Þjóðviljinn - 25.09.1990, Blaðsíða 2
FRETTIR
Tómas Arnason
Vfsitölur óæskilegar
Tómas Árnason seðlabanka-
stjóri segir engar ákvarðan-
ir hafa verið teknar varðandi
afnám lánskjaravísitölunnar,
en forsætisráðherra hefur
skrifað Seðlabankanum bréf
þar að lútandi. Tómas segist
þeirrar skoðunar að einhver
skerf eigi að taka í þessum efn-
um, en ekki sé hægt að afnema
lánskjaravísitöluna í einum
hvelli, enda sé það heldur ekki
hugmynd forsætisráðherra.
Það er álitamál hversu stórt
skref á að taka i afnámi lánskjara-
vísitölunnar, að sögn Tómasar.
Almennt séð teldi hann æskilegt
að engin vísitala væri í notkun.
Það væri þó mikilvægt að halda
trausti spariíjáreigenda og þeirra
sem ættu peninga, þannig að var-
hugavert væri að gera of róttækar
breytingar. Þær gætu valdið því
að peningar streymdu út úr
bankakerfinu, spamaður minnk-
aði og erfitt yrði að fjármagna rík-
issjóð og aðra aðila.
Að sögn Tómasar hefur
Seðlabankinn sent viðskiptaráðu-
neytinu greinargerð vegna bréfs
forsætisráðherra. Engar endan-
legar ákvarðanir hefðu þó verið
teknar í þessum efnum.
-hmp
Verðlag
Húsaleiga
hækkar
ekki
Engin hækkun hefur átt sér stað
á húsaleiguvísitölunni síðustu
þrjá mánuði, samkvæmt upplýs-
ingum Hrannar Helgadóttur hjá
Hagstofu Islands. Húsaleiga ætti
því ekki að hækka neitt um
næstu mánaðamót hjá þeim sem
gert hafa leigusamning bundinn
þessari vísitölu.
Hagstofa íslands reiknar húsa-
leiguvisitöluna út á þriggja mán-
aða fresti og var hún síðast reiknuð
1. júlí. Leigjendasamtökin, Neyt-
endasamtökin og Verðlagseftirlit
verkalýðsfélaganna hvetja húseig-
endur til að taka tillit til þess stöð-
ugleika sem náðst hefur í verðlags-
málum og hækka ekki húsaleigu.
„Þjóðarsáttin svo nefnda hefur
skilað ótvíræðum árangri í barátt-
unni við verðbólguna og engin
þörf á sérstökum verðhækkunum
eins og málum er háttað í dag,“
segir í tilkynningu samtakanna
þriggja. Húsaleiguvísitalan hafi
ekkert hækkað undanfama þrjá
mánuði og byggingarvísitalan að-
eins um 0,4%. En sumir leigu-
samningar miða við byggingarvísi-
tölu. -hmp
Ingiríöur ofurhugi (Elfa Gfsladóttir leikkona), nýtent. Hún var ekki aldeilis af baki dottin og hélt þmmandi ræðu um um-
ferö og umferðarmenningu yfir áhorfendum á Hagatorgi. Bak viö hana sést ( Rúnar Rúnarsson fallhlífastökkvara.
Mynd: Jim Smart.
Bætt um ferðarmenning
Varða reist við Kúagerði
| gær stökk Ingiríður ofur-
hugi í fallhlíf niður á Haga-
torg, þar sem hún lenti Ijúflega
í fylgd Rúnars Rúnarssonar
fallhlifarstökkvara. Tilefnið
var að vekja athygli á umferð-
arátaki sem áhugahópur um
bætta umferðarmenningu
stendur fyrir þessa viku.
Áhugahópurinn ætlar að reisa
vörðu við Kúagerði, sem er sá
staður þar sem umferðarslys eru
hvað tíðust. Og nú þegar aksturs-
skilyrði fara versnandi óskar hóp-
urinn eftir samstarfi við lands-
menn alla um að taka höndum
saman og bæta umferðarmenn-
inguna.
Varðan sem reist verður nk.
sunnudag, verður tveir og hálfúr
metri á hæð og verður kross á
henni til minningar um þá sem
hafa látið lífið í umferðarslysum.
Varðan er hönnuð og hlaðin af
Þorkeli Einarssyni garðyrkju-
meistara.
Aðalstöðin hefúr gengið til
liðs við áhugahópinn og þessa
viku verður áróðursherferð á
stöðinni í tengslum við söfnun,
sem ætluð er til að kosta vörðuna
og frekara átak hópsins. Einstak-
lingum og fyrirtækjum gefst kost-
ur á að kaupa steina sem kosta
5000 krónur hver. Á sunnudaginn
verður varðan svo vígð og það
verður séra Jóna Kristín Þor-
valdsdóttir sem stýrir helgistund
og biður fyrir fómarlömbum um-
ferðarslysa, aðstandendum þeirra
og vegfarendum öllum.
Takmark áhugahópsins er að
byggja vörður um landið allt til að
minna ökumenn á að akstur er
dauðans alvara. Slagorð þessa
átaks er Vertu á verði!
Þeim sem vildu taka á með
umferðarhópnum er bent á gíró-
reikning nr. 243000.
-ns.
Þióðviljinn
KrókhálslO
seldur
Gengið hefur verið frá samningi
um sölu á fasteign Þjóðviljans að
Krókhálsi 10. Hér er um að ræða
730 fermetra hæð sem átti að
verða framtíðarhúsnæði blaðs-
ins.
Að sögn Halls Páls Jónssonar,
framkvæmdastjóra Þjóðviljans,
var söluverð hússins vel viðun-
andi. Hann sagði ástæðuna fyiir
sölunni vera margþætta. í fyrsta
lagi vantaði blaðið allnokkurt fjár-
magn til þess að ljúka við húsnæð-
ið. Þá hefur ný tækni við umbrot
og setningu orðið til þess að for-
sendur fyrir því að flytja að Krók-
hálsi eru ekki lengur fyrir hendi.
,4Júsnæðið að Síðumúla 37,
sem blaðið er núna í, hentar starf-
seminni mjög vel og við vonumst
til að verða hér til frambúðar,"
sagði Hallur Páll.
-Sáf
Knattspvrna
Sævar og
Vanda best
Magnea og Steinar
efnilegust
Á uppskeruhátíð knattspyrnu-
manna, sem haldin var um helg-
ina, voru Sævar Jónsson Val og
Vanda Sigurgeirsdóttir ÍA kosin
bestu leikmenn íslandsmótsins í
sumar.
Efnilegustu leikmennimir voru
kosin þau Steinar Guðgeirsson
Fram og Magnea Guðlaugsdóttir
ÍA. Markakóngur Hörpudeildar
annað árið í röð varð Hörður
Magnússon FH sem skoraði 13
mörk.
Grétar Einarsson Víði úr Garði
var kosinn besti Ieikmaður í 2.
deild, besti sóknarleikmaðurinn og
að auki varð hann markakóngur
deildarinnar. Bróðir hans, Daníel
Einarsson, var kosinn besti vamar-
leikmaðurinn, ólafúr Pétursson
ÍBK besti markvörðurinn og einn-
ig sá efnilegasti. Þá var Guðmund-
ur Baldursson Fylki kosinn besti
miðvallarleikmaður deildarinnar.
Prúðasta lið Hörpudeildarinnar
reyndist vera Stjaman úr Garðabæ
og í öðm sæti urðu KRingar.
-grh
Stjórnmálamenn
sleipir í skák
Sveit alþingismanna sigraði á
Frægmóti Taflfélags Reykjavíkur
sem haldið var á sunnudag í húsi
TR að Faxafeni 12. Hlaut sveitin
29,5 vinninga af 36 mögulegum.
Þijár sveitir hlutu 20 vinninga,
sveit borgarstjómar, sem varð í
öðm sæti, sveit Ríkisútvarpsins í
þriðja og sveit kraflajötna í fjórða
sæti. Alls tóku tíu sveitir þátt í
mótinu.
Kynning á
björgunarsveit
Björgunarsveitin Ingólfur
verður með kynningu á starfsemi
sinni í kvöld kl. 20 að Granda-
garði 1. Allir velkomnir.
Námskeið í skyndihjálp
í dag kl. 17 hefst námskeið í
skyndihjálp á vegum Reykjavík-
urdeildar Rauða kross Islands.
Námskeiðið er haldið að Fákafeni
11, 2. hæð. Auk dagsins í dag er
kennt 27. september, 2. október
Musica Antiqua ásamt Mörtu G. Halldórsdóttur.
Musica Antiqua í Listasafni Sigurjóns
í kvöld kl. 20.30 heldur trióið Musica Antiqua tónleika í Listasafni
Sigurjóns Ólafssonar ásamt Mörtu G. Halldórsdóttur sópransöngkonu.
Flutt verða verk eftir Telemann, Bach og Handel, en þessa sömu dag-
skrá flutti Musica Antiqua á tónlistarhátíð í Finnjandi í sumar. Musica
Antiqua skipa Camilla Söderberg, Ólöf Sesselja Óskarsdóttir og Snorri
Öm Snorrason en tríóið sérhæfír sig í tónlist frá endurreisnar- og bar-
okktímabilinu. _______________
og 4. október. Námskeiðið er 16 kennslustundir. Öllum 15 ára og
eldri er heimilt að vera með.
Meðal þess sem kennt er á nám-
skeiðinu er endurlífgun. Skráning
þátttakenda er í síma 688188 á
skrifstofutíma. Leiðbeinandi er
Guðlaugur Leósson. Reykjavík-
urdeildin útvegar leiðbeinendur
til að halda námskeið fyrir skóla,
fyrirtæki og aðra sem þess óska.
Lífrænt brauð
Sú náybreytni hefúr verið tek-
in upp hjá Bakaríinu Grímsbæ að
baka brauð úr lífrænt-bíódynam-
ískt ræktuðu komi. Meðal þess
sem er á boðstólum em súrdeigs-
brauð úr nýmöluðu komi og er
ekkert ger notað í þau. Söluaðilar
þessara brauða, auk bakarísins að
Efstalandi 26, em Verslunin
Yggdrasill Kárastíg 1, Náttúm-
lækningabúðin Laugavegi 25,
Garðarsbúð Grenimel 12 og
Ferska Sauðárkróki.
Átak í reykingavörnum
Krabbameinsfélögin á Norð-
urlöndum efna í ár til sameigin-
legs átaks í reykingavömum. Þjár
norrænar vinabæjakeðjur munu
keppa sín á milli um fjölda þátt-
takenda í fjpgurra vikna reyk-
bindindi. Á íslandi og i Svíþjóð
nær átakið ekki aðeins til vina-
bæjanna heldur til alls landsins.
Um er að ræða verðlaunasam-
keppni í október 1990 og mun
hvert land um sig verðlauna
nokkra reykingamenn sem halda
út reykbindindið í fjórar vikur.
Hver þátttakandi má tilnefna
stuðningsmann sem reykir ekki.
Vinni þátttakandinn til verðlauna
fær stuðningsmaður hans líka
vinning. Sérstök verðlaun verða
auk þess dregin út fyrir stuðn-
ingsmenn og veitt óháð því hvort
reykingamennimir sem þeir
studdu hafi staðið sig eða ekki.
Skráning þátttakenda hófst i gær.
Þátttakendur eiga að vera hættir
að reykja 15. október. Dregið
verður úr innsendum þátttökutil-
kynningum 12. nóvember og
reykingamenn sem dregnir eru út
til verðlaun verða að sanna reyk-
leysi sitt með þvi að gangast und-
ir líffræðilegar prófanir. Aldurs-
takmark er 16 ára fyrir reykinga-
menn og 12 ára fyrir stuðnings-
menn.
2 SÍÐA — ÞJÓÐVILJINN Þriðjudagur 25. september 1990