Dagblaðið Vísir - DV - 26.05.2001, Side 43

51
LAUGARDAGUR 26. MAÍ 2001
I>V Tilvera
mdúnarmolar
Nokkur góð ráð
fyrir ferðalagið
Hafið alltaf verðmæt gögn, lyf og
afrit af lyfseðlum sem þið getið ekki
verið án í handtöskunni, þá getið
þið verið viss um að hafa þessa
hluti við höndina, jafnvel þótt ann-
ar farangur fari á flakk.
Merkið farangurinn vel með
nafni, heimilisfangi og símanúmeri
þess staðar sem halda skal til, eins
og t.d. hótelið. Svo þarf að muna að
breyta heimilisfanginu á merkimið-
unum þegar haldið er á nýjan
áfangastað.
Gangið úr skugga um hvort nauð-
synlegt er að hafa meðferðis milli-
stykki svo hægt sé að stinga hár-
þurrku eða rakvél í samband í því
landi sem dvelja á í.
Munið að:
• taka kaffivélina, tölvuna og
sjónvarpið úr sambandi.
• biðja einhvern um að taka póst-
inn og vökva blómin.
• ef þið verðið lengur en mánuð í
burtu, að biðja þá einhvern um að
sjá til þess að reikningar verði
greiddir, t.d. greiðsluþjónustu bank-
anna.
Konur og bara
konur
Japanska flugfélagið Skymark
Airlines auglýsir þessa dagana nýj-
an ferðamáta fyrir konur og býður
upp á sérstakar sætaraðir í vélum
sínum einungis ætlaðar konum.
Stjórn flugfélagsins tók þessa
ákvörðun eftir að stöðugar kvartan-
ir höfðu borist frá konum sem þótti
ágengni karlkynsferðafélaga óþol-
andi og yfirgengileg. Þá hafa
japönsk hótel tekið upp á svipaðri
þjónustu og auglýsa konuvæn hótel
og er þá ýmist allt hótelið bara fyr-
ir konur eða þá sérstök hæð er ein-
ungis ætluð konum. Þannig eiga
konur að geta verið öruggar um að
í næsta sæti í vélinni eða herbergi á
hótelinu séu einungis konur og
dónalegir karlar víðs fjarri.
Hvernig verður
veðrið í ferða-
laginu?
Það getur verið gott að vita
hvernig veðrið verður á áætlunar-
stað, það getur t.d. hjálpað til við að
ákveða hvernig fötum er best að
pakka í töskuna og hvort nauðsyn-
legt er að hafa kápuna með í vélina.
Hægt er að fá allar upplýsingar um
veðurfar og hitastig í vötnum og sjó
á heimasíðu Dansk Meteorologisk
institut, DMI.dk (verdensvejret)
sem sýnir veðrið í Evrópu næstu
fimm daga. Einnig má benda á
heimasíðuna Wunderground þar
sem hægt er skoða veðurspána í öll-
um heimsins löndum á ensku.
Nýir og ódýrari ferðamöguleikar fyrir íslendinga:
Odýr tengiflug til
helstu borga Evrópu
Flugferðir go
íeflavík
Nýir möguleikar hafa opnast fyrir íslendinga
sem vilja ferðast á eigin vegum og á lágmarks
fargjaldi. Það er breska flugfélagið Go sem býður
íslenskum ferðamönnum þennan möguleika en
þeir fljúga á hverri nóttu kl. 02.15 frá Keflavík til
Stansted London. Þaðan er hægt að komast í
tengiflug til allra helstu borga Evrópu nær dag-
lega fram til 15. september 2001.
Farseðlalaust flugfélag
Komutími til Stansted er kl. 06 að morgni og
flýgur Go tfl tuttugu og tveggja borga í Evrópu
eins og sjá má á skýringarmyndinni hér á síð-
unni allt að átta sinnum á dag og ættu allflestir
að geta komist í tengiflug tO einhverra þessara
borga samdægurs. ÞeO- sem það kjósa geta líka
staldrað við í London en Stansted er í u.þ.b. 45
mínútna fjarlægð með hraðlest frá miðbæ Lund-
úna. Farseðlar með Go eru keyptn- á heimasíðu
flugfélagsins sem er go-fly.com og fyrir þá sem
ekki nota kreditkort er hægt að kaupa farseðla
hjá Ferðaskrifstofu BSÍ og borga þá sérstakt
þjónustugjald fyrir það sem er um 2.900 krónur.
Þá er einnig mögulegt að kaupa miða í farmiða-
sölu flugvalla en það þarf að gera í síðasta lagi
klukkustund fyrir brottfór. Mælt er með því að
flugfarþegar geri ráð fyrir því i ferðaáætlun að
þijár klst. séu á mflli komuflugs og tengiflugs því
komu- og brottfarartímar eiga það tfl að breytast
og vissara að fylgjast með ferðaáætlunum á
hennasíðu Go.
Margir verömöguleikar
AOar upplýsOigar um verð er að fmna á
heimasíðu Go en boðið er upp á nokkra verð-
flokka og er t.d. ódýrasta fargjaldið (Supersaver)
Helstu flugleiðir
Frá Stansted-flugvelli í London er hægt aö fljúga til 22
borga í Evrópu nær daglega, því þarf biötími eftir
tengiflugi ekki aö vera svo ýkja langur.
frá Keflavik tii Stansted á kr. 14.750 báðar leiðO en
það dýrasta (Flexible) á kr. 39.000. Því fyrr sem
bókað er því meiri möguleikar eru á ódýrari sæt-
um en aðenis ákveðinn sætafjöldi er ódýrastur í
hverri vél. Sé ferðinni heitið tO London skiptO
máli hvort gista á eOia eða tvær nætur, hvort um
sé að ræða laugardagsnótt o.s.frv. TO að fá upplýs-
ingar um verð þarf að fara á heimasíðu Go og velja
þær borgO sem fljúga á tO eða frá og slá svo inn
hugmyndir um brottfarar- og komudaga.
Dæmi sem tekið var, miðað við upplýsingar á
heimasíðu Go þann 16. maí á flugi til Barcelona frá
Stansted 30. maí og tfl baka frá Barcelona 13. júní:
Hægt er að velja um tvo brottfarartíma frá Stan-
sted tfl Barcelona 30. maí, sá fyrri kl. 06.55 og hinn
síðari kl. 18.00 en aðeins einn brottfarartími er frá
Barcelona til Stansted 13. júní kl. 11.00. Verð báðar
leiðir var í ódýrasta verðflokknum (Supersaver)
12.500 krónur.
Sætaval við innritun
Sætanúmerum er úthlutað við innritun sem
hefst tveimur klukkustundum fyrir brottfór. Við
innritun skal farþegi hafa meðferðis vegabréf og af-
rit af ferðaáætlun. MikOvægt er að hafa í huga að
innritun lokar hálftíma fyrir brottför og þeir sem
koma seinna eru búnir að missa af vélinni. Leyfl-
legt er að ferðast með tvær ferðatöskur samtals 20
kg og eina handtösku, aflan umframfarangur þarf
að greiða sérstaklega fyrir. Enginn matur er bor-
inn fram i vélunum en drykkir, samlokur og ann-
að léttmeti er selt um borð sem og frfliafnarvam-
ingur. Séu einhverjir farþegar undir 2ja ára aldri
þarf að láta vita sérstaklega af því i símanúmer
sem gefið er upp á heimasíðu Go en frítt er fyrir
2ja ára og yngri. Einnig eru gefln upp simanúmer
sem hægt er að hringja í ef farþegar óska eftir ein-
hverri sérþjónustu. -W
Það getur borgað sig að vera örlátur á þjórfé:
Hugmyndaríkur
handklæðalistamaður
Bombay
Þaö er ótrúlega fjölbreytilegt götulífiö í Bombay á Indlandi.
Þeir sem eru vanir pakkaferðum
kannast sjálfsagt við það að ef mað-
ur vill láta gera almennilega hreint
á hótelherberginu sínu þá getur það
borgað sig að vera þokkalega örlát-
ur á þjórfé. Oftar en ekki er það tek-
ið fram í ferðabæklingum hvað sé
við hæfi að gefa mikið þjórfé í
hverju landi og í einum slíkum, sem
flallaði um Bombay á Indlandi, var
tekið fram að best væri að gefa
hreingerningarfólki á hótelher-
bergjum 20 rúpíur á dag. Og það var
einmitt á hótelherbergi í Bombay
sem við upplifðum hvernig hrein-
gerningarfólk getur látið í ljós
ánægju sína sé því gefið nógu mikið
þjórfé.
Handklæöi í skötulíki
Þannig var að fyrstu dagana í
ferðinni fórum við alveg eftir því
sem stungið var upp á í ferðabæk-
lingnum og skildum 20 rúpíur eftir
á koddanum á hverjum degi þar til
einn daginn að ekki var til neitt
smærra í buddunni en 50 rúpíur.
„Æ, skítt með það,“ sagði vinur
minn, „það verður þá vonandi þrif-
ið aðeins betur og kannski fáum við
líka hrein handklæði." Ég gat ekki
hugsað mér að fara að standa í því í
þessum brjálæðislega hita að skipta
peningum svo 50 rúpíur urðu eftir á
koddanum í það skiptið. Þegar við
komum aftur á hótelið, eftir skoðun-
arferð í ástarhofið fræga Taj Mahal,
beið okkar ótrúleg sjón. Fyrir utan
það að herbergið ilmaði allt af
hreingerningarmiðlum lá vænleg
skata á rúminu, ekki grá og slímug
beint úr sjónum, heldur var þetta
handklæði í skötulíki. Sá sem hafði
þriflð herbergið þennan dag hlaut
að hafa verið yfir sig ánægður með
þjórféð því í þakkarskyni hafði
hann haft fyrir því búa tfl skötuna
og til þess hafði hann notað tvö
nýþvegin handklæði, tvo kóka kóla
tappa og tvær túpur af sólkremi.
Forvitnin varð nískunni
yfirsterkari
Eftir þessa upplifun varð forvitn-
in niskunni yflrsterkari og við urð-
um hreinlega að vita hvort eitthvað
álíka flippað og skemmtilegt biði
okkar ef við settum aftur 50 rúpiur
á koddann. Eftir að hafa rannsakað
götulifið í Bombay í u.þ.b. tvo tíma
vorum við gjörsamlega að springa
úr forvitni og ákváðum að fara aft-
ur upp á hótel. Og viti menn, á rúm-
inu lá risaskjaldbaka. Búkurinn var
úr púða, fæturnir úr upprúlluðum
handklæðum og til þess að gera
skelina á skjaldbökunni raunveru-
legri hafði listamaðurinn fengið lán-
aðann skrautlegan klút úr klæða-
skápnum.
Sama sagan endurtók sig næsta
dag en þá var það kjúklingur sem
prýddi rúmið. Og daginn þar á eftir
hafði listamaðurinn snarað fram
Taj Mahal
Ástarhofiö margfræga er sagt vera
eitt af sjö undrum veraldar.
tveimur púðum, tveimur handklæð-
um, laki og tveimur töppum úr
vatnsflöskum stóran og mikinn
krókódfl sem teygði úr sér yfir endi-
langt rúmið.
Frábær lokasýning
Listamaðurinn virtist endalaust
geta komið með nýjar hugmyndir af
handklæðafigúrum úr dýrarikinu
og alltaf var eitthvað nýtt sem kom
á óvart á rúminu á hverjum degi.
Það var því þegar að fór að styttast
í heimförina að sú hugsun heltók
okkur að við ættum kannski aldrei
eftir að upplifa handklæðaskúlptúra
í rúminu framar því var sú ákvörð-
un tekin að tvöfalda þjórféð og voru
100 rúpíur skildar eftir á koddanum
í hinsta sinn.
Þegar við komum aftur á hótelið
síðla sama dag brá okkur heldur
betur í brún því búið var að hengja
„do not disturb" skilti á dyrnar og
þegar við opnuðum þær sáum við
að herbergið var almyrkvað. Búið
var að draga fyrir gardínurnar en
smá Ijóstýra var við rúmið og þar lá
einhver ókunnug manneskja. Okk-
ur datt strax í hug að þetta væri
hreingerningarmaðurinn sem hefði
stolist til að fá sér lúr í vinnutíman-
um. En það kom nú annað á daginn
því þarna lá stærsta listaverkið til
þessa, sofandi maður í fullri stærð í
fötum af mér, buxum og hvitri
skyrtu sem höfðu verið troðin út
með þremur púðum, einu laki og
nokkrum hændklæðum. Á andlitinu
var sá sofandi með sólgleraugu og á
maganum á honum lá Séð og heyrt
- aldeilis frábær lokasýning hjá
hugmyndaríkum handklæðalista-
manni. -W