðviljinn - 06.10.1988, Blaðsíða 6
Einar Karl
Framhald af bls. 5
flokka forðað þingmönnum hans
frá þeim háska að ganga fram hjá
konunni í þingflokknum. Þá á ég
við að þeir sjái það hjá bræðra-
flokkunum erlendis að slíkt er
ekki lengur bjóðandi konum sem
starfa í flokkunum eða háttvirt-
um kjósendum.
f þessu máli hefur þingflokkur
Alþýðubandalagsins gert í bólið
sitt. Þannig háttar nefnilega til að
honum hefði átt að reynast valið
auðvelt og sjálfgefið. í byrjun
þessa áratugar samþykkti lands-
fundur Alþýðubandalagsins
svokallaða 40% reglu um kynj-
askiptingu í kosningum innan
flokksins. Enda þótt stjórnmála-
flokkur geti ekki bundið hendur
þingmanna, sem sækja umboð
sitt beint til kjósenda og lúta
landslögum, þá er það deginum
ljósara að Alþýðubandalagið
hefur sem flokkur sett öllum
fulltrúum sínum fyrir að halda
40% regluna í heiðri, hvar sem
þeir eiga þess kost. Þar sem Al-
þýðubandalagsmenn ráða kjöri
þrigga manna ætti það að vera
sjálfgefið að í þeim hópi væri að
minnsta kosti ein kona. Á síðasta
áratug komst þingflokkurinn upp
með karlaval í ráðherrastóla, en
eftir að 40% reglan var leidd í lög
Alþýðubandalagsins átti slíkt
nánast að vera útilokað. En
þingflokkurinn lætur ekki að sér
hæða. Athæfi hans er að vísu lög-
legt en siðlaust, eins og Vilmund-
ur heitinn sagði. Og pólitískt vit-
laust, mætti bæta við.
Alþýðubandalagið hefur á síð-
ustu árum misst að minnsta kosti
þriðjung fyrra fylgis síns til Sam-
taka um kvennalista. Nú er eins
og flokkurinn leggi sérstaka
áherslu á að vísa þeim kjósend-
um, sem láta sig jafnréttismálin
miklu skipta, frá sér til frambúð-
ar. Þetta bætist ofan á það ámæli
sem flokkurinn hefur lengi legið
undir, að valdaklíkurnar innan
hans ýti frá sér hæfum konum
sem sýni sjálfstæði og eigið frum-
kvæði. Með þvíað bregðast sjálfu
sér og sínum yfirlýsta vilja í þessu
máli er Alþýðubandalagið að
segja við kjósendur: Það er rétt
sem Kvennalistinn segir, okkur
er ekki treystandi þegar kemur
að jafnrétti kynjanna. Þetta er
mikil synd, því að sú samtenging
sem stefna Alþýðubandalagsins
gerir ráð fyrir á jafnréttisbaráttu
kvenna og baráttunni fyrir félags-
legu jafnrétti almennt í þjóðfé-
laginu er bæöi rétt og fallega
hugsuð. Til þess að svo að setja
ráðherralista þingflokksins í sam-
hengi við það sem er að gerast í
kringum okkur vil ég leyfa mér að
halda því fram að enginn mið-
flokkur, enginn jafnaðarmanna-
flokkur og enginn vinstrisósíal-
ískur flokkur er í öðrum norræn-
um ríkjum myndi treysta sér að
hafa eingöngu karla á sínum veg-
um í ráðherrastólum eins og Al-
þýðubandalagið og Framsókn-
arflokkurinn gera á því Herrans
ári 1988.
Sú röksemd að ekki hafi verið
völ á hæfum konum gagnast
hvorugum flokknum. Báðir eiga
konur á þingi.
Guðrún Helgadóttir er um-
deild meðal karla sem kvenna
innan Alþýðubandalagsins. (Og
hver er það ekki?) Hún er á hinn
bóginn vinsæl af alþýðu manna,
lagin að koma málum í gegn á
þingi og harður pólitíkus ef því er
að skipta. Hafi samþingmenn
hennar ekki með nokkru móti
getað unnt henni ráðherradóms
gátu þeir sem best lyft oddvitan-
um á Stokkseyri í ráðherrastóls
Margrét Frímannsdóttir hefur að
vísu ekki setið lengi á þingi, en
hún hefur þeim mun meiri
reynslu af því að fást við fallít
frystihús. en einmitt það skilst
mér að verði eitt af höfuðverk-
efnum stjórnarinnar.
Framsóknarflokkurinn hefði
einnig getað teflt fram nýgræð-
ingi á þingi, Valgerði Sverrisdótt-
ur, reyndri félagsmálamann-
eskju. Áð vera nýgræðingur á
þingi þarf ekki að reynast neinn
þröskuldur í vegi ráðherradóms.
Minna má á að tveiraf ráðherrum
núverandi stjórnar voru orðnir
ráðherrar, áður en þeir komu í
fyrsta sinn á þingfund sem alþing-
ismenn.
Af stjórnarflokkunum virðist
Alþýðuflokkurinn einn um það
að skynja hversu1 mikið
breytinga- og hreyfiafl kvenna-
baráttan er undir niðri í íslensk-
um stjórnmálum, og skipa liði
sínu í samræmi við það. Hlutfall
kynjanna meðal ráðherra í ríkis-
stjórninni er ljótur blettur á þeirri
vinstri stjórn sem nú hefur verið
prjónuð saman og að öðru jöfnu
er það munstur í landsmálapóli-
tík sem undirrituðum fellur best
við.
Skogás 29/9 1988
Einar Karl Haraldsson
6 SÍÐA - ÞJÓDVILJINN
FLOAMARKAÐURINN
Atvinna óskast
17 ára stúlka óskar eftir vinnu með
skóla 3-4 kvöld í viku og um helgar.
Upplýsingar í síma 686878 milli kl.
18 og 20.
Miðstöðvarketill til sölu
3,5 fermetrar, spíraldunkur, forhit-
ari, 3 fermetrar, þenslukar, 75 lítrar,
salernisskál og seta. Upplýsingar í
síma 33269.
Til sölu
Sharp vídeótæki með 30 daga
minni og Victor PC tölva með hörð-
um disk, ársgömul, lítið notuð.
Einnig barnarúm og Chicco burð-
arpoki. Upplýsingar í síma 14796
eftir kl. 18.00.
Á Langholtsvegi 112A fæst:
notað gólfteppi að stærð á milli 50
og 60 fermetrar, verðhugmynd
1000 krónur, 70 lítra vatnsgeymir,
verðhugmynd 500 krónur, 2 þvotta-
balar úr blikki og innihurð úr eik
80x200 sm með körmum. Upplýs-
ingar er einnig að fá í síma 30672
eftir kl. 18.
Hef herbergi til leigu gegn hús-
hjálp
Upplýsingar í síma 641186.
Til sölu
lítill stálvaskur, fuglabúr, ungbarna-
stóll og handklæðaslár fyrir bað. Á
sama stað óskast gluggi (helst
glerjaður) stærð ca. 1,3x1m og
ódýr stálofn. Upplýsingar í síma
612430 eftir kl. 18.00.
Hjónarúm til sölu
Þýskt, stórt, antik hjónarúm fyrir að-
eins kr. 10.000 stgr. Upplýsingar í
síma 10282.
íbúð til leigu
Til leigu er 3ja herbergja ibúð, rúm-
lega 60 fer/n. á Skólavörðuhplti.
Laus strax. Upplýsingar í síma
623909 eftir kl. 18.30.
Barnaföt frá Fix
Til sölu barnaföt á 0-10 mánaða,
ca. 60 stk. á kr. 5000.- (allt nýlegt).
Sími 17133.
Byrjendatrommusett til sölu
Verð 25-30 þús. kr. Sími 73311 eftir
hádegi.
Til sölu
2 stk. notuð hedd á Volkswagen
1600 vél. Upplýsingar í síma
44465.
Gram frystikista
210 lítra, til sölu. Sími 42494 eftir kl.
18.00.
Pössun óskast
14 ára stúlka óskar eftir að.'fá vinnu
við pössun. Hef góða reynslu. Sími
17087.
Svalavagn óskast
Óska eftir ódýrum svalavagni. Sími
44919.
Húsnæði óskast
Ung og reglusöm, snyrtileg og reyk-
laus hjón með 2 börn, 8 ára og 11
ára, óska eftir að taka a leigu 4-5
herbergja íbúð. Upplýsingar í síma
16249 á kvöldin og 11640ádaginn.
Barnavagn
Til sölu brúnn flauels-barnavagn frá
Mothercare með fylgihlutum. Upp-
lýsingar í síma 33377.
Nýlegt rúm til sölu
120x200 sm(án gafla). Uppl. í síma
41373 e.kl. 18.
íbúð óskast
Ungt, reglusamt par utan af landi
óskar eftir 2-3 herbergja íbúð sem
íyrst Einhver fyrirframgreiðsla
möguleg.Uppl.ísima 25661 eftirkl.
17.00.
Til sölu Peugeot 205
árgerð '87, ekinn 15 þús. km. Góð-
ur bíll í toppstandi. Vetrardekk
fylgja. Upplýsingar í síma 29819.
Vilt þú læra spænsku eða
á katalónsku?
Kenni spænsku og katalónsku i
einkatímum eða hópum. Hef til
leigu íbúð í Barcelona. Upplýsingar
í síma 24634, Jordi.
Atvinna - íbúð
Ég er einstæð móðir með 3 börn og
mig vantar framtiðaratvinnu. Margt
kemur til greina. Einnig vantar mig
3ja herbergja íbúð. Get ekki borgað
fyrirfram en skilvisar mánaðar-
greiðslur. Upplýsingar í síma 74910
eftirkl. 19.00.
Búðarkassi óskast
Upplýsingar í síma 21784.
SIBS
26. þing SÍBS verður haldið dagana 14. - 16.
október 1988 og verðursett að Hótel Sögu (hlið-
arsal A, 2. hæð) föstudaginn 14. okt. kl. 13.30
stundvíslega.
Athygli er vakin á því að í tilefni 50 ára afmælis
SÍBS verður hátíðardagskrá að viðstöddum fors-
eta íslands í Súlnasal Hótel Sögu, föstudaginn
14. október og hefst hún stundvíslega kl. 15.00.
Stjórn SÍBS
Úlfur Gunnarsson,
heiðursborgari isafjarðarkaupstaðar
og fyrrverandi yfiriæknir
Fjórðungssjúkrahússins á ísafirði,
verður jarðsunginn frá kapellu ísafjarðarsafnaðar í Mennta-
skólanum á ísafirði föstudaginn 7. október kl. 14.
Blóm og kransar eru afþakkaðir en þeir sem vildu minnast
hans eru beðnir að láta Fjórðungssjúkrahúsið á ísafirði njóta
þess til tækjakaupa.
Fyrir hönd fjölskyldu hins látna og bæjarstjórnar ísa-
fjarðar,
Bæjarstjórinn á ísafirði.
IÐNTÆKNISTOFNUN
Eftirtalin námskeið verða haldin á næstunni
hjá Iðntæknistofnun:
FRÆÐSLUMIÐSTÖÐ IÐNAÐARINS:
24.-29. okt. Loftræsti- og hitakerfi. Námskeiðið er ætlað
mönnum sem annast uppsetningu og smíði kerf-
anna. 20-25 kennslustundir.
MÁLMTÆKNIDEILD:
7. nóv. Hlífðargassuða. Ætlað starfandi iðnaðarmönnum.
Ryðfrítt stál og smíðastál: Flokkun og eiginleikar,
tæring, suðuaðferðir o.fl.
Ál: Flokkun og eiginleikar, suðuaðferðir, suðugallar
o.fl. 40 stundir.
REKSTRARTÆKNI - VÉLTÆKNI:
24.-26. okt. Markaðssetning. Markmiðið er að gera þátttak-
endur færa um að útbúa markaðssetningaráætlun
og gera grein fyrir atriðum sem nauðsynleg eru til að
koma vöru á markað.
31. okt.-5. nóv. Stofnun og rekstur fyrirtækja. Ætlað konum.
Haldið á kvöldin og fyrir hádegi á laugardegi. Nám-
skeiðinu er ætlað að auka skilning þátttakenda á
hvaö atvinnurekstur útheimtir, hvað þurfi að athuga
og hvað beri að varast.
28. okt. Strikamerki 1. Haldið á Akureyri.
Kynntar verða helstu tegundir strikamerkja, hvað
vinnst með notkun strikamerkja, nauðsynlegurbún-
aður. 4 kennslustundir.
28. okt. Strikamerki 2. Haldið á Akureyri. Hvað er strika-
merki, notkun, staðsetning strikamerkja, stærðir,
prenttæknileg atriði, gerð umbúða og eftirlit. 6
kennslustundir.
25. okt. Strikamerki 2. Haldið í Reykjavík.
24.-26. okt. Örtölvutækni 1. Grundvallarhugtök örtölvutækn-
innar.
Hvernig vinnur örtölvan? Nemendur leysa sjálfir
forritunarverkefni á véla- og smalamáli 8088/86 ör-
gjörvafjölskyldunnar.
VERKSTJÓRNARFRÆÐSLAN:
10. okt. Vöruþróun. Helstu þættir vöruþróunar og hlutverk
verkstjóra í vöruþróunarstarfinu, grundvöllur vöru-
þróunar, hugmyndaleit, o.fl.
11. okt. Verktilsögn og vinnutækni. Farið er yfir skipu-
lagða verktilsögn, móttöku nýliða og starfsmanna-
fræðslu, líkamsbeitingu við vinnu og vinnuvistfræði.
14. okt. Tíðniathuganir og hópafköst. Farið er yfir tíðni-
rannsóknir og hvernig meta má afköst hópa, verk-
stæðisskipulag og hagræðingu vinnustaða, af-
kastahvetjandi launakerfi.
17. okt. Verkskipuiagning og tímastjórnun. - Farið er yfir
undirstöouatriði í aætlanagerð, verkskipulagningu
og tímastjórnun fyrir verkstjóra. Gerð CPM-fram-
kvæmdaáætlana og Gnatt-áætlana.
19. okt. MULTIPLAN-forrit og greiðsluáætlanir. Farið er
yfir undirstöður áætlana-gerðar með PC-tölvu,
kennd notkun á töflureikniforritinu MULTIPLAN.
21. okt. PROJECT-forrit og verkáætlanir. Farið er yfir
undirstöðu verkskipulagningar með aðstoð PC-
tölvu, kynning á tölvuforritinu PROJECT.
24. okt. Samstarf ogsamvinna. HaldiðáAkureyri. Hvaðer
stjórnun og hvert er hlutverk verkstjóra, skipulag
samstarfs og samvinnu.
28. okt. Stjórnunaraðferðir og starfshvatning. Haldið á
Akureyri. Farið er yfir helstu kenningar í stjórnun og
stjórnunarstíl, hvað hvetur menn til vinnu og hvað
einkennir góð verkfyrirmæli.
3. nóv. Stjórnunaraðferðir og starfshvatning. Haldið á
Reyðarfirði. J
28. okt. Öryggismál. Farið er yfir helstu öryggismál og
ábyrgð stjórnenda á öryggismálum. Kostnað slysa
og hvað vinnst með bættu öryggi.
31. okt. Bruna-ogslysavarnir. Fariðeryfirbruna-ogslys-
avarnir, brunaflokka, slökkvitæki o.fl. Sjúkrakass-
ann og æfingar í fyrstu hjálp.
4. nóv. Undirstaða vinnuhagræðingar. Farið er yfir
undirstöðu vinnuhagræðingar á vinnustöðum og
helstu hjálpartæki við hagræðingu og mat á árangri,
o.fl.
9. nóv. Kjarasamningaroglög. Fariðeryfirskaðabótarétt
og vinnulöggjöf, sakaregluna, saknæmi. Túlkun
kjarasamninga o.fl.
Námskeið í Reykjavík eru haldin í húsakynnum Iðn-
tæknistofnunar, nemaannaðsétekiðfram. Nánari upp-
lýsingar og innritun hjá stofnuninni í síma (91 )687000,
Fræðslumiðstöð iðnaðarins í síma (91 )687440 og
Verkstjórnarfræðslunni í síma (91 )687009.
GEYMIÐ AUGLÝSINGUNA!