Þjóðviljinn - 03.11.1988, Blaðsíða 8

ALÞÝÐUBANDALAGIÐ
Alþýðubandalagið Reykjanesi
Aðalfundur kjördæmaráðs
Aöalfundur kjördæmaráös AB á Reykjanesi verður
haldinn 12. nóvember nk. í Félagsheimilinu Festi í
Grindavík og hefst kl. 10.00
Dagskrá:
1) Venjuleg aðalfundarstörf.
2) Skýrsla kosningastjórnar: Valþór Hlööversson.
Matarhlé.
3) Ólafur Ragnar Grímsson form. AB og fjármálaráð-
herra: Alþýðubandalagið í ríkisstjórn - verkefnin
framundan.
4) Almennar umræður.
Stjórnin
Ólafur Ragnar
AB Vestfjarða
Árshátíð
Alþýðubandalagsfélaganna á Vestfjörðum verður haldin að kvöldi laugar-
dagsins 12. nóvember í veitingahúsinu Skálavík.
Gestir: Svanfríður Jónasdóttir og Guðrún Ágústsdóttir.
Miðapantanir í síma 4017 á ísafirði, 7437 í Bolungarvík, 6215 á Suðureyri
og 7619 á Flateyri. Kjördæmisráð.
Bolungarvík
Aðalfundur
Alþýðubandalagsfélagsins í
Bolungarvík verður haldinn
laugardaginn 12. nóvember
kl. 16.00 í Félagsheimilinu.
Dagskrá: venjuleg aðalfund-
arstörf.
Gestir: Svanfríður Jónasdóttir
og Guðrún Ágústsdóttir.
Stjórnin.
Guðrún
Svanfríður
Opnir fundir á Austurlandi
Haldnir verða opnir fundir með Hjörleifi Guttormssyni alþingismanni.
Á Stöðvarfirði laugardagsmorgun 5/11 kl. 10 í barnaskólanum.
Á Fáskrúðsfirði laugardaginn 5/11 kl. 13.00 í Verkalýðshúsinu.
Á Reyðarfirði laugardaginn 5/11 kl. 16.00 í Verkalýðshúsinu.
Rædd verður staðan heimafyrir og í þjóðmálunum. ... .. . . ,
Alllr velkomnir. Alþyðubandalagið
Blönduós
Almennur fundur
Alþýðubandalagið boðar til al-
menns fundar á Blönduósi,
sunnudaginn 6. nóvember kl.
16.00 á hótelinu (Snorrabúð).
Frummælendur verða:
Steingrímur J. Sigfússon
landbúnaðar- og samgöngu-
ráðherra og Ragnar Arnalds
alþm.
Allir velkomnir.
Alþýðubandalagið í Kópavogi
Skrifstofan opin
Skrifstofa Alþýðubandalagsins í Kópavogi, í Þinghól Hamraborg 11,3. hæð
verður opin frá og með 31. október á mánudögum og fimmtudögum kl.
16-18 e.h.
Alþýðubandalagið í Kópavogi
ÆSKULÝÐSFYLKINGIN
Æskulýðsfylkingin Hafnarfirði
Skemmtikvöld í Vitanum
Æskulýðsfylkingin í Hafnar-
firði stendur fyrir skemmti-
kvöldi í Æskulýðsmiðstöðinni
Vitanum í kvöld, fimmtudag.
Skemmtunin hefst kl. 20.30.
Meðal skemmtiatriða, hljóm-
sveitin Centaur, Ijóðalestur,
málverkasýning og fleira og
fleira.
Allir ungir Gaflarar eru
hvattir til að mæta i Vitann.
ÆFHA
Pakistan
Hvort kýstu örvar
eða reiðhjól?
Andiframliðinnaforseta svífuryfir vötnum i —
Pakistanir marséra í Karachi, sumir teyma reiðhjól en öngvir munda
örvar. Á smærri myndinni sjáum við hina íðilfögru Benazír Bhutto.
ann 16. þessa mánaðar fara
þingkosningar fram í Pakist-
an og eru 48 miljónir manna á
kjörskrá. Þar af eru all margar
miljónir einstaklinga sem hvorki
kunna að lesa né draga til stafs.
Það kemur þeim ekki í koll við
atkvæðagreiðsluna því þeim
stendur til boða að setja kross-
mark við ýms tákn öndverðra
stjórnmálahreyflnga; örvar, reið-
hjól, klukkur og dráttarvélar, og
fleira í líkum dúr. Alls geta þeir
valið á milli 80 táknmerkja!
En hvort kjósandinn býr í
afdölum Hindu Kush eða hírist í
einhverju eymdarhreysanna í fá-
tækrahverfum Karachi þá er
næsta líklegt að hann íhugi aðeins
tvo kosti, örvarnar og reiðhjólið.
Örvarnar eru tákn Pakistanska
alþýðuflokksins (PPP) sem lýtur
forystu Benazírs Bhuttos en
reiðhjólið er merki níu flokka
sem eiga það helst sameiginlegt
að vera uppsigað við Bhutto
slektið.
Þetta er í fyrsta skipti í ellefu ár
að landsmenn fá sjálfir að velja
sér þjóðhöfðingja. Að sönnu
efndi Zia heitinn Ul-Haq til
nokkurs konar þingkjörs árið
1985 en þá voru herlög í gildi,
engir stjórnmálaflokkar fengu að
bjóða fram og forsetinn hafði
búið svo um hnúta að hverjar svo
sem lyktirnar yrðu þyrfti hann
ekki að deila völdum með einum
né neinum.
Dauði Zíu í ágústmánuði síð-
astiiðnum olli straumhvörfum í
pakistanskri pólitík. Fréttaskýr-
endur eru á einu máli um það að
hann hefði aldrei ljáð máls á því
að Benazir, dóttir Alís Bhuttos
sem hann steypti sjálfur af stóli
og lét svo drepa, gæfi kost á sér til
þingsetu.
Þegar „sterki maðurinn“ var
allur tók Ghulam Ishaq Khan,
oddviti öldunga á löggjafarsam-
kundunni, við forsetaembættinu
til bráðabirgða. Þeir Mirza Asl-
am Beg, nýr hæstráðandi í hern-
um, létu það verða eitt sitt fyrsta
verk að heita sigurvegurum vænt-
anlegra kosninga því að virða úr-
slit og draga sig í hlé. Pakistan er
41 árs gamalt ríki og hafa stríðs-
menn setið yfir hiut íbúanna
röskan helming þess tíma.
Hver úrslit verða veit enginn
og er vandi um slíkt að spá,
fylgiskannana-plágan er af ýms-
um ástæðum, þó einkum tækni-
legum, ekki farin að herja á Pak-
istani. Þó er fullvíst talið að efinn
sé sá hvort frú Bhutto hefst til
valda eður ei.
Það má einu gilda hvar drepið
er niður fæti í Pakistan, hvar-
vetna ber fána Alþýðuflokksins
fyrir sjónir í svörtum, gulum og
rauðum lit, á nautseyki til sveita,
léttivagni í bæjum og límósínum
nkismanna í borgum. Andi Alís
Bhuttos svífur yfir vötnum og
gamlir aðdáendur hans sverja
dótturunni hollustueiða. Öllum
er ljóst að kosningarnar snúast
síður um málefni en einstaklinga,
lífs og liðna.
Sjálf hefur Benazír ekki getað
beitt sér sem skyldi í kosninga-
baráttunní. Hún ól barn í sept-
ember og hefur því haft öðrum
hnöppum að hneppa um skeið.
En fyrr í vikunni hélt hún tvo
fundi, í Punjab og Sind, og var
ekki að sökum að spyrja: í tví-
gang hylltu múgur og margmenni
hana sem þjóðhöfðingja.
Reuter/-ks.
VIÐHORF
Ráðamenn Reykjavíkur...
Framhald af bls. 5
strengingar hafðar uppi. Síðan
hefur allt gengið fram sem
Bandaríkjastjórn hefur óskað.
Nú síðast ratsjárstöðvar sem sagt
var að yrðu svo skelfing góðar
fyrir íslenska sjómenn. Sá áróður
létti róðurinn að fá heimamenn
til að samþykkja ratsjárstöðvar á
Bolafjalli og Gunnólfsvíkurfjalli.
Nú er komið á daginn að þarna
eru engar skiparatsjár og verða
ekki, enda koma þær mann-
virkjasjóði Nató ekkert við, en
hann stendur straum af kostn-
aðinum. Ratsjárstöðvarnar sem
verið er að byggja eru einungis
liður í áætlun Bandaríkjastjórnar
að gera ísland að stjórnstöð í
árásarstríði. Það þykir hentugra
að hafa slíkt ekki alveg í eigin
hlaðvarpa.
í blaðaflettunum rakst ég líka á
viðtal við vinnukonur frá Norð-
urlöndum sem vinna hér á heimil-
um.
Þá fór ég að hugsa um það hve
jafnréttið getur verið afstætt.
Sagt er að konur vilji aukin rétt-
indi fyrir konur, en hér mætti
bæta við sumar. Til dæmis virðast
ódýrar vinnukonur hafa komið
ótrúlega mörgum, ótrúlega jafn-
réttissinnuðum heimilum til
bjargar og forðað þeim frá upp-
lausn með því að gefa báðum for-
eldrum færi á fundastússi, eða
öðru stússi utan heimilis. Svona
getur frelsið verið afstætt.
Ótrúleg ósvífni
Fyrir nokkrum dögum var for-
sætisráðherra á beinni línu á Rás
2. Meðal annarra hringdi í hann
fiskvinnslukona af Akranesi sem
vildi fá að heyra réttlætingu
Steingríms á því að taka með
bráðabirgðalögum umsamdar
hækkanir af hennar launum, en
þau sagði hún nema um 32 þús-
und krónum á mánuði. Forsætis-
ráðherra sagði þessi laun ósköp
lág, en, bætti hann við, annað
hvort er að sætta sig við þessi laun
eða engin. Fiskvinnslan getur
ekki borgað meira og hækki
launin verður atvinnuleysi.
Ótrúleg ósvífni hjá manni sem
átt hefur þátt í því allt frá árinu
1983 að ógilda alla gerða kjara-
samninga, ræna umsömdum
launahækkunum, banna starf-
semi verkalýðshreyfingarinnar -
alltaf undir því yfirskini að núna -
einmitt núna - væri verið að
bjarga útflutningsatvinnugrein-
unum.
Það sem gerst hefur í björgun-
arleiðöngrum stjórnvalda síðustu
árin er það eitt að launabilið hef-
ur vaxið meira en dæmi er til um
áður. Hér eru nú tvær þjóðir.
Þjóð sem á og hin sem ekki á.
Þjóðin sem fær greitt kaup sam-
kvæmt samningum og hin sem
nýtur yfirborgana og alls kyns
fríðinda, að ógleymdu þeírri
þjóðinni sem skammtar sér tekj-
ur sjálf og hirðir ávextina af ann-
arra erfiði.
Það sem skiptir mestu er afnám
vísitölutryggingar launa. Sí og æ
hefur verið klifað á því að vísi-
tölutrygging launa valdi verð-
bólgu, þessu ótrúlega nauti sem
aldrei hreyfist úr stað að sögn
stjórnvalda og atvinnurekenda
nema þegar farið er að ræða
launin.
Vísitölutrygging launa veldur
hins vegar engri sjálfkrafa hækk-
un á verði annarrar vöru og þjón-
ustu. VTsitölutrygging launa er
ekkert annað en trygging þess að
samningar haldi á samningstíma
og á að tryggja síðbúnar bætur
fyrir verðhækkanir sem þegar
hafa orðið. Þess vegna eigum við
að krefjast skilyrðislausrar verð-
tryggingar launa, þegar pólsku
ástandi afléttir og verkalýðs-
hreyfirtgin hefur rétt til að semja
um kaup og kjör.
Framundan eru þing Banda-
lags starfsmanna ríkis og bæja og
Alþýðusambands Islands. Lítið
hefur heyrst af undirbúningi utan
hvað farið er að makka um
stjórnarstóla.
Á þessum samkundum verka-
lýðshreyfingarinnar ætti hins veg-
ar að ræða annað og meira. Þar
ætti að ræða hvernig slíkt geti
gerst að kjörnir forystumenn
hreyfingarinnar ganga fram fyrir
skjöldu og lýsa sig samþykka af-
námi samningsréttar. Hvernig
kjörnir forystumenn geta opin-
berlega troðið á grundvallar-
mannréttindum, einsog
fjórmenningsklíkan í Verka-
mannasambandinu gerði á dög-
unum.
Þar ætti ekki síst að ræða hvaða
leiðir eru færar til úrbóta eigi
verkalýðshreyfingin ekki að
molna sundur í frumeindir eigin-
hagsmunapotsins.
Grein þessi var flutt sem erindi
Um daginn og veginn í Ríkisút-
varpinu 10. október sl.
Millifyrirsagnir eru Þjóðviljans.
8 SÍÐA - ÞJÓÐVILJINN Fimmtudagur 3. nóvember 1988