Þjóðviljinn - 03.07.1990, Blaðsíða 7

Miðstjórnarfundur Alþýðubandalagsins
Staða flokksins ásættanleg
Miðstjórnarfundurinn hófst
föstudagskvöldið 29. júnf í
húsnæði Menntaskólans á Egiís-
stöðum. Framsöguræður og um-
ræður um stjórnmálaástandið
stóðu fram yflr kl. 1 um nóttina.
Fundi var fram haldið á laugar-
dagsmorgni, þegar rædd voru
sjávarútvegsmál og landbúnað-
armál. Eftir hádegi var haldið
áfram stjórnmálaumræðum, en
síðdegis var ekið til Neskaupstað-
ar og kvöldinu eytt í boði heima-
manna. Lokaumræður og af-
greiðsla mála hófst síðan á sunnu-
dagsmorgni og stóð fram yfir kl.
15.
Þjóðviljinn rekur í dag helstu
atriðin í máli formanns í upphafi.
í upphafi fundar ákvað fund-
arstjórinn og formaður mið-
stjórnar, Steingrímur J. Sigfús-
son, að fundurinn skyldi vera lok-
aður fjölmiðlum, en taldsverður
hópur fréttamanna var mættur á
staðinn. Það olli síðan nokkurri
óánægju, að ákveðnir fundar-
menn gáfu fréttaviðtöl og komu
fram í útsendingum Ríkisút-
varpsins, m.a. í þættinum Hér og
nú eftir hádegi á laugardeginum.
Þótti sumum sem of einlitar frétt-
ir birtust af fundinum með þessu
móti og samþykkti fundurinn að
opna dymar fyrir fréttamönnum.
Breyttar aðstæður
Ólafur Ragnar Grímsson, for-
maður Alþýðubandalagsins hélt
langa framsöguræðu og rakti
stöðuna á þjóðmálavettvangi og
innan þings og rfkisstjómar.
Hann lagði mikla áherslu á
árangurinn í efnahagsmálum og
þýðingu þess að halda Sjálfstæð-
isflokknum utan ríkisstjórnar.
Hann benti á að núverandi ríkis-
stjórn er sú eina sem Alþýðu-
bandalagið hefur átt aðild að sem
líkur em á að sitji út kjörtímabil-
ið. Ólafur fjallaði um þær
breytingar sem nú eru að verða á
alþjóðavettvangi, td. þann
möguleika að Sovétríkin breytist
í laustengt efnahagsbandalag og
að hemaðarbandalögin verði
lögð niður og ný öryggiskerfi taki
við, þar sem herbækistöðvum
verður vart eða ekki ætlaður sess.
Hann upplýsti það sem ekki hef-
ur komið fram í fréttum, að með-
an á Bandaríkjaheimsókn Gor-
batsjovs Sovétforseta stóð nýlega
hafi utanríkisráðherra Banda-
ríkjanna misst það út úr sér að
etv. gætu Sovétríkin gengið í
Nato.
Samflokksmenn með mismunandi skoðanir: Ásmundur Stefánsson forseti
AS(, í ræðustóli. Frá vinstri: Ólafur Ragnar Grímsson, fjármálaráðherra og
formaður Alþýðubandalagsins, Steingrímur J. Sigfússon, landbúnaðar- og
samgönguráðherra og varaformaður AB og Páll Halldórsson, formaður BMR.
Mynd: ÓHT.
Birtingarmaðurinn Össur Skarphéðinsson ritar úrsögn sína úr Alþýðubanda-
laginu í Reykjavík um þrjúleytið á sunnudag. Hann telur stofnun kjördæmisráðs
í Reykjavík forsendu fyrir eðlilegu starfi þar. Mynd: ÓHT.
Ólafur Ragnar sagði að
heimurinn væri að breytast svo
mjög, að við stæðum nú í sporum
landnema, nú lægi fyrir að nema
allan heiminn og umskapa hann.
Þetta kallaði á ný pólitísk svör.
Vinstri flokkar víða væru að
breyta um áherslur og nöfn, til
dæmis hefðu kommúnistaflokkar
Ítalíu og Svíþjóðar ákveðið að
nema kommúnistaheitið úr nafn-
gift sinni. Nú væri að fæðast í
heiminum ný og öflug jafnaðar-
mannahreyfing. Alþýðubanda-
lagið og vinstri menn á íslandi
þyrftu að vera reiðubúnir til
nýrra umræðna, án ásakana og
ofstækis, nú blöstu við nýjar
spurningar og ný svör fengjust
við eldri spurningum.
Deilurnar
innan flokksins
Ólafur rakti að innan Alþýðu-
bandalagsins hefðu verið mis-
munandi áherslur og ágreiningur
um menn og málefni. Fjölmiðlar
hefðu hins vegar lítinn eða engan
áhuga á málefnunum, heldur á-
greiningnum, glímunni sjálfri.
Alþýðubandalagsmenn þyrftu nú
að öðlast hæfni til að ræða saman
án þess að saka hverjir aðra um
trúnaðarbrot eða svik.
Ólafur skýrði hvers vegna
hann hefði reynt að ná sambandi
við Alþýðuflokkinn í viðræðum
undanfarin tvö ár. Nú væri upp
komin sú nýja pólitíska stað-
reynd, að eftir að Alþýðuflokk-
urinn hefði í 30 ár í allri stjómlist
sinni miðað að samstarfi við
Sjálfstæðisflokkinn og ekki verið
til viðtals um annað, þá væri
komin til sögunnar ný hegðun
manna þar og nýtt traust ríkti
milli manna í A-flokkunum, sam-
starf ríkti innan verkalýðshreyf-
ingarinnar og unga fólkið hefði
lagt áherslu á að eyða tortryggn-
inni milli þessara flokka. Því
væru nú efnisleg rök fyrir því og
stjórnlistarleg nauðsyn að ná Al-
þýðuflokksfólki í annars konar
samvinnu en áður. Nú væru sögu-
leg skilyrði fyrir breiðfylkingu A-
flokkanna. Itrekaðar tilraunir til
að ná samvinnu við Kvennalist-
ann hefðu reynst árangurslausar
og innan hans ríkti nú sama
ástand og í Alþýðuflokknum ára-
tugum saman, líka hvað varðaði
samvinnuna við Sjálfstæðis-
flokkinn.
Ólafur ræddi síðan um þau mál
sem Alþýðubandalagið þyrfti að
móta skýra stefnu í, td. varðandi
öryggismál, breytingar á efna-
hagskerfi Evrópu, í umhverfis-
málum, varðveislu þjóðmenning-
ar, jafnréttismálum, í lýðræðis-
þróuninni sjálfrí, í höfuðatvinnu-
vegum eins og landbúnaði og
sjávarútvegi.
Varðandi flokksstarfið sagði
Ólafur að fólk svaraði ekki
lengur neinum spurningum með
orðum eins og jafnaðarmaður
eða sósíalisti, heldur þyrfti nýja
skilgreiningu á því hvemig flokk
það vildi. Heimurinn væri að
breytast það mikið að aðeins væri
hægt að nota söguna á takmark-
andi þátt sem safn svara. Alþýðu-
bandalagsfólk gæti notað þau
drög að nýrri stefnuskrá sem nú
hafa verið send út til flokks-
manna sem leiðarvísi í þeim efn-
um.
G og H og BHMR
Um sveitarstjómakosningarn-
ar sagði Ólafur að þótt ljóst hefði
verið fyrirfram, að þær yrðu
flokknum erfiðar vegna klofn-
ingsins í Reykjavík væri árangur-
inn viðunandi í sögulegu sam-
hengi. Sjálfstæðisflokkurinn
hefði fengið minna fylgi en áður
þegar hann nyti þess að vera í
stjórnarandstöðu. Hann sagðist
hafa talið það rétt, með tilliti til
framhaldsins innan flokksins,
þegar nokkrir miðstjórnarmenn í
Alþýðubandalaginu í Reykjavík
hefðu ákveðið að taka sæti á öðr-
um lista en G-listanum, að lýsa
hvorki stuðningi né andstöðu við
framboðin þar. Honum hafi verið
umhugað um að geta átt orðastað
við sem flesta og helst alla í
flokknum, en veruleikinn
skapaði formanni oft aðstæður til
umdeildra ákvarðana. Rætur ág-
reiningsins væru djúpar, og hann
teldi, að ef farið hefði verið að
sínum ráðum um stofnun kjör-
dæmisráðs í Reykjavík hefði þró-
unin orðið önnur. Eitt óskipt
flokksfélag í Reykjavík væri ekki
framtíðarlausn. Ánægjulegt væri
að sjá á þessum miðstjómarfundi
saman tólk sem hefði farið mis-
munandi leiðir í sveitarstjómar-
kosningunum, en sem vildi vera
saman hér.
Ólafur ræddi síðan verkefni
flokksins á næstu mánuðum, fjár-
lagagerð og aðra stjómun efna-
hagsmála til að varðveita árang-
urinn sem hefði náðst, framtíðar-
skipulag lífeyriskerfisins, sem
væri eitt stærsta mál næstu ára og
áratuga, nýjan búvörusamning
sem tryggði hag bænda og
neytenda og ástand byggðar og
umhverfis. Hann benti á að þing-
flokkur AB leggði áherslu á að
nýtt álver, ef af yrði, skyldi stað-
sett úti á landsbyggðinni, og ef af
Fljótsdalsvirkjun yrði og þeirri
jarðgangagerð sem nú biði, væri
ljóst að öll stærstu núverandi
áherslumál núverandi stjómar
væru landsbyggðarverkefni.
Um kjaradeiluna við BHMR
sagði Ólafur að samningur ríkis-
ins við bandalagið hefði skilið
eftir spurningar og viðfangsefni,
hann væri margslunginn. Ríkis-
stjórnin teldi að fara ætti eftir
þeirri grein samningsins sem
kvæði á um að leggja ágreinings-
mál undir sérstaka úrskurðar-
nefnd, eins og nú hefði verið
ákveðið. Ríkisstjórnin hefði
aldrei viljað ljá máls á því að setja
lög varðandi deiluna og vildi
heldur ekki rifta samningnum né
eyðileggja hann. ÓHT
Alyktun miðstjómar AB
Miðstjórnin samþykkir að fela forystu flokksins
að hefjast þegar handa við undirbúning næstu al-
þingiskosninga. Fjalla verður um málin í kjördæm-
isráðum og flokksfélögum jafnframt því sem foryst-
usveit flokksins vinni að undirbúningunum. Á-
kvarðanir um kosningastefnuskrá verði síðan tekn-
ar síðar á þessu ári eða í byrjun næsta árs.
Ljóst er að Alþýðubandalagið stendur frammi
fyrir miklum og erfiðum verkefnum á næstu misser-
um. Framundan eru veigamiklar ákvarðanir í
atvinnu- og efnahagsmálum þar sem flokkurinn
verður að halda til haga stefnu sinni skýrt og afdrátt-
arlaust. Hugmyndir þær sem uppi eru um nýtt stór-
iðjuver í samvinnu við útlendinga kalla á árvekni
flokksins um forræði íslendinga í öllu tilliti og ný-
byrjaðar samningaviðræður EFTA og Efnahags-
bandalagsins um evrópskt efnahagssvæði gera nýjar
og auknar kröfur til flokksins. í þeim efiíum telur
miðstjómarfundurinn brýnast að tryggja forræði ís-
lendinga andspænis fjárfestingu í atvinnulífi, í
auðlindanýtingu og í þjónustustarfsemi. Flokkurinn
telur að ekki komi til greina að opna fiskimiðin fyrir
erlendum aðilum né heldur fiskvinnsluna en bendir
jafnframt á að gildandi reglur í þessum efnum em
óljósar og þarfnast endurskoðunar.
Alþýðubandalagið hefur veigamiklu hlutverki að
gegna í utanríkismálaákvörðunum komandi mán-
aða. Leggja verður áherslu á sjálfstæði þjóðarinnai
til þess að taka ákvarðanir og til þess að hagnýta sér
þá byltingu sem orðið hefur í þróun alþjóðamála á
undanförnum mánuðum. Sú þróun staðfestir stefnu
flokksins og opnar nýja möguleika til þess að banda-
ríska herstöðin verði lögð niður jafnframt því sem
hernaðarbandalagið NATO verði lagt niður í núver-
andi mynd.
Fundurinn leggur áherslu á að bati í efna-
hagsmálum og auknar þjóðartekjur verði á næstu
misseram til að auka kaupmátt lægstu launa, auka
samneyslu og félagslega þjónustu og um leið til að
styrkja stöðu landsbyggðarinnar og draga úr
atvinnuleysi.
Fundurinn leggur áherslu á að í kosningabarátt-
unni verði flokkurinn samstæður og sterkur í mál-
flutningi og áróðri. Markmið kosningabaráttunnar
er að Alþýðubandalagið nái aftur sínum fyrra styrk
og að það geti áfram orðið úrslitaþáttur landsstjórn-
arinnar eftir næstu kosningar.
Eftir sveitarstjórnakosningarnar í vor þar sem
flokkurinn átti við verulega erfiðleika að stríða er
ljóst að það verður að kosta öllu til ef tryggja á góð
úrslit alþingiskosninganna. Með hliðsjón af því er
óhjákvæmilegt að undirbúningur alþingiskosning-
anna hefjist sem fyrst og að G-listar verði boðnir
fram í öllum kjördæmum landsins.
Ályktunin var samþykkt með þorra atkvæða gegn 2.
Vinningstölur laugardaginn
30.6. ‘90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 3 665.958,-
2.4TM 173.515,-
3. 4af 5 155
4. 3af5 4.098 340,-
Heildarvinningsupphæð þessa viku:
4.336.834,- kr.
UPPLÝSINGAR: SlMSVARI 681511 - LUKKULÍNA 991002
Þriðjudagur 3. júlí 1990 PJÓÐVILJINN - SÍÐA 7