Þjóðviljinn - 17.12.1988, Qupperneq 1
►
þlÓÐVILIINN
Af bókauppskeru
Um þessar mundir er hvert blað bókablað og þar á ofan er bætt
þessu sérstaka bókablaði hér, þar sem fjallað er um nýlesnar bækur.
Þótt bókaútgáfa hafi skroppið eitthvað saman á þessu ári munu fáir
um lítið úrval. I bæklingi bókaútgefenda eru á skrá nær þrjú hundruð
bækur og vantar þá ýmislegt sem menn eru að gefa út sjálfir.
Er bókaútgáfa að breytast? Sumum finnst að ævisögur og endur-
minningar séu allt að gleypa - en þær eru reyndar ekki nema um
tuttugu talsins. Handbækur eru fleiri - og eru þó ekki með talinn
leiðarvísir um mannleg vandamál sem mjög hefurfjölgað á undanförn-
um árum. Og þær Ijóðabækur sem á bækling komast eru ekki færri en
endurminningabækurnar íslensku - og eru þá mjög margar ótaldar
eins og menn vita, því sjálfsútgáfan er mestan part Ijóðakver.
En eina sérstæða sveiflu tekur endurminningaútgáfan að þessu
sinni: það eru prestajól. Fimm klerkar segja æfisögu sína. En ekki
nema einn flugmaður. Og enginn skipstjóri að þessu sinni. íslenskar
skáldsögur eru ekki mjög margar á þessu ári. Og þar verða miklar
sveiflur: í fyrra voru stelpujól, meirihluti nýrra skáldsagna var eftir
konur. Nú eru konur skrifaðar fyrir aðeins þrem skemmtisögum -
meðan „strákarnir" ryðjast fram með einar tólf nýjar bækur og eru þar
af óvenju mörg smásagnasöfn eða fimm talsins.
Á hverri vertíð eru erlendar skáldsögur einhver stærsti og um leiö
sundurleitasti bókaflokkurinn. í fyrrnefndum bæklingi eru þær rösk-
lega fimmtíu talsins. Voru oft fleiri, og munaði þá mest um innbunda
reyfara um ástir, glæpi eða ótrúleg afrek - þeim hefur fækkað á
sjónvarpsöld. Aftur á móti kemur út tiltölulega mikið af góðum bók-
menntum þýddum úr ólíklegustu áttum - þær bækur fara að nálgast
tvo tugi.
Ef einhver spyr: hvað af þessu verður maður að lesa? þá verður
líklega fátt um svör: Hver er sá að öðrum ráði heilt í því efni? Nema að
þekkja þeim mun betur þann sem spyr og hans hugðarefni. Hitt er svo
víst að það er enginn vandi fyrir hvern sem nennir að hugsa sitt ráð að
finna eitthvað prýðilegt við hæfi hvers lesandi manns, og þá fleiri en
tvær bækur eöa þrjár.
Hrafitjoknlssön lUugt Jgkuksem
ÍSLENSKIR
Tímamótabók
Bræðurnir Hrafn og lllugi Jökulsson skrifa um mál
sem hingað til hafa að mestu legið í þagnargildi.
Hverjir voru íslensku nasistarnir, hvað vakti fyrir
þeim, hver voru tengslin við Þýskaland Hitlers? Rak-
in er saga flokka nasista hériendis, sagt f rá þátttöku í
kosningum, erjum við kommúnista, tengslum við
Þjóðverja og njósnum á stríðsárunum.
Sagt er frá hugmyndum íslenskra nasista um kyn-
bætur: frá íslenskum stríðsglæpamönnum og af-
skiptum stjórnvalda hérlendis til að fá þá lausa úr
erlendum fangelsum.
Höfundar komust yfir merk skjöl, einkabréf og fjölda
Ijósmynda.
Islenskir nasistar - skemmtileg og sérfróðleg bók
um þann þátt nútímasögunnar sem margir hafa vilj-
að gleyma.
„Bókin íslenskir nasistar er lipurlega skrifuð. Höf-
undar nota reynslu sína af blaðamennsku og svið-
setja atburði til að gera þá eftirminnilegri. Einnig er
víða brugðið á það ráð að segja söguna út frá ein-
stökum þátttakendum. Þetta gerir bókina líflega og
læsilega... Hér er á ferðinni hin eigulegasta bók“.
DV - Páll Vilhjálmsson
„Hrafn og lllugi Jökulssynir eru ungir og hressir
blaðamenn sem kunna að velja sér efni... Og ekki
neita höfundarnir sér um að beina kastljósinu að
hinum kómísku hliðum málanna. Maður getur hlegið
upp úr lestrinum“
Morgunblaðið - Erlendur Jonsson
BÆKUR
Klapparstíg 25-27
Sími 621720
ITZftCSK)
ÖÐRUVÍSI
.iiimmmi édíJw.W h. »n»' W6.
31*8*1,
•ÍKínigmin
irtóKco
Hmmnw
Ijúiimmm
ihmjiof
llfalbKtfiisqÍHÍ