Dagblaðið Vísir - DV - 20.10.1999, Blaðsíða 6
20
heimili
MIÐVIKUDAGUR 20. OKTÓBER 1999 JjV
Heimilishald á jarðskjálftasvæði:
Herbergið ætlaði út í garð
- segir Guðrún Elísa Guðmundsdóttir, íbúi í Hveragerði
„Jarðskjálftarnir eru verstir á
nóttunni og ég man eitt tilvik
þar sem ég stökk upp úr sóf-
anum eins og hermaður þegar
skjálfti byrjaði," segir Guðrún
Elísa Guðmundsdóttir, íbúi í
jarðskjálftabænum Hveragerði.
Guörún flutti fyrir 4 árum
ásamt eiginmanni og börn-
um úr Kópavoginum til Hveragerð-
is og telur lífið þar vera góða til-
breytingu þrátt fyrir smáhristing
einstaka sinnum.
„Þetta er mjög þægilegt og góð
afslöppun miðað við borgarlífið.
Jarðskjálftarnir gefa bara lifinu lit
og við erum í rauninni hætt að
kippa okkur upp við þetta núorðið.
Við erum í einangrunarhúsi sem
standast jarðskjálfta mjög vel en
það fmnst vel fyrir jarðskjálftun-
um og stundum hefur maður það á
tilfinningunni að verið sé að tuska
húsið til,“ segir Guðrún.
Guðrún minnist eins atviks þar
sem jarðskjálfti upp á 5,3 á Richter
reið yfir Hveragerði og olli tals-
verðum usla.
„Við sáum herbergið fara út í
næsta garð og til baka aftur og það
var eins og húsið beyglaðist allt,“
segir Guðrún.
Að sögn Guðrúnar hafa þau
sloppið vel
við skemmd-
ir af völdum
þeirra jarð-
skjálfta sem
skekið hafa
heimilið.
„í stærsta
skjálftanum
datt niður
gardínu-
kappi og það
fór svolítið
út úr skáp-
unum hjá
okkur en
þetta hefur
allt farið
vel,“ segir
Guðrún.
Hún seg-
ist ekki
þurfa að gera
neinar stór-
vægilegar
varúðarráð-
stafanir í
sambandi
við jarð-
skjálfta.
„Við fest-
um allar
myndir með
kenn-
Hafliði Birgir ísólfsson og Guðrún
Elísa Guðmundsdóttir ásamt börn-
um sínum; Hrönn Ingibjörgu og
Önnu Karen.
aratyggjói og setjum festingar á
hillusamstæðuna og það hefur
haldið hingað til,“ segir Guðrún.
Að sögn Guðrúnar vekja jarð-
skjálftarnir viðbrögð hjá öllum í
fjölskyldunni þó ekki fari mikið
fyrir ótta.
„Börnin hrukku við þegar
skjálfti kom að næturlagi og raf-
magnið fór og komu þá upp í til
okkar en þau eru ekki voðalega
hrædd við þetta. Heimiliskötturinn
tekur þessu verst af öllum en þeg-
ar hristingurinn byrjar þá tekur
hann kipp og frýs svo alveg,“ segir
Guðrún.
Hún segir ijölskylduna vera
hvergi bangna vegna yfirvofandi
Suðurlandsskjálfta.
„Ef hann kemur þá kemur
hann. Við erum ekkert smeyk við
þetta. Fólk talar líka um að Hver-
gerðingar muni ekki fara mjög illa
út úr honum þar sem við erum vön
jarðskjálftunum og við öllu búin,“
bætir Guðrún við.
-jtr
Guðrún Elísa Guðmundsdóttir í Hveragerði kippir sér ekki upp
við jarðskjálftana og segir þá gefa lífinu lit. DV-myndir Eva