Dagblaðið Vísir - DV - 19.07.1999, Blaðsíða 4

22
MÁNUDAGUR 19. JÚLÍ 1999
Sport
DV
British
Open
Frakkinn Jean Van De Velde
kom verulega á óvart á opna
breska mótinu. Frakkinn hafði
fimm högga forystu fyrir siðasta
hringinn í gær en gerði sig
sekan um hreint ótrúleg mistök
á síðustu holunni. Þá þverbraut
hann nánast allar reglur sem
hægt var að brjóta og síðan náði
hann sér aldrei á strik í
bráðabananum.
Blaöamenn á mótinu vissu
vart hvaðan á þá stóð veðrið
þegar þrír keppnisdagar af
fjórum voru að baki enda De
Velde, með 5 högga forystu,
vægast sagt lítt þekktur
kylfingur. Á blaðamannafundi
eftir fyrstu þrjá dagana fór
mestur tíminn hjá De Velde i
það að kynna sig og segja frá
sínum ferli.
Segja má að óþekktir
kylfingar hafi skákað þeim eldri
og reyndari. Hver hefði til að
mynda trúað því fyrir mótið að
franskur kylfingur í 152. sæti á
heimslistanum myndi leiða svo
til allt mótið og vera mjög
nálægt því að sigra? Síðan má
minna á að sigurvegarinn, Paul
Lawrie, var enn aftar á
heimslistanum eða í 159. sæti.
Skotinn Colin Montgomerie,
launahæsti og besti kylfingur
Evrópu á síðasta ári, var nokkuð
frá því að blanda sér í
toppbaráttuna en lék þó öllu
betur en hann hefur gert á
síðustu mótum. Þess má geta að
hann fékk sér nýverið stífari
kylfur og virðist vera að venjast
þeim.
Tiger Woods var lengstum í
nokkrum vandræðum. Teighögg
hans lentu mörg utan brautar og
púttin duttu alls ekki.
Sérstaklega voru 3-5 metra
púttin léleg hjá Woods.
Sigurvegarinn á British
Open, hinn þrítugi Skoti, Paul
Lawrie, fékk tæpar 40 milljónir
króna fyrir utan heiðurinn. Þess
má geta að kylfusveinar
kylfinganna eru yfirleitt með
samning upp á 10% af
verðlaunafé viðkomandi og þvi
hefur kylfusveinn sigurvegarans
fengið tæpar 4 milljónir króna í
sinn hlut eða um milljón fyrir
daginn.
Fimm efstu kylfingarnir á
British Open unnu sér rétt til að
leika á opna bandaríska
meistaramótmu sem fram fer á
næsta ári. Þessir kylflngar þurfa
ekki að fara í undankeppni fyrir
US Masters og verður boðið á
mótið á næsta ári.
Efstu menn
Paul Lawrie 290
Jean Van De Velde . 290
Justin Leonard .. . . 290
Angel Cabrera 291
Craig Parry 291
Greg Norman 293
Davis Love III 294
David Frost 294
Tiger Woods 294
Jim Furyk 295
Scott Dunlap 295
Jesper Pamevik . . . . 295
Hal Sutton 295
Retief Goosen 295
Scott Verplank 296
Colin Montgomerie . 296
Tsuyoshi Yoneyama . 296
Lee Westwood 297
Patrik Sjöland 297
Bernhard Langer . .. 297
Frank Nobilo 297
Andrew Coltart .... 297
Costantino Rocca ... 297
Tiger Woods og Greg Norman voru meðal efstu manna en náðu ekki að
blanda sér í lokaslaginn. Reuter
Justin Leonard lék ágætt golf á lokadeginum í gær en varð að gefa eftir í
bráðabananum. Reuter
innar

Lítt þekktur skoskur kylfingur, Paul Lawrie,
tryggði sér í gærkvöld sigurinn á opna breska mótinu
í golfi, einu stærsta og elsta golfmótinu sem fram fer.
Lokadagur mótsins var skrautlegur svo ekki sé
meira sagt. Frakkinn Jean Van De Velde hafði 5
högga forskot fyrir síðasta hringinn. í byrjun missti
hann forskotið niður en undir lokin var hann talinn
öruggur með sigurinn á 18. teignum en þá hafði hann
þriggja högga forystu á næstu menn. En Frakkinn
gerði allt vitlaust sem hægt var að gera vitlaust og
bauð áhorfendum upp á klúður aldarinnar.
Hann notaði „dræver" í upphafshögg í stað járns og
missti boltann út af brautmni og lega hans var slæm.
Þar tók hann mikla áhættu og reyndi við flötina i stað
þess að leggja upp við flötina ems og sagt er. Annað
högg hans fór í áhorfendastúkuna, skaust þaðan ofan
á stem í lækjarfarvegi og þaðan á mjög slæman stað.
Loks sló De Velde í sandgryfju og endaði síðan á 7
höggum á par 4 holunni. Forystan var þar með farin
og bráðabani þriggja kylfmga staðreynd.
Auk De Velde léku þar Skotinn Paul Lawrie og
Justin Leonard frá Bandarfkjunum. Þeir léku fjórar
holur og að lokum stóð Skotinn efstrn- og vann mjög
óvæntan sigur.
Hvorki De Velde né Paul Lawrie hafa verið í
fremstu röð í golfinu undanfarin ár. Lawrie er ekki á
listanum yfir 100 bestu kylfinga Evrópu en greinilegt
að þar er snjall kylfmgur á ferð.
„Ég trúi þessu varla og þetta er það besta sem
komið hefur fyrir mig. Að vmna sigur á þessu mikla
móti er hreint ótrúlegt. Ég átti alls ekki von á því að
fá tækifæri til að berjast um sigurinn í bráðabana,"
sagði Paul Lawrie eftir að sigurinn var í höfn.
-SK
Frakkinn Jean Van De Velde stal senunni á British Open í gær. Hér er hann á lokaholunni þar sem Tiger Woods lenti oft í vandræðum utan brautar en var
hann kastaði sigrinum frá sér. Reuter þó meðal efstu manna. Reuter