Þjóðviljinn - 11.07.1989, Blaðsíða 12
■■SPURNINGIN-
Hvað finnst þér um að
veita erlendum fiski-
skipum veiðiheimild í
íslenskri lögsögu?
Jóhann Vilbergsson
■ verslunarmaöur:
Ég er algerlega á móti því. Þaö á
að halda þeirri stefnu sem er í
dag aö leyfa ekki erlendum
skipum aö veiða.
Finnur Fróðason
innanhússarkitekt:
Mér finnst þaö í lagi undir vissum
kringumstæðum, til dæmis aö
leyfa þeim aö veiöa stofna sem
eru vannýttir. Við veröum þó að
fá eitthvað í staðinn svo sem
niðurfellingu á ýmsum gjöldum.
þlÓÐVIUINN
__________Þriðjudagur 11. júlí 1989 119. tölublað 54. órgangur
SÍMi 681333
Á KVÖLDIN
681348
ÁLAUGARDÖGUM
681663
Bjarki Zophoníasson: Það er full þörf á að efnt verði til náms í arkitektúr hér á landi. Slíkt nám yröi óvefengjanlega lyftistöng fyrir íslenskan arkitektúr.
, Mynd - Þóm.
Arkitektur
Arkitektar á Islandi
Um helgina var haldin ráðstefna um menntun arkitekta með
stofnun skóla hér á landi í huga
Jóhanna Hauksdóttir
Ijósmóðir:
Það á ekki að leyfa það án ræki-
legrar umhugsunar og það yrði
þá að verða gagnkvæmur samn-
ingur.
Viðar Pétursson
stúdent í Svíþjóö:
Ég er nú búsettur erlendis og hef
ekki fylgst vel með málum hér.
Annars held ég að það sé í lagi að
leyfa veiðar hér, ef eitthvað er
eftir af fiski.
Árni Steingrímsson
gjaldkeri:
Alveg útilokað. Við höfum nóg að
gera með okkar fisk.
Arkitektafélag íslands hélt nú
um síðustu helgi ráðstefnu um
menntun arkitekta og stofnun
skóla í faginu hér á landi. Ráð-
stefnan var haldin í Odda, húsi
Félagsvísindastofnunar, í sam-
starfi við evrópsk og n-amerísk
kennarasamtök.
Upphafið að þessari ráðstefnu
má rekja fjögur ár aftur í tímann
en þá skaut þeirri hugmynd upp
að téð samtök tækju höndum
sarhan um stefnu í menntamálum
arkitekta. Svo furðulegt sem það
kann að virðast höfðu samtökin
beggja vegna Atlantshafsins
aldrei átt saman fund og þótti
mörgum tími kominn til. Bjarki
Zophoníasson, sem rekur arki-
tektastofu í Basel í Sviss og kenn-
ir aukinheldur í Bandaríkjunum,
á öðrum fremur heiðurinn að því
að þessi samtök funda nú saman í
fyrsta sinn.
- Fyrir 3-4 árum kynntist ég
meðlimum í stjórn ACSA sem
eru n-amerísk arkitektasamtök
og reyna að halda uppi einhverj-
um staðli á menntun arkitekta.
Evrópsku samtökin, EAAE,
starfa á hliðstæðan hátt og því
ekki óeðlilegt að samtökin bæru
saman bækur sínar. Á sama tíma
kom fram sú hugmynd að setja á
laggirnar arkitektaskóla á íslandi
og þegar fram liðu stundir rann
þetta saman í eitt og sama verk-
efnið, sagði Bjarki í samtali við
Þjóðviljann.
- Það er mikill fengur fyrir okk-
ur hér á landi að heyra álit þessa
fólks á menntunarmálum hér-
lendis því samtökin þekkja alla
staðla á menntun arkitekta sem
fyrirfinnast. Við getum síðan
reynt að mynda okkar eigin
skoðun út frá þeirra tillögum og í
leiðinni eigum við kost á góðu
sambandi við skóla innan sam-
takanna sem utan þeirra. Ef
stofna á arkitektaskóla hér á
landi er nauðsynlegt að gera það
af alvöru og þetta er tækifærið til
að láta það takast. Það er líka vel
við hæfi að fjalla um þessi mál nú
á 50 ára afmæli Arkitektafélags-
ins. Það er athyglisvert að frá því
að hugmyndinni að fundi ACSA
og EAAE skaut upp fyrir nokkr-
um árum hafa setið þrír formenn
félagsins hér á landi, sagði Bjarki
ennfremur.
En er einhver þörf fyrir arki-
tektaskóla á íslandi með alla
þessa ark'itekta?
- Við lítum svo á að það yrði
arkitektum til framdráttar að
stunda nám sitt að einhverju leyti
á íslandi. Hér yrði væntanlega
um fyrri hluta nám að ræða enda
höfum við ekki mannskap í að
kenna til lengri tíma. Arkitektúr
hefur varla nokkurn tíma verið
íslenskt fag og ef menn byrja
námið hér á landi eru meiri líkur
á að þeir hugsi áfram íslenskt.
Síðan hafa menn auðvitað gott af
því að fara annað í nám en undir-
búningurinn væri eftir sem áður
íslenskur sem hlýtur að vera af
því góða.
Árið 1988 skipaði mennta-
málaráðherra vinnunefnd sem
ætlað var að athuga hvort og hvar
ætti að setja á stofn arkitektar-
skóla á íslandi. Guðrún Jónsdótt-
ir, arkitekt, var fulltrúi í nefn-
dinni og gerði hún grein fyrir nið-
urstöðum hennar á ráðstefnunni
um helgina.
- Nefndin komst að því að hér
ætti að koma á þriggja ára fyrri
hluta námi í arkitektúr sem yrði
sjálfstæð eining innan listaskóla á
háskólastigi. Síðan væri nauðsyn-
legt að leita eftir beinu samstarfi
við erlenda háskóla varðandi
seinni hluta nám, sagði Guðrún
við Þjóðviljann.
- Slíkur skóli yrði ótvíræður
stuðningur við arkitektastéttina
og ýtti undir akademíska um-
ræðu. Hann myndi auka þekk-
ingu þeirra á umhverfi sínu og
yrði rannsóknarstarfsemi og þró-
un á sviði arkitektúrs til fram-
dráttar. Þá gætu nemar í arkitekt-
úr fylgst mun betur með íslensk-
um þjóðmálum og tekið þátt í
þeim í stað þess að vera fyrir utan
allt slíkt eins og tíðkast hefur. Að
endingu myndi þessi skóli
auðvelda fslendingum að komast
inn í erlenda skóla en það reynist
æ erfiðara. Gallarnir, sem við
teljum vera færri en kostina, eru
að þetta yrði lítill skóli sökum
þess hve fá við erum. Þannig gæti
verið erfitt að halda uppi góðri
kennslu og kostnaður orðið tals-
verður, sagði Guðrún.
Um 30-40 manns tóku beinan
þátt í ráðstefnunni, þar af 10 er-
lendir gestir. Fulltrúar íslands
voru frá Háskólanum, Mynd-
listaskólanum, Menntamála-
ráðuneytinu, Arkitektafélaginu
og Verkfræðideild Háskólans,
auk sérstaks áhugahóps um þessi
málefni. -þóm
Islendingar hafa alltaf staðið
saman, hvers vegna geta þeir
ekki gert það allir á sama stað?
Vestfirðingar, Norðlendingar,
Austfirðingar, geta allir
I