Dagblaðið Vísir - DV - 19.07.1999, Blaðsíða 8
J26
MÁNUDAGUR 19. JÚLÍ 1999
Sport
DV
Blcaitd i P oka
Allar likur eru taldar á þvl að Liver-
•«pool gangi frá kaupunum á Dietmar
Hamann frá Newcastle í dag. Menn
frá Liverpool hittu Hamann og eigin-
konu hans i Mtinchen um helgina.
Talið er að Liverpool þurfi að greiða
um 900 milljónir króna fyrir Þjóðveij-
ann. Ef af þessu verður er Hamann
sjöundi útlendingurinn sem gengur í
raðir enska liðsins í sumar.
Michael Owen missir af fyrstu leikj-
um með Liverpool á tímabilinu sem
hefst þann 7. ágúst. Owen hefur ekki
náð sér að fulllu af þeim hnémeiðsl-
um sem hann varð fyrir undir lok sið-
asta timabils. Gerard Houllier, knatt-
spyrnustjóri liðsins, segir Owen vera
á réttri leið en hann þurfl lengri tíma
en haldið var.
West Ham keypti fyrir helgina Paulo
Wanchope frá Derby County fyrir
röskar 500 milljónir króna. Harry
Redknapp, knattspyrnustjóri, segir
aö þar með sé
leikmanna-
kaupum lokið
í bili. Þó gæti
Slaven Bilic
komið aftur
til baka frá
Everton en
honum fynd-
ist of mikill
peningur sett-
ur á hann.
Aston Villa hefur gert þriðja kauptil-
boðið i miðvallarleikmanninn George
Boateng hjá Coventry. John
Gregory, knattspymustjóri Aston
Villa, hefur hækkað tilboöið sem nú
hljóðar upp á 5 milljónir punda.
Coventry er talið eiga mjög erfitt með
að hafna þessu góða tilboði.
Spœnska liðió Atletico Madrid gerði
um helgina átta ára samning við einn
efnilegasta knattspyrnumann Portú-
gals um þessar mundir. Sá heitir
Hugo Leal hjá Benfica og lék hann
sinn fyrsta landsleik i fyrra. Benfica
lét hann fara vegna slæmrar fjárhags-
stöðu.
Real Madrid heldur áfram að styrkja
- sig fyrir komandi timabil sem hefst
22. ágúst. Nú er franski landsliðsmað-
urinn Florian Maurice að koma til
félagsins frá Marseille en samninga-
viðræður eru langt á veg komnar og
talað um að skrifað verði undir í vik-
unni. Kaupverðið er um 750 milljónir.
Þýskir knattspyrnudómarar komu
saman til fundar í Bonn um helgina
til undurbúnings fyrir næsta timabil.
Á fundinum kom m.a. fram að mun
strangar verður tekið á leikaraskap
leikmanna innan vitateigs þegar
reynt er að fiska vítaspymu eins og
sagt er. Dómurum var ráðlagt undir
þeim kringumstæðum að sýna hik-
laust gula spjaldið.
Jakob Jóhann Sveinsson er mikið efni en hann tvibætti íslandsmetið í 200 metra bringu á Evrópumóti unglinga í Moskvu um helgina. DV-mynd ÓÓJ
Malaga, sem leikur í efstu deild á
Spáni á næsta tímabli, keypti um
helgina tvo leikmenn frá Real Madrid.
Þetta voru sóknarmaðurinn Edgar
Patricio og markvörðurinn Pedro
Contreras. Samtals greiddi Malaga
um 500 milljónir fyrir leikmennina.
Tveir aðrir leikmenn frá Real Madrid
gengu í raðir Malaga í síðasta mán-
uði. Annar þeirra er sonur forseta
Real Madrid, Lorenzo Sanz.
Bayern Miinchen varð um helgina
þýskur deildarbikarmeistari eftir sig-
ur á Werder Bremen, 2-1, i úrslitaleik
sem fram fór í Leverkusen. Paulo
Sergio og Michael Tarnat skoruðu
fyrir Bæjara i fyrri hálfleik en Sören
Seidel mark Bremen í upphafi síðari
hálfleiks.
Tveir leikmenn úr mexikóska lands-
liðinu i knattspyrnu voru í gær
dæmdir i sex mánaða keppnisbann.
Leikmennirnir sem heita Raul Lara
og Paulo Cesar Chavez féllu á lyfja-
prófi sem þeir félagar gengu undir í
Suður-Amerikubikarnum sem lauk í
gærkvöld.
Tœlendingurinn Kiattisak Senamu-
ang dvaldi um tveggja vikna skeið við
æfingar hjá Middlesbrough. Bryan
Robson,
knattspyrnu-
stjóri, tók eft-
ir dvöl
kappans
ákvörðun um
að gera ekki
samning við
hann, sem
hefði orðið
fyrsti Tæ-
lendingurinn
til að leika í
ensku A-deildinni. Ekki er þó taliö
útilokað að hann leiki á Englandi þvi
Steve Bruce, stjóri Huddersfield, vildi
fá Tælendinginn í prufu, sem er
sagður mikill markaskorari.
- besti árangur íslensks sundfólks á Evrópumóti
Jakob Jóhann Sveinsson tvlbætti íslandsmet-
ið í 200 m bringusundi á Evrópumeistaramóti
unglinga sem fram fór í Moskvu og lauk í gær.
íslandsmetið, sem jafnframt er piltamet, setti
Jakob fyrst í undanrásum á laugardasgmorgun-
inn, synti á 2:20,44 mín og varð fjórði inn í úr-
slit.
Hann gerði síðan enn betur í úrslitasundinu
og synti þá á 2:19,27 minútum. Eldra met Jakobs
var 2:20,65 mín og sett í Liectenstein í maí síð-
astliðinn. Jakob er ekki langt frá ólympíulá-
markinu en það er 2:18,74 mínútur.
Jakob er mikið efni
Hann náði enn fremur mjög góðum árangri í
100 metra bringusundi þar sem hann komst í
undanúrslit. Jakob, sem er 17 ára gamall, er
mikið efni og verður spennandi að fylgjast með
honum í framtíðinni.
Örn Arnarson synti ekki í úrslitum 100 m
baksundsins vegna slappleika í maga. Örn var
ekki fullhvíldur fyrir mótið og því mætti ætla að
hann ætti töluvert inni fyrir mótið í Tyrklandi
um næstu helgi.
Kolbrún Ýr Kristjánsdóttir varð 17. í 200 m
baksundi á 2:25,79 mín., sem er tölvert frá henn-
ar besta.
Þuríður Eiríksdóttir synti 200 m fjórsund á
2:36,39 mín. og varð 23. Sævar Öm Sigurjónsson
synti 200 m bringusund á 2:33,19 min. og varð 25.
Langbesti árangurinn frá upphafi
í lok þriðja dags mótsins hafði íslenska sund-
liðið náð langbesta árangri sem íslenskir sund-
menn hafa náð á þessu móti.
Evrópumeistaratitill Arnars stendur þar hæst.
Örn, Jakob og Kolbrún komust öll í A-úrslit sem
er frábær árangur.
Af einstökum úrslitum þá varð Kolbrún Ýr
Kristjánsdóttir í fimmta sæti í 50 metra skrið-
sundi sem er besti árangur sem íslensk sund-
kona hefur náð á þessu móti. Tími hennar var
26,93 sekúndur sem 14/100 frá íslandsmetinu.
Mjög ánægð með sundið
„Ég var mjög ánægð með sundið en auðvitað
hefði verið meira gaman að vinna til verð-
launa,“ sagði Kolbrún Kristjánsdóttir eftir
sundið.
Þennan sama dag keppti hún fimm sinnum og
sýndi mikin styrk og vilja og er hún tvímæla-
laust í hópu sterkustu sundkvenna í sínum ald-
ursflokki í Evrópu.
Það verður fróðlegt að fylgjast með okkar
sundfólki á Evrópumóti fullorðinna sem verður
í Istanbúl í Tyrklandi um næstu helgi. Þar
munu átta íslenskir sundmenn taka þátt. Þau
eru Jakob Jóhann Sveinsson, Kolbrún Ýr Krist-
jánsdóttir, Hjalti Guðmundsson, Ríkharður Rík-
harðsson, Örn Arnarson, Eydís Konráðsdóttir,
Elín Sigurðardóttir og Lára Hrund Bjargardótt-
ir. Landsliðsfólkið æfir heima i vikunni en held-
ur síðan utan á miðvikudag.
Guðmundur Harðarson var á mótinu í Mosk-
vu sem eftirlitsmaður en hann sæti í sundnefnd
evrópska sundsambandsins. Hann verður einnig
á störfum á Evrópumótinu i Tyrklandi. Hvað
skildi hann segja um árangur unglingana í
Moskvu?
Starf félaganna farið að skila sér
„Það er ljóst að það á sér stað uppgangur í
sundíþróttinni. Vel skipulagt starf úti í félögun-
um er markvisst farið að skila sér. það eru ung-
ir og mjög efnilegir sundmenn að koma fram og
það verður gaman að sjá hvað þeir gera á næstu
árum,“ sagði Guðmundur í samtali við DV.
-JKS