Dagblaðið Vísir - DV - 02.11.1998, Blaðsíða 23
MÁNUDAGUR 2. NÓVEMBER 1998
23
Fréttir
Kj ördæmaskipanin:
Tvö kjördæmi í Reykja-
vík er fráleit hugmynd
- segir Gísli, bæjarstjóri á Akranesi
DV, Akranesi:
Samkvæmt tillögum að nýrri
kjördæmaskipan er gert ráð fyrir að
Vesturland, Vestfirðir og Húna-
vatnssýslur verði eitt kjördæmi
með 8 þingmenn og 1 jöfnunarsæti.
DV hafði samband við Gisla Gísla-
son, bæjarstjóra á Akranesi, og
innti hann álits á þessum breyting-
um.
„Það er mikið gert úr nauðsyn
þess að jafna atkvæðavægi milli
landshluta og i sjálfu sér væri það
ásættanlegt ef lögð væri jafnmikil
áhersla á að jafna aðra aðstöðu. í
því sambandi má nefna flutnings-
kostnað á vörum, aðgang að fjöl-
breyttu atvinnulifi og opinberri
þjónustu, orkukostnað og fleira
mætti nefna. Meðan svo hefur ekki
verið gert er ekki sérstök ástæða til
að raska þeirri kjördæmaskipan og
þingmannafjölda kjördæma sem
verið hefur.
Skipting Reykjavíkur í tvö kjör-
dæmi er fráleit hugmynd og gefur
til kynna að færa eigi málefni ein-
stakra borgar-
hluta inn á Al-
þingi. Það verð-
ur að muna að
þingmenn eru
fulltrúar þeirra
sem þá kjósa og
það er hvorki
ástæða til að
fjölga þessum
fulltrúum
Reykjavíkur né
fækka þing-
mönnum lands-
byggðarinnar.
Ef jöfnun á almennum aðstæðum
ibúa landsbyggðar og höfuðborgar-
svæðisins verður að veruleika er
ekkert því til fyrirstöðu að íbúar á
Vesturlandi, Vestfjörðum og Húna-
vatnssýslum falli undir samá kjör-
dæmi.
Hins vegar virðist langt í að
nefndur jöfnuður komist á og þess
vegna er ekki tímabært að hreyfa
við kjördæmaskipaninni," sagði
Gísli við DV.
-DVÓ
Föndrað
á Höfn
Hjónin Ólöf Sigurðardóttir og
Bjarki Gunnarsson hafa opnað
Föndurvöruverslunina Ösp að
Norðurbraut 11 á Höfn. Á boðstól-
um verða tré- og keramikvörur
ásamt alls konar smávörum til
föndurs. Einnig verður boðið upp á
námskeið af ýmsu tagi. Nýlokið er
námskeiði í málun á tré og 'keram-
ik og voru þátttakendur 65. -JI
Bjarki og Ólöf í nýju versluninni.
DV-mynd Júlía
Uppbygging á döf-
inni hjá Hrafnistu
Nú standa yfir miklar skipulags-
breytingar á rekstri Hrafnistuheim-
ilanna í Reykjavík og Hafnarfirði.
Stefnan er að uppbygging íbúða- og
þjónustukjama við Hrafnistu í bæj-
arfélögunum tveimur komi til móts
við flestar þarfir og væntingar aldr-
aðra. Meðal forgangsverkefna er að
laga heimilin að nútímakröfum og
hefja bráðlega byggingu á nýrri 60
rýma hjúkrunarálmu við Hrafnistu
í Reykjavík. Auk þess er áætlað að
bæta við 90 nýjum hjúkrunarrým-
um á Hrafhistu í Hafnarfirði. Nú
eru þar 86 hjúkrunarrými. Jafn-
framt er stefnt að því að byggja
íbúðarblokk með um 60 leiguíbúð-
um við Hrafnistu í Hafnatfirði.
„Það er ljóst að þörfin á hjúkrun-
arrými er að aukast mjög mikið,“
segir Sveinn H. Skúlason, forstjóri
Hrafnistu, „og það er vandamál sem
þarf að leysa. Uppbyggingin byggist
náttúrlega á því að það fáist fjár-
magn til hlutanna."
Það tekur tíma að komast inn á
elliheimili og eru nú um 800 manns
á biðlista hjá Hrafnistu. „Hluti af
þeim er fólk sem er ekki tilbúið til
að fara inn. Þegar það er hins vegar
tilbúið fer það I svokallað vistunar-
mat. Þegar útkoman úr því liggur
fyrir er vitað hvort viðkomandi sé
raunverulega tilbúinn til að fara
inn.“ Um 300 manns eru búnir að
fara i vistunarmat og bíða eftir að
komast inn. Þetta þýðir að það eru
þeir elstu og veikustu sem komast
inn. Þá koma hjúkrunardeildirnar
að góðum notum. -SJ
1.-15.
nav.
af öllu
S • K• I • F *A* N
• KRINGLAN SÍMI 525 5030 •
• LAUGAVEGI 26 SÍMI 525 5040 •
• SENDUM í PÓSTKRÖFU •
Látum reynsluna r
r^k n
ARNI RAGNAR ARNASON
ólþingismaöur
KOSNINGASKRIFSTOFUR: Kópavogur Reykjanesbær
Hamraborg 20a Hatnargata 54
Simi 564-4770 Simi 421-7155
1 i i . i ——————
5TÆÐISFLOKKSINS í REYKjANESKJÖRDÆM! 14. NÓV. 1998
NETFANG: ara@althingi.is HEIMASÍÐA: http://www.althingi.is/~ara/