Þjóðviljinn - 09.08.1989, Blaðsíða 12

—SPURNINGIN
Hvað gerðir þú
um helgina?
Anna Harðardóttir,
fóstra:
Ég var heima hjá mér eins og
flestar aðrar verslunarmanna-
helgar. En notaði tímann til að
laga til í garðinum hjá mér og rétt
tókst að Ijúka við að reita arfann
áður en fór að rigna.
Linda Magnúsdóttir,
barnapía:
Ég fór í Galtalæk. Þetta var alveg
meiriháttar skemmtileg helgi,
gott veður, skemmtileg böll og
góö hljómsveit. Þetta er fyrsta úti-
hátíðin sem ég fer á en alveg ör-
ugglega ekki sú síðasta.
þlÓÐVILIINN
Miðvikudagur 9. ágúst 1989 135. tölublað 54. árgangur
SÍMI 681333
Á KVÖLDIN
681348
ÁLAUGARDÖGUM
681663
Stefán Haraldsson,
tæknifræðingur:
Ég fór í Skaftártungur með fjöl-
skyldunni. Það var nokkuð mikið
af fólki og sæmilegt veður svona
framan af.
Sveinn Sigurkarlsson,
héraðsdómari:
Ég fór austur í Vík í Mýrdal. Þar
var ýmislegt um að vera og yfir-
leitt allt í góðu lagi fyrir utan veðr-
ið.
Bára Hannesdóttir,
skólaritari:
Ég var bara heima hjá mér,enda
dettur mér ekki í hug að fara út á
þjóðvegina þegar það er svona
mikil umferð.
Á safnasvæðinu í Hafnarfirði er margt að skoða um þessar mundir. Byggðasafn Hafnarfjarðar stendur fyrir sýningum í þrem húsum, auk þess
sem Sjóminjasafnið er á sínum stað. Mynd Jim Smart.
Byggðasafn Hafnarfjarðar
Sannkölluð sýningarveisla í Firðinum
Andblœr verslunarfráfyrri tíð. Smjörþefur gefinn afalþýðuheimili
fyrr á öldinni. Guðmundur Sigurðsson: Margt á döfinni hjá safninu.
Aðsókn verið með ágœtum
Andblær liðins tíma er áber-
andi um þessar mundir í
Hafnarfirði. Nýlega var sett upp á
vegum Byggðasafns Hafnarfjarð-
ar sýningin „Við búðarborðið“ í
húsakynnum Riddarans, sem
safnið fékk nýverið til umráða.
Auk þeirrar sýningar stendur
Byggðasafnið fyrir sýningu í
Siggubæ og eins og ávalt er hús
Bjarna riddara Sívertsen, höfuð-
aðsetur safnsins, opið. En þar
með er ekki allt upp talið. Sjó-
minjasafnið, sem staðsett er á
sömu torfunni, og áðurtalin hús,
stendur fyrir sýningu í allt sumar
er ber yfírskriftina „Fundur Am-
eríku“. Segja má því að
Hafnfirðingum standi um þessar
mundir til boða sannkölluð safna-
veisla.
Að sögn Guðmundar Sveins-
sonar, sem situr í Byggðasafns-
nefnd, fékk safnið nýlega til um-
ráða húsakynni Riddarans til sýn-
ingahalds, en húsið er nú í eigu
Hafnarfjarðarbæjar. - Fyrir höf-
um við til umráða undir safnið
Hús Bjarna Sívertsens, elsta
varðveitta hús Fjarðarins, reist á
árunum 1803-1805. Þessi viðbót
er kærkomin og gerir safninu
kleift að sýna meira af þeim mun-
um sem eru í fórum þess, en hægt
hefur verið til þessa og hafa verið
sjónum almennings huldir í
geymslum út um allan bæ, sagði
Guðmundur.
Guðmundur sagði að safn-
stjórnin hefði í hyggju að nota
húsnæði Riddarans fyrir sýningar
sem standa skamman tíma.
- Okkur fanst við hæfi að ríða á
vaðið með sýningu tengda versl-
un fyrri tíma. Sú sýning er á neðri
hæð hússins en á efri hæðinni,
undir súð, hefur verið sett upp
sýning á ýmsum munum sem
tengjast framleiðslustörfum sem
áður fyrr voru unnin á heimilum
landsmanna.
- Rétt baka til við safnasvæðið
við Vesturgötuna, er pínulítið
hús, Siggubær, sem við fengum
að gjöf að Sigríði Erlendsdóttur
verkakonu genginni. Sigríður var
um margt merk kona. I daglegu
tali Hafnfirðinga var hún nefnd
Sigga alþýðublaðs, enda hafði
hún með höndum útbreiðslumál
blaðsins í Firðinum.
Guðmundur sagði að húsið
væri m.a. merkilegt fyrir þær sak-
ir að það væri með sk. bæjarlagi,
gluggalust á hliðum, eins og
gömlu sveitarbæirnir.
- Innanstokks í Siggubæ er allt
við það sama og þegar Sigríður
bjó þar, sem gefur nútímafólki
ágæta hugmynd um hve alþýðu-
fólk bjó þröngt ekki fyrir svo
löngu, sagði Guðmundur.
í húsi Bjarna Sívertsens eru
sýndir munir úr búi Bjarna og
Rannveigar konu hans, en þar
bjuggu þau í byrjun 19. aldar. í
húsinu eru einnig til sýnis ýmsir
gamlir munir sem tengjast sögu
bæjarins og í einu herberginu hef-
ur verið sett upp gömul skóla-
stofa.
Guðmundur sagði að ekki væri
enn afráðið hvaða sýning tæki við
af verslunarsýningunni, en ýmsar
hugmyndir hefði borið á góma.
- Ein þeirra hugmynda sem við
höfum verið að skoða er sýning á
gömlum leikföngum. Byggða-
safnið fékk fyrir nokkrum árum
mikið og gott leikfangasafn að
gjöf. Þar í eru dúkkur frá öllum
heimshornum. Þá hefur einnig
komið fram hugmynd að setja
upp sýningu sem sýndi andblæ
kreppuáranna, sagði Guðmund-
ur, - en það er ekkert afráðið
hvaða efni verður næst tekið til
sýningar.
Byggðasafnsnefnd þarf ekki að
kvarta yfir undirtektum við sýn-
ingunum. - Aðsóknin hefur það
sem af er verið ótrúlega góð. Það
fór hljótt um sýninguna þegar
henni var hleypt af stokkunum.
Reyndar höfum við gert ósköp
lítið til að auglýsa hana, sagði
Guðmundur, en auk heima-
manna sjálfra hefur talsverður
fjöldi fólks úr nágrannasveitar-
félögunum gert sér sér bæjarleið
og rekið inn nefið. Einnig er
nokkuð um að erlendir ferða-
langar sem slæðast til Hafnar-
fjarðar í auknum mæli, skoði sýn-
ingarnar.
Verslunarsýningin í Riddaran-
um er opin alla daga nema mánu-
daga frá klukkan 14 tikl 18, sami
opnunartími gildir fyrir hús
Bjarna Sívertsen. Siggubær hins
vegar er opinn frá klukkan 14 til
18 laugardaga og sunnudaga.
-rk