Þjóðviljinn - 17.12.1988, Blaðsíða 12

Þjóðviljinn - 17.12.1988, Blaðsíða 12
Fyndnar-spennandi - góðar BÆKUR Nýr flokkur barnabóka: 1.UTLAVAMPÍRAN 2. LITLA VAMPÍRAN FLYTUR Sjálfstæðar sögur fyrir börn á aldrinum 7-14 ára. BÓKAÚTGÁFAN NÁLIN KONGAR OGKOTOA ÓLÖF PÉTURSDÓniR SKRIFAR Hér verður fjallað um tvær bækur eftir Hrafnhildi Valgarðs- dóttur sem báðar koma út hjá Frjálsu framtaki. Önnur þeirra heitir Kóngar í ríki sínu og prins- essan Petra og virðist einkum ætl- uð þeim sem eru að byrja að lesa. Aðalpersónurnar, „kóngarnir", eru tveir drengir, þeir Lalli og Jói. Samband þeirra við dýr, hund og ketti, gegnir veigamiklu hlutverki í lífi þeirra. Þessu sam- bandi drengja og dýra er prýði- lega íýst og er það raunar helsti kostur bókarinnar. Einnig er amman skondin persóna og trú- verðug. Petru þáttur prinsessu er svo annar handleggur. Þar teygir höf- undur sig allt of langt út fyrir hið trúverðuga. Hver trúirþví t.d. að Petra hafi ekkert lært í íslensku á heilum vetri í barnaskóla? Hver trúir því að hún hafi aldrei skipt um föt á jafnlöngum tíma? Svo er beinagrinda þáttur allur hinn fár- ánlegasti og ekki einu sinni fynd- inn. Hér hefði þurft að slípa frá- sögnina mun betur og vanda. Púsluspil heitir svo bók sem Hrafnhildúr Valgarðsdóttir ætlar unglingum. Nú um stundir ríkir sú tíska að prýða kápur unglinga- bóka með ljósmyndum. Þetta finnst mér frekar hvimleitt og lítt í samhengi við efni bókanna yfir- leítt. Jafnvel frábær bók Auðar Haralds. Baneitrað samband á Njálsgötunni, var sama marki brennd. Slíkar myndskreytingar minna mig ekki á neitt annað en þá vondu grein bókmennta sem á útlensku heitir Roman-photos. Látum þennan geðvonskulega útúrdúr um bókarkápu nægja. Innan kápu Púslupils er fyrstu persónu frásögn ungrar og list- hneigðrar stúlku. Hún kemst að raun um að líf hennar er púsluspil eða kotra sem hún leitast við að raða saman. Hugmyndin að kot- runni er prýðileg, þótt enn verði lesandinn að kyngja ýmsu ólík- indalegu. Jafnhliða kotrunni bítast söguhetja og andstæðingur hennar um hnossið Gauk. Þetta er heldur óvæginn slagur en lýkur með sigri hins góða. Ég vil samt setja spurningamerki við rétt- mæti þeirrar ákvörðunar sögu- hetju að ná hnossinu af andstæð- ingnum. Púsluspil er alls ekki leiðinleg af- lestrar og framför frá verðlauna- bók höfundar í fyrra. Ólöf Pétursdóttir JORU SAGA Annálar flugsins Komin er út bókin Annálar ís- lenskra flugmála 1939-1941 eftir Arngrím Sigurðsson. Þetta er fimmta bindið í sam- nefndum bókaflokki um sögu flugs á íslandi og tekur til áranna 1939-1941 sem var mjög viðburð- arríkt tímabil í flugsögu þjóðar- innar. Bókin, sem Arngrímur Sigurðsson tók saman, er í sama broti og fyrri bindi Annálanna, prýdd á þriðja hundrað ljós- mynda sem flestar hafa ekki birst áður. Bókin er 195 blaðsíður. ÓLÖF PÉTURSDÓniR SKRIFAR Hér á eftir verður fjallað um nýja bók eftir Guðlaugu Richter sem Mál og menning gefur út. Gripurinn ber titilinn Jóra og ég. Enn sækir Guðlaug efnivið sinn í menningararf okkar íslendinga. (Hér vísast til fyrri bókar Guð- laugar um Son Sigurðar, sem kom út á síðasta ári.) Það er út af. fyrir sig mikið fagnaðarefni að höfundur sæki í sagnabrunn and- legt eldsneyti til handa börnum og unglingum þessa lands, svo firrt sem þau virðast orðin þess- um arfi og oft á tíðum frábitin bóklestri. En hugkvæmni Guðlaugar er meiri en svo að hún sé að þynna út íslendingasögurnar í einhverja barnagrauta fyrir andlega tannleysingja. í Jóru sögu (sem ég kýs að uppnefna svo hér eftir) er bilið milli tuttugustu aldar og þeirrar elleftu brúað á afar sannfærandi og snjallan hátt. Gunnlaðar saga eftir Svövu Jak- obsdóttur gerist í senn í nútíð og fortíð, sömuleiðis Jóru saga, þótt með allt öðrum hætti sé. Ung- lingsstúlka okkar ratar í ástarsorg sem er lýst á skondinn, en þó nærfærinn hátt. Hún finnur nokkra hugfró í fornu handriti og eignast vinkonu ígildi í Jóru, ung- OGFA JLw\Jt Nú er óþarf i aö ríf ast um reglurnar Fyrsta billiardbókin á íslandi er komin út. Hún erviður- kennd af Billiard- og snókersambandi íslands og í henni er fjallað ítarlega um leikreglur í snóker, billiard og fleiri knattborðsleikjum. Þá er ekki lengur um það að ræða, að hver spili eftir sínu höfði. Bókin fæst í Billiardbúðinni Ármúla 15. Billiardbókina ættu allir knattborðsleikarar að hafa undir höndum. Dúbl í horn! BILLIARDBÚÐIN Ármúla 15, Reykjavík, sími 33380 lingstúlku sem uppi var á elleftu öld. Meginefni bókarinnar er svo saga Jóru, eins og unga stúlkan hefur hreinritað hana eftir gömlu handriti. Þar er að vísu ekki ýkja margt sem minnir á fslendinga- sögur, en þetta er athyglisverð til- raun til þess að lýsa daglegu lífi hér á landi í tíð Gissurar Skál- holtsbiskups. Jóra Gamladóttir verður lesandanum strax hug- leikin og nálæg, svo og amma hennar og hundurinn Týri. Jóra býr í sátt við land og huldufólk, þar til Hekla fer að byrsta sig. Heklugosi er lýst á áhrifamikinn hátt og vekur ungu samtíðar- stúlkuna til umhugsunar um sín eigin viðbrögð við sams konar gosi á tuttugustu öld, öld sjón- varps og flugvéla. Bókin er ekki einasta skemmti- leg, heldur fróðleg að auki. Með- al persóna er Gissur biskup sem er gestkomandi á heimili Jóru. Áður hefur amman séð fylgju hans og fylgdarmanns í líki hrúta. Biskup skemmtirheimafólki með sögu af Sæmundi fróða. Fylgdar- sveinn lýsir lífinu í Skálholti og kennir Jóru að stíga dans. Það er skemmtilegt að virða biskupinn og biskupssetrið fyrir sér frá sjón- arhóli smámeyjar á elleftu öld. Höfundi tekst vel að setja sig og lesanda í spor Jóru. Þetta er skrambi gott hjá Guðlaugu og gengur upp. Það eina sem maður saknar dálítið er að fá ekki að vita meira um hina dularfullu berg- búa, en návist þeirra ljær frásögn- inni yfirskilvitlegan blæ. Myndir í bókinni eru þrjár. Þær undirstrika dulúð frásagnar- innar og hefðu að ósekju mátt vera fleiri. En, sem sagt... þetta er prýðileg bók og ég þakka fyrir skemmtunina. Áfram, Guðlaug! Ólöf Pétursdóttir

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.