Dagblaðið Vísir - DV - 22.06.1998, Blaðsíða 7

MÁNUDAGUR 22. JÚNÍ 1998
27
DV
íþróttir
Feðgarnir Rúnar Jónsson og Jón Ragnarsson óku Subaru Leagacy-bíl
sínum til sigurs í rallkeppninni á Hólamvík um helgina. Hér eru þeir á
fleygiferð í einni sérleið keppninnar. DV-mynd Guðfinnur
Feðgarnir voru
samir við sig
- unnu rallið örugglega á Hólmavík
Önnur umferð á íslandsmótinu í
rallakstri fór fram á Hólmavík um
helgina. Sumir af keppendum lentu
í vandræðum en aðrir komust
klakklaust í gegn. Þrír efstu áttu til-
tölulega einfalda keppni og vand-
ræðalausa.
Feðgarnir Rúnar Jónsson og Jón
R. Ragnarsson báru sigur úr býtum
og sýndu og sönnuðu hvað hægt er
að fá út úr þeirri bifreið sem þeir
aka. Það var oftsinnis gaman að
horfa á hvernig þeir liðu áfram. Þó
var rúðuupphitarinn eitthvað að
angra þá svo að þurrka þurfti fram-
rúðuna.
Páll Halldór Halldórsson og Jó-
hannes Jóhannesson fóru örugglega
í gegnum keppnina og höfnuðu í
öðru sæti. Þó missti Páll bifreiðina
í bjargfast grjót á Bölum og dældaði
hana aðeins. Sigurður Bragi Guö-
mundsson og Rögnvaldur Pálma-
son, sem urðuí þriðja sæti, lentu í
því fyrir mat að framdrif var að
angra þá og kom það niður á tímun-
um á Tröllatunguheiði.
Norðdekk-gengið var mun skraut-
legra. Morgunninn byrjaði á því að
Hjörleifur Hilmarsson og Ágúst
Guðmundsson sprengdu og misstu
við það mikinn tíma. Jón Bjarni
Hrólfsson og Haraldur Gíslason
lentu í vandræðum með stýrisvél
sem haldið var á sínum stað af
benslum og góðri lukku. Ekki bætti
úr skák er Haraldur sá á miðri
sérleið að vélarhlífin var ekki fest
og þurftu þeir að stansa og festa
hana áður en illt hlytist af. Þetta at-
vik hefur sennilega kostað þá fyrsta
sætið í flokknum. Jóhannes V.
Gunnarsson og Gunnar Viggósson
lentu í því að gólf bifreiðarinnar
hitnaði svo að varla var verandi í
henni eftir að blásturskerfið hafði
lamist eilítið upp undir gólf bifreið-
arinnar. -JKS
Bikarkeppnin í knattspyrnu:
KVA áfram í bikarnum
á kostnaö meistaranna
1. deildar lið KVA vann frækinn sigur, 1-0, á bikarmeisturum Keflvík-
inga i 32 liða úrslitum bikarkeppninnar á Reyðarfirði á föstudagskvöld-
ið. Mark KVA var sjáifsmark á 32. mínútu.
Fylkir sigraði ÍA-23, 1-2. Gylfi Einarsson skoraði bæði mörk Fylkis,
Sturla Guðlaugsson mark ÍA. KR sigraði KA, 1-3, með mörkum frá Guð-
mundi Benediktssyni, Andra Sigþórssyni og Sigþóri Júlíussyni. Atli Þór-
arinsson skoraði fyrir KA. Breiðablik sigraði Stjömuna-23, 0-4. Atli
Kristjánsson skoraði 2 mörk en ívar Sigurjónsson og Che Bunce 1 mark
hvor. Þróttur sigraði Val-23, 2-0, og gerðu Hreinn Hringsson og Ingvar
Ólason mörkin. Leiknir, R, tapaði fyrir Þór, 1-2. Elmar Eiríksson skoraði
2 mörk fyrir Þór. -JKS
ísland í fjóröa sætinu
íslenska landsliðiö í körfuknattleik lenti í fjórða sæti í forkeppni Evr-
ópumótsins sem lauk í Austurríki um helgina. íslenska liöið lék gegn
Kýpur í leik um þriðja sætið og tapaði naumlega, 53-51. Leikurinn var í
jafhvægi iengstum en íslenska liðiö þó með frumkvæðið allt fram á síð-
ustu mínútu. Birna Valgarðsdóttir var best íslensku leikmannanna en
hún skoraði 12 stig og var stigahæst. Segja má að reynsluleysið hafi orð-
ið liðinu að falli í þessum leik. Erla Þorsteinsdóttir skoraði 9 stig og
Anna Dís Sveinbjömsdóttir 8 stig. -JKS
Frækilegur
sigur Leifturs
- í TOTO-keppninni gegn Vorskla Poltava, 1-0
DV, Ólafsfirði:
Leiftur vann frækflegan sigur í
Toto-keppninni þegar liðið lagði þriðja
sterkasta lið Úkraínu, Vorskla
Poltava. Þessi sigur er þeim mun
merkilegri fyrir þá sök að Leiftur var
einum leikmanni færri frá 48. mín og
tveimur mönnum færri síðustu tutt-
ugu mínúturnar þar sem Peter Ogaba
var rekinn út af með sitt annað gula
spjald og markvörðurinn Jens Martin
Knudsen var rekinn út af síðar í leikn-
um.
Þetta var annar sigur Leifturs í
Toto-keppninni og sá fyrsti á heima-
velli.
Á tveggja mínútna kafla í fyrri
hálfleik, frá þeirri 23. til 25., átti liðið
þrjár hættulegar sóknir, fyrst Kári
Steinn, sem skallaði rétt fram hjá af
stuttu færi, síðan Une Arge, sem skall-
aði laust fram hjá eftir hom, og síðan
aukaspyman hans Johns Nielsens
þegar hann skoraði af 40 metra færi.
Það var glæsflegt mark. Þrem mínút-
um síðar áttu gestirnir dauðafæri þeg-
ar Vitaly Kobzav klikkaði einn á móti
Jens Martin markverði. Siðari hálf-
leikur byrjaði ekki gæfulega hjá
Leiftri þegar Peter Ogaba fékk sitt
annað gula spjald á 48. mínútu og var
vikið af velli. Það var hins vegar ekki
að sjá að annað liðið væri manni
færri. Það var ekki fyrr en Jens Mart-
in, markverði Leifturs, var sýnt rauða
spjaldið fyrir að handleika knöttinn
utan teigs að þreytu fór að merkja á
heimamönnum. Þá hallaði á liðið og
Úkraínumennirnir sóttu án afláts en
ekkert gekk hjá þeim enda var Leift-
ursvömin vel á verði. Varamarkvörð-
ur Leifturs, hinn 19 ára gamli Þorvald-
ur Þorsteinsson, var hreint út sagt frá-
bær, varði aukaspyrnu rétt utan teigs,
alveg úti við stöng og bjargaði eftir
það nokkmm sinnum, t.d. með ótrú-
legu úthlaupi á lokaminútunum.
Um tíma missti franskur dómari
leiksins, Philippe Kalt, alveg stjórn á
leiknum. Hann var alls ekki sam-
kvæmur sjálfum sér, dæmdi stundum
á brot sem hann horfði fram hjá næst.
Það hallaði verulega á Leiftur í þessu,
t.d. var brottrekstur Ogaba sérlega
ósanngjam miðað við gang leiksins og
dómgæsluna í hefld. Ef allir hefðu
fengið gul spjöld fyrir sömu brot hefðu
nokkrir Úkraínumenn fokið út af líka.
Tveir þeirra fengu spjald en það voru
dæmdar mjög margar aukaspyrnur á
vallarhelmingi þeirra og stundum
fyrir ljót brot.
Enda sagöi Páll Guðlaugsson,
þjálfari Leifturs, í lokin: Ég hef varla
upplifað aðra eins dómgæslu og er ég
þó búinn að vera í boltanum í
tuttugu ár og spilað Evrópuleiki.
Þessi dómari var á móti okkur og
öll vafaatriði féllu hinum i skaut.
Hitt er svo annað að ég hefði viljað
skora fleiri mörk. Við áttum að
setja að minnsta tvö til viðbótar.
Við verðum bara að taka seinni
leikinn líka.
-HJ
m
! U
Áhorfendur voru ekki mjög
margir á þessum leik, um það bil
þrjú hundruð. Mjög kalt var og
þetta úkraínska lið ekki þekkt
hér á landi.
Nokkrir Úkrainumenn her-
tóku sætin þar sem blaðamenn
eiga athvarf og töluðu ó sinni
tungu allan tímann, stundum
reiðir yfir mistökum sinna
manna, og var það lífsreynsla út
af fyrir sig.
Bcejarstjórn Ólafsfjarðar hélt
sérstakt hóf fyrir fulltrúa frá
borginni Poltava af því tilefni að
lið þeirra var hér í Ólafsfirði.
Boðið var upp á ótal fiskrétti en í
Úkraínu er fiskur lúxusvara.
Seinni leikurinn fer fram á
borginni Poltava laugardaginn
27. júní nk. Poltava er rúmlega
hundrað þúsund manna borg en í
Úkraínu búa rúmlega 50 milljón-
ir manna eða álíka og í Englandi.
-HJ
Blcrnd í
oka

Hringt til Rómar
ÁÐUK 00 39 6 1234567
númer fyrir val lands- svæðis- síma-
tilútlanda númer númer númer
Nú OO 39 06 1234567
númer fyrir val lands- svæðis- síma-
tilútlanda númer númer númer
Dæmi um breytingar á
símanúmerum til Italíu:
Hringt til Feneyja
ÁÐUH oo 39 41 1234567
T-----^ ^----
númer fyrir val lands- svæðis- síma-
tilútlanda númer númer númer
NÚ 00 39 041 1234567
númer fyrir val lands- svæðis- síma-
tilútlanda númer númer númer
Nú bætist núll framan
við svæðisnúmer
símanúmera á ítalíu.
Landsnúmer Ítalíu
Nánari upplýsingar um erlend síma- og
faxnúmer fást í 114 allan sólarhringinn. Listi
yfir lands- og svæðisnúmer í útlöndum er að

SIMINN
finna á bls. 8 í Símaskránni.