Dagblaðið Vísir - DV - 29.05.2003, Blaðsíða 18

FIMMTUDAGUR 29. MAÍ 2003

18
DV
Verslunarstjórinn í búðlnni. „Viö teljum okkur engu að síöur geta haldlð lágu vöruverði, til dæmis með réttri framsetnlngu varanna sem tryggir mikinn veltuhraða birgöa," segir Elías Þorvarðarson
hér í viðtalinu. Magasín-mynd Slgurður Jökull
Starfsfólkið hefur aðdróttarafl
„Oft kemur fyrir að við í Nettó
j%. lendum í snörpum lotum og verð-
stríðum. Þurfum við þá að taka á
öllu okkar afli og leggjast á árar.
Þegar þeim lýkur er gaman að
finna hve stóran hóp tryggra við-
skiptavina við eigurn," segir Elías
Þorvarðarson verslunarstjóri í
Nettó í Mjódd. „Þá kemur jafnvel
fólk hingað inn á skrifstofu til
þess að klappa manni á bakið og
lýsa yfír stuðningi. Allt verslar
þetta fólk út frá hagsmunum sín-
um og því sem buddan býður. En
það sér líka hagsmuni felast í því
að haga innkaupum sínum
þannig að hér verði ekki aðeins
ein til tvær keðjur sem eiga og
ráða öllum matvörumarkaðnum á
^ íslandi."
Sterkastir á lands-
byggöinni
Á fimmta ár er liðið síðan Nettó
opnaði verslun sína í Reykjavík
og hefur hún veriö í jöfnum og
þéttum vexti æ síðan. Sama gildir
um aðrar verslanir undir þessu
nafni en þær eru í Kópavogi, á
Akranesi og á Akureyri. Aukin-
heldur starfrækir Samkaup, sem
rekur Nettó, matvöruverslanir
undir ýmsum öðrum nöfnum en
markaðsstaða fyrirtæksins er
hvað sterkust á landsbyggðinni.
* „Það er sérkenni íslenska mat-
vörumarkaðarins að lágvöru-
verðsverslanir eiga miklu stærri
hlut í kökunni hér en víðast hvar
annars staðar," sagði Elias þegar
DV-Magasín ræddi við hann nú i
vikunni. „í Danmörku, sem er
land sem við berum okkur oft
v saman við í verslunarháttum, er
' hlutfall þessara verslana á mark-
aðnum um 19% en hér í kringum
40%. Efalítið mun hlutur þessara
verslana hér halda áfram að
stækka á næstu árum og sam-
keppnin á þessum enda markað-
arins að verða meiri og grimmari.
Nú er svo komið að samkeppnin í
lágvöruverðsverslununum snýst
ekki einvörðungu orðið um verð-
lagningu, heldur er þjónustuþátt-
urinn farinn að koma þarna mjög
sterkur inn. Menn eru farnir að
gíra sig inn á samkeppni þar.“
Galdurinn á bak viö
vöruver&ib
Mjóddin er við þjóðbraut þvera
og þangað liggja leiðir til margra
af
fjölmennustu hverfunum á
Reykjavíkursvæðinu. „Svo er
Breiðholtið hér að baki okkur og
við sinnum í raun hlutverki
hverfisverslunar að hluta. En bú-
setan segir ekki allt, hingað kem-
ur fólk alls staðar að úr borginni
og víðar af landinu til þess að
versla og það finnst okkur mjög
ánægjulegur dómur,“ segir Elías.
Hann segir Nettó hafa gefið sig út
fyrir að þar geti fólk gert hag-
stæðustu heildarinnkaup til
heimilisins ..og við það teljum
við okkur geta staðið," segir
hann. Þannig býður Nettó um
5.000 vörutegundir, sem er að
sögn Eliasar, margfalt meira en
helstu keppinautar fyrirtæksins
bjóða. „Við teljum okkur engu að
síður geta haldið lágu vöruverði,
til dæmis með réttri framsetningu
varanna hér í búðinni Sem trygg-
ir mikinn veltuhraða birgða. Það
ásamt almennu aðhaldi í rekstri
er galdurinn á bak við lágt vöru-
verð.“
Samsama sig í
starfsfólkinu
Á sínum tíma vakti talsverða
athygli þegar Nettó auglýsti eftir
starfsfólki og var þá ekki síst að
leita eftir fólki sem komið væri af
léttasta skeiði. Þetta bar ágætan
árangur - og i dag vinnur i Nettó
fólk á öllum aldri, en ekki ein-
vörðungu mestanpart unglingar
eins og er í mörgum stórmörkuð-
um. „Ég fór að velta þessum
starfsmannamálum fyrir mér og
setti mig þar hreinlega í spor við-
skiptavinanna. Við erum í mörgu
tilliti hverfisverslun og hingað
kemur fólk á öllum aldri, ekki síst
þeir sem eru famir að eldast.
Þetta fólk getur þá samsamað sig
starfsfólki hér eins og líka er
raunin. Það er oft lengri biðröð að
afgreiðslukössum hjá einstaka af-
greiðslukonum, því er það alveg
ljóst að það er starfsfólkið sem
hreinlega dregur að sér viðskipta-
vinina," segir Elías.
Þroskaðra fólk
Aukinheldur segir hann að
starfsmannavelta hafi löngum
verið mikil í matvöruverslunum,
kannski meðal annars vegna þess
hve unglingar voru stór hluti
starfsmanna. Við þessu hafi sér
þótt mikivægt að bregðast. „Þeg-
ar fólk eldist er þaö hins vegar
þroskaðra og það hefur færst ró í
beinin. Fyrir vikið helst fólk leng-
ur í vinnu, kemst betur inn í hlut-
ina og fyrir vikið er framlegð þess
ekki minni en annarra. Fyrir svo
utan þetta sem ég sagði áðan þá
hefur þetta starfsfólk mikið að-
dráttarafl. Þetta má þó ekki skiija
sem svo að unga fólkið standi sig
ekki eða illa í vinnu, heldur árétt-
ar þetta mikilvægi góðrar blönd-
unar á vinnustað. Helst vildi ég
sjá aldursdreifinguna endur-
spegla aldursdreifingu viðskipta-
vina minna.“
Alltof mikil íhaldssemi
Á siðustu misserum hafa verið
miklar sviptingar á kjötmarkaði
og hafa birtingarmyndir þess ver-
ið margvíslegar. „Fyrir meira en
ári stóð maður oft í algjörri bar-
áttu við að fá nægt magn af
kjúklingakjöti inn í búðina. Síðan
snerist þetta alveg við og síðasta
árið hefur verið offramboð. Hins
vegar er trúlegt að senn komi eitt-
hvert jafnvægi á kjúklingamark-
aðinn en þá er aftur spurning
hvort hér verður í haust ekki allt
yfirfullt af lambakjöti eins og
menn þykjast sjá ýmsar vísbend-
ingar um, segir Elías og heldur
áfram: „Síöan væri líka gaman
að sjá nýjar kjöttegundir koma
hér inn á markaðinn, meiri fjöl-
breytni til í dæmis kalkúnakjöti.
Ég er sjálfur mikill áhugamaður
um matargerð og langar alveg
endilega að sjá ijölbreyttari flóru
í matargerðarlist hér á landi sem
mér finnst einkennast af alltof
mikilli ihaldssemi fólks,“ segir El-
ias.
Ánægóur í
úlfagryfjunni
Elías Þorvarðarson er verslun-
arskólamenntaður. Hann nam síð-
an ýmis viðskiptafög, bæði hér
heima og í Þýskalandi, en þar
ytra bjó hann um tveggja ára
skeið. „Áður en ég kom hingað
vann ég í tvö ár hjá Lýsi hf. Það
var mjög skemmtilegur tími og
lærdómsríkur, rétt eins og þessi
fjögur ár mín í Nettó hafa verið.
Matvörumarkaðtuinn er vissu-
lega mjög harður og enginn grið
eru gefin. Það er ekki fjarstæðu-
kennt að kalla þetta úlfagryfju, en
sjálfum fmnst mér mjög gaman að
berjast á slikum vettvangi. Og
þyki manni gaman að því sem
maöur fæst við er maður líklegur
til að ná árangri."
-sbs
Elías Þorvarðarson, verslunarstjóri í Nettó
í Mjódd, um verslunarhætti, starfsmanna-
stefnu og íhaldssemi í neysluvenjum: